CSC-SY

الحمدالله وبفضل النترنت صار جهازي مأوى لكل أنواع الفيروسات جربت كتييير برامج للحماية ومضادات وfairwalls
بس بصراحة ماعم أعرف منين عم يفوتو هالفيروسات هلق أنا عم جرب برنامج اسمو treand microشو رايكم فيه؟ :

بشكل عام كل واحد بيفضل المضاد اللي بيرتاح عليه

يعني مابدي انصحك ببرنامج معين المهم انك تزلي برنامج وتحدثيه باستمرار

ونصيحة لاتستخدمي IE

بالنسبة لاستخدام الانترنت فمهم يكون عندك XP SP2 وإذا حبيتي زيادة في الأمان
لازم يكون عندك Firewall في شخص نصحني بالـ seagate personal firewall وهاد البرنامج مجاني بس أنا ماجربتوا لأنو ماعندي مشاكل لا مع الفيروسات ولا مع الـSpyware

تحديث الويندوز مهم جدا برأيي يعني إذا كل صحلو لا يقصر بس المشكله الانترنت بطيء كتير

بقول الواحد إسأل مجرب و لا تسأل حكيم ، و الحمد الله أنا كنت المجرب و الحكيم لأن عانيت كتير قبل من فيروسات الانترنت و بفضل مساعدة الزملاء بها الموقع انتهت مشكلتي لذلك نصيحة اعملي باللي نصحوني فيه :
1-إياك و إياك تشتغلي على (Internet Explorer) ممكن تستبدليه بال (Firefox) .
2-نصبي XP SP2 متل ما نصحك foaad
3-نصبي برنامج Anti و حدثيه على طول .
أما بالنسبة لمضاد الفيروسات فأنا كان جزء من مشروعي هي السنة مقارنة بين أنواع مضادات الفيروسات ، و بعد التجارب الطويلة كانت النتيجة إنو أسوأ شي (Norton) و أفضل شي (McAfee) و أما Treand) ) فكان بالمرتبة الثانية بعد ال(McAfee) لذلك فيك تعتمدي عليه ، بس ضروري تأكدي على التحديثات و إن شاء الله بتخلصي من مزارع الفيروسات

كتب imessa7:

بالنسبة لمضاد الفيروسات فأنا كان جزء من مشروعي هي السنة مقارنة بين أنواع مضادات الفيروسات ، و بعد التجارب الطويلة كانت النتيجة إنو أسوأ شي (Norton) و أفضل شي (McAfee) و أما Treand) ) فكان بالمرتبة الثانية بعد ال(McAfee) لذلك فيك تعتمدي عليه ، بس ضروري تأكدي على التحديثات و إن شاء الله بتخلصي من مزارع الفيروسات

شي ظريف لأني بستخدم Mcafee بس ممكن لو تخبرينا كيف قارنتوا بين هالبرامج ومن أي نواحي ......

يظن عملية إختبار هيك برامج عملية مو سهلة أبداً
أنا بالنسبة اللي بثق بالشركات الكبيرة متل Symantic لأنو في معون مصاري كتير يصرفوها على الأبحاث

على كل حال أنا مابستخدم AntiVirus بشكل دائم يعني عند الحاجة فقط

بس ياشباب نسيتوا الـ Firewall خاصة أنو 90% من تهديدات الانترنت هي Spyware و Adware مو Viruses يعني مو بالسهل بتنتقل عدوى الفيروس عبر الانترنت و أكيد بتعرفوا هالشي

كانت مقارنتنا بين أربع برامج (Norton , Mcafee , Pc-cillin ,Vi-robot) و اختبرنا استهلاك المعالج و كان norton بيستهلك 100% أغلب الأحيان ، و اختبرنا إمكانية هالبرامج لكشف فيروس و دودة منتشرين عنا بالكلية كتير (redlof , Wukill worm ) و كمان Trojan اسمه (FdosBeer) و فيروس أخطر الكل هو Weird) ) و طبعا كان كل التطبيق على أحهزة مخبر بالكلية (بعد ما سمحلنا العميد مشكور ) و فحصنا الكشف التلقائي و الفحص اليدوي لكل برنامج ، و برجع بعيد إنو الNorton أخد المرتبة الثالثة بعد McAfee و PC-Cillin بها الاختبار ، و على فكرة هوي البرنامج الوحيد يللي بعد التجارب بطل يشتغل و انضرب ....
يعني شغلة الشركة دعائية فقط ، و نحن بعد المشروع أطلقنا عليه صفة الغبي أو بالأحرى كل واحد غبي صرنا نقول عنه إنو متل ال norton

نسيت قول إنو هادا المختصر المختصر المفيد لأن طبعا كان الشغل فيه تفصيل أكتر من هيك خلال التجربة الوحدة

بس ماقارنتوا اي من البرامج بيقدر يتحسس بوجود فيروسات جديدة ...

طبعا بدون ماتكون هي الفيروسات موجودة بقاعدة معطياته (هي الشغلة بيسموها Intrusion detection)

ان شاء الله بتاخدوها بأمن المعلومات ....

Symantic Stupid Anti Virus

هاها .... حلوة والله

لا و الله ما جربنا هالاختبار كان حكينا عن هالطريقة نظري بحت ، حتى تجنبنا اختبارات تانية متل اختبار الفيروسات المقيمة بالذاكرة ، لأن بصراحة ما كان في مين يساعدنا بهيك شغلة لأن ما في حدا خبير عنا بمجال الفيروسات ، و نحن ما كان عنا وقت كتير للأسف لندور على طريقة أو مصدر نفهم منه

الله يعطيكن العافيه

كتب imessa7:

يعني شغلة الشركة دعائية فقط ، و نحن بعد المشروع أطلقنا عليه صفة الغبي أو بالأحرى كل واحد غبي صرنا نقول عنه إنو متل ال norton

و NAV كتير من الأحيان وقف محاولات Intrusion عندي بالجهاز.

أول شي شكرا على هالملاحظات و تاني شي أنا ماقلت إنو Norton ما نو كويس بس أضعف من غيره ، و ثالث شي أجهزة الكلية مانها قديمة كتير يعني نحن طبعا حطينا ببالنا خصائص الأجهزة و ذكرناها بالمشروع، يعني مثلا كانت سرعة المعالجات لكل الأجهزة اللي طبقنا عليها 1500 ميغا ، و آخر شي نحن قارنا تجربتنا الشخصية مع تجربة عملها الموقع (www.RelevantTechnologies.com) على ذات المنتجات بس طبعا كانت تجربتهم أوسع ، لنتأكد إذا كانت تجربتهم مجرد دعاية للمنتجات ولا لاء ، و كانت نتائجنا شبه متطابقة (مع اختلافات بسيطة)يعني في مرجع قارنا نتائجنا معه

شكرا يا جماعة أنا عملت اللي قلتولي علية ولهلق الحمدالله الوضع مستقر , بس إذا صار شي بعد كل هالعملية رح غامر وجرب البيف باف شو رأيكون

أنا برأيي mcafee 2006
لانو نزل

الموضوع صرلو 4 أشهر

رح سكر الموضوع