|
الدليل الشامل للكليات المختصة بالحواسب والمعلوماتية
شفت انو في كتيير ناس عم تسألأ من شان الكلية وشو المناسب ولح قدم خبرة ثلاث سنوات في الإستفسار عن الكليات هون لكل من بدو
اول شي في كلية الهندسة المعلوماتية -كلية الحواسب والأتمتة -كلية الإتصالات -كلية هندسة الحواسيب -المعاهد -VTC
ال VTC هي بصراحة متل معهد مختصص للطلاب الفلسطينين المقيمين بسوريا يتميز بزمن دراسته متل المعهد العادي سنتان بس المعلومات متطورة كتيير وعمليين
يعني بيعلمو الواحد اكتر من شي خمس لغات برمجة والشبكات عندهم قوية كتيير مو متل الكلية المعلوماتية الشبكات على حسب ما سمعت مو عملليين فيها وهذا حكي ناس متخرجين وانا بعرف واحد متخرج من هونيك شبكات
راتبو خمسين الف بس على الخبرة الناس ما بتهمها الشهادة قد الخبرة في بعض الأحيان وهلق صار بدو يتجوز ويفتح بيت
وإذا الواحد تفوق فيه ما بيقدر يكمل بالجامعة مو متل المعهد وبدو علامات كتييرة هالمعهد وهي سيئة للمعهد.
المعاهد المخصتة عديدة واغلبها ما قلها قيمة فعلية واغلب المتخرجين منها بيعملوا على الخبرة اكتر من الشهادة بس في ميزة العلامات قليلة واذا الواحد تفوق فيو يكمل بالكلية المعلوماتية وهي ميزة
كلية هندسة الحواسب بيعطو IT وشوي برمجة وتصميم مواقع احياناًَ "بالخاصة" وما بدها علامات كتيير في 2006 يمكن شي 218 بس مو كلية للواحد يفوت عليها
الكليات الأهم هنن كلية الهندسة المعلوماتية -كلية الحواسب والأتمتة -كلية الإتصالات
1-كلية الإتصالات :هي الكلية بتتعلم فيها الكترونيات فيزيا وكل شي إلو علاقة بالإتصالات وهي صعبة كتيير بس مردودها منيح كتيير إذا الواحد مسك المواد وتفوق فيها
يعني مهندس الإتصالات لا يقل راتبو عن 25 ألف ليرة سورية بس في مشكلة الواحد ما لازم يكتفى بالكلية وهي سئية عند الكليات المهمة وهي انو هنن بيعطوك اهم شي والباقي عليك يعني على سبيل المثال هنن ما لح
يعطوك عن WIMAX بوقت ما صدرت بشكل عملي .يعني لازم يكون في عندك اجتهاد شخصي دراستها حلوة متل المعلوماتية
لمين تصح :للناس يلي بيحبو الفيزيا كتيير و الإلكترونيات وهيك قصص والعلامات عالية شوي
مجال العمل :يمكن للواحد انو يشتغل بشركة اتصالات متل سيرتل او هيك شركات كبيرة او على اسوأ تقدير بيفتح محل لصيانة الموبايل وانا ما بظن انو كل يلي عم بيفتحو محلات معهن شهادة
2-كلية الحواسب والأتمتة :هي كلية محترمة علامتها عالية متل المعلوماتية التعليم فيها بيركز على العتاديات hardware والفيزيا السنة الأولى دراستها فيزياء بحتة يعني بتذكر انو بيعلموا عن إينشتاين حتى والنسبية
بالسنة الأولى ما إلها علاقة بالحواسب بس تمهيد للفيزيا كما بيدرسو كيف فيك تربط كبيموتر بآلة او هيك شي تطبيقاتها حلوة كتيير
والرياضيات فيها قليلة وما بيركزو على البرمجة متل المعلوماتية دراستها حلوة بس كمان متل ما قلت الكلية لحالها ما بتكفي انا بعرف اتنين من اقربائنا حلصو من هي الكلية واحد عم بشتغل وبراتب ممتاز لانو كان بتعب على حالو والتاني ما لو ملاقي شغل
كما هي شغلة ارزاق ويلي كتبو الله بيصير بس التاني ما درس غير تبع الكلية وهلق اكتشف سر هالمعادلة
مجال العمل مهندس كمبيوتر فيو الواحد يشتغل اي قصة هو بيحبها وانا برأيي انو اهم شغلة لهيك اختصاص بالقطاع العام حاكم الراتب ممتاز مقارنة مع وقت الشغل يلي فيك تشتغل احياناً شغلة تانية معها
التدريس بمعاهد مرموقة بس بدها شهادات عالية وخبرة ممتازة
3-المعلوماتية :الكل بيعرف عنها هون وهي رياضيات وبرمجة اكتر منها فيزيا ودراستها حلوة كتيير وهي بدي اعلى معدل بين الكليات المهمة
الميزات :عنا ميزة بسوريا عن جد حلوة كتيير الكلية المعلوماتية دراستها كتيير قوية بينما أنا ابن عمي مهندس برمجيات بالدنمارك وخريج معلوماتية من هونيك والفرق كتيير كبير بين مهندس المعلوماتية السوري والأوروبي
هون السوري بيلم بكل شي لحتى يشتغل بسوريا بينما بأوروبا ما بعرف غير كم شغلة وعلى فكرة المعلوماتية في اوروبا دراستها عادية كتيير وسهلة بينما هون عنا ياها كتتيير ممتازة يعني إذا بتقارن بين هون وهونيك لح تلاقي انو دراسة المعلوماتية في سوريا اوقى من غيرها
حاكم قلي ابن عمي انو مناهج السنة الأولى بتدرس بالدينمارك بش سنة تالتة او هيك وفي مواد للسنة الخامسة حتى يعني تخيلو هالمفارقة
العيب الوحيد بهي الكلية هو انو لحالحها ما بتكفي للشغل يعني لازم الواحد يجيب شهادة معينة ولح اذكر اهم الشهادات بعد شوي
مجال العمل مهندس معلوماتية في احد الإختصاصات شبكات برمجة قواعد بيانات ....الخ
هذا كان رأيي وإذا كان عندكم رأي غير هيك حطوه لنتاقش
ملحق :اهم الشهادات المعلوماتية
شهادات مايكروسوفت للشبكات :MSCEهي 8 كورسات وبيطلع الواحد منها مهندس شبكات برمجية لأنظمة مايكروسوفت ويندوز بعيدن بتكمل حتى توصل الى MCT ويلي بتأهلك لحتى تدرس بهذا المجال مع امتيازات عديدة من مايكروسوفت
وهي شهادة مطلوبة كتيير يعني إذا اخذت متل هيك شهادة هي لحالها فيها تخليك تشتغل براتب محترم بس على اساس خبرة فقط بينما إذا قرنتها بشهادة معلوماتية لح يزيد الراتب اكتر ومالح بالغ كتيير في إحصائية لمجلة CRN بتقول انو الزيادة في عام 2005 بالراتي كانت 4.5 %
وفي كمان مصطلحMCSD اختصار لمصطلح Microsoft @Certified Solution Developer الذي يعنى أن حامله معتمد كمحترف فى تطوير البرمجيات باستخدام أدوات التطوير التي أنتجتها شركةMicrosoft مع الوضع فى الاعتبار أن البرامج والمنتجات التى يتم تطويرها تحت عباءة هذه الشهادة هى البرامج المكتبية مثلMicrosoft Excel أوMicrosoft Word أوMicrosoft PowerPoint والبرامج متعددة المستخدمين والبرامج المستخدمة على شبكة الإنترنت.
وتتعدى مهام الحاصلين على هذه الشهادة مجرد تحليل الاحتياجات الفنية للمنشآت، بل تمتد أيضًا لتشمل أيضًا تصميم الحلول التجارية المتكاملة وإعدادها وتنفيذها بل وصيانتها أيضًا. وفى هذه الشهادة تتبارى منتجاتMicrosoft مع بعضها البعض فى إظهار قدراتها العظيمة فى خدمة هذه الصناعة الحيوية.
على سبيل المثال، تجد المواد التدريبية والامتحانات المتوافرة لهذا المسار الاحترافى تتأرجح ما بين دراسة المسار البرمجى للغةVisual Basic أو دراسة اجتياز المسار البرمجى للغةVisual C++ ، أو دراسة اجتياز المسار البرمجى للغةVisual FoxPro وهذا ما تراه من خلال السطور التالية.
شهادة سيسكو Sicco وهي شهادة ممتازة يلي بدو يعمل بقسم العتاديات الشبكية و هي اقل مردودية مادية للMSCE حاكم صيانة الشبكات من الناحية البرمجية اكتر من العتادية
وبعد نهاية كل وحدة منها في امتحان بدو كتيير مصاري يمكن كان على ايامي بال2005 بشي 100 دولار وفي برامج محاكية للإمتحانات
شهادات Comptia يمكن سمعتو فيها وهي كتيير مشهورة واشهر شهادة هي A+ وهي لازم تكون مع كل مهندس معلوماتية ولو ما كان في شهادة المهم تعرف معلومات هي الدورة لأنو لح تساعد كتيير بالحياة العملية
شهادة Security+للأمن المعلوماتي وهي كتيير ممتازة في مجال أمن المعلومات وفيك تشتغل فيها لحالها
Network+ هي ميزتها أنو بتعطيك اهم المعلومات عن الشبكات فيك تقول كل شي نظري عن الشبكات وهي كيير ممتازة
LINUx+ بتعطيك معلومات عن لينكس وهي بصراحة مو ضرورية لسى هون
وما لح كتر اكتر في مقالة كتبتها عن الشهادات بتلاقيها بالمرفقات لح تكفي وتوفي إن شاء الله بتعريف الشهادات
م. وسيم أبوزينة
Tech Support.
wase39@gmail.com
Those who praise the light of fire, but blame it for its heat, should not be listened to, as they judge it according to their comfort or discomfort and not by its nature. They wish to see, but not to be burnt. They forget that this very light which please
|
أرسل من قبل 
