CSC-SY

أنا مع الأمثلة التفاعلية...ثم الأمثلة التفاعلية...ثم الأمثلة التفاعلية...

ثم نصل إلى مرحلة بنكون قادرين فيها على التعلم الذاتي

الأمثلة التفاعلية هي أحسن طريقة للفهم والاستيعاب على كل المجالات ( على الأقل في المعلوماتية ) .. متل البرمجة والرياضيات والفيزياء ...

الطريقة التفاعلية مع الأمثلة هي افضل طريقة بنظري

التعلم الذاتي هو الأفضل ، و التلقين و كتابة المحاضرات (كما في الجامعة) هو الأسوأ.

نسيت قلك mpcabd إني لطشت الفكرة منك طبعاً مو تماماً يعني حطيتلها شوية بهارات وظبطت المضمون وغيرت صيغة السؤال شوي.

طبعاً بعد دراسة خمس سنين إلي بهالكلية لاقيت أفضل طريقة بالنسبة إلي هي الطريقة التفاعلية.

ممممممممممممممم
والله شي بحير بس بالنسبة لالي بختار الطريقة التفاعلية

والله الطريقة التفاعلية أفضل شي مع إني بحب التعلم الذاتي ولكنها طريقة صعبة وطويلة وتحتاج إلى إرادة قوية .

ما في ولا طريقة شغالة بهل الكلية
كلو بالهوى سوا

أنا بنأي آخر تلاتة...
يعني من المفيد كتير أنو الواحد ياخد فكرة عامة عن الشي يلي بدو يدرسو ويعرف بشو بدو يستخدو
وبعدين يتعمق بدراستو بالأمثة التفاعلية
وهاد الحكي بيختلف من مادة لأخرى

كتر خيرك يا raafat والله أول شي فكرت أنو هاد التصويت تبعي بعد التعديل بس ما كانت هي أفكاري, أنا بصراحة مع التعلم الذاتي.

شو هي الطريقة التفاعلية
؟

صحي شو هي الطريقة التفاعلية؟؟؟؟؟؟؟؟؟

البصم

برأيي المتواضع انو الخيار الأخير هو الأفضل لأنو مو كل المواد نفس الشي
كمان لازم نراعي طبيعة المتعلم (المتلقي) يعني بجوز انا يكون عندي قدرة ع التعلم الذاتي بس غيري ما عندو هي القدرة اذا أصبح موضوع الطريقة الأفضل للتعليم أمر نسبي بيختلف من شخص لآخر .

الطريقة الشغالة عنا بالكلية هي التعليم الذاتي
واكبر مثال هو مشروع خوارزميات 1
كان لازم نعمل Simulation بكل Graphic
اكيد ماستخدمنا هلي اخدناه ( الا هلي انجبر بضيق الوقت)

الطريقة التفاعلية هي انو عند اعطاء الدرس بيكون للطالب الحرية بالتفاعل عند الاعطاء .. يعني مثال عن هل الحكي :
Virtual World العالم الافتراضي .. وهو نظرية تم تطبيقه فعلا ولكن لم ينتشر بعد, واساسه انو الطالب مثلا لو انو عم ياخد درس جغرافية ,بيقدر انو يدخل لطبقات الارض ويشوفها بشكل 3D وبيصير الدرس مو نظري ابدا,بل بيصير عملي بشكل بحت..هاد الحكي مو كافي طبعا عن وصفه بس اذا حدا حابب يعرف عنو اكتر ,فيبحث ضمن Google (تعليم ذاتي )
اتخيلوا لو بيتم تطبيق هيك اساس تعليم على شكل واسع!!

برأيي حسب المادة التعليمية

الأمثلة التفاعلية هي طريقة مناسبة في البداية بس ما بنستغني عن التعلم الذاتي لأنو الأمثلة ما بتكفي لحالها

صوتت للأمثلة و الطريقة التفاعلية .
أما التعليم الذاتي فهوي أنفع برأيي مشان الواحد يكسب معرفة و معلومات عامة ، مو تعليم ..بس إذا تسكرت بوجه الواحد ، فبيكون الأحسن بين الطرق التانية .
كمان بلاقيه صعب و لهيك هي السنة بس لحتى اقتنعت فيه و اضطريت إشتغل فيه

أكيد الأمثلة التفاعلية ...
لأنو الباقي كتير صعب ومعت ..

نسيتو تحطو الطريقة الإرهابية (طريقة الدكتور عمار خير بيك
والدكتور يلي كان يعطي دارات كهربائية السنة الماضية)

بس أنا برأيي حسب المادة...........

الطريقة التفاعلية ممتازة لنوع محدد من المواد اللي بتكون عبارة عن سرد لمعلومات معينة "تاريخ، فلك، طب ..."، ما بتوقع إنها طريقة فعالة نهائياً للمواد اللي بتتطلب تحليل واستنتاج وبحث متل قسم كبير من المواد الرياضية.
بتوقع أنو لازم يتحول دور المدرس لموجه بدل ملقن، يعني بيعطي الأفكار الأساسية من البحث أول السنة وبيمشي على النقاط المطلوبة بشكل مفصل بحيث أنو يترك مجال للبحث الذاتي والتغذية الراجعة من الطلاب "وهيدا شي للأسف معدوم عنا" ويركز على الهدف من الكورس (ليش عم ناخد هالحكي؟!) وتطبيقاتو وارتباطاتو مع الكورسات التانية وشو هي المراجع والنقاط اللي ممكن نتوسع فيها، بحيث يتحول قسم منيح من وقت المحاضرة لمناقشة وتبادل أفكار بين الطلاب والبروفسور، وطبعاً أكيد ما بيضر أنو يستخدم وسائل تفاعلية لشرح بعض النقاط (بس بشكل ما بيغني بالتأكيد عن استخدام الطبشورة ).
بالنسبة لإلي صوتت على الخيار التالت "عن طريق عرض تقديمي (أفكار عامة ثم البحث الذاتي)" وبتوقع أنو كتير ملائم لمنهاج كليتنا بالتحديد لأنو أغلبية مواضيعها مفتوحة للبحث والمناقشة والأفكار الجديدة.

طيب هادا منظور الطلاب
لو كنتو انتو الدكتور المحاضر ..شو بتقولوا ؟!

التلقين طبعا .. أريح للراس والقلب ..

انا برايي حسب المادة لانو كل مادة تختلف عن غيرها

أنا برأيي التكرار لأنو التكرار بيعلم الشطار

الطريقة التفاعلية مع الأمثلة
هي الأنجع و الأقوى , حيث أن الإنسان منذ وجوده يعتمدها دون شعور
كلنا يعرف حادثة هابيل و قابيل و تعلمه من الغراب و ....
على كل التعلم الذاتي يمكن أن يوصل للنتيجة نفسها و لكن بشكل أبطىء
أما البصم يا شطار فيمكن لساه موجود بافريقيا و بالدول العربية و بعض الدول اللاتينيةو بالتاكيد ما حيفيد معلوماتيين متلكم ابدا
ممكن يفيد جماعة الحقوق أو ... أي كلية تحتاج للحفظ أما المعلوماتي فلا
سلام--------------------------