CSC-SY

السلام عليكم
شلون كانت الصيفية يللي مضت معكن
أديش بتعطوها تقييم من 10 ؟؟؟؟؟؟
من الناحية المعلوماتية طبعاً ..
يعني الدورات والخبرات يللي اكتسبتوها بها الصيفية..

بالنسبة إلي كان التقييم بحوالي 6 أو 7 من 10

وبالنسبة إلي -6 أو -7

رح اعطيك تقييم عام .. يعني ليش على مستوى المعلوماتية !؟

تقييم المعلوماتية : 7/10

تقييم الصياعة : 9/10

تقييم المشاريع المخطط لها : 9.4/10

التقييم العام : 8.4/10

الحمد لله كانت الصيفية ظريفة ..

مرحبا
بالنسبة للدورات 0 من 10
اما بالنسبة للخبرة الحمد لله حوالي 8 من 10

كوني خلصت بكالوريا من شان لح اعطي الصيف 12 /10 بالمرح
المشاوير 10/10 والشغل 0/10 حاكم ما أسست حالي شي بالمواد بس يلا لاحقين بس بعد هي الصيفية لح تكون هي فيها شغل مو هي هي آخر صيفية بستمتع فيها

أنا من ناحية المعلوماتية 0/10
أما من ناحية لسواقة فصارت 10/10
لأني قضيت هالصيفية متل كل صيفية شوفير عند أهلي ...

بالنسبة الي :
الصياعة والمشاوير 2\10 اذا مو اقل
دورات 0\10
خبرة ومشاريع معلوماتية 9.5\10

بتتذكرو هاد الموضوع؟

بالنسبة لهدول المشاريع, خلصت منهم 1 و 3 و سباحة و قراءة واطمنا عالباكالوريات وعمبعطي الحمد لله دورة برمجة, وما رجعت بلشت دروس الـ Basic لهلأ !!
بس يلي ما كمنت متوقعو هو دورة الدارات والحمد لله ناجحة وفي طلب على دورة تانية.
وإجاني شغل مع جماعة راكزين الحمد لله, وما عمبلاقي وقت فراغ ولا شوي.
وكمان صرت أكتب دروس ASP.NET 2.0 عالموقع.
فبعطي المعلوماتية 10 / 10
الروحات والجيات 7 / 10
المعسكر 100 من 10 لأنو كان من أحلى إيام حياتي.
دورات 10 / 10 لأني سجلت بدورة الألماني وحاببها كتير لهاللغة.

انا احمد الله التقيم العام -100000 من 10 في هذة الصفية لم استطع تحقبق الا القليل

الحمد الله 9\10 معلوماتية
بس 5\10 مشوير !!!!
أما الخبرة كمان بالمعلوماتية 6\10
يعني معلوماتياً تقريباً 7.99\10
بس الحمد الله أني استفدت بالدرجة الأولى من الصيف وما ضيعتو متل ما صار بصيفية السنة الأولى....

بصراحة:
رحت على الكلية بالصيفية أكثر ما روح عليها بالشتى
وقضيناها على فيفا
وبالنسبة للمعلوماتية 6 من 10 إذا مو أقل
وبالصياعة والمشوير 8 (في كم علامة راحولي لأسباب عائلية -عرضية)
بس يللا بتتعوض .. لسا الأيام جاية

شلون كانت صيفيتي؟؟؟؟ بتقرف بتقرف بتقرف ما حدا يجبلي سيرة هالصيفية ابشع أيام حياتي يعني أنا طول عمري كنت قول انو أبشع صيفية هية صيف 2005 بس هلأ عم قول الله يرحم هديك الصيفية، بعدين شو مشان لسا ما خلصت الصيفية ما تقولوا...
بالنسبة للمشاوير كانت فاقسة كتير و الحمدلله اشتهيت شغلة خططلا و تظبط يعني ما بقي شي ما خططلو و كلو فشل من سفر لشغل لدورات لمشاوير كلو فشل و ما نفذت غير 0.0001% من يلي كان بدي اعملو..
الحمدلله على كل حال بس أبشع من سنة 2007 بحياتو ما مرق علي...

بالنسسبة إلي :
دورات : 7/10
معلوماتية : 6/10
خبرة عمل : 0/10
روحات و جيات و بالأخص (PingPong):حوالي 8/10
السواقة: 10/10
أفلام : 6/10

بالنسبة ألي هي أوّل صيفية بتكون معجوقة كل هالقد يعني عنجد ما حسيت فيها بس إجمالاً الحمد لله انبسطت فيها كتير

هلأ كاكتساب معلومات بشغلات جديدة بالمعلوماتية و دورات بقدر قول تقريباً 9 من 10

بالنسبة للمشاريع فالحمد لله 10- من 10

أما بالنسبة للروحات شي 5 من 10

فيني قول الصيفية ممتازة خاصة بعد نتيجتي
يعني بعطيها -10\10

هي الصيفية ابشع صيفية الا هي الايام يلي عم اضيون بالضيعة ..
بالنسبة للمعلوماتية "من دروس المنتدى فقط لا غير "
اما الروحات والجيات ف(-10)
يالله منعوض بالايام الجاية
بس المهم خلصنا من السنة الاولى بخير وسلامة

الصيفية ....

 حلوة كون في فائدة علمية ومو كتير كونها كانت مضغوطة يعني ما لي متعودة أعمل كتير دورات بالصيف؟؟؟؟؟

 من ناحية الاستفادة العلمية فالحمد لله استفدت نوعاً ما (10/7)

من ناحية الترفيه يعني10/6

 من ناحية القراءة قرأت روايات كتير 

و إجمالاً قدرت الحمد لله ساوي كل شئ كنت مخططة له... 

ليش بلشت الصيفية ؟؟!!

والله الحق معك يا همام .. حاكم ما خلصتوا امتحانات الماجستير إلا من فترة قريبة بس ..

كتب shashi:

كتب همام:

ليش بلشت الصيفية ؟؟!!

والله هي كلمة حق لك على القليلة انتو طلاب الجامعة بتقدموا فحص وبتستنوا نتايجكون ببال مرتاح اما طالب البكلوريا بكون لسه قدامه مية الف عقبة ليرتاح وياريتو بالاخير بيرتاح
النتايج والمفاضلة الاولى والتانية والتقديم والتسجيل شغلة...
بالنسبة الي كانت صيفيتي معتة وابشع صيفية يعني كلها توتر ومشاكل من الناحية العلمية االحمدالله هلأ عم طور حالي شوي بالبرمجة"pascal" مشان ادخل على الكلية يعني مو متل الاطرش بالزفة
من ناحية المشاوير يعني 8/10 ولو انو تلت ارباع الايام كانت نكد انشاءالله منعوض بالصيفيات الجاية

انا برأيي انو صيفية بعد البكالوريا غمة للطالب يلي مو مجمع كتيير علامات متل واحد جمع 234 وناوي طب مثلا او بدو موازي شي شغلة وما مجمع وعم بيستنى المفاضلة التانية اما انت مجمعة 35 ما لك حق تحكي هيك بقى الحسرة علينا جماعة 32 شو بدنا نحكي بينما الواحد إذا ضامن حالو ليش يخاف انا بقول عكس هيك لانو هي احلى صيفية صرت اسهر لل3 وصار عمري 18 يعني ار فيني سوق سيارة او بيك آب وفيني صار انزل على الشام وما حدا يقلي يا محلا الكحل بعنيك

هالصيفية كانت عندي كتير حلوة
من ناحية المعلوماتية بقيمها 3/10
ومن ناحية السفر والرحلات 7/10
ومن ناحية علوم التمريض3/10
ومن ناحية علوم الأعمال المنزلية 5/10
ومن ناحية العلوم الدينية (ما فيني قول غير الله يتقبل مني ومنكم)
ومن ناحية القراءة والثقافة العامة 6/10
ومن ناحية الضرب بالجفت وفكه وتركيبه 3/10 (لأنو لسه عمإرجع مترين لورا بكل ضربة)
ومن ناحية السباحة والركض 10/10
>>>>>>>>>>>>>>>>
لسه انشاالله ما بتخلص الصفية عندي
لأنو بكير عالدوام

كتب Mhd Shaker:

كتب en.karam1989:

كتب Rasha.88:

ومن ناحية الضرب بالجفت وفكه وتركيبه 3/10 (لأنو لسه عمإرجع مترين لورا بكل ضربة)

ولي نحنا بالمعسكر ما عملنا هيك

اي اخي كرم معسكر الرجال غير معسكر الشباب .......... هدول بيكونوا بمراحل متقدمة شوي :lol:

wt about GYM

كتب Mhd Shaker:

كتب en.karam1989:

كتب Rasha.88:

ومن ناحية الضرب بالجفت وفكه وتركيبه 3/10 (لأنو لسه عمإرجع مترين لورا بكل ضربة)

ولي نحنا بالمعسكر ما عملنا هيك

اي اخي كرم معسكر الرجال غير معسكر الشباب .......... هدول بيكونوا بمراحل متقدمة شوي :lol:

كل إنسان بعبي مركزو بتعليقو !!!!!!!

طولوا بالكم ما وصلت لمرحلة ضرب الزلم لسه

 في مين بيتبرع؟؟؟للتجربة