سؤال إلى طلاب السنة الثالثة وما فوق :)

صفحة البدء » منتديات » الجامعات السورية » جامعة دمشق
أرسل من قبل hanihh في الأربعاء, 2007/10/24 - 10:08pm.
مشرف
صورة hanihh

تاريخ التسجيل: 2004-03-05
مشاركات: 1388

الجامعة: دمشق
الكلية: الهندسة المعلوماتية
المرحلة: السنة الثالثة

السلام عليكم
إلى طلاب السنة التالتة فما فوق
حدا صار معو شي حالة اسمها (تحشيش الخوارزميات)أو(algorithm addiction)
المشكلة أنو ما عدت درست غيرها .....
حتى وقت فاضي ما عاد في
طول مالي قاعد عم فكر وطول مالي ماشي عم فكر .....
بقى الوضع طبيعي ولا........
من الصبح للمسا يا عالورقة يا الكمبيوتر عم دق كود .....
خبرونا في من هالوضع ولا هالشي مستحدث....

‹شراكة في عملي الدارات المنطقيةشو منشان دوام الماجستير ؟؟ ›
 
دخول أو تسجيل لإرسال التعليقات | قراءة: 511

خيارات عرض التعليقات

اختر طريقتك المفضلة لعرض التعليقات و اضغط "حفظ الإعدادات" لتفعيل تغييراتك.
الأربعاء, 2007/10/24 - 10:35pm
عضو فعال
صورة en.karam1989

تاريخ التسجيل: 2007-03-24
مشاركات: 2387

الجامعة: دمشق
الكلية: الهندسة المعلوماتية
المرحلة: السنة الثانية

كتب hanihh:
بقى الوضع طبيعي ولا........
لأ ولا .......
Mr. Green


3D Max From The Begining

 
دخول أو تسجيل لإرسال التعليقات
الأربعاء, 2007/10/24 - 10:38pm
صورة the soul

تاريخ التسجيل: 2006-01-11
مشاركات: 90

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

بظن أنو هادا شي كتييييييييييييير طبيعي يعني أنا بتذكر حالي أنو ما درست موادي إلا بوقت الإمتحان تبعها بس طبعاً هادا الوضع بيتغير بالفصل التاني

المهم أنو بهالفصل بدو يصير معكون هيك شي لأنو ضغط كتر عليكون و اختلف عن وضع السنة الأولى يعني على القليلة لسا هي أول مرة بتشوفو هيك ضغط و لا تنسوا أنو عم تاخدو مواد بشكل عام مو سهلة و فوقها خوارزميات و من شان زيادة الخير أنو يلي عم يعطيها الدكتور عمار خير بيك

هلأ في نصيحة كان المفروض أنصحها لحالي قبل ما قولها لغيري بس مو مشكلة هلأ مشي الحال..... و هي النصيحة أنو قد ما فيكون حاولو تنظمو وقتكون يعني لا تهملو موادكون بنوب هلأ أكيد هالكلام نظري بحت و صعب التنفيذ بس يعني هادا الحل الوحيد من وجهة نظري طبعاً....

لو عرف الناقص نقصه لأصبح كاملاً!!!
 
دخول أو تسجيل لإرسال التعليقات
الأربعاء, 2007/10/24 - 11:16pm

تاريخ التسجيل: 2006-04-18
مشاركات: 36

الجامعة: دمشق
الكلية: الهندسة المعلوماتية
الاختصاص: ذكاء صنعي

هادا الشي عادي ... هيك صار معي ...بس بنصحك إنه تخفف شوي..

الدنيا مو كلها خوارزميات!!!
 
دخول أو تسجيل لإرسال التعليقات
الأربعاء, 2007/10/24 - 11:24pm
صورة roro 2007

تاريخ التسجيل: 2007-03-16
مشاركات: 63

الجامعة: دمشق
الكلية: الهندسة المعلوماتية
المرحلة: السنة الرابعة

هاد الشي أكتر من طبيعي Smile
ولا يهمك المعلوماتية كلها هيك...
وهادا اللي محليها Smile
ولا شو رأيكن ياطلاب المعلوماتية ؟؟

مايذهلني بالبرمجة: العودية(Recursion) والمؤشرات(Pointers) والمكدس(Stack) بيعملوا أشياء رهيبة...

***********Creative**********

 
 
دخول أو تسجيل لإرسال التعليقات
الأربعاء, 2007/10/24 - 11:37pm

تاريخ التسجيل: 2006-04-27
مشاركات: 73

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

كتب hanihh:
طول مالي قاعد عم فكر وطول مالي ماشي عم فكر .....
بقى الوضع طبيعي ولا........
من الصبح للمسا يا عالورقة يا الكمبيوتر عم دق كود .....
خبرونا في من هالوضع ولا هالشي مستحدث....

كتير طبيعي
لسا حتشوفها بمنامك كمان Smile
 
دخول أو تسجيل لإرسال التعليقات
الخميس, 2007/10/25 - 12:31am
صورة Amer_E

تاريخ التسجيل: 2007-03-22
مشاركات: 348

الجامعة: دمشق
الكلية: الهندسة المعلوماتية
المرحلة: السنة الثالثة
الاختصاص: غير ذلك

ما بكذب عليك لو قلتك أني كنت شوف شاشة الباسكال الزرقا و أنا نايم...
و يصير معي كابوس stack over flow و هلم جراااااااااا
على كل حال الله يحمل معك يا صديقي لهلا و ضعك طبيعي ....

"أجمل لحظات التحدي أن تبتسم حين ينتظر الجميع منك أن تبكي"
 
دخول أو تسجيل لإرسال التعليقات
الخميس, 2007/10/25 - 1:22am
عضو فعال
صورة DAM

تاريخ التسجيل: 2007-06-05
مشاركات: 553

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

و الله يا أخي hanihh الوضع تقريباً طبيعي ...
طبعاً بالنسبة لواحد عندو هدف و إرادة لتحقيقه ...
و الخوارزميات من أهم المواد اللي بتميز كليتنا متل ما قالوا الشباب ...
و هي اللي بتميز المهندس عن ضريب الكود أو ال(Indian)...
يعني تعزيز مرحلة التحليل و التخطيط ...
فقد ما قويت حالك بكون كتير منيح و رح تلاقيه بعدين ...

بس ما بنصحك تهمل المواد التانية إهمال كامل...
لأنو في شي معت متل التحليل 3 و البرمجة 3 ...
و حتجي أيام قبيل تسليم الوظائف من أكثر الأيام ضغطاً في الكلية ...و ما رح تحسن تركز فيها كتير عالمواد التانية ..

Arithmetic is being able to count up to twenty without taking off your shoes
 
دخول أو تسجيل لإرسال التعليقات
الخميس, 2007/10/25 - 1:37am
عضو فعال
صورة Dr.Siko

تاريخ التسجيل: 2005-10-25
مشاركات: 933

الجامعة: دمشق
الكلية: الهندسة المعلوماتية
المرحلة: السنة الثالثة

عادي يا هاني عادي ...

لكان وقت كنت احكيلك عن الخوارزميات وآثارها الجانبية كنت ما تصدقني Mr. Green متل ما بيقولوا : "الواحد بيتعلم من كيسو"

هو المشكلة أنه أصحاب المادة بيعتبروا أنه مالك شي بهالدنيا ( دراسة - عمل - لهو - نشاطات - تسلية - فوتة عالحمام .... ) إلا مادة الخوارزميات ....

وهادا للأسف مو بس تفكيرهم .. هادا تفكير باقي المواد متل البرمجة يلي رح ينزلوا تقريرين خلال الفصل واكيد التقرير الأول كتير قريب ..

والدارات المنطقية يلي عندك كل أسبوع تقديم تقرير .. وبعدين عند امتحانين عملي إلها ..

والتحليل /3/ يلي بينزلك الدكتور فيها شي 20 تمرين مطلوب تحلهم وتقدمهم وظيفة ..

والله أعلم إذا دكتورة الإحصاء بتفرض عليكم شي وظيفة ...

هي المشكلة الكبيرة بالفصل الأول للسنة الثانية .. بس انشالله رح ترتاحوا بالفصل الثاني .. يلا هانت بقي شهر ونص وبيخلص الدوام الفعلي بالكلية ..... أيـــــــــه أيام !!

كتب Amer_E:
كنت شوف شاشة الباسكال الزرقا و أنا نايم...
و يصير معي كابوس stack over flow و هلم جراااااااااا
أي لا تزودها عامر .. ما كنت تشلف كل الشغل على شريكك Wink

كتب DAM:
و هي اللي بتميز المهندس عن ضريب الكود أو ال(Indian)...

ليش DAM وقت كنت تكتب برنامج بـ 1500 سطر ما كنت بهالحالة Indian أو "ضريب كود" ؟؟؟؟
ما كانت فكرة البرنامج تطلع معنا بساعة وحدة .. وكود البرنامج ياخد أسبوع ليظبط !!

ما كان لعبد أن يشقى ... لو أنه استفاد من الدهر أو ما تبقى

 
 
دخول أو تسجيل لإرسال التعليقات
الخميس, 2007/10/25 - 1:44am
عضو فعال
صورة DAM

تاريخ التسجيل: 2007-06-05
مشاركات: 553

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

كتب Dr.Siko:
كتب DAM:
و هي اللي بتميز المهندس عن ضريب الكود أو ال(Indian)...

ليش DAM وقت كنت تكتب برنامج بـ 1500 سطر ما كنت بهالحالة Indian أو "ضريب كود" ؟؟؟؟
ما كانت فكرة البرنامج تطلع معنا بساعة وحدة .. وكود البرنامج ياخد أسبوع ليظبط !!

أي لأنو ما عم نعرف نخطط منيح ...
ما عم نتعلم نشتغل Professional ((مع أنو هيك عم يعلمونا بالكلية!!!))...
بالكلية ما عم يعطوك طرف الخيط ...
عم يدلوك على طرف الخيط و يقلولك روح لعندو ...
و لحاق إذا بتلحق ...

Arithmetic is being able to count up to twenty without taking off your shoes
 
دخول أو تسجيل لإرسال التعليقات
الخميس, 2007/10/25 - 2:34am
صورة helaly

تاريخ التسجيل: 2006-11-25
مشاركات: 162

الجامعة: غير ذلك
الكلية: الهندسة المعلوماتية
المرحلة: ماجستير
الاختصاص: غير ذلك

أنا كانت عندي كل المواد بكفة و الخوارزميات بكفة. إذا بتعطيني أصعب مسألة خوارزميات مستعد ضل فكر فيا أيام حتى حلا, بس تقلي برنامج فيه سوكيت و كلاينت و مابعرف شو, و شوف إعدادات الجافا أو كل بيئات التطوير التانية مالي خلق إقعد فكر فيا ربع ساعة, لأني وقتا رح حس حالي ضريب الكود.
بس نحن بحمص كان عنا أنسة تقلنا اعطوني الفكرة بس, و من وراها الله يكتر خيرا و يكتر من أمثالا طالعت البرمجة2.
و لما كنت سنة 2 أخدت علامة عالية بالخوارزميات و حملت 3 مواد, مع هيك بتوقع إذا حملت 3 مواد بتحسن تطالعون بس إذا حملت الخوارزميات 1 راحت معا مباشرة الخوارزميات 2 و خود بقى للتطالعون.


و في السماء رزقكم و ما توعدون {} فو رب السماء و الأرض إنه لحق مثل ما أنكم تنطقون
 
دخول أو تسجيل لإرسال التعليقات
الخميس, 2007/10/25 - 6:05am
مدير
صورة foaad

تاريخ التسجيل: 2005-07-15
مشاركات: 3150

الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات

كتب DAM:
و هي اللي بتميز المهندس عن ضريب الكود أو ال(Indian)...
مافي داعي للتعليقات العنصرية!
بعدين على حد علمي الهند متطورة بعلوم الكمبيوتر أكتر من سوريا بمئة مرة, مشان هيك التعليق مو بس عنصري وغلط كمان Smile

 
دخول أو تسجيل لإرسال التعليقات
الخميس, 2007/10/25 - 9:21am
عضو فعال
صورة DAM

تاريخ التسجيل: 2007-06-05
مشاركات: 553

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

كتب foaad:
كتب DAM:
و هي اللي بتميز المهندس عن ضريب الكود أو ال(Indian)...
مافي داعي للتعليقات العنصرية!
بعدين على حد علمي الهند متطورة بعلوم الكمبيوتر أكتر من سوريا بمئة مرة, مشان هيك التعليق مو بس عنصري وغلط كمان Smile

معك حق عمي foaad ...
بتراجع عن آخر الجملة اللي كتبتها ...
بس كنت أسمع هالجملة بشكل متكرر من أحد الأشخاص ، مشان هيك كتبتها بشكل عفوي ...

Arithmetic is being able to count up to twenty without taking off your shoes
 
دخول أو تسجيل لإرسال التعليقات
الخميس, 2007/10/25 - 9:42am
عضو فعال
صورة DAM

تاريخ التسجيل: 2007-06-05
مشاركات: 553

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

و إذا بتم حذف آخرها"أو ال(Indian)" بكون كتير منيح ...

Arithmetic is being able to count up to twenty without taking off your shoes
 
دخول أو تسجيل لإرسال التعليقات
الخميس, 2007/10/25 - 6:21pm
عضو فعال
صورة Dr.Siko

تاريخ التسجيل: 2005-10-25
مشاركات: 933

الجامعة: دمشق
الكلية: الهندسة المعلوماتية
المرحلة: السنة الثالثة

كتب DAM:
أي لأنو ما عم نعرف نخطط منيح ...

التخطيط شي وكتابة الكود شي تاني ....

وكيف بدو الواحد يكتب كود إذا ما قدر يخطط للمسألة أصلاً ؟؟!!

ما كان لعبد أن يشقى ... لو أنه استفاد من الدهر أو ما تبقى

 
 
دخول أو تسجيل لإرسال التعليقات
الخميس, 2007/10/25 - 7:46pm
عضو فعال
صورة DAM

تاريخ التسجيل: 2007-06-05
مشاركات: 553

الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: ذكاء صنعي

كتب Dr.Siko:
كتب DAM:
أي لأنو ما عم نعرف نخطط منيح ...

التخطيط شي وكتابة الكود شي تاني ....

وكيف بدو الواحد يكتب كود إذا ما قدر يخطط للمسألة أصلاً ؟؟!!

يعني كل الطلاب عنا بيخططوا و ببرمجوا Professional و و...
في طلاب كانت دغري تكود و شو بواجهن مشاكل بحلوها بوقتها ...و نحن كنا نشوف هيك حالات بالسنة الثانية ...
و في طلاب مالهم مضطرين بالأصل يكودوا ...في مين يكودلهم Smile ...

Arithmetic is being able to count up to twenty without taking off your shoes
 
دخول أو تسجيل لإرسال التعليقات
الخميس, 2007/10/25 - 7:50pm
مشرف
صورة mpcabd

تاريخ التسجيل: 2006-02-19
مشاركات: 2661

الجامعة: دمشق
الكلية: الهندسة المعلوماتية
المرحلة: السنة الثالثة

طبيعي عمي هاني طبيعي لا تخاف ولا ترتعب Mr. Green
 
دخول أو تسجيل لإرسال التعليقات
الخميس, 2007/10/25 - 8:46pm
عضو فعال
صورة en.karam1989

تاريخ التسجيل: 2007-03-24
مشاركات: 2387

الجامعة: دمشق
الكلية: الهندسة المعلوماتية
المرحلة: السنة الثانية

أحسن شي متل ما قال Dam

كتب DAM:
و الله يا أخي hanihh الوضع تقريباً طبيعي ...


3D Max From The Begining

 
دخول أو تسجيل لإرسال التعليقات
الخميس, 2007/10/25 - 9:05pm
صورة hiba.th

تاريخ التسجيل: 2007-09-07
مشاركات: 403

الجامعة: دمشق
الكلية: الهندسة المعلوماتية
المرحلة: السنة الثالثة

طيب سؤال تاني صغير ..
بقية المواد .. نحنا بدنا لنرفعهم فوق ال 60 .. كيف وشلون وإيمتى ؟؟؟؟؟؟؟؟؟؟؟؟؟؟؟ إذا حضور بطلنا نحضر غير برمجة وخوارزميات وكل يوم بتطلع فنة جديدة بالخوارزميات بتخلينا نرجع نعيد التفكير من جديد ...
هلأ إذا درسنا بس وقت الفحص بنجيب فوق ال60
والله ما بظن مع هيك مواد !!!!!!
قلولي لأني كتير مهمومة

اللهم آتنا في الدنيا حسنة وفي الآخرة حسنة وقنا عذاب النار
 
دخول أو تسجيل لإرسال التعليقات
الخميس, 2007/10/25 - 9:22pm
عضو فعال
صورة en.karam1989

تاريخ التسجيل: 2007-03-24
مشاركات: 2387

الجامعة: دمشق
الكلية: الهندسة المعلوماتية
المرحلة: السنة الثانية

كتب hiba.th:
بس عم إحضر المواد المعتة حتى ما يأنبني ضميري Smile

ليكون قصدك البرمجة والخوارزميات هنن المواد المعتة ؟؟


3D Max From The Begining

 
دخول أو تسجيل لإرسال التعليقات
الخميس, 2007/10/25 - 9:26pm
صورة hiba.th

تاريخ التسجيل: 2007-09-07
مشاركات: 403

الجامعة: دمشق
الكلية: الهندسة المعلوماتية
المرحلة: السنة الثالثة

لاء
قصدي التحليل والاحتمالات ...
كنت إحضرهم بس هلأ بطلت ...
يعني معقول خوارزميات معتة ولا برمجة 3 ؟؟؟؟؟؟؟؟؟!!!!!!

اللهم آتنا في الدنيا حسنة وفي الآخرة حسنة وقنا عذاب النار
 
دخول أو تسجيل لإرسال التعليقات
الخميس, 2007/10/25 - 9:48pm
عضو فعال
صورة Ray

تاريخ التسجيل: 2007-01-30
مشاركات: 1309

الجامعة: دمشق
الكلية: الهندسة المعلوماتية
المرحلة: السنة الثالثة

كتب hiba.th:
طيب سؤال تاني صغير ..
بقية المواد .. نحنا بدنا لنرفعهم فوق ال 60 .. كيف وشلون وإيمتى ؟؟؟؟؟؟؟؟؟؟؟؟؟؟؟ إذا حضور بطلنا نحضر غير برمجة وخوارزميات وكل يوم بتطلع فنة جديدة بالخوارزميات بتخلينا نرجع نعيد التفكير من جديد ...
هلأ إذا درسنا بس وقت الفحص بنجيب فوق ال60
والله ما بظن مع هيك مواد !!!!!!
قلولي لأني كتير مهمومة
رأي الشخصي أنو الدنيا مو كلها خوارزميات... هي مادة أساسية واختصاصية بكليتنا وووو...
بس كمان إذا نحنا نجحنا بالخوارزميات وجبنا علامة فيها وحملنا كم مادة تانيات ( الله لا يقدر ) ما منكون كسبنا شي!!!!
يعني الشغل بالخوارزميات مع باقي المواد أحسن ب100% ...
يعني الواحد يعطي لكل مادة حقها من حيث الحضور والدراسة... متل ما الخوارزميات عليها 100 علامة كمان باقي المواد عليها 100 علامة

اللهم اجعل لنا من كل هم فرجاً، ومن كل ضيق مخرجاً وارزقنا من حيث لا نحتسب

أنت تحترق وشركات التبغ تربح!
 
دخول أو تسجيل لإرسال التعليقات
الخميس, 2007/10/25 - 9:52pm
صورة happy

تاريخ التسجيل: 2007-02-13
مشاركات: 266

الجامعة: دمشق
الكلية: الهندسة المعلوماتية
المرحلة: السنة الثالثة

كتب hiba.th:
بقية المواد .. نحنا بدنا لنرفعهم فوق ال 60 .. كيف وشلون وإيمتى ؟؟؟؟؟؟؟؟؟؟؟؟؟؟؟ وكل يوم بتطلع فنة جديدة بالخوارزميات بتخلينا نرجع نعيد التفكير من جديد ...

CryCry

no comment

Never Break three things In You're Life: Trust, PROMISE& HEART Because When They Break They Don't make noise but pain a lot.
 
دخول أو تسجيل لإرسال التعليقات
الجمعة, 2007/10/26 - 4:14pm
صورة wazzz

تاريخ التسجيل: 2005-11-29
مشاركات: 942

الجامعة: دمشق
الكلية: الهندسة المعلوماتية
المرحلة: السنة الثانية

والله انا ابن عمي منهدس برمجيات مخضرم (من الدنمارك )المهم لما اجى لعندي بالصيف قلي كلمة حلوة وهي انو الواحد بس ليترج من المعلوماتية لح يساوي كل شي خوارزمية يعني لما اجى معي على المطعم حولي الطلبية لخوارزمية يعني عادي هيك عم بيصير ولما بدك تتجوز لح تحول طلب الإيد لخوارزمية بعدين تبعتو للخطيبة وهيك يعني
وانا من هلق بلشت احلم بالكودات حاسس حالي لح صير rain man
(اخو لتوم كروز بالفلم إذا عرفتوه)

I'll code Pascal codes for food and shelter
 
دخول أو تسجيل لإرسال التعليقات
الجمعة, 2007/10/26 - 7:02pm
عضو فعال
صورة The Tornado

تاريخ التسجيل: 2007-06-07
مشاركات: 1057

الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: ذكاء صنعي

عادي عادي

هو هالشهر وبيمر .. وما عاد يصير معك هيك شي ان شاء الله

بس يمكن لأنو أول مرة بتاخدو هيك وظيفة كبيرة ..... وعند الدكتور عمار فورا Mr. Green ...
بسيطة
لا تحملوها زيادة ...
 
دخول أو تسجيل لإرسال التعليقات
الجمعة, 2007/10/26 - 7:39pm
عضو فعال
صورة Dr.Siko

تاريخ التسجيل: 2005-10-25
مشاركات: 933

الجامعة: دمشق
الكلية: الهندسة المعلوماتية
المرحلة: السنة الثالثة

كتب DAM:
في طلاب مالهم مضطرين بالأصل يكودوا ...في مين يكودلهم

Mr. Green ~ Wink

ما كان لعبد أن يشقى ... لو أنه استفاد من الدهر أو ما تبقى

 
 
دخول أو تسجيل لإرسال التعليقات
السبت, 2007/10/27 - 1:18am
صورة Z-Logic

تاريخ التسجيل: 2007-09-12
مشاركات: 246

الجامعة: دمشق
الكلية: الهندسة المعلوماتية
المرحلة: السنة الرابعة

كتب Amer_E:
ما بكذب عليك لو قلتك أني كنت شوف شاشة الباسكال الزرقا و أنا نايم...
و يصير معي كابوس stack over flow و هلم جراااااااااا
منيح معناتا كنت تنام !!!

عادي كتير بس لأنو أول مرة بتتعرض لهيك ضغط بس بعدين شوي شوي بتتعود على هالحالة المزرية (علمأ ان الضغوط ستزداد سنةً بعد سنة)

لكن في النهاية لكل تجربة طعمها الخاص ...

I am Sorry ... ,But There Are Always Logic & Rules Can't Be Passed

 
دخول أو تسجيل لإرسال التعليقات