CSC-SY

حبيت حط هل الموضوع مشان يتسنى لشباب المنتدى يتعرفوا لى بعض اكتر
يعني مثلا كل واحد بيحكيلنا عن شو بيحب
بيلعب رياضة..
بعض الامور الشخصية ( مو كلها طبعا)

يعني مثلا انا بحب برمجة الالعاب و ال 3D Graphics
بلعب تليكوندوا (ديروا بالكم معي حزام ابيض )
بحب المشاريع الجماعية ..
بحب خدمة الشباب الطيبة

أهلا فيك M-Ray-Y
أنا عن جد تعجبت كتير لما قرأت الأمور اللي بتحبها أنت يعني نفسها نفسها اللي أنا بحبها يعني أنا بحب
الـ 3D Max ولسا بكير عليي على برمجة الألعاب
وبلعب تايكوندو
ومتلك كمان بحب المشاريع الجماعية
وبحب خدمة الشباب الطيبة كمان بس المشكلة ما عم أحسن وفيلهم فضلهم عليي يعني فضلهم سابق
وبحب ألعاب الكمبيوتر الاستراتيجية والفيفا
وطبعا كرة القدم والشطرنج (بس اكتشفت أنو ناقصني كتير بالشطرنج بعد ما أكلت كم خسارة من رفيقي (كرم) هاد واحد تاني (يعني أكيد مو أنا) )

ولا على بالك عمي Karam مشان الشطرنج
اذا عندك معسكر فانت لازم تصير محترف بعده

أنا بحب أول شي وبشكل كبير جدا ً الرياضيات بجميع فروعها, بحب البرمجة كتير كتير وبحب الفيزياء والعلوم (بس مو تبع الباكالوريا) وكل شي بدو تفكير وتشغيل مخ, بلعب كرة سلة, وبحب الموسيقى كتير وبحب العزف, وبحب القراءة كتير وخصوصي باللغة الإنكليزية, وبحبكم كلكم.

My mobile was stolen, if you gave me your number after 1/4/2008 send it to me again

بالدرجة الأولى بحب الرياضيات وعلم الفلك كتيييييييير،وكمان البرمجة بنفس الدرجة ،بالدرجة الثانية بحب الفيزياء،وبحب الدراسة بشكل عام.
وبحب الانترنيت لدرجة الإدمان
بحب الرياضة بشكل عام والسباحة بشكل خاص...
وكمان بحب مساعدة الناس حسب استطاعتي

الطبخ أحلى هواية و  مو انخلقت بس للبنات

وفي كمان السباحة و الفلسفة..

بحب من الرياضة كرة السلة كتييييير والسباحة اكتر واكترين وبحب اتفرج على كاس العالم وخصوصي بالجمعات والعياط على ابو موزي
بحب الكمبيوتر وخصوصي 3D Graphics لحد لادمان وبشوف الصور يالي مصممي عليهن حتى بالمنان
كتير بحب اتعلم لغات مختلفي ونشالله هي الصفية على انكليش وفغونسي

أول شي مسا الخير وبشكر كتير عمو M-Ray-Y على موضوعه اللذيذ ..

المهم ..

أنا بحب من الرياضات كرة السلة ... كنت بلعبها من صف السابع .. ولعبت فترة بنادي الوحدة وانتسبت لفريق الناشئين بس الدراسة اللعينة اضطرطني لتركها ...

في مجال الكمبيوتر بحب التصميم .. ( ثنائي - ثلاثي الأبعاد ) لأنو فيها نوع من الإبداع والموهبة يللي مو الكل بيمتلكوها .. وإلي مراق بالـ Hardware واشتغلت فترة بمحل أجهزة وصيانة واستفدت كتير ..

بحب المشاريع التطوعية .. والسنة الماضية اتطوعت ( للأسف ) للعمل في المفاضلة الإلكترونية بكلية الهندسة المعلوماتية ..

بحب الموسيقى وخاصة الأجنبية ( العربي وجع راس وطرق بلا طعمة ) وعندي تشكيلة حلوة من الأغاني ( 3000 أغنية مشكلة ) ويللي بينمي هوايتي هو جارنا محل الأغاني يللي كل ما ينزل شي جديد عالسوق بدق عليي الباب ..

فكرت اشتغل بالمكسات بعدين لقيتها ضياعة وقت وتفاهة ... حاجة ..

ياعيني عليك mrabooode , لازم تدوقنا اكلاتك

لازم نفعل المشاركة بين بعض

أول شي، انو ما بتطلع معكون المواضيع غير وقت الفحص؟؟؟؟
أنا بحب القطط كتير و اذا بصحلي لم قطط الحارة و حممون و طعميون ما بقصر..
بحب الطبخ بكل انواعو و خصوصي وقت يكون عندي دراسة فجأة بنط بعمل شي قالب كاتو..
بحب الانترنت كتير و بتمنى اتوسع بالـ hardware اكتر و افهم أكتر، بحب البرمجة خصوصي اذا نفذ البرنامج ، و بحب الرياضيات و بحب اتعلم اللغات بكل أنواعا..
بالنسبة للرياضة، أنا مشجعة درجة أولى لريال مدريد وكنت من كم سنة ما اترك مباراة الا و اتفرج عليها من champions league لـ uefa cup لدروي اسباني .. بس عالدراسة و السفر ما عدت تابعت شي بس السنة الماضية كنت مثابرة على كأس العالم وما تركت مباراة تعتب علي..
والرياضة يلي انا بمارسها هي المشي و الركض اوقات و السباحة ..
و بالنسبة للموسيقى بسمع كلشي و (كنت) اسمع كلشي اجنبي اما هلأ جايتني نوبة راديو و صرت حافظة كل الأغاني عالراديو و حتى الدعايات..
و أكيد بحب المسلسلات الأجنبية كتير "أكتر من الأفلام" .. و بس.. حاجة

مرحبا عالجميع...
أنا من الرياضة بحب السباحة أكتر شي
وبحب لعب الشدة(+أركيلة) وبعشق السيارين مع الرفقات
كمبيوتريا:بحب التصميم 2d,3d بس بحب 3d أكتر لكن للأسف خبرتي قليلة شوي وانشالله بدي اشتغل على حالي أكتر بهالموضوع
بحب الهاردوير وخبرتي ماشي حالها
بحب مساعدة رفقاتي لأنو أولا واجب عليي ثانيا بفرح كتير وقت بحس حالي ساعدت صديق
بالأخير بشكر M-RAY-Y على هاالموضوع الحلو وبتمنى نتعرف عالكل
face to face

و الله ما بظن في طالب بالمعلوماتية عندو متل اهتماماتي .
أنا بحب سواقة السيارات كتيييييييييير و مو مخلي نوع إلا مو سايقو
قديم و جديد و بدوليب و بلا دوليب ...
و كتير مرات منعمل شوارع الشام حلبة سباق يعني دوري
طبعا برات البلد و عالأتسترادات لأنو يلي بيعملا بقلب البلد ما بضملو أنو ما ينقلب السباق لمطاردة من قبل شي شرطي ابن حلال (بصراحة صارت معي مرة بس مضت ب 100 ليرة )
أما الكمبيوتر فروح قلبي فكفكو و شوفو مفكفك قطعة قطعة و ياما منضربة قطع بين إدي بس ماشي الحال في سبيل العلم ...
و الحيوانات مدري ليش بتشدني و بحس أنها كتير مظلومة عنا بالبلد
يعني بتلاقي 3/4 من القطاط بلا دنب و بحاول إذا شفت شي قطة ضايعة لاقي شي حدا يا خدا لأنو إذا أخدتا أنا بنام أنا و ياها برات البيت
و i_ReEm بتشهد على هالشي لأنو مرا حاكيتا مشان تاخد أحد القطط
...
بحكيلكون قصتا بعدين ....

كتب i_ReEm:

أول شي، انو ما بتطلع معكون المواضيع غير وقت الفحص؟؟؟؟
أنا بحب القطط كتير و اذا بصحلي لم قطط الحارة و حممون و طعميون ما بقصر..
بحب الطبخ بكل انواعو و خصوصي وقت يكون عندي دراسة فجأة بنط بعمل شي قالب كاتو..
بحب الانترنت كتير و بتمنى اتوسع بالـ hardware اكتر و افهم أكتر، بحب البرمجة خصوصي اذا نفذ البرنامج ، و بحب الرياضيات و بحب اتعلم اللغات بكل أنواعا..
بالنسبة للرياضة، أنا مشجعة درجة أولى لريال مدريد وكنت من كم سنة ما اترك مباراة الا و اتفرج عليها من champions league لـ uefa cup لدروي اسباني .. بس عالدراسة و السفر ما عدت تابعت شي بس السنة الماضية كنت مثابرة على كأس العالم وما تركت مباراة تعتب علي..
والرياضة يلي انا بمارسها هي المشي و الركض اوقات و السباحة ..
و بالنسبة للموسيقى بسمع كلشي و (كنت) اسمع كلشي اجنبي اما هلأ جايتني نوبة راديو و صرت حافظة كل الأغاني عالراديو و حتى الدعايات..
و أكيد بحب المسلسلات الأجنبية كتير "أكتر من الأفلام" .. و بس.. حاجة

واووووووووووووو
بس معليش تكتبي شو ماااا بتحبي

لكان تكرم عيونك رح ورجيك همتي بالفلسفة بالمعسكر من كل بد .

انا بحب الرياضة كتير وخصوصا القدم والسلة وبشجع الريال للعضم
يمكن بحب الرياضيات والفيزيا ما بعرف يمكن
وكمان بحب اللعب بالفيفا كتير كتير وخصوصا بوقت الفحص

ما بدي من نيتهم العاطلة ...

شو يا عم تخبوا علينا شايف .... قرّوا لشوف .. شو عاملين يا زعران ...؟!

شايفة شايفة ... وقت الفراغ وضيقان الخلق بفوت عالموقع وما بلاقي شي يبل الريق .. هلأ على حزة الدراسة واللزة رشونا مواضيع !

أنا بحب الكمبيوتر شوي(مو كتير)
ومن الرياضات بحب كرة السلة كتيييييير وبحب الفورمولا ون أكتر من الكتير
وبحب آكل فواكه بكل أنواعها (ما عدا التفاح)
وبحب الرسم كمان والأفلام وخاصة أفلام الرعب

أنا بحب الكمبيوتر شوي(مو كتير)
وبحب ال graphics كتييير (وبحب برمج مواقع بس لسا ما تعلمت)
ومن الرياضات بحب كرة السلة كتيييييير وبحب الفورمولا ون أكتر من الكتير
وبحب آكل فواكه بكل أنواعها (ما عدا التفاح والموز)
وبحب الرسم كمان والأفلام وخاصة أفلام الرعب.............

لاااااااااااااااء بتكون صارت ببيت الحجة أم سمير........

ممكن بدي حط كم شغلة نسيتون:

متل ما قلت انا بحب ال Game Desgin وبحب الرسم كتير خاصة مشان التصميم..
بحب اتعلم لغات برمجة متعددة .. وناوي هلق اتعلم DirectX
بحب الخضار اكتر من اللحمة .
وشووو..
اي بحب المسابقات والتحديات الشريفة (بيكون فيها روح رياضية مو تنافسية)
بكره سارقي الاحلام (مين مابيكرهون!)
احد احلامي اني كوّن شركة GameDesign تكسح EA

انا وقت كنت صغير يعني تقريباً رابع أو خامس كنت أعزف عالكمان عفواً حاولت اتعلم الموسيقا بس طلع ما عندي موهبة بالموسيقا يعني كنت عم آخد عند استاذ كان يئلو لأبي كل العالم بيمشي حالا تعزف إلا مرهف

بعدين بالسادس انتقلت للبرمجة تعلمت انا و اخواتي Visual Basic وعملتلي كم برنامج ألة حاسبة رسام من هالقصص البسيطةصرنا عيلة مبرمجين(طبعاً هلأ مالي متذكر شي)

بعدين انتقلت ع السباحة و بعد السباحة رحت ع ألعاب القوى هادا الحكي بالتاسع العاشر

بالحادي عشر رجعت للكمبيوتر و اشتغلت عمواقع الانترنت عشوية Flash و Photoshop و كنت رح ارسب بالحادي عشر من ورا مواهبي

بالبكلوريا صارت هوايتي الدراسة الحمد لله و ضاع كل شي ماعدت صالح لأي نوع من الهوايات السابقة و هيك لفتنا عالكلية المصونة صارت هوايتي الحكي و قلة الدراسة و تضييع الوقت .

واضح.........

شو يعني الموضوع لطلاب الاولى و التانية بس :
يلا رح غير شوية جو هون
كنت حب الفورمولا ون بس لما اعتزل ميكا هاكينين بطلت تابع لانو ما عاد في حدا بيعرف يسوق
وبشجع بلعب الطابة فريق برشلونة مو لانو برشلونة لاااء
لانو فيو رونالنيدو ( اللاعب الاكثر وسامة على وجه الارض )
بحب السباحة بس صرلي شي سنة كاملة ما رحت عالمسبح
بالكمبيوتر : كنت بحب التصميم ثلاثي البعد ( بس بعد ما اشتغلت فيو بطلت حبو )
و بكره اشتغل ++C على الفيجوال ستوديو كتير كتير وما بعرف من وين أخطاء اللينك بتطلع معي و لساتها حسرة بقلبي انو اكتب برنامج عال ++C و ما يطلع فيو اخطاء.
بالطبخ : بعرف اقلي بيض

كان يا ما كان من هواياتي الرسم ....وخصوصي رسم الوجوه ...
وكمان تجفيف ورد ..تجميع عملات ...تجميع شكلات مفاتيح ...وكمان مرة جمعت زرار كل الألوان ...وبصيفية من الصيفيات ..اشتغلت مزارعة ...وأنتجت حبة فاصوليةوحبة لوبية وبطيخة ...وخيارة ...بس أنو كنت أتعلم السباحة .. من عمر التلت سنين ..لحد هلأ مشتهية شي مرة غمق لجوا حتى ما عود شوف الشط بس الجبان بيضلو جبان...شو كمان ؟؟كمان مرة كنت عأساس عم بعمل متسلقة جبال قام تكرفتنا من فوق لتحت ...لأ ..والأحلى منهيك أنك تضيع بين الغابات وما تعود تعرف ترجع وشاحط معك تلت أربع ولاد ..كلن خايفين ويسألوك شو ضعنا ..
فأنا بقلن لا ولو ..هي مغامرة ....عنجد عندي هواية أنو أمشي لمحل ما بتاخدني رجليي ..وخصوصي بحارات الشام القديمة ..ومرة ضعت شي ساعة ونص هنيك ...وأنا أمشي والحارة ما تخلص ..عأساس مغامرة...
الأغاني ..العربية والأجنبية ...وكمان موسيقا هادية ..
من أهم هواياتي التلفزيون ..وخص نص أفلام الكرتون ...بس هلأ كبرنا ما زاد غير توم وجيري وكونان ..والأفلام الأكشن ..والرعب ..والحربي .. يعني إذا متلو عشر _15 زلمة ما بتهنى بالفلم ..كلو.. بتفرج عليه يعني بالصيف بيشحطوني شحط من أدَّام التلفزيون ...ما بخلي شي من شري ..
الرياضة .. أنا كسولة وما لي حيل ..بس أحيانا" بتجيني هبَّات فجائية من النشاط كنت فرغها بماتش ملاكمة أنا وأخي الصغير ...يعني أحيانا " بحاول أني كون رياضية بس من تالت يوم بوقف ...
تابعت كأس العالم السنة الماضية وتبع أوروبا ..فحبيت كرة القدم ..
هوايات البنات من طبخ ونفخ وشغل بيت ما عندي ياها إطلاقا" ...يعني غير إندومي وكاتو ومقالي ما بعرف ..من أحلامي اللي انشالله يا رب تحقق أني أتعلم شي 3_4_5 لغات ..وكمان ..بيانو ...أو كمان ...
الكمبيوتر.....no no no !!!!
..بيكفي ..

بحب الموسيقا كتيييييييييييييير و خاصة البيانو و الأورغ...
و بحب الشغل على الكمبيوتر و الرسم على الحرير ...
من التلفزيون بحب أفلام كرتون بس مو كلون...توم و جيري أكتر شي
من الأفلام بحب الكوميدي وما بطيق الأكشن إلا إذا كان عدد الضحايا بالفلم <
أما من المواد حبيت البرمجة هالسنة و بحب الرياضيات والانكليزي و بحب أتعلم لغات بحب العلوم والشغلات اللي ألها علاقة بالأدوية وما إلى ذلك...

ممممممم

بحب برمجة المواقع..كتير مع أنو ما عندي خبرة فيها بس ناوية إحترفها...هالصيفية

وكمان بحب تصميم الألعاب وكمان خبرتي فيها جدا قليلة بس هالصيف ..بدي طور حالي إن شاء الله..يكفي هالصيف لطموحاتي

بحب المنتديات كتير ...مسجلة على الأقل بشي خمس منتديات

من الحيونات بحب القطط كتيـــــــــــــــر

من هواياتي...السباحة ...وقراءة الكتب التفكير وعلم النفس
وبحب الشعر الحديث الفصحةوالعامي متل شعر الشاعرة السورية سهام الشعشاع
وبسمع موسيقا هادية..لـ ياني ..و ما بعرف..... المهم موزيك حلوة

عندي طموحات قريبة "يعني إن شاء الله بتحقق السنة الجاية"

وطموح بعيد..لشي خمس سنين بعد التخرج

بحب اللغة الإنكليزية

بحب الأفلام..يلي فيها غموض متل the other والرومانسية طبعا

بعشق تطبيقات e-commerce,e-learning,e-goverment وبتمنى طور هالتطبيقات بسوريا

بكره الأشخاص الإتكالين والمتشائمين يلي بيثبطوا من عزيمة الواحد...جدا جدا جدا...

يالله حاجة لهون لعيتلكن قلبكن..مو هيك

بشكر
M-ray-Y
على هالموضوع الممتع

صباح الخير يا شباب

شو الشباب ضايق خلقها كتير بس بتعرفو الموضوع كتير حلو

بالنسبة لاهتماماتي :
أول الشي بحب الروحات والجيات كتير ( يعني صايع نمرة أولى ) وخصوصاً السيارين ولعب الشدة والأركيلة وخلافو ( بكرا منشوف بالمعسكر )
بمجال الرياضة :
بحب كرة القدم ولهلق عنا حجز بملعب الجلاء كل أسبوع
كرة السلة كتير بحبها بس بتعرفو هون بالبلد مو منتشرة وبالتالي ما قدرت كمل فيها
السبحة كتير كتير وخضوصاً الشكات من أعلى " رنغ " وكمان عمليات الغوص بس بحب المسبح أكتر من البحر
بمجال الكمبيوتر :
هون المشكلة الكبرى وهي أنو الشغلات يلي محترفها هي الشغلات يلي ما بحبها وأكتر شي هو قاعدة البيانات Oracle يعني على قد ما بكرهها على قد ما بعرف اشتغل عليها
ما بحب التصميم منوب بس بمشي حالي فيه
أكتر شي بحب الشبكات والسيرفرات (يعني ال Router وال Switch عندي ياهن متل الأكل والشرب )
ببالنسبة للبرمجة فمالي صحبة أنا وياها بس إلي مراق بال Java
بس الهواية الحقيقة هي برمجة المواقع بال php

هادا يلي متذكره لهلق ..