CSC-SY

مرحبا،

في مكان عملي بتوصل الفاكسات على جهاز فاكس وبتتوزع يدويا للموظفين المعنيين، هل ممكن تتم هالعملية بشكل الكتروني بحيث بيوصل الفاكس soft copy وبينبعت لإيميل الموظف المعني مباشرة على البريد الالكتروني؟ ممكن تصير هالعملية مثلا بتحليل الصفحة ومعرفة اسم المستقبل ثم مطابقة الاسم مع قاعدة بيانات وارسال الفاكس الى بريده الالكتروني الخاص؟ اذا هاالطريقة ممكنة شو فعاليتها وشو احتمال الخطأ لأنو الفاكس ممكن يكون مكتوب بخط اليد وممكن يكون اسم المستقبل بأول الصفحة او بآخرها.

في حدا عندو طريقة تانية؟ 

مابظن لازم يتوزع تلقائياً.
حتى الايميل لما بيوصل لشركة لنفرض على عنوانهم الافتراضي info@company.com مابيتوزع بطريقة تلقائية, بكون في شخص بيقرأ هالايميلات وبيوجهها للأشخاص المعنيين بالموضوع لأنو الشغلة مو بس بتعتمد على اسم الشخص وانما على موضوع الايميل أو الفاكس.

أما توزيعه بشكل الكتروني فأكيد أفضل من شكل ورقي.
بدل ما يوصل الفاكس على جهاز فاكس ممكن يوصل لبرنامج فاكس (أو حتى بعض الأجهزة بتنوصل بالحاسب وفيك تستعرض الفاكسات المخزنة بداخلها) ومن هنيك بيقرأ الشخص المسؤول الفاكسات وبيعملها forward للأشخاص المعنيين (على الأغلب برامج الفاكس بتقدم هالخدمة).
يمكن الشغلة الي ممكن تصير تلقائياً هي انو كل الفاكسات لما بتوصل بينبعت منها نسخة لايميل الشخص المسؤول عن توزيعها (أو الايميل الافتراضي) وهو من هنيك بيوزعها عالموظفين وهيك بدل ما يتحقق من برنامجين (الفاكسات و الايميلات) بس بيتحقق من الايميلات وبيوزعها.

هالطريقة فكرت فيها، بس حابب تكون العملية كلها مأتمتة من الألف للياء، وبالنسبة لإسم المستقبل عادة بكون مكتوب على الفاكس.

أكتر طريقة مناسبة لهلأ لقيتها هي عبارة عن كرت فاكس بأربع منافذ أو خطوط هاتفية، وممكن كل خط تعملو pool بإيميلات الموظفين بقسم معين، هيك كل قسم صار الو  رقم فاكس، بس مع هيك بتضل تنبعت الفاكسات لكتير ناس ما الهن علاقة فيه. 

طيب بكل الأحوال. فيك تستغني عن الجزء اليدوي (قراءة الفاكس من قبل شخص ثم تحويله)؟ أكيد لأ.
لأنو متل ماعم تقول عادة بيكون مكتوب اسم المستقبل على الفاكس يعني مو دائماً (مثلاً اذا شخص مابيعرف حدا بالشركة مارح يكتب اسم حدا)
مابعرف اذا فيك تطبق شي بيشبه موضوع التحويلة الداخلية بالفاكسات, يعني متل لما بتتصل بشركة فيها مقسم داخلي اذا بتعرف الرقم الداخلي للشخص الي بدك تحكي معه بتدخله واذا مابتعرف بتستنى لحتى يرد عليك حدا من المقسم وهو بيحولك لعنده.
بس بيضل في صعوبة عالطرف الي بدوا يبعت الفاكس.
أنا برأيي على اعتبار الفاكس تقنية legacy لازم التخلص منها ماتعذب حالك كتير بالموضوع وتشجع الشركات الي بتتعاملوا معهون على استخدام الايميل بدل الفاكس.