CSC-SY

السلام عليكم
اليوم فتحت الموقع وشفت أنو صار عدد المشتركين بلغ 10000 مشترك
ألف مبروك للموقع وللمؤسسين وللأعضاء
وبهالمناسبة السعيدة
وبناء على رأي بعض الأعضاء القدامى بأنو الموقع متراجع وهلأ هو عم ينحدر نحو الأسوأ
شو بيقولولنا نصائح مشان نطور الموقع(الأعضاء القدامى حصراً)
أو حتى مواضيع كانت موجودة من زمان وكان التفاعل فيها كتير منيح ومفيدة وحلوة مشان نرجع نفتحها مرة تانية ونرجع الموقع متل ما كان
وشكراً

خليكم عم تفوتو عليه بيتحسن

ممكن إذا مشينا بهاد المشروع
http://www.csc-sy.net/node/5653
نلاقي تحسن بالموقع
شورأيك

الموقع كترافيك ما اتراجع بالعكس الترافيك على طول عميزيد عليه و طبعا الاحصائيات الدقيقة عند المشرفين

بس أنا برأيي و بصراحة انو المحتوى تراجع شوي يعني أنا كنت كل يوم فوت عليه و اقرا المشاركات لأنو كنت اتعرف على مواضيع جديدة أو شارك بمواضيع بعرفها و زيد خبرتي فيها

بس اخر فترة صارت المواضيع أكثرها بلا محتوى علمي مهم و نادرا ما عميستهويني موضوع لاقراه

حتي لما عمتصادفني مشكلة برمجية أو تقنية أنا بعدني عمحطها بالمتدى أول شي بس عالغالب عماستفيد من الجواب من غير مكان و بالأغلب مواقع أجنبية

بصراحة المشاركات المهمة كانت من طلاب الرابعة و الخامسة و الخريجين و يلي صارت مشاركاتهن بشكل أقل

آسف على تأخري بالرد.
برأيي الشغلة بتعتمد على اهتمامات الشخص, يعني كل ماكان في بالموقع مواضيع ونقاشات أكتر عن المواضيع الي بتهمنا كل ما اعتبرنا الموقع ممتع ومفيد أكتر.
بالنسبة الي أنا بحب النقاشات الحادة وخاصة عن لغات البرمجة وأنظمة التشغيل وحتى عن الهاردوير والألعاب
وهي بعض المواصيع القديمة الي استمتعت بقراءتها والمشاركة فيها:
i want to learn visual C++ help me,please
أنا شبكات، ما إلي علاقة بالبرمجة
!LinuxSyria uses the CSC-SY look
?Who's hand is that in PC buyers' pocket
فرمتلي اذا بتريد !
Windows Vista Does NOT use .Net
FC 5 is out, and cool other distros

بس رحاءً ماحدا يضيف ردود عالمواضيع القديمة, اذا بدكون فتحوا موضوع جديد.

أنا رجعت إدخل على الموقع تقريبا كل يوم ، صحيح ما عم شارك كتير ، بس بصراحة من فترة يومين و أكتر انتبهت إنه قائمة المواضيع تحسن مستواها .

يعني يمكن فترة التراجع فترة و بتمر .

و برأيي ، الموقع ما بيرجع و ما يرجعوا الأعضاء القديمين لأن هني اللي فرضوا المستوى العالي بالمنتدى و لما غابوا غاب هاد المستوى لأن الأعضاء الجدد اللي ممكن يحافظوا على المستوى عددهم قليل كتير  ، لهيك أنا مع M-Ramy  خليكم عم تفوتوا عليه بيتحسن .

مرحبا ... كيف الكل ؟؟
بصراحة مابعرف شو بدي اقترح .. بس حبيت اني حط مشاركة على اي حال
برأيي الشخصي، احدى أهم خطوات العودة هي التشديد على قواعد المشاركة ومتابعتها من قبل مشرفين مداومين عالموقع ..
بالاخير، الف مبروك للموقع وأعضاءه و ع قبال الـ 100،000