كتب Dr.Siko:
عنجد زعلت عليك هلأ وانا عم اقرا الموضوع .. الظاهر طموحك كبير كتير ....... أكبر مما تتصور ...
بدك مساعدة يا NightWolf من طلاب التالتة ؟؟!!!
والله انا بطلت هالشغلة كلها .....
وقت رحت ونزلتهم محاضرة بنيان حواسيب /2/ .. فكرت أنه عامل شي شغلة مرتبة والطلاب رح يستفادوا منها .. بس لقيت انه طلابنا مو بشر ..... وما بيلبقهم أي نوع من المساعدة ....
أجى للكشك ميت فزلكة وأكل هوا وعلة عن المحاضرات :
شي قال أنه المحاضرة خطها ما حلو .. (مع العلم أنها مكتوبة عالكمبيوتر !!!!!)
شي قال أنها طويلة كتير ( يعني محاضرة البنيان الحواسيب السنة الماضية كم صفحة كانت ؟!! )
شي قال أنه كتير فيها شرح بلا طعمة ( لاء حبيبي شلون بدك تفهم إذا ما في شرح !؟!؟؟! )
شي قال أنه حاطين السلايدات متل ما هي بالمحاضرة .. هو أنا اتبعت طريقة فكرت حالي اني رح فيد أنه عرّب السلايدات مشان يفهموا الطلاب أكتر ويعرفوا شو صاير بالسلايد ..
وشي اعترض على الفكرة أنه إذا بدكم تنزلوا سلايدات فبلاها المحاضرة .. ليش السلايد مشروح حتى تقدر تدرسها من السلايدات يا فهمان !؟!؟!؟
معقول إلي اسبوع عم اركض ورا هاد وهداك مشان آخد منهم تسجيل المحاضرات وما حدا عم يرضى !؟!؟!؟!؟!
إذا صار وتعطلت الـMp3 تبعي وتعطلت أسبوع لبينما تتصلح ... يعني شو ذنبي ؟؟ مضطر اكسر نفسي حتى اسمع التسجيلة واكتب المحاضرة ويلي بدورها مو عاجبتهم !؟!؟!؟!؟
السنة الماضية وقت كان ما حدا غيري يسجل المحاضرة كانوا يجوا لعندي .. ناس شي بعرفهم وشي ما بعرفهم مشان أعطيهم التسجيلات .. هلأ وقت اعتزتهم ما حدا هون .... !؟
لاء أخي لاء .... مالي مضطر اتعب وعذب حالي وبالأخير بلوشي .... كل واحد يدبر حاله متل ما بالعادة بتعملو ......
أرسل من قبل 
