CSC-SY

هل ترغب بمطالعة الانترنت دون أي اتصال بالشبكة؟

غوغل تصمم برنامجا يسمح لمستخدمي الشبكة الدولية الاستفادة من خدماتها دون أن يوصلوا حواسيبهم بالانترنت.

سان فرانسيسكو - قالت شركة غوغل رائدة البحث على الانترنت انها تعكف على إعداد برامج تعمل بالاتصال ودون الاتصال بشبكة الانترنت لتسمح لمستخدميها بالعمل في أماكن بعيدة عن الشبكة.. على الطائرات والقطارات وفي الاماكن التي تعاني من ضعف الاتصال بالانترنت أو حتى في أكثر الأماكن بعدا في العالم.

وستسمح هذه التكنولوجيا المسماة غوغل غيرز لمستخدمي أجهزة الكمبيوتر والهواتف وأجهزة أخرى بالتحكم في استخدام خدمات شبكة الانترنت مثل البريد الالكتروني وقوائم الانترنت أو مطالعة الاخبار سواء أكانوا على اتصال جيد بالشبكة أو على اتصال متقطع بها أو دون اتصال بشكل كامل.

وبجسرها الهوة بين خدمات الشبكة الجديدة وبرامج سطح المكتب القديمة حيث كان أي تغير في البيانات يخزن محليا على أجهزة المستخدمين، تدفع غوغل شبكة الانترنت الى مجالات أنشطة جديدة تماما وتضع تحديا أمام منافستها شركة مايكروسوفت عملاق صناعة البرمجيات في عصر سطح المكتب.

وقال جيف هوبر نائب رئيس شركة غوغل للشؤون الهندسية في مقابلة "الشبكة رائعة لكنها لا تعمل بشكل جيد جدا حين لا يتوفر لديك اتصال بها. غيرز يسد الفجوة العملية على الشبكة".

وتعتزم غوغل اتاحة تكنولوجيا غيرز مجانا كبرامج "مفتوحة المصدر" وهو ما يعني أن شركات أخرى سيكون بمقدورها استخدامها وتطويرها في منتجاتها الخاصة.
منقول

خبر حلو بس
من وين منقول؟

والله عم يشتغلوا
نحنا لهلق عم نقاتل مقاتلة مشان تظبط ال DSL عنا بالبلد!!

قسماً بالله فتلولي عقلي.
بدون اتصال!!!

شوعليه يللي بعيش بشوف

هو على كل حال
عندنا باتصال ما في انترنت فكيف بدون اتصال

يعني خبر كتير حلو , بس يا ترى لح نضل عايشيين لبين ما يزبط (و يوصل لعندنا ؟؟)

إنشالله ما تكون شي وحدة من سلبات Google علينا

و أنا رأيي أنو سلبة مشان هيك سألت عالمصدر.
لأنو شيء لا يصدق كيف يعني بدون اتصال؟!!!!!!!!

إيمتى بتصل لعنا؟؟

لا تخاف Mr_D إلا ما تصل

هي من ناحية ما بدها تصل بدها تصل
بس ايمتى الله العليم
يمكن ليصير عنا مترو بالاول مشان نستعمل الانترنيت فيه
وخود ليصير عنا مترو

لا أكيد رح تصل بس بتعرف أن تصل متأخرا ً خير من ألا تصل أبدا ً, يعني انشاء الله متل ما قال Mhd Shaker بس يجي الميترو ويلتغى الميكرو بتجي.

Guess What Is The First Bug in Ubuntu

لأ يا فتح منك الو ألو
بتصل لما العالم تنسى شو هي الانترنيت

يمكن معك حق لانو دائما ما بتصلنا الشغلة الا بعد ما تنقرض برا

أنا ما كنت بدي المصدر لأنو مصدقتك أو مو مصدقتك مو هيك القصة..
بعدين و إذا تكنولوجيا سريعة بس في شي اسمو منطق و عقل.
القصة أنو ماعم صدق الخبر كلو من أساسو..
كيف يعني بلا اتصال شو مو أخدين مادة اتصالات و الإشارات و من هالحكي.
بعدين إذا صار فينا نتصل بدون أي نوع من الاتصال صارت الاتصالات و الإشارات و العلم تبعنا زبالة.
كلنا منعرف بأنو للترميز في 0 يعبر عن حالة off
1 يعبر عن on
فقنعني أنو 0بيكافئ الواحد بقتنع أنو اتصال بدون ولا نوع من الاتصال
بعدين إذا موبايلين بلزق بعض ما منقدر نبعت من واحد للتاني غير باستخدام الاتصال يا أما بالبلوتوث يا بشي نوع من أنواع الاتصال بقا بدكون تقنعوني أنو بلا ولا أي إشارات و بلا ولا شي بدو يصير اتصال ما أسمو اتصال !!!!!

بعدين هادا علم جديد اسمو اللاتصال الاتصالاتي مثلا"!!!!!

و يلي بدو يعلق عحكيي مو المهم يكتبلي العلم و التطور بدي حكي علمي و بعدين باحتراام لآراء الغير .
أنا هادا رأيي و أنا حرة فيه.

يعني أنا اللي فهمتو أنو برنامج غيرز السحري بتنزلو و بدون أي نوع من أنواع الاتصال يعني بدون أي إرسال للإشارات و بدون ولا شي عم بيتم استقبال!!!!!
إلا إذا مو متل مو فهمانة بيكون الحكي تاني.

The Lion King
والله متلي متلك ما بعرف شو الطريقة.
بس متل مو واضح بالمقال أنو البحث فقط هو اللي دون اتصال مو كل الأنترنت

الموضوع أبسط من هيك، الشغلة بدها شوية بحث وطولة بال وما رح تغنينا عن خطوط الـDSL ولانها هالتقنية الثورية متل ما فكر البعض .
طلع برنامج Google Gears* بكل بساطة بيقوم بتخزين صفحات الوب -المحددة سلفاً من قبل المستخدم- وبيقوم بتحديثها كلما دخل المستخدم على الانترنت بالاستفادة من مزايا Ajax المتقدمة؛ لتبسيط الفكرة فينك تقول أنو البرنامج بياخد عناوين الصفحات المطلوبة وبيخزنها بقاعدة بيانات بسيطة موجودة على حاسب المستخدم وبيحدثها باستخدام نظام معين لتنظيم إصدارات الصفحات كلما بتفوت على الانترنت، بهالطريقة، بيتمكن المستخدم من مطالعة الصفحات الجديدة -اللي انضافت بآخر مرة فات فيها على الشبكة- والقديمة كمان المخزنة بقاعدة البيانات متل لو كان متصل بالانترنت.
فكرة المشروع ظريفة -يعني خرج يتبناها شي طالب بمشروعو الفصلي مثلاً- ومانها جديدة متل ما لاحظ أغلبكن، مثلاً بمتصفح IE موجودة بخدمة المزامنة Tools --> Synchronize بتحدد الصفحات اللي بتحب تتحدث دائماً حتى لو ما فتحتها مشان تشوفها لاحقاً حتى لو كنت مو متصل بالشبكة.
RSS بيقدم شي شبيه -بس مو كتير- من حيث إظهار آخر تحديثات الصفحات المحددة مثلاً أخبار، عناوين مواضيع جديدة ... - على شكل صفحات XML ممكن تحطها على موقعك أو تشوفها على سطح المكتب باستخدام شي برنامج -.
أول ما قريت الخبر إجتني الضحكة لأنو ذكرني بـمشاركة قديمة كتير ظريفة خاصة مع البهارات اللي بتتميز فيها مواقعنا العربية: "لتسمح لمستخدميها بالعمل في أماكن بعيدة عن الشبكة.. على الطائرات والقطارات وفي الاماكن التي تعاني من ضعف الاتصال بالانترنت أو حتى في أكثر الأماكن بعدا في العالم" ، "تدفع غوغل شبكة الانترنت الى مجالات أنشطة جديدة تماما ..."!

* تحميل البرنامج من هون.

Thank you Rammstein for these (new) Information
Thanks again

شايف وين عايشين نحنا يمكن بالمريخ!

شكرا" كتير Rammstein عالتوضيح.
بس حابة قول شغلة أنو نصيحة لا تصدق كل ما يقال.
و بعدين إذا بيكون بل غيتس بذات نفسو حاكي هالحكي ما كنت بصدق
لأنو في شي اسمو علم و منطق مو هيك..

كيف بدنا نحصل على البرنامج

يا شباب الموضوع صحيح مليون بالمية

انا صرلي شي شهر قاري عن الموضوع

و هاد الموقع

http://code.google.com/apis/gears/?utm_campaign=en&utm_source=en-ha-ww-google&utm_medium=ha&utm_term=google%20gears

من جوجل, فينكن تقرو كلشي عن الموضوع, من الألف الى الياء 

لاء كتير اقتنعت بهالhumor الظريفة(راجع شروط القسمة والضرب بعدد)

طيب في طريقة لإثبات أنو الواحد يساوي الصفر بس قبل في ملاحظة هي مو طريقتي هي طريقة آينشتاين :
لو سآلنا سؤال

سبعة أس تلاتة = سبعة أس X
7^3 = 7^x
فما هي قيمة X
الجواب هو تلاتة إذا في اعتراض أرجو التوضيح
معناتها إذا الأساسين متساويين فالأسين متساويين
طيب لوسئلنا سؤال
واحد أس واحد = واحد أس صفر
ok?
1^1 = 1^0
ما هيك
طيب هي الأساسين متساويين معناتا الأسين متساويين
==>
1 = 0

مع التأكيد أنو هي مو طريقتي طريقة آينشتاين بس ما حسنت أنقض هالطريقة
اللي عندو الحل يتفضل

يعني عنجد عم تحكي؟؟
هلأ بمثال واحد منطالع قاعدة !!
لما منا نحط قاعدة:
إذا الأساسين متساويين فالأسين متساويين
لازم تكون مبرهنة عالكل

شو مو آخد بصف السابع أنو لنقض قاعدة يكفي مثال يثبت العكس!!

بعدين مو مارء عليك تعريف الرفع لقوة!!!
و الله ما عم صدق أنتو عم تحكو عنجد ولا عم تمزحو
إذا عنجد بيكون مصيبة (طلاب معلوماتية!!!!!!!!)

أكيد عم تمزح مو؟؟؟
(خاصة أنو أينشتاين مستحيل يحكي هالحكي!!!!)

لاء ومو بس حسب هالقاعدة

 الصفر يساوي الواحد

كمان بيطلع كل الأرقام متساوية

1^1=1^2=1^3=..... --->1=2=3=....... !!!!!!!!