CSC-SY

مساء الخير:
يمكن أنا هالمرة سبقته لـ foaad لأنو هو بالعادة اللي بيفتح هيك مواضيع..(بعتذر منك سيد فؤاد)..
المهم يا جماعة .. بدي حدا يئلي شو داخل بمادة الإنكليزي 5 من الكتاب (أرقام الـunits) .. بعرف إنو في محاضارت نازلين بس هلأ مالي نزلة عالكلية لجيبون ..فأفيدونا والله يجزيكن الخير..

شكراً lool لفتحك الموضوع, فعلاً سبقتيني
أنا بدي اسأل عن كل مواد السنة الرابعة
يعني من وين لازم ندرس (محاضرات, كتاب...) وين موجودين...؟
شكراً.

هلأ يل بعرفو المواد التالية:
MultiMedia : من السلايدات يلي عطانا ياهم الدكتور (Chapter1.pdf -> Chapter10.pdf)
البرمجة التفرعية: من السلايدات يلي عطانا ياهم الدكتور (CH01.pdf-> CH07.pdf)
هندسة البرمجيات: والله في محاضرات نازلة بالمستقبل, بس على علمي مو زيادة , يعني بدك تشفلك شي حدا حضر وتصور منو
الانكليزي: ما بعرف من وين لوين, بس المشكلة أنو ما حدا بيعرف وبالمكتبة مو نازل شي لقبل اسبوع ... كمان بدك شي حدا حضر المحاضرات.
Compiler : بس المشروع, التحكيم بعد ما يخلص الفحص

شكراً إلكن بس مازلت عند سؤالي:
شو عنا بمادة الإنكليزي، وين نازلة المحاضرات (بالمدني متل السنة الماضية ولا بالشرق ولا بالمستقبل) ، وشو هي الوحدات الداخلة من الكتاب؟؟
سؤال تاني لزملائنا بقسم الشبكات: حدا حضر محاضرة نظم تشغيل 2 الأخيرة؟؟ هل حكا الدكتور فيها شي عن مادة نظم 1 ؟؟
موفقين جميعاً ..
سلام..

شكراً kobaitari
بس السلايدات وين موجودين؟

صباح الخير:
مبارح نزلت عالمستقبل جبت محاضرات الإنكليزي ..هنن 6 محاضرات + ورقة فيها حلول تمارين الكتاب ... حسب ما خبرني صاحب المكتبة في اسئلة دورات بس الصبية اللي عم تكتب المحاضرات وعدته تجيبن ولسا ما جابتن..
الوحدات (units)الداخلة معنا هي من 11 إلى 23 حسب ما بين معي من المحاضرات..
بالنسبة لسلايدات الملتي ميديا في منها مطبوعة بالشرق بس هي سلايدات السنة الماضية (في منها شي حذفه الدكتور) السلايدات الباقية كان الدكتور عم يعطيها لزميلنا مدحت الصوص هو يوزعها على بائي الطلاب..حجمن بعد الضغط 82 ميغا..بظن موجودين على شي جهاز بالقاعة العاشرة (مو اكيد)..
موفقين ياجماعة..سلام..

شكراً lool
بالمناسبة شو اسمه كتاب الانكليزي تبعنا؟
بالنسبة للبرمجة التفرعية مافي شي غير السلايدات؟ كأنو مافيهون معلومات زيادة!

السلايدات المطبوعين هن تبع هي السنة .. بالعلامة مكتوب عليهن 2007

بس انا بدي افهم شو حاذف منهن دكتورنا العظيم ، لأنو بدون شي بدهن حلم الله ليخلصو !

موفقين  

انا حضرت آخر محاضرة, حاولو الطلاب يسحبو منو معلومات عن نظم تشغيل 1, بس ما رضي يحكي شي بالمرة

بس الحلو انو رح تصير مأتمتة, و اختيار واحد بس, مو متل الفصل الأول, يمكن يكون اكتر من جواب واحد صح...

موفقين 

طب بالنسبة لهندسة البرمجيات شو الوضع؟

أنا سمعت أنو صار في محاضرة حل أسئلة دورات لمادة نظم التشغيل1 يوم الثلاثاء الماضي. في حدا بيعرف شو الأسئلة يلي حلها الدكتور أو بالأحرى في حدا سمع عن هالمحاضرة؟؟؟؟

مابعرف مين يلي طلع هالإشاعة لأنو طلعنا لعند الدكتور وقال مافي محاضرة ولا شي .. يلي عندو أسئلة يجي يسألني ..

شكراً SooS بالنسبة للمتلي ميديا ..أنا كنت مفكرتن سلايدات السنة الماضية بركي بكرة بمر بجيبهن..

بالنسبة للإنكليزي انا سمعت إنو رح تنزل أسئلة دورات مو حل أسئلة دورات.. بكرة بنزل عالمستقبل ومنعرف شو الئصة..

وشكراً Dream_Theater بيكفي إنو مأتمتة وخيار واحد صحيح ما بدنا نعرف منه أكتر من هيك..

فؤاد:كتاب الإنكليزي اسمه Infotech (يعني معقول هالسؤال.. ليش في غير هالكتاب بهالكلية..)

موفقين.. سلام

إذا لهلأ ما عندك الكتاب بدك ياني حط الـsmiley .. الكتاب عادة منجيبه من عند المكتبة تبع الكلية (مستودع الكتاب اللي أدام الباب مباشرة) .. بس هلأ يمكن ما عاد يداوم..

بكل الأحوال هو موجود عند مكتبه بالحلبوني بس نسيت اسمها .. يمكن النور ..مو أكيد..

التفرعية فعلاً مافي غير السلايدات .. المادة ما بدا أكتر من هيك والدكتور ما شدد على شي بس كان يفتح السلايدات ويشرحن ..لذلك طمن بالك بهي المادة كان العملي بالمكفى !!.

سلام..

مساء الخير..

شومشان ما طلع في أسئلة دورات بالمرة .. لا محلولة ولا غير محلولة.. صاحب المكتبة بعده عند كلامه..
بس هالمرة كان في إضافة على المحاضرات units مابعرف شو مصدرها..

حملت على ملفات السنة الرابعة أسئلة دورات (VR). على كل حال اللي عندو أسئلة دورات كمان يحملن. موفقين

في أسئلة دورات بالشرق أو بالاحرى أسئلة دورة!!

بالنسبة للإنكليزي فالunits المطلوبة من 11 حتى 23 وفي محاضراتunits إضافية 12+13موجودين بالشرق و13+14+15 موجودين بالمستقبل بالإضافة لlistining لكل الunits وعلى اساس انو الدكتور رح ينزل باقي الأوراق بس ما بعرف إذا نزلوا بس انشاالله الأسبوع الجاي بتكتمل كل الأوراق..

شكراً rooor
وأهلاً بالموقع

مرحبا
ممكن ادخل في الموضوع من غير مقدمات (فحوصات .... بدنا نلحق ...)

هاي اول مشاركة إلي بهاد المنتدى
واتمنى أنه نستفيد أكتر واكتر من بعضنا

بس كنت حابب أسال طلاب السنة الرابعة هندسة البرمجيات شو من شأن مشروع مترجمات أمتى تسليم التقارير والمناقشة
يعني بعد تأجيل اسبوع الفحوصات بتغير موعد التسليم ام يضل متل ما هو

شغله تانية بخصوص مشروع مترجمات انا خلصت checktype وبدي ابلش توليد كود وتعرفوا الوقت ضيق وفحوصات يعني ياللي بيقدر يعطيني نبذه إشلون أبلش فيه يعني شو الخطوات الاساسية ولاتقولواسليدات تبع العملي قريتن وما قدرت أبلش فيه بكون ممنون إلكن وكلنا لبعض

واخير من شأن هندسةالبرمجيات 2 قرايت المادة وحاسس حالي ما قريت شي
ولغة z من وين طلعت هي اللغة ومين صممها لحتا ابعتلوا احلى تحيه وبوسه من هاد الكيبورد العظيم والله لايعطيه إلا العافية

كاني طولت ؟؟؟؟؟ I'm so soooooory

أهلاً for you بالموقع
وأخيراً زاد شوي عدد طلاب السنة الرابعة المشتركين بالموقع
أنا كمان قريت النوطة (بالحقيقة لسا ماخلصت ) بس حاسس انو مالها علاقة بأسئلة الدورات الي شفتهون!
بالنسبة للغة Z ماحسيتها كتير معقدة. على كل حال مارح يجي عليها كتير علامات عالأغلب.
أما مين صممها فاسمه Jean-Raymond Abrial
اذا زاد معك وقت شوف الـ Manual

بالمناسبة وين صاير المدرج 4 ؟!
على حد علمي مافي عنا غير تلت مدرجات بالكلية!

كتب foaad:

بالمناسبة وين صاير المدرج 4 ؟!
على حد علمي مافي عنا غير تلت مدرجات بالكلية!

على علمي إنت ما دخلت عالكلية من السنة الأولى مو هيك؟؟؟ طبيعي ما تكون بتعرفه للمدرج..
على إيامنا كانو كل محاضرات السنة الأولى بالمدرج الرابع الواقع مقابل الكشك الأصفر تبع إتحاد الطلبة..
موفقين ياجماعة ودعولنا..
سلام..

هلأ يوم الخميس 21-6-2007 في عنا فحص نظري مترجمات ولا لأ؟!
لأنو اليوم إجاني email عم يقول:
"(for those who having compiler next Thursday)"
هلأ بغض النظر عن الخطأ القواعدي مين المقصود بالحكي.

q

فحص مترجمات نظري
على حد علمي أنه ماعند فحص نظري عنا مقابلة والعلامة من 100

وشي تاني من وين مصدر الرسالة

وكمان طمنوني كيف وضع الملتميديا معكن ..... اسئلتا صعبا (هيك سمعت)