|
بتسمحولي بس وضح شوية أمور ضرورية لفهم هالشي... أول شي بس يفوت أي شخص على النت رح ياخد عنوان IP عن طريق مزود خدمة الانترنت. وهالعنوان إما رح يكون عنوان عالمي Public يعني هو وحيد على مستوى العالم وبهالحالة الشخص فيه يستخدمهدا العنوانضمن شبكة الانترنت. وهدا العنوان يمكن أن يكون ثابت .. يعني بكل دخول على مزود الخدمة -باستعمال ديل اب مثلاً- رح تاخد نفس العنوان وهالشي يلي بيسموه private IP وعادة بتكون هالخدمة مدفوعة أو ممكن يكون ديناميكي يعني بكل اتصال رح تاخد عنوان جديد وهدا الحال بمعظم مزودات الخدمة أو يمكن أن يكون العنوان خاص private يعني مستخدم بالشبكات الخاصة فقط وبهالحالة ما فيك تستعمله للتصفح وبالتالي لازم يكون تجهيزة عند مزود الخدمة بتعمل عملية تقابل NAT بين هدا العنوان الخاص مع عنوان عالمي خلال مدة الجلسة فقط .. يعني مثلاً خلال خلال عملية فتح صفحة انترنت وبهالحالة ممكن تلاقي أنو في الك عنوان عالمي جديد عند كل فتح صفحة جديدة. طبعا كل طريقة الها محاسنها ومساوئها ... بالنسبة للبروكسي فهو بيساوي عملية شبيهة بالـ NAT ... هلأ عملياً وقت أنا بدي افتح صفحة انترنت لازم أعمل اتصال مع السيرفر يلي عليه الموقع. بس يلي بيصير أنو أنا بعمل اتصال مع البروكسي تبعي والبروكسي هو بيفتح اتصال مع هدا الموقع. وجميع البيانات يلي أنا بطلبها بتروح عند البروكسي يلي بيطلبها هو من السيرفر. وبالتالي السيرفر ما عم يشوف غير العنوان تبع البروكسي وما فيه يشوف العنوان تبعي أبداً ومو ممكن يعرف أي معلومات عنه. وهدا الشي يلي بيسموه Proxying اذا رغب الموقع تبعي يعرف معلومات عني فهو مضطر يرجع لمزود الخدمة صاحب البروكسيات ويسأله عن الشخص يلي كان عم يتصفح الموقع باللحظة المعينة... وهالشي بيجوز مو ممكن بكثير من الحالات.... هلأ ليش أحيانا بتلاقي العنوان مختلف مع أنو هو عنوان البروكسي تبع مزود الخدمة .. والسبب أنو مزود الخدمة بيستعمل أكثر من بروكسي ورح يظهر عنوان البروكسي يلي عم تستخدمه حالياً هلأ مشان يحلوا هالمشكلة ويصير السيرفر يقدر يحدد العنوان الحقيقي للزبون يلي عم يتصل معه, صار في header جديد ببروتوكول الـ http اسمه X-Forwarded-for وهي الترويسة بيحطها البروكسي وبيحط فيها عنوان الزبون يلي عم يطلب الموقع. وموقع Geo Targeting بيستخدم هدا الهيدر ليحدد عنوان الزبون, وفي حال ما كان موجود رح ياخد عنوان الجهاز يلي فتح معه الاتصال. هلأ هي الترويسة مو اجبارية وهي تابعة للبروكسي اذا حب يضيفها أو لا. بس في سوريا كل البروكسيات بتضيف هي الترويسة لعدة أسباب. هدا الموقع بيعطي عنوان البروكسي عنوان الزبون -إن وجد-. في شغلة تانية ... ما في أي فرق بين المزودات يلي بتجبرك تحط عنوان البروكسي والمزودات يلي ما بتجبرك تحطه لأنو بتكون مستعملة شي اسمه transparent proxy وبتحول كل طلبات الويب تلقائياً وبدون ما يحس الزبون على البروكسي .. وهدا الشي يلي موجود عند مزودات سوا وآية والاولى. إذا في شي مو واضح ممكن فصل فيه أكثر.
|
أرسل من قبل 
