كتب ahmad 4 truth: شكراً لاهتمامك foaad وإن شاء الله تأتينا وتبشرنا بنجاح المشروع.. أرجو الله تعالى أن يوفقك و جميع الطلاب.. بالنسبة للمشروع ماشي الحال, بس مو كتير عجبون قال صغير. طبعاً معهون حق بس مو أنا الي اقترحت المشروع, الدكتور المشرف هو الي اقترحه. وكان في معي تنين بالمشروع بس ما اشتغلوا شي, يعني أنا اشتغلته لحالي بخمس تيام أنا برأيي مو بس صغير سخيف كمان  على كل حال الحمد لله. بالنسبة لأسئلتك: 1- سرعة منفذ AGP مابتأثر على الكروت الي ممكن تشتغل عليه الي بأثر هو الفولت (AGP Compatibility) طبعاً قبل ما اقترح عليك الكروت السابقة دورت على مواصفات اللوحة الي عندك وشفت انها يفترض تكون AGP Universal 3- عالمياً: اذا كان السعر تحت الـ 170$ AMD أفضل فوق الـ 180$ Intel أفضل. محلياً: تحت الـ 8000 AMD أفضل (ولو أنو أسعارهون أغلى مما يفترض) فوق الـ 9000 Intel أفضل. 4- AMD Athlon X2 هو معالج مزدوج النواة يعني فعلياً معالجين AMD Athlon 64 ضمن معالج واحد وحتى النواة بمعالجات X2 الجديدة يفترض تكون أفضل بشوي من نواة Athlon 64 طبعاً التطبيقات الي بتستفيد من تعدد النواة هي التطبيقات multi-threaded بس للأسف أغلب الـ compilers اذا مو كلهون هنن single-thread بس الفائدة التانية هي تشغيل عدة برامج بنفس الوقت بدون ما "يعك" الجهاز. 5- المعالجات الي بتركب عالـsocket AM2 بتاخد ذواكر DDR2 أما الـ939 فبتاخد DDR حالياً مع انخفاض أسعار الـDDR2 الأفضل الواحد يجيب DDR2 لو انو فرق الأداء مو كبير مع انو السرعة ممكن تكون الضعف من DDR400 إلى DDR2-800 بس الـ latency بالـ DDR2 حالياً أعلى بكتير منها بالـ DDR. الرقم بأسماء معالجات AMD كان يعبر عن مقياس الأداء مقارنة بمعالجات P4 بس حالياً بس بيدل انو معالج أفضل من معالج تاني ضمن نفس النوع. وممكن بين الـSocket 939 والـ AM2 كمان يدل أيا أفضل بس مو شرط. 2- ممكن ليش لأ بس ماقلتلي السعر مع الشاشة ولا بدون؟ رح افترض بدون شاشة  يعني لساتنا ضمن حدود الـ23 ألف
|
أرسل من قبل 
