CSC-SY

برأيكن المخ الرياضي شي فطري بيخلق مع الواحد و لا هادا شي بيقدر الواحد ينميه بدراسة الرياضيات والخوارزميات ووووو..
و شلون فيه الواحد ينميه عنده إذا كان التاني هوا الجواب بالحقيقة كنت مفكرة إنه مواد الرياضيات اللي تدرس عنا بالجامعة (وهي 8 مواد ) ممكن تنمي هالشي عنا بس للأسف ما حسيت بهيك شي ما بعرف الغلط إذا كان فينا ولا بطريقة التدريس ولا ولا ولا ولا...
بتمنى تشاركوني رأيكون

برأيي .. المخ البشري هو قوي بالفطرة .. فما في غباء مطلق على وجه الأرض ..

بس بترجع لمالك العقل .. إذا بيعرف يستثمره بشي مفيد أو لاء ..

وطبعا بما أنه عضو بشري . فهو بينمو مع الأيام ويزداد قوة وذكاء .. وبدليل الفرق في التفكير ما بين الصغير والكبير . طبعا ما مننسى الخبرة بالحياة يلي بتميز الفرق بينهم ..

وطبعا المواد العلمية كالرياضيات والفيزياء والعلوم المختلفة وسائل لتنمية العقل .. بدليل الفرق في التفكير والمنطق ما بين المتعلم والجاهل ..

بالنسبة إلي .. مواد الرياضيات إن كانت بالمدرسة أو بالجامعة فادتني .. يعني خلتني أكثر مرونة للمواقف الرياضية يلي بتحدث معنا .. وأكتر موقف منتعرضله هو "تقسيم الفاتورة بين الرفقات يلي جايين مع بعضهم عالمطعم وقت الحساب"

بس طبعا المشكلة بمدارسنا وبجامعاتنا أنه الطالب بيدرس المادة وما بيعرف شو الغاية منها ... إلا بعد فوات الأوان ...

انا من وجهة نظري انو المخ متل النبتة , حسب اديش بتعتني فيه وبتوفرلوه بيئة محيطة ( طبعا لصاحب المخ ) بيعطيك نتائج
وايضا الاصدقاء والاشخاص بقوموا بعمل فعال لتحسين قدرة الدماغ , وطبعا العكس صحيح..
وايضا المخ بيطور قدراته اكتر كل ما عاش تجارب اكتر,وجرب وحاول .
والعباقرة مو هنن بس عباقرة الرياضيات , بل في كتير عباقرة بالادب والموسيقا والفلسفة وحتى بالرياضة..