CSC-SY

لمدمني الإنترنت ممن يقضون الساعات خلف الشاشة هناك تمارين ايروبكس خفيفة تقيك من متاعب الشد العضلي الذي ينشأ عن الاستخدام الطويل للكمبيوتر الشخصي يمكن القيام بها وانت جالس أمام مكتبك، الذي لا يقتصر على مدمني تصفح الإنترنت فقط، بل حتى من يعمل بفترت متقطعة، حيث أن الاستخدام المطول والسييء للوحة المفاتيح يسبب مشكلات حقيقية في الجسم والعضلات والعمود الفقري ومفاصل اليدين، إضافة إلى عدد من إصابات الشد العضلي المتكرر وآلام عظمة الرسغ.
لذا يجب توفير وقت مستقطع من آن إلى آخر وباتباع التمارين التي نقدمها لك اليوم وأنت أمام مكتبك، يمكنك تفادي حدوث تلف خطير في العضلات والأوتار خلال الأيام الطوال التي تقضيها أمام الكمبيوتر، ومن أبرز تلك التمارين هي على النحو التالي:

تمرين للكتفين:

حافظ على مستوى كتفيك الطبيعي ثم التفت بأذنك اليسرى في اتجاه كتفك الأيسر ثم بالإذن في اتجاه الكتف الأيمن، قم بأداء التمرين ورأسك مائل إلى الخلف ثم وهو مائل إلى الأمام.

تمرين للظهر:

اعقد يديك خلف رأسك على أن تكون راحتا اليدين بمواجهة السقف ثم مدد عمودك الفقري إلى أعلى بقدر استطاعتك.

تمرين للعنق:

ضع أصابعك على ذقنك ثم اضغط عليها بلطف إلى الخلف والى الأعلى، ثم حرك أصابعك ومدد عنقك إلى الأمام.

تمرين للذراعين والرسغين:

اعقد يديك خلف ظهرك ثم ارفعهما إلى أعلى بعيداً عن جسمك مع تقوس الظهر إلى الأمام.
__________________

المصدر:جريدة الرياض.

شكرا كتير BEN ADAM على هالنصائح ,و فعلا ضروري نطبق هي شي .

لا تحكيلي على آلام الضهر ابدا، مافي حدا معاني من هالشي متلي و نصيحة مالازم يضل الواحد قاعد اكتر من 40 دقيقة متواصلة، لازم يتحرك من الكرسي لو راح شرب كاسة مي ورجع.. أنا عم عاني كتير من وجع ضهري و ما خليت دكتور و ما تعالجت عندو و كلو بيقول من القعدة الطويلة
شكرا كتير على هالتمارين الخفيفة... تعا اسمع الطقطقة يلي طلعت.. دليل قديش اجسامنا صايرة خشبة..

كما يجب النظر إلى الأفق بين الحين و الحين

أكيد ضروري نطبق هالشي بس بظن أنو هي التمارين ما بتكفي يعني لازم الواحد يركض يتحرك يتمرن ...يلعب طابة...كاونتر؟؟ المهم يتحرك كل جسمو وهلأ جايين عالصيف يعني السباحة لح تشتغل

انا وآلام الضهر مو صحاب وخاصة لما ساوي وظيفة البرمجة

كلشي إلا ألام الضهر ... يلي بيعرف بيعرف ويلي ما بيعرف بيقول كمشة حمص .... صرلي شهرين عم أتعالج وما كان حدى يفهم فيني و بالأخير  وصفولي نومة الأرض أما شو نومة بتشهي  بتخليك ما تنام و أنت عم تتقلب من جنب لجنب و الصبح لا تسألني وين إيدك أو رجلك لأنو بتفيق و أنت عم تشعر بشعور الخشب يعني بتتحول لقطعة خشب متنقلة

يمكن من ورا وظايف الخوارزميات يعني برأي لازم يدفعو السبب (من دون ذكر أسماء) أجرة عمليات للضهر و مساجات لكل الطلاب مو مشان شي بس مشان نحسن نكمل شغل بالوظايف

شكرا على المعلومات, فعلا لازمنا هيك شي.

بتوقع انو الغرب ما بدهم يانا نتحرك ابدا يعني كلها سنة او تنتين بيخترعولنا الرياضة عالانترنيت وما بيبقى علينا غير نتفرج عليها والدليل موجود مثلا الفيفا بتعلمنا لعب الطابة مع المحترفين والكاونتر ماشاء الله عليها بتاخدنا لاي مكان بالعالم لنحارب فيه .................بقى شكرا للاخ ben adem على التمرينات لانو نحن بحاجة ليهانمشي حالنا فيها ونحنا عم نستنى الاجانب ليخترعولنا الرياضة على الانترنيت

شكرا كتير على المعلومات المفيدة تعا شوف عنا بالمكتب شو صاير
ناس حاطة (الشناقة) تبع الرقبة مشان انقراص الفقرات وحدا لابس مشد ضهر مشان وجع الضهر و اللي ,, واللي ,,, الحل الوحيد هو الرياضة فعلا وكمان المشي رياضة كتير منيحه خصوصا لوجع الضهر