CSC-SY

سلامات إلى طلاب الهندسة المعلوماتية السنة الأولى،أنا محمود أطرح عليكم موضوعاً جديداً هو أن كل طالب وهو يدرس مادة أنصاف النواقل ويرى فيها جمل هامة يضعها هنا . لأنه كما تعلمون الأسئلة مأتمتة وأيضاً مادة الفيزياء صعبة ومعقدة وحتى ما نحمل هالمادة لازم نتعاون كلنا ونضع جميع الجمل الهامة وهي أنا سأبدأ بكم جملة هامة
ـ تتبلور معظم أنصاف النواقل في شكل الخلية المتمركزة الوجوه .
ـ تسمى أدلة العقد او (المستويات أو الاتجاهات)بأدلة ميلر.
ـ بنية الألماس هي بنية مكعبة متمركزة .
ـ الرابطة في جزيء الماس هي مشتركة قطبية .
ـ طاقات التأين تزداد بالابتعاد عن النواة .

تم نقل الموضوع إلى قسم "مواد" بواسطة hanihh

في هادا الموضوع ممكن يفيدكم وفيه كم جملة مهمين كتبناهم السنة الماضية على مدى العام وفي منن إجو بالفحص.
http://www.csc-sy.net/node/5124

شكراً كتير الك يا hanihh على هالتعليق الحلو بس إذا ممكن نعرف شو كانت طريقتك اللي درست فيها مادة الفيزياء أنصاف النواقل وشو الطريقة اللي بتنصحنا ندرس فيها لأنو أكبر منك بيوم أعرف منك بسنة .

أأأأأأأأأأأأأأأأأأخ تنذكر وما تنعاد

هادا الموضوع فتحناه بالفصل التاني بعد ما حمل جلّنا (معظمنا)
للمادة.
كانت المادة معتة كتير
وبالفصل الأول حاولت أفهم بس للأسف ما جبت نتيجة...
وبالفصل الاني حاولت ابصم وجبت نتيجة (67)والحمد لله.
وطريقة أنو الواحد يكتب جمل مهمة (كون الأسئلة مأتمتة) كتير مفيدة وممكن الواحد يتذكر جمل كان كاتبها وتجي بالفحص..

بتعرف يا Hanihh أنو هادا يلي كنت بقصدوا بالضبط . لأنو الواحد منا إذا كتب جمل أكيد رح يتذكرها بالفحص إذا أجت بيفيد نفسه وغيره ومرة تانية بشكرك . وبس بدي اسألك أنو بتنصحنا نحضر المحاضرات ولا بلاها لأنو عمنطلع من المحاضرة متل ما فتنا على الرغم من أنو عمنحاول نفهم بس ما في أمل .

طيب برأيك بتنصحنا نحط استاذ خصوصي و لا بلاها

ما بعرف كتيير عالم فاتت على الكلية وما شمو ريحة الاستاذ الخصوصي ولا بشو بالفيزيا انا برايي انو متل ما قال السيد هاني حفظ بصم وصحي شكرا إلك على الرابط المفيد

أستاذ خصوصي ؟؟
من شان شو ؟؟ من شان يفهمك الأنصاف نواقل ؟؟
ليش مين قال أنها بتنفهم بأستاذ ولا بدون أستاذ
ليش إنشالله مفكر أنو (الدكتور) فهمان المنهاج

الله يسامحكون يا شباب هيك عم تغشوا للصبي

هيك يا شباب عملتونا مسخرة التانية قال بدكم خصوصي قال.

مرحبا شباب
انا برأيي نعين استاذ خصوصي للدكتور مشان يفهم المنهاج لحتى يفهمنا

يا جماعة شو استاذ خصوصي
والله انا كنت دارس نص المنهاج بس وجبت(70) بدون العملي لانو الاسئلة اللي بجيبها الدكتور بتنحل بشوية منطق يعني في اسئلة مبينة اشكرة انها غلط
ومشان الاستاذ الخصوصي يعني زودتوها شوي ما بدها القصة اساتذة خصوصي

يا جماعة معقول نحفظ مادة الفيزياء نظري بصم وهي مأتمتة؟؟؟؟

ما بيكفي الفهم يعني؟؟

لأنو هلق مصيبة مو معقول نلحق 160 صفحة فيزياء مع الدفتر بصممممممم!

أنا برأيي وبرأي البعض أن فهم واستيعاب الفكرة أحسن من البصم( على أساس أنو الجامعة بتبعدنا عن البصم متل ما تفضل بعض الدكاترة وصرّح)

بقى شو رأيكن؟

مو معقول تجي تقلي هاد القانون ابصمو وأنا مو عرفان هالرمز من وين إجا أو وين قرعة أبوه؟!

SOS SOS SOS