CSC-SY

مسا الخير للجميع حابب اعرف آراء البشمهندسين و البشمهندسات باسئلة قبول الماجستير الي اجتنا اليوم و شو رايهم فيها و ان شا الله يكون الكل توفق بالاجابة
انا من جهتي حست فيها من كل بستان شوكة و غير ذلك ما في تنسيق و ورقة الامتحان كأنوا الي كاتبها ما بيعرف انو الاسئلة موتمتة و الجواب لازم يكون واحد بس, يعني و شوية مشاكل تانية مستني ردودكم...ز

بالنسبة لأسئلة البرمجيات ولو اني ما كتبت منيح بس برأيي الأسئلة كانت سهلة ، اكتر شي خبصت فيه نظري الملتيميديا والجزء الاول من قواعد المعطيات عن المناقلات :-(

والله بالنسبة لهل المسابقة الغريبة العجيبة انا ضدها بالمية مية لأنو كل المواد يلي انطرحت منها اسئلة خلال امتحان الماجستير نحنا درسناها واعملنا امتحانات فيها واتخرجنا فليش هالفحص ماعم افهم
يعني امتحان اللغة والله فيها وجهة نظر أما هالمسابقة انا مو معها
وبالنسبة للاسئلة هي سهلة على صعبة لانو حسيتها من سهولتها صعب تركزها أثناء مراجعتك لمواد الرابعةو الخامسة بالفترة الماضية يعني بهل الفترة يلي مرقت ركزت انا عكم شغلة بكم مادة يعني الفقرات الهامة وماقرات شي تاني وحست ضمن اسئلة معالجة اللغات الطبيعة مثلا في اشياء بدها تكون حطيت المادة ونكشت فيها
يلا هنن المتقدمين كأنو قلال واذا النا نصيب نكمل منكمل
بالتوفيق للكل

الله يوفق الكل والعدد فعلا كان قليل لهيك لازم برأيي ياخدوا كل مين قدم الفحص!!!! ياريت!!!!!!

أرجو إخبارنا بالنتائج فور صدورها وأسماء المقبولين مع تمنياتي بالنجاح والتوفيق للجميع .

بظن وضع الطلاب اللي قدموا من غير طلاب الشام و أنا منهم كان أصعب شوي ، بالنسبة إلي كتير في اسئلة مرقت عليي مو سمعانة فيها أو بموضوعها و خاصة بقسم المالتيميديا ، و قواعد المعطيات كانت أسهل شي لأنها عامة أكتر شي و ما بدها مراجعة و دراسة غير هيك يا أما أسئلة ما بعرفها بنوب متل ما قلت و اللي بعرفه كان بده مراجعة و لو بسيطة قبل .

على كل انقضت و الله يوفق الجميع و ناطرين النتائج .