كتب hanihh:
شباب أنا اليوم بلشت أدرس الدارات من أولها وخلصت أول محاضرتين
وحابب قلكم كم ملاحظة طلعت معي اليوم منو أنا براجع معلوماتي وبيضلو محفوظين على الموقع من ناحية تانية وكمان مشان تستفيدو
وإن شاء الله كل يوم بنزللكم شو طلع معي من شغلات وملاحظات مفيدة
ممكن المعلومات كلها تكون قديمة عليكم ونسيتوها
وإذا ما حدا استفاد بكون أنا المستفيد الوحيد من هالشغلة لأنو بها الطريقة عم يرسخ كل شي درستو اليوم
بسم الله
مشان اتجاهات التيارات وطريقة تحديدها
الرسمة الموجودة بالمحاضرة الأولى من محاضرات العميد كفيلة بالشرح بس عندي شوية تعليقات :
أنو نحنا منعرف أنو جهة التيار الاصطلاحية معاكسة لحركة الالكترونات يعني من الموجب للسالب
ولكن نحنا لما مناخد الكمون حيكون هادا الكمون من الكمون المنخفض للمرتفع (مشان يطلع فرق الكمون موجب)
واتجاه السهم الموجود جنب منبع الفولط من القطب السالب له للقطب الموجب له
وهيك أكيد وضح أنو جهة الكمون دائماً بعكس جهة التيار
أما إذا طلعت جهة التيار موافقة لجهة الكمون (بعد الحسابات )عندئذ لح يكون الاتجاه الحقيقي للتيار هو الاتجاه المعاكس للتيار يللي نحنا فرضناه في البداية وذلك بسبب وجود تأثير لمنابع تانية عليه ممكن تؤدي لتيار بجهة معاكسة للتيار الأولاني وبجهة معاكسة
مشان قانون KVL
الفانون ينص على أنه إذا انطلقنا في دارة مغلقة من نقطة ما وعدنا إليها فإن المجموع الجبري للكمونات يساوي الصفر ويمكن صيغة هذا القانون بلغة أخرة
فرق الكمون بين نقطتين مساو لمجموع فروقات الكمون بين هاتين النقطتين في حال سلكنا طريقاً آخر(وهذا ما نعتمد عليه في حل المسائل بشكل عام)
مشان الخطوات العملية لتطبيق نظريات الدارات:
طريقة الحلقات (طريقة مفيدة كتير وسهلة كتير)
تنص النظرية على أنه يمكننا تقسيم الدارة إلى عدد من الحلقات (بحيثتكون الحلقة الواحدة موصولة على التسلسل ) فيكون التيار المار فيها تابتاً وبالتالي يمكن تطبيق KVL على كل حلقة وينتج بالمحصلة جملة معادلات بالحل المشترك لها (بالشكل المصفوفي 
)يتنج التيار المحصل وجميع التيارات في الفروع كافة
(من المستحسن أن نختار اتجاهات الحلقات بجهة واحدة (قرأت ذلك في كتاب للدارات من عند دار شعاع))
ملاحظة هامة وحـــــــــــــــــــــــــــــــــــــلوة
أذا كانت الحلقة تحوي على منبع تيار وحيد وهذا المنبع لا يشترك مع أي حلقة أخرى في الدارة كلها عندئذ يمكننا مباشرة القول بأن التيار المار في الحلقة هو نفسة التيار الصادر من هذا المنبع
وكذلك الحال بالنسبة للفولطية
طبعاًُ الكل بيعرف أنو ضم المقاومات الوشائع متفق يعني أنو لما نضم المقاومات على التسلسل وكذلك الوشائع منجمع جمع أما من أجل المكثفات فالعكس صحيح يعني لما منضمهن على التفرع ساعتها منجمعهن جمع
داق خلقي هلأ
بكرا بكمل
يتبع.....
كتب hanihh:
السلام عليكم عدنا
أول شي تتمة لحديثكم
عنجد اليوم كانت المحاضرة حلوة وسهلة وخصوصي أنو كنت مبارح بلشت بدراسة المادة
وصلت بالحكي عند نظرية الحلقات وفي لسا كم ملاحظة حلوين مشان هالنظرية ويللي ممكن تفيد كتير وهدول الملاحظات أنا جمعتن من الأمثلة يللي طلعت معي بكتاب الدارات يللي جبتو من دار شعاع وهنن:
الملاحظة يللي ذكرتا بالرد السابق ويللي هي
أذا كانت الحلقة تحوي على منبع تيار وحيد وهذا المنبع لا يشترك مع أي حلقة أخرى في الدارة كلها عندئذ يمكننا مباشرة القول بأن التيار المار في الحلقة هو نفسة التيار الصادر من هذا المنبع
وهي باقي الملاحظات
إذا كان المشترك بين حلقتين هو منبع تيار فقط واخترنا اتجاه الحلقتين بشكل متماثل عندئذ يمكننا مباشرة كتابة أن حاصل طرح تياري الحلقتين هو تيار المولد فمثلاً
الحلقتين اسمهما 1 , 2 والمشترك بينهما هو فقط منبع التيار عندذئ يمكن الكتابة مياشرة :
I1-I2=5
وذلك في حال كانت قيمة التيار الصادر من المنبع هي 5
أما إذا اخترنا اتجاهين متعاكسين للحلقتين عندئذ يصبح مجموع التيارين هو قيمة تيار المنبع المشترك
ويستحسن كتابة قوانين كيرشوف على الدارة الخارجية (الدارة الحاوية على الحلقتين معاً بدون المنبع المشترك بينهما)حيث تدعى هذه الحلقة (الكبيرة) بالحلقة المثالية (عن جد هي شغلة رهيبة بالحل)
والمثال التالي يوضح الفكرة
شايفين أنو بالسطر الرابع بالحل قايلين أنو I33=I22+3
ومعتمدين على الحلقة المثالية يللي حكيت عنها
مشان يللي سأل عن جهة الكمون :
نحن نعلم أن منبع الفولط يرسم بوضع إشارات -,+ على قطبيه وإما برسم سهم بجوارة
في حال وجود الإشارات نختار رأس السهم ليشير على القطب الموجب للمولد وقاعدة السهم للقطب السالب وبذلك ينتج الشكل التالي
وبتطبيق كيرشوف على الدارة الحاوية على منبع الفولط السابق يمكن كتابة القانون على النحو التالي:
Vab=Va_+.....+V_b
بحيث يخرج التيار من A ويمر في الحلقة أو الدارة ويعود إلى B وتكون كل منايع الفولطية التي يدخلها التيار معاكساً للفولطية (السهم)نأخذها موجبة والعكس صحيح
يتبع......
كتب hanihh:
تتمة......
ملاحظة حـــــــــــــــــــــــــــــــــــــــــــــلوة
عندما يكون ضمن الحلقة منبع تيار وعند تطبيق KVL نحتاج لأخذ فرق الكمون بين طرفيه (على أن يكون هذا المنبع موجود في حلقات أخرى)عندئذ نبقي على الرمز V بين طرفيه (Vab )إذا كان موجوداً بين A,B
ولا نعوض بها أي قيمة (لا تيار ولاشي .....) ومن الحلقة الثانية عند تطبيق KVL أيضاً نحصل على نفس الرمز Vab وبطرح المعادلتين تختـــــــــــــــــــــــــــــــصران
والمثال الآتي يوضح هذه الناحية:
اضغط على الصورة للتكبير
أرسل من قبل 
