CSC-SY

السلام عليكم
من السهل إن لم يكن من المعتاد حالياً أن تقابل خريج جامعة (صاحب تقدير عال) يعمل في غير تخصصه إذا كان يعمل أصلاً، لكن هل سألت يوماً – ولو في سرك – هل يستحق هذا الخريج أن يعمل في تخصصه؟؟ هذا هو السؤال المنسيفالخريج طوال دراسته كان يشكو من أن الكلية لا تؤهله للنجاح العملي وأن نجاحه في الكلية معتمد على إتقان (فن التعامل مع ورقة الامتحان)، وأنه لن يتعلم إلا بعد التخرج " في السوق"إذاً فهو اعترف مسبقاً –دون أن يشعر- بأنه لا يستحق أن يكون مهندساً أو محاسباً أو طبيباً وما إلى ذلك فور تخرجه
فأردنا أن نعرف متطلبات "السوق" لنعد له عدة من قبل التخرج، واخترنا مجالات مختلفة ليكون الأمر مجدياً
الكفاءة لا تساوي التقديرفكثير من أمهر وأشهر الأطباء في المجال لم تكن تقديراتهم عالية (جيد ومقبول) ، وإن كان علو التقدير قد ينظر له في البداية ولكن سرعان ما تتدخل الكفاءة والفهم لوضعك في مكانك الصحيح،وأرجع ذلك لأن التقدير يعبر عن مهارة الطالب في التعامل مع الامتحان الذي –للأسف - لا يعتبر مقياساً أبداً، ورغم أن هذا الطالب يمكن أن يكون  من العشرة الأوائل إلا أنه  هناك طلبة في الدفعة أكفأ منه وربما من بقية العشرة ولكنهم ليسوا من الأوائل لمجرد أنهم لا يتقنون "التسميع" في الامتحان، وأن الأوائل قد يضحون بما قد يرفع كفاءتهم لو كان ذلك سيؤثر على تقديراتهم وبالتالي تعيينهم معيدين لأن ذلك تضحية بالمركز الاجتماعي والاسم اللامع
خليك في المكتبة هذه وصفة  للنجاح في مجال العمل  فالقراءة والاطلاع أمر لابد منه إذا أردت أن تكون ناجحاً مع العلم أن الإجازات وحدها لا تكفي لذلك ورغم أن الخريجين  يؤخذ تقديرهم في الاعتبار عند التقدم لعمل لأنه لحد ما معبر عن تميز صاحبه خاصة الامتياز والجيد جداً  ولكن فكر طالب العمل  وتفاعله مع أساتذته في المحاضرات –إذا كان سيعمل عند أحدهم – قد تكفي كأسباب لتعيينه وإن قل تقديره
اهتم بالمجالات الجديدةعندما تضيف الكلية اختصاصاً جديداً (غالباً يكون لمجال لم ينتشر بعد في البلد ) لابد من الاهتمام به لأنك بإتقانه والتوسع فيه ستكون بفضل الله عملة نادرة مما يزيد الطلب عليك خاصة مع تشبع المجالات الأخرى ، فأصحاب الأعمال يعلمون جيداً أن للامتحان فناً وللتعلم فناً آخر فلا يهتمون بالتقدير فقط ولا يعتبرونه مؤهلاً كافياً لتعيينك، و لكن لابد أن تبذل قصارى جهدك للجمع بين الفنين على صعوبة ذلك 
نصيحته للطلبة افهم كل ما تدرس واسأل فأنت الآن في فرصة ذهبية لذلك فبعد التخرج يكون السؤال والبحث عن المعلومة أصعب،واحضر المحاضرات وابتعد عن سياسة"تكبير الدماغ" واهتم بالقراءة والاستزادة من العلم لتتفوق على أقرانك ففرص العمل أقل من أعداد المتقدمين و القبول غالباً يكون لصاحب المؤهلات و القدرات الأعلى
لا تيأس ولا تستعجل المادة لا تفكر كثيراً في مسألة العمل ولا تستسلم لمشاعر الإحباط والخوف من البطالة, فمن يريد أن يعمل سيجد عملاً بإذن الله والله هو الرزاق, لكن العمل في بداية التخرج لن يكون مجزياً مادياً و هذا هو ثمن الخبرة ,ولكن بعد ذلك سيرتفع ثمنك بإذن الله
ملحوظة هامة وأخيرة
أرجو ألا يفهم مما سبق أن هذا الموضوع دعوة لترك المذاكرة وعدم الاهتمام بالتفوق الدراسي ولكن هو دعوة لتدعيم المذاكرة بالجهد الخارجي(علم نفسك بنفسك) ،فتعرف على أسباب ومتطلبات النجاح في مجالك، وابدأ من الآن العمل على أن تكون إجابتك العملية على سؤال(هل تستحق أن تعمل في تخصصك؟) هي نعم وألف نعم
هاد المقال من موقع الأستاذ عمرو خالد حبيت أني شارككن فيه لأني شفتو كتير بيمس حياتنا الدراسية والعملية  أو بمعنى آخر قبل التخرج وبعده....بتمنى يكون مفيد ألنا كلنا  

وهادا أكتر شي اللي عبيصير ..

شكرا كتيييييييير إلك ..

موضوع رائع عن جد ..بكل تفاصيله ..

بحب علق على كم شغلة الكلية المعلوماتية مو كافية وهذا واقع تخيل انو هي الكلية بدها تحقلك كل شي من آخر التقنيات الى الأساسيات من شان هيك خلي الواحد يختار مجال ويعمل دورات والواحد متل ما قيل لي انو لازم يتعب على حالو كتيير من شان يشتغل شغلة محترمة

شكرا الك وللا ستاذ عمرو خالد على هالمعلومات المفيدة
اللي ذكرتيه هو الفرق الاساسي بين جامعاتنا وجامعات برا

يعني انا دراستي 4 سنين
3 نظري
سنة عملي شغل اجباري بشي شركة بدوام كامل
ولازم الواحد يعمل شي مفيد بالشغل ويكتب تقرير يعني 40 ل 60 صفحة عن شو اشتغل وهيك يعني

هلق بما اني سوري وعقلي سوري
قمت رحت جبتلون ورقة اني اتدربت بشركة بالشام
وعفوني من اول 6 اشهر شغل
وهلق صار وقت ال 6 اشهر التانية لساويهون
وماعم لاقي شغل للسبب اللي قلتيه بالمقال
اني عم ادرس للفحص وبس

بس الحمد لله اللي اكتشفت غلطي هلق مو لما اتخرج

بضم صوتي لصاحب المقال وبقول

يا ايها الطالب اعتبر كل مادة سوف تفيدك بالحياة العملية
وانه سوف تسال عنها بمقابلة التوظيف
طبعا في استثناءات (الثقافة مثلا)

شكراً لردودكم.....

بشكرك Ray كتيير انك حبيتي تشاريكنا بموضوع حلو ومفيد

انا مع صاحب المقال 100%

الكفاءة لا تساوي التقدير ,, برأيي وقت يصير الكفاءة تساوي التقدير منقدر نقول انه صار عنا نظام تعليم مثالي وهادا وقت يدخل تقيمم الانجاز والعمل ضمن مواد الدراسة

" لا تيأس ولا تستعجل المادة " ,, انا شفت انو الدراسة غالبا خصوصا وقت تكون تلات رباعها نظرية كتير بتختلف عن الشغل لهيك الواحد لازم يكتسب خبرة وحتى يعتبرها جزء من التعليم نفسه
وفي شركات لو انها قليلة بتدرب طلاب عندها ,,

كتيــــــــــــر رائع كلام الإستاذ عمر خالد
وفعلا يلي بياخد كلامو على محمل التنفيذ ونوى يطبقوا كلمة كلمة مستحيل ما ينجح بحياتو.....من شي تلت سنين بتذكر قال شروط العلم وكتبتن على ورقة علقتها بمكتبتي لهلأ وهنن أربعة:
1)العزيمة والإرادة
2)التواضع
3)الصبر
4)عدم الشبع من العلم
يسلمو نور على هالموضوع الحلو

بصراحة موضوع كتير حلو وهاد السؤال بدور براسنا على طول لانو الحمد لله هالايام دارجة موضة البصم ويللي بيبصم وبيدرس ساعات مطولة هو يللي بيجيب المعدل العالي حتى لو كان دراستو كلها بدون فهم او استيعاب وبروح عالامتحان بفضي هالمعلومات عالورقة وبعد الامتحان اذا سالتو اي سؤال بنفس المادة ما بيعرف يجاوبك وخصوصا بفروع الطب والصيدلة وبكون هالشخص نفسو علاماتو بالعملي زفت وما بيلفت نظر لا الدكاترة ولا المعيدين مشان هيك انا على طول بقول انو علامة العملي لازم تكون من50مو30لانو هي بتحدد كفاءة الطالب .وبالنهاية بحب قول الآخرة يا فاخر وبعد التخرج بدوب الثلج وببان المرج

بس نحنا كليتنا بالذات الطالب ما بيقدر ينجح إذا كان مو فهمان المادة
لا التشليف ولا الإرتجال ولا شي بفيد بفحصنا غير فهمك للمادة بس المشكلة لأنو نحنا عمننسى حتى يلي عمنفهمو
ومشكلة تانية حسب ما فهمت من طلاب غير سنين إنوالمواد يلي عمتنعطى مو كافية للعمل حتى لو فهمناها

شو رشا!شكلو رايي كلو مو عاجبك ؟بعدين انا حددت وقلت انو بكليات الطب والصيدلة ما حدا قرب عالمعلوماتية وبعدين الدكتور مو جايبينو من سوق الهال ليدرس اذا لفتلو نظرو شي طالب معناها بيستاهل!

لا حول ولا قوة إلا بالله مين قرب عليكي إنت
لا تآذونا ما منآذيكن
يعني أنا فهمانة شو كاتبة إنت وشو كاتبة أنا
يعني بصدق كل الدنيا تزعل مني إلا إنت
ومعقول أنا ما يعجبني رأيك
شو نسيتي شو يعني رشا وروان........... اتذكري

اي والله ما تواخذيني!بعدين انا بحب هز الورد لشمو.بس بتعرفيني نرفوزة

أهلا وسهلا بالجميع...
وإن شاء الله الكل بيستفاد من هالموضوع..
وشكراً لرشا على هالنصائح... فعلاً مفيدة