CSC-SY

هاي
انا طالبة سنة اولى حسيت انو المعلوماتية لغة العصر وفرع حلو مشان هيك دخلتا بس بعدين ومن هوا مشاركاتكن الظاهر ما حدا مبسوط بهل الفرع (او كل شي فيها صعب )حتى المواد اتخيلتا شي تاني بقى انتو هيك حسيتو بلأول ولابس انا وبكرة ح يتغير عندي هاد الشعور او لا لأني صراحة ما كل المواد حبيتا
بقى بلييييز اتجاوبوني بركي برفع معنوياتي شوي
بااااااااااااااي

بالنسبة إلي ما حسيت أني طالب هندسة معلوماتية إلا وقت صرت سنة ثالثة .... ومو إحساس تام ....

بالنسبة إلي فعلا ياعمي المعلوماتية شي فخامة ..!!

وفعلا لغة العصر .. !

يعني ابداً ما لازم تندمي ...

وإذا كانت المعلوماتية أصعب شي فهذا دليل على أنها أهم شي وأفضل شي مو العكس ...

خلي معنوياتك عالية ولا يهمك

لازم تعرفي شغله وهي انو احلى شي بالدنيا انو الواحد يشوف شغله ويكرهها ويحس انو ما بيقدر عليها بعدين يصر انو يتحداها ويشوف النتيجه الحلوه. وهي المعلوماتيه هيك صعبه وكرهه بس لما تشوفي النتايج تبعها بتكوني كتير مبسوطه

أهلين فيكي..

أكيد مو كل المواد بتعجبنا وخاصة بالسنين الأولى يلي أغلبها مو من اختصاصنا فحتحسي بملل فيون ...بس سنة ورا سنة بتحسي بالمتعة أكتر وبتنبسطي أكتر (طبعا بعد معاناة )

بس بلأخر هي أحلى فرع برأيي وبتستاهل الواحد يتعب كرمالها ..

والمواضيع (يلي منظهر فيها معاناتنا من المواد) فهي شي عادي ..يعني نوع من مناقشة للمواد بالاضافة لإظهار المشاكل اللي بتظهر بالمواد  مع الأصدقاء...

وبنصحك تدرسي منيح من أول سنة خاصة المواد التخصصية لأنها أساس بناءك المعلوماتي..

والله يوفقك...

المعلوماتية .......... اخخخخخخ حكاية طويلللللة ولسانا بأولها لا يمكن لسانا بالمقدمة او التمهيد .....
يعني انا اكتر حدا عاند وحارب وقاتل لكون هون وحلمي لسا ما اتكسر بالكامل يعني لسا أملي بالسنوات اللي جاية انو تكون احسن من السنة الاولى ........ بالنسبة للمواد يعني مواد الاولى معتة والدوام متعب كتير بس في شغلات بتشجع على الاستمرار يعني حرام نيأس ونحنا ما صرلنا الا شهر مداومين
من الشغلات المشجعة اللي لازم يكون اللكل حاسس فيها جو الكلية بجد حلو ومسلي يعني funny وكمان في مواد حلوة وبتخليني احمد ربي اني انا هون متل المبادئ و........ بعتقد ما في غيرها
بقى خليكي متشجعة وان شاءالله السنوات الجاية بتكون احلى واحلى

من يبحث عن السعادة قد لا يجدها في كلية الهندسة المعلوماتية
ومن يبحث عن العلم و المعرفة لازم يتعب حتى يجدها في المعلوماتية

هاد رأيي المتواضع

انا برأي انه الشعور حيزول سنة ورا سنة ولا تخافي فالقادم مذهل أكثر قصدي انشاالله سنة ورا سنة حتحسي حالك حابة الفرع للعظم

موفقة

واللله بالنسبة إلي انا متل مو شايفين مسجل من 2005 يعني لما كنت بالعاشر وهادا حلمي وهو عم بيتحقق بس الطامة الكبرى هي المواد انا كنت لما ادرس A+او Network+فكر انو المعلوماتية هيك بس لما فتت لقيت انصاف نواقل وفيزياء كمومية (بحب نبه لشغلة كتيير ناس ما فهمانينها وهي انو بالكلية عندهم عن جد نظرة لقدام لما عم بيعطونا عن الفيزياء الكمومية في مرة قريت بمجلة CRn الشرق الأوسط انو نحنا وصلنا لعصر ما فينا ندهش ترانزستورات بالمعالج اكتر من هيك هلق (45 نانو متر لهلق )بس بعدين في شي لح يجي اسمو الحوسبة الكمومية من شان هيك بحب قول للكل انو انت لما بتفهم ليش عم بيعطوك مادة معينة لح تحاول تحبها على الرغم من سآلتها وهي مو شغلة هينة وبالنسبة للبرمجة هي اكتر شي شفتو معت ما بعرف انا كنت حبها من 3 سنين وكنت اشتغل شوي على vb بشكل بسيط بس لما اجيت لهون لقيت كل شي معقد وخليها لله شو بدنا نحكي لنحكي .بس انا بقلك انو حتى لما كنا بكالوريا وقديش الجو تعيس كان احلى صف عندي بكل مراحلو لاني عرفت مع مين اقعد يعني انا برأيي اهم شي بعد الدراسة هو الشلة المناسبة انا شفت شي مليون شلة بالأخير زبطت شلة خاصة وصرنا عصابة تنهب الطلاب ونقف على الأبواب سائلين عن الID وإذا حدا شافني على الباب شي يوم بدل ابو عكر او ابو كناكر جهزلي 25 ورقة او لف لآخر الدنيا بالمدني
وإذا ما حدا رسب بعمرو متلي لح تعرف كلمة التحميل والحامل والمحمول
الحامل هو انت عزيزي القارىء والمحمول هو laptop
والتحميل هو ان يقف الإنسان بوضع الركوع ليتم تحميله بالمواد يلي الجبال ما قدرت تحملها

بقى عادي شو بيصير معك عزيزي القارىء ولأي استفسار اتصل على الرقم 14456561120 واطلب ابو حميد (لح يطلعلك الطوارىء )

آخر شي مدام ساندي بيل انت يلي بتساوي الجو حلو ولا تتخيلي انو يكون الجو حلو دراسياً او بغير طريقة يعني بالسندويش وفي شغلة تانية في اختراع اسمو سآلة الجامعة او الزمالة ونحنا مالنا متعودين عليه لازم تتعودي عليه يعني إذا شفتي حدا وقال الله ياخدك او تنعطي لطشة فهو قصدو عم بيمزح

لك صحي كانو اغلب طلاب المعلوماتية فايتين بالحيط بالعربي طول عمرهم ما هيك ما شفت حدا منيح بالعربي عطوني رأيكم بالهقضية
(انت جايب فوق 230 بكالوريا +حمار عربي +ممتاز إنجليزي =معلوماتية )

بس بعتقد أنو الشعور بيعتمد على رغبة الطالب ووضعه في الكلية و طريقة مواجهته للأمور ...
و أهم شي تكوني بنفسية مرحة و لا تيأسي ...
"طريق الألف ميل يبدأ بخطوة"

definitely captain.
I think u will be happy when u gain knowledge ,but u can't gain knowledge without workin' hard
"You won't gain knowledge by drinking ink"
I can assure ya that u'll be happy as soon as u see ur study result e.g. when u build a website after month of studyin' PHP certainly u 'll be happy and u'll say : "mom dad come 'nd see what I've done"

أنسة ساندي بيل 2008
انتي الوحيدة القادرة على جعل مدة دراستك جنة او نار
الحالة النفسية هي الحاجز الاول الواجب كسره في كليتنا و خليكي واعية انو جل كادرنا التدريسي يسعى لعدم كسر هذا الحاجز لاسباب مجهولة او ربما بعيدة عن مناقشتها في هذا الموضوع
خلي أملك بالله كبير و حطي انتي وبقية الزملاء هدف ببالكم و عاهدوا نفسكم على تحقيقه و شوفوا كيف لح تكون نتائجكم جميعا باهرة

اذا بدنا نحكي عن الكلية و مجالا رح قلك رأيي المتواضع

اول شي بالسنة الاولى عادي كتير تحسي حالك انك فايتة بالحيط ....طبعا الشي اللي مو عادي انو تحس انك عم تفهمي كلشي

وطبيعي كتير تحملي عالاقل مادة او مادتين ......لانو كمان الشي اللي مو طبيعي انو ما تحملي ولا مادة ( أنا برأيي مو حلوة مشان قدر الجامعة )

يعني بدك تعتبري حالك بالسنة الاولى وكأنك بعدك بالمدرسة رح تاخدي مواد كتير مالا علاقة باختصاصك وبدك تحاولي ولو انو تحفظيها بصم حتى ترفعيها وهاد الروتين موجود بكل الجامعات مو بس عنا . بس انشاله انت شوي شوي بتتأقلمي وبتاخدي ع الجو وبعدين لما تلاقي شلة حلوة وتتفقوا كيف تدرسو رح يخف همك شوي

اما بالنسبة للسنة التانية كمان في كم مادة صعبة ومنها الدارات بس هون بئا بيصير الوهم اخف وبتحسي حالك شوي شوي عم بتدخلي باختصاص المادة بعدين بتكوني اخدتي ع جو الجامعة والدراسة فيا والسئالة

السنة التالتة رح تكون نقلة نوعية لانو رح تصير كل موادك الا علاقة بالكمبيوتر

ويمكن بتصير تحسي بهالسنة انو بديتي تبعدي عن العالم الخارجي متل كانو انعزال

وهي طبعا لعدد الساعات الكبير اللي رح تقضي عالجهاز هاد اللي رح يصير جزء من عيلتك

السنة الرابعة هون الابداع لانو صار في اختصاص يعني بتفوتي اختصاص انتي حبيتي واذا ما اشتغل الابداع عندك هون بيكون في خلل ما !!!!!!!

السنة الخامسة شرحو

هلأ اذا بدنا نجي عالماجستير اول شي ممكن يصير تضارب بداومك مع دوام الشغل اذا كنتي عم تشتغلي بس الوضع بيكون اهون من السنوات اللي قبل ك دراسة

اما العمل الوظيفة يعني فهون بدك تقوي قلبك وتصبري كتير

هلأ اذا بدنا نحكي عن المعيدين ............

يلا خلص لوقتا منحكي

انشاله كون فدتك

واهلين فيكي بكلية الهندسة المعلوماتية الواقعة بين كلية الهندسة المدنية ومبنى الزلازل وخلف الهنغارات و أمام الكشك

ع فكرة انا سنة اولى بكل تواضع

لما كنا طلاب أولى هيك كنا نحس
بس هلأ لما صرنا بالتانية وبلشت المشريع بتبلش تحس بالمعلوماتية

إي والله بالتانية بتحسي حالك كمبيوتر .. يا ريت بس معلوماتية .. إذا بس معلوماتية .. نص مصيبة ..
أنا برأيي الشخصي كتير ..
يا طلاب الأولى نامو هلأ قد مابتقدر .. لأن بالتانية ما حتلحقو تنامو وبيصيرو عيونكم هيك :
لا تحملوها زيادة والله السنة الأولى بتجنن ... وسهلة وظريفة .. يا ريتني أولى أنا كمان ما كنت عرفانة النعمة اللي كنت فيها

زودتها ..
إ ي والله بجوز ....
بس أنا معصبة كل ما بحل مشكلة بهالوظيفة بتطلعلي مشكلة تانية ..... لكن معقول بعد ما كانت حتخلص الوظيفة الأولى بنجي بنعد بنعدل والتعديل بيأثر على بعضه وبتبلش الاخطاء اللي ما عم أعرف شو هيي ... لأ ويا ريت اعرفنا بالضبط شو المطلوب .. لما عم إسأل الطلاب عم حس كل مين فهمان شكل ..
يعني كان صعبة عليهم يقلولنا شو المطلوب تحديدا ....
هاد غير بقية المواد المنسية بالمرة .. والله أنا مفكرة إترفع السنة ...
يلا الله بعين ( قل لن يصيبنا إلا ما كتب الله لنا ) .. سنة وبتمرق .. خلص أنا كمان مالح زودها ..

فعلاً المشاريع أكثر شي مفيد و ممتع(نوعاً ما مو دوماً) بالكلية ...
و أكثر شي بيخليك تتعلم و تشتغل teamwork ...
و يعني فيها مجال واسع للأفكار و التميز ...

I'm lonely, lonely, lonely. I'm lonely, lonely in this Homework

كتب hiba.th:

يا طلاب الأولى نامو هلأ قد مابتقدر .. لأن بالتانية ما حتلحقو تنامو وبيصيرو عيونكم هيك :

هئ هئ هئ
شو تركتي للسنين القادمة

because u r a supervisor  

بالنسبة إلي فكرت انو حول تجارة من بعد المعاناة مع الفيزيا والبرمجة خصوصا اني داومت متأخر وراح علي كتير محاضرات وخصوصا أساس البرمجة على الغم من اني قاتلت الدنيا لحتى دخلت معلوماتية وكانت حلم حياتي وحتى فتتها بالموازي

بس ع الرغم من صعوبتها فهي شي كتير حلو ومستقبلو كمان بعدين تفائلي يعني في أحلى من حصة المبادئ ( ما بقدر اعطي مثال غيرها )

بس يعني نحنا بالاول لسه وان شاء الله الجاي أحلى بس بدنا نتعود بعدين كل شي بيصير سهل

وستي تفائلوا بالخير تجدوه

دمت

متل ماقال كرم
بس تبلش المشاريع بتحسوا الفرق,
صراحة انا من السنة الاولى ماكنت بتخيل حالي باختصاص غير المعلوماتية

يعني متل أي حدا بفوت عالكلية بالسنة الأولى ...

مواد رياضيات وأنصاف النواقل ...

بس باستثناء هي المادة الأخيرة ... بقية المواد مهمة كلها تبع الرياضيات ورح تحتاجوها بالسنة التالتة والرابعة والخامسة بمواد كتير
متل البرمجة وبحوث العمليات والحسابات العلمية ومعالجة اللغات الطبيعية ... الخ

وهي أساس لتكوين المهندس

وبالنسبة الي انا حسيت حالي طالب معلوماتية عنجد بالسنة التانية ...
وأهم شي الواحد ما يعتمد على مواد الكلية ويحاول يطور حالو خارج منهاج الكلية ...

أنا شخصيا اخترت مجال المعلوماتية لأنو حسيتو الفرع الوحيد-للأسف- ببلدنا يللي فيه إبداع و ما بيعتمد على الحفظ و البصم..."باستثناء فروع الرسم و الموسيقى ويللي بيتطلبوا موهبة "...
و إذا في كم مادة حفظية بالسنة الألى هادا ما بيعني انو الفرع حفظي أو بيعتمد على الحفظ...لأنو طبيعي انو مواد أول سنة تكون سئيلة و دمها تقيل و أقرب إلى البكالوريا منها إلى الجامعة...
بس يللي بيفائل هو مستقبل فرع المعلو ماتية...ويللي أكيد أحلي بـ "تريليون" مرة من واحد قاعد بصيدلية ..كل ساعتين و نص بيفوت لعندو ولد صغير مشان يشتري مسكة...ولا واحد آعد بعيادة كل شي ساعة بيمرق حدا مشان يسألو عن عنوان شي شغلة قريبة..."مع احترامي لزملائنا في كليات الطب والصيدلة".....
فنصيحة ليللي ما طلعلو طب أو صيدلة و فات معلوماتية عالعلامات و آعد عم يتحسر، انو يحمد ربو مية مرة ويبوس ايدو وش و قفا انو ما علق هالعلقة.....وبكرا بعد خمس سنين أو"12" سنة لح يسمع هالحكي من رفقاتو يللي "تورطوا"..
وليللي فات معلوماتية عن رغبة و إرادة وناضل في سبيلها و تحدى الصعاب و المخاطر....فـ "تحية عربية"و..... "صامدون حتى ....التخرج"..بإذن واحد أحد...
فتفاءلي صديقتي "ساندي بل"..و اجعلي البسمة شعارك...فأنت في كلية "هندسة المعلوماتية"...!!