بحثالمحتوياتتسجيل دخولفي الموقع حالياهناك حاليا 4 أعضاء و 5 ضيوف في الموقع.
الأعضاء المتصلون |
إحصائيات عن مسيرتي الدراسية أرسل من قبل raafat في الأربعاء, 2007/08/08 - 12:19am.
الحمد لله أخيراً تخرجنا من الكلية وشفنا هاليوم يلي إن شاء الله الكل بيوصله. دخلت الكلية في عام 2002 عدد المواد يلي قدمتها بالكلية 58 معدل السنة الأولى 78.67 أعلى معدل فصلي هو بالفصل الثاني بالسنة الرابعة وهو 83.17 المعدل الوسطي لعلاماتي بالعملي هو 27.1 من 30 المعدل الوسطي لعلاماتي بالنظري هو 53.9 من 70 عدد المواد يلي علامتها بين 90 - 100 هو 9 أكتر مواد حبيتها بالكلية: قواعد المعطيات المتقدمة (بشكل خاص) - خوارزميات1 - الأوتومات واللغات الصورية - المترجمات أكتر مادة بكرهها بشكل خاص جداً جداً هي النظم الموزعة راح معدل الـ 80 بسببها. أكيد وجعكم راسكم من هالإحصائيات بس مابعرف هالشغلة عندي ياها سوسة مافيني بطلها. ( معلوماتية )
 مبارك التخرج ولكل مجتهد نصيب، والله يشهد أنك بستحق الترتيب الأول لأنك تعبت و اشتغلت عليه ورب العالمين ما بيضيع تعب لحدا. وما شاء الله علاماتك بترفع الراس و بتبيض الوش الله يحميك. طيب شو رأيك تعطينا إحصائيات عن الأصدقاء يللي قضيت معهم هالسنين ومين كان أكثر شخص أثر قيك ومين أكتر شخص احترمتو "من الطلاب"، مين أكتر شخص استمتعت بالتنافس معو. وكمان سؤال: "ورح نحاول دوماً نساعد بتحسين هالكلية كلما صحلنا فرص." إن شاء الله ، الله يقويك و يقوينا على فعل الخير وأسأل الله أن يوفقك و يرفعك إلى أعلى المراتب في الدنيا و الآخرة. أخوك... أبو عبدو  الف مبروك الف مبروك الله يشهد أنك بستحق الترتيب الأول لأنك تعبت و اشتغلت عليه ورب العالمين ما بيضيع تعب لحدا.
الله يخليك يارب وألف مبروك إلك انت كمان وانت بتستاهل كل خير ومعدلك كمان بيرفع الراس وأنا كتير كنت سعيد بالحياة الجامعية يلي عشناها سوا وعنجد كتير فخور بمعرفتي فيك, وأنا بعرف إنك بتستحق معدل أعلى بس ظروفك بالسنة الثانية ما ساعدتك بسبب النقل من غير جامعة, بس انت كنت منافس عنيد ورائع.
طيب شو رأيك تعطينا إحصائيات عن الأصدقاء يللي قضيت معهم هالسنين ومين كان أكثر شخص أثر قيك ومين أكتر شخص احترمتو "من الطلاب"، مين أكتر شخص استمتعت بالتنافس معو.
هي أجلي ياها شوي بدي أعمل مدونة خاصة عن الزملاء بالكلية يلي قضيت معهم حياة جامعية حلوة
بس... كيف تفسر استقالتك من منصب رئيس الهيئة الإدارية؟؟
شكراً إلك أبو عبدو على سؤالك.لحتى كون صريح معكم أنا ماكنت ناوي قدم استقالتي إلا لحتى تنتهي حفلة التخرج بس كوني رح إبدأ عمل يوم الأحد والدوام من الساعة 9 للساعة 6 ما عاد اقدر تابع أمور الهيئة الإدارية بالذات بهالفترة لأنو في مفاضلة وتسجيل الطلاب الجدد وبداية عام جديد وغيره, لذلك خفت مااقدر وفق بين الشغل والهيئة. طبعاً لسه لهلق ماوافقوا على استقالتي, أما ليش قدمت استقالتي رغم إنو كان فيني استمر لمدة سنة ونصف, بصراحة ي عدة أسباب منها: بتمنى تفهموا وجهة نظري وكل الشكر لكل يلي ساعدوني ووقفوا معي مرة تانية وأنا بعتذركتير من كل الأشخاص يلي قد كون تسببت بإيذائهم أو أسأت لهم بطريق غير مباشر وسامحونا. بدي قول بس إنو من فترة إجاني رد من رئيس الجامعة بخصوص الطلب يلي طلبته منه لإعادة مبنى الزلازل للكلية بعد ما طلعوا الحقوق منه وكان الرد بأنه يمكن لكليتنا استخدام الطابق الأول منه فقط أما الطابق الثاني فهو لمعهد الزلازل, وخبرت العميد وكتير انبسط وإن شاء الله رح تتم الإستفادة منه في السنة المقبلة بس لازم يتتابع وما ينهمل الموضوع لهيك عم خبركم لأنو بجوز ما اقدر تابعه. والله يوفق الهيئة الإدارية يلي بدهم يتابعوا وإن شاء الله يقدروا يعملوا شي يفيد الكلية. الف مبروك
الله يبارك فيك وعقبال عندكشو هالعلامات الحلوة وعقبال عنا يا رب .... هلا انت ما شاء الله علاماتك بس ياترى انت فتت على الكلية عن رغبة بصراحة أنا كانت رغبتي فوت عالكلية وكنت متعد أعمل المستحيل مشانها والحمد لله هي تخرجنا وتحققت هالأمنية.  الف مبروك رأفت أخيرا كمل العداد يلي بتوقيعك  ألف مبروك رأفت  ألف مبروك أبو جواد والله أنك بتستاهل كل خير, وانشاء الله عقبال الكل.  ما شاء الله.  ألف ألف مبروك يا raafat ...  مبروك ابو جواد
يلا باقي العروس
شو عمي رضا ما عاد عندك غير هالسيرة 
 ألف ألف مبروك .. وعقبال الكل انشالله .....الأولية بدها حلوان مرتب ها الف مبروك raafat
لك شلون هيك فيقوك إذا صار عندك شي مناسبة إبقا عزمنا حاكم حاسس صرلي شي سنة ما شفتك  مبروك التخرج raafat الف مبروك raafat
لك شلون هيك فيقوك كأني سمعان بهالاسم قبل بمرة 
 ألف مبروك التخرج أستاذ رأفت وأستاذ M-Ramy وكل مهندسي السنة الخامسة إن شاء الله موفقين  مبروك رأفت ، أكيد أهلك فخورين فيك بهاللحظات هي ..  ألف مبروك مهندس رأفت hanihh الله يبارك فيكم يا رب وعقبال عندكم جميعاً, وبالتوفيق لكم جميعاً بحياتكم العلمية والعملية.
M-Ramy ألف مبروك الكم كمان مهندس رامي ومهندسة آلاء وبتمنالكم تحققوا كل طموحاتكم
أما SG أول شي الله يبارك فيك وتانياً منيح يلي تخرجنا لحتى نسمع صوتك لك ماصدقت عيوني لما شفتك كاتب رد يازلمة  مبروك إن شاء الله ومن جد وجد مبروك مرة تانبة بالفعل (نوفّ إليهم أجورهم فيها)، الله ما بيضيع تعب حدا  ما في كلمة أحلى من ألف مبروك ......  ألف مبروك مهندس رأفت .. و انشالله بتنال أعلى المراتب .. آسف عالتأخير .. بس كنت غائب عن الساحة ...  ما شاء الله عليك شغل ودراسة ورئاسة هيئة و أولي كمان ؟؟؟  ماشاء الله احصائية بترفع الراس .. عنجد ماشاء الله ألف مبروك وعقبال الأعلى  إن شاء الله ألف مبروك أنا أريت المقال متأخرة |
لكل مجتهد نصيب, ألف مبروك التخرج و الأولويّة. 
© 2004-2008 CSC-SY
ألف مبروك عمي رأفت وإن شاء الله منشوفك بأعلى المراتب
والله بتستاهل كل خير ....