CSC-SY

مرحبا جميعاً
كيف الأحوال؟
لقد أصبح برنامج Google Earth جزءاً من حياتنا اليومية... ليك كأني بلشت أعطي محاضرة.
شباب وصبايا مرحباً، أكيد كلكم شفتوا ببرنامج Google Earth (أصلاً يلي ما شافه كيف عايش أصلاً؟؟) وكيف أن أغلب المدن بالدول المتقدمة وغير المتقدمة موجود فيها نماذج ثلاثية الأبعاد للأبنية التي فيها، ولمن لا يعرف هذه الميزة ما عليه إلا تفعيل طبقة اسمها 3D Buildings ضمن الطبقات، ويذهب لمدينة كبيرة مثل مثلاً شيكاغو أو جزيرة مانهاتن بنيويورك (وغيرها كتير) ويستنى التحميل على خط الإنترنت الكتير سريع هالأيام ( الله وكيلكم 21.6 kbps وبمية منية كمان - ملاحظة جانبية جداً نزلوا خدمة الأولى توربو منيحة كتير-) وفي النهاية سيجد المباني ثلاثية الأبعاد وكيف يمكن رؤيتها إذا غيرنا زاوية الرؤية.
المهم، اقتراحي المتواضع:
تعالوا نتعاون كلنا هنا في هذا الموضوع على بناء نماذج ثلاثية البعد لأشهر أبنية مدينة دمشق بدأياً وكل المدن الثانية أيضاً. مثل مثلاً مثلاً:
- الجامع الأموي
- برج دمشق
- مكتبة الأسد ودار الأسد يعني دار الأوبرا
- كلية الهندسة المعلوماتية (كتير مبسوطين بحالكم طبعاً)
- المتاحف مثل الوطني والحربي... الخ الخ الخ
يعني أي أبنية مشهورة بتقترحوها طبعاً
يلي عنده خبرة ببرنامج 3D Max وعنده شوية وقت ممكن بطريقه يصور المبنى يلي بده ياه بالموبايل أو بكاميرا رقمية من عدة زوايا ويحاول يبنييه ولو بشكل بسيط معبر عنه. ويضغطه ويرسله لي وأنا بتطوع بتحويل التنسيق وبتحميله على ال Google Earth طبعاً مع ذكر اسم وتلفون وعنوان صاحب النموذج وحقوق البناء والنشر محفوظة طبعاً للباني.
من كم يوم حاولت أحمل نموذج السيف يلي بساحة الأمويين ونشرته لكن مثل ما بتعرفوا طبعاً عملية تحديث البرنامج والخرائط بدها وقت، فأول مرة نشرت شغلة أخذت حوالي 3 شهور لظهرت، فبتوقع خلينا بهذا المنتدى نكون السباقين بهذا الموضوع.
إذا حدا بيعرف إذا في نموذج ثلاثي الأبعاد منشور في دمشق أو في سوريا يخبرنا عنه لأن حسب علمي وتجوالي المستمر ما لقيت.
وطبعاً هيك موضوع بده تنظيم جيد يعني ما حدا يبدأ يشتغل من حاله قبل ما يتأكد أول إنه ما في حدا سابقه لبناء نفس النموذج، ويلي بيبدأ يخبرنا أنه بدأ بنموذج معين حتى غيره ما يكرره.
خبروني رأيكم وإذا موافقين برسل لكم عنوان بريدي الألكتروني في رد على الموضوع.
نسيت أقول أنه كمان Google عملت برنامج لهيك شغلة تماماً وهو برنامج اسمه Google Sketch وفيه منه نسخة تجريبية يلي بحب يجرب بشكل مبسط وما بده يفوت بتعقيدات الماكس.
ملاحظة جانبية ثانية برنامج Google Earth الجديد يعني النسخة 4.2 صار فيها ميزة جديدة اسمها Google Sky جربوه كمان.
ملاحظة جانبية ثالثة (بدون ضرب بس هالمرة ) يلي حابب يصيف بالمريخ بدل اللاذقية وطرطوس أو يلي حابب ياخذ قطعة أرض على المريخ للمستقبل يعني يشوف http://www.google.com/mars
بانتظار ردودكم واستفساراتكم.

الفكرة حلوة كتييييير

وممكن كتير لو تعاونا نساويها
بس عوائد ه الموضوع هو انو يكبر اسم شركه غوغل ... ولا كيف ! وللاسف انو شركة غوغل ما شكلها حابة تتعاون معنا (كسوريا)!

ليش ما نعمل الفكرة برمجيا وكل شي من عنا ولا عازة غوغل
وانا مستعده للتعاون ...

وعلى فكره يمكن لو صارت بيحجبو غوغل عنا

قال في خارطة الكترونية لسوريا بس انا ما شفتها

شكراً لردك إيمان، لكن الهدف أكيد أكيد مش ليكبر اسم شركة غوغل، الهدف هو أنا نعمل شيء مميز للمدينة وللبلد كلها حتى.
مسألة أن شركة غوغل ما شكلها حابة تتعاون معنا هو طبعاً السياسة يلي بتفرضها قوانينهم. مش مسألة شخصية برأيي.
وضحي أكثر بقصدك نعمل الفكرة برمجياً وكل شيء من عنا، كيف ممكن نعمل هذا الشيء؟ في ألعاب ضخمة مثل GTA San Andreas نمذجوا بشكل تقريبي طبعا 3 مدن هي سان فرانسيسكو ولاس فيغاس وعلى ما أظن ساندييجو. بس هيك عملية بقيوا فيها 3 سنين فريق عمل كتير كبير.
وأنا كمان ما عندي كمان فكرة على مسألة الخارطة الإلكترونية.

العفو ,,, اكيد بعرف انو مو هدفك تكبر اسم غوغل,, بس انا نقمت عليهن لانو ما يتعاملو معنا كبلد سوريا صحيح متل ما قلت هي السياسة !

بأصد ببرمجيا وكل شي من عنا ,, انو المشروع ممكن يكون اضخم من انو ننمذج اشكال ثلاثية البعد ,,وبعدين شو منستفيد نعمل اشكال ونمذجه ازا الخارطة نفسها مو متوفرة ,,, !

ياريت فعلا نقدر نعمل مشروع جماعي كبير منقدر من خلاله مبدأيا نعمل خارطة الكترونية ,,, بشوف لو كل واحد عمل مسح لمنطقة معينة ممكن يصير عنا مسح لكل المناطق ,,, وقتها بتصير مو بس خاطرة الكترونية بصير الها ابعاد كتيرة تجارية و احصائية و ... و ...
وممكن المعالم الأثرية و المهمة نعلملها طريقة نمذجه وحتى جولة افتراضية .

الحكي متل الاحلام بس قابل للتطبيق ... صح ؟

هلاء منسال حالنا ليش الشركات ما عملت هيك شي !!! بتمنى اعرف رأيكم ؟

Hi everyone,
Interesting Idea , mohammadtaha..
in fact the whole city of Magdeburg is represented in 3d with all of the details and textures, and there's even a big room with a big wall to have a virtual tour if you like..
plus, a British university has made a 3d representation of the ruins of an ancient city in Turkey, with a virtual restoration, so you can see the city like it was 1500 years ago..
But of course in the two cases they've used a technique that is different from the one you've suggested, they've used what's called a 3d scanner, which is a high definition digital camera with laser emitters and sensors, it can make the whole process a lot easier.. there are a few cheap models, but are for small objects only..
so let's cooperate to buy a 3d scanner