ممكن حدا يكون موضوعي و يجاوبني بصراحة و صدق
كلية الهندسة المعلوماتية كتير كتير الها صيط بس يا ترى الكلية الها مستقبل حلو يستاهل عذابها

أنا شفت معظم التعليقات الموجودة بالسايت و كلها بتوحي انو كل ما يقدم الواحد خطوة عم يلاقي مفاجآت أكتر و (ألعن و أدق رقبة)
أنا ما عم اقدر انسا كلمة قلنا ياها دكتور البرمجة ببدايات الدوام انو طلاب السنة الخامسة عم يترجوه مشان يبعتهن لعند شي حدا من معارفو مشان يشتغلو و عم يلاقو صعوبات جمة يعني قدراتهن ما عم تكون على قد المقام بالنسبة لشغل حقيقي
أنا على فكرة صرلي أسبوعين تلاتة ما عم احضر لا برمجة ولا فيزياء لأن صارو متل الهم على قلبي و بالمعية صرت ما احضر باقي المواد
هلأ بصراحة موادنا كأنو شوي قديمة يعني أنا لما اطلعت عالمراجع كانت رح تجيني جلطة لأنو بعض المراجع تاريخها قاطع السبعينات و التمانينات و نحنا يا جماعة بالألفين و سبعة
بقا هل يا ترى منهاجنا بقوة مناهج جامعات متل جامعات الأردن
الخاصة أو الجامعة الأميركية ببيروت _هو كلامي بيضحك بس والله ما عم اتمسخر_
ولاحظت انو الآنسات بالكلية أقدر و أفضل بكتير من (الدكاترة)
يعني آنسة عملي التحليل و آنسة حل مسائل البرمجة هنن القمة بالكلية على ما أظن بقا هل يا ترى السبب انو دكاترتنا ناويين يتماشو مع المنهاج!!!

ببساطة و اختصار لا تصدق كل ما يقال

 لكل مجتهد نصيب

 من شباب دفعتنا كل يللي بعرفهم اشتغلوا والحمدلله

وما سمعت عن شب شغيل وقبضاي دور على شغل ومالقى بغضون شهر لشهرين على الأكتر

بقى شد حيلك و اشتغل ولاتخلي حدا يحبطلك معنوياتك

ولأخذ العلم: جامعة دمشق الأفضل سمعة بين كل الجامعات هون والجامعات الخاصة للأسف مسموعياتها بالحضيض (على صعيد العمل) والأردن...أحسن من الجامعات الخاصة بس خريج جامعة دمشق أثبت أفضليته وبالتوفيق للجميع

شكرا أخي رامي على التحفيز

هاد الكلام مرفوض جملة و تفصيلاً لأنو الدكتور ما تعب و تعذب لياخد الدكتوراه مشان بعدين يجي طالب سنة أولى يقيمه -مع احترامي لرأيك- ولا حتى طالب سنة خامسة

بعدين الفكرة انو الدكتور احيانا لا يجيد توصيل الفكرة إلى الطالب و هذا لا يعني ان هذا الدكتور لا يفهم

و بالنسبة لأنسة العملي تبع البرمجة استنالك أسبوعين و بتغير رأيك بالكتير الفصل التاني

أما بالنسبة لجامعة دمشق فأنا لاحظت مع اني لساتني سنة تانية و ما بعرف اذا ملاحظتي صح انو الطلاب يلي طلعو من عنا من الجامعة هنن يلي عملو حالن مو الجامعة

الجامعة و الحمد لله ما عم تعطينا إلا القليل و الباقي عليك لازم تشتغل ع حالك و تتعب لأنو اذا بدنا نبقى ع معلومات الجامعة مالح يطلع من أمرنا شي

بوافقك 100% ...
و بعتقد أنو في مشكلة مشتركة بين كتير من أعضاء الهيئة التدريسية (حسب ما مر علينا عالأقل) ...
و هي وجود المعلومة و لكن عدم إيصالها بأفضل طريقة ...
أي يوجد عدم اهتمام بطريقة إيصال المعلومة ...
و بعتقد أنو بتكون المحاضرات PERFECT إذا توافر شرطان :
1- معلومة صحيحة علمياً و دقيقة
2- عرضها بطريقة ذكية و مناسبة و تبسيطها لإيصالها بشكل سلس لأكبر شريحة ممكنة

أنا سنة ألى وما بتذكر أنو قال دكتو البرمجلة هيك شيي
على كلا" إذا مو معاجبتك المعلوماتية ليش دخلتا؟

شو آخی روان کلنا سنة آولى و حالتنا معروفة بعدين شفناك فوق و شفناك تحت فليش أيمي أيامتك عزلمة

طولي بالك روان مو هيك بتم المناقشة
أولا أخي العزيز يا ما اجا دكاترة و ثبطوا من هممنا بس هن مو هاممهم غير حالهم
و بجد أن لازم تدير بالك على حالك وما تنتظر المدرسين
الكلية بتقدملك علم اكاديمي و انا براي قوي و خاصة اذا رحت على مراجع اجنبية لوحدك و طورت حالك . بيجي بعدها العلم التطبيقي الي فيك تكتسبه من المشاريع الي بتبلش معك من السنة الثالثة و بظن اذا تعبت على حالك و اشتغلت بايدك و ما تغيبت عن المحاضرات لح تلاقي الشركات عم يتنافسوا عليك, و انا بعرف شباب عم تتنافس الشركات عليهم بدون ذكر اسماء
موفق أخي الكريم

أنا سنة خامسة ..
بغض النظر عن حكي الدكاترة .. بس حبيت علق على موضوع المراجع .. بالعلم الأكاديمي في نظريات وشغلات ثابتة ما بتتغير مع الزمن ..فإذا مر بين إيديك مرجع من السبيعينات مو معناها إنو هي شغلة صارت دقة أديمة .. معناها إنو هي شغلة مثبتة من زمان ..
تاني شغلة التطور بمجالنا بيكون على مستوى تقنيات مو على مستوى علم هندسي .. يعني الـ net. بالـ 2003 هي غير الـnet. بالـ2007 .. بس الخوارزمية اللي بتكتبا بتضل نفسها سواء كتبتا بالـassembly ولا بلغة عالية المستوى ..
أما عن وضع الكلية والمناهج والدكاترة .. فأنا برأيي إنو فلسفة الكلية هي إعطاء الطالب عدد كبير من الـkeywords المتعلقة بهاد المجال .. وكونها keywords يعني الكلية ما بتتعمقلك بأي شي منها ..إنما بتعطيك فكرة عنها وإنت شغلتك تشوف وين بتلائي حالك وتطور حالك بهالمجال ..
بعدين بعدك سنة أولى .. يعني لسا ماعم تاخد غير البرمجة والبائي كله تطوير لمعلومات البكالوريا .. برأيي ما فيك تحكم على الكلية لبعد ما تخلص أول وظيفة خوارزميات وتشوف حالك شو أنجزت ..
بعدين بالنسبة للتعليقات بالsite فبتلائيها سلبية لأنو نحنا هون أخدين وش على بعض ومنحب نشكي همنا لبعض أولاً ..ولأنو ألبنا عالكلية ومنحب نشوف سلبياتها ونحكي عنها مشان نقدر نصلحا ونوصل بهالكلية لأعلى مستوى ..وكلنا منحب هالكلية وسئال أي متخرج وشوف إنو عنجد كل ما مرت إيام بالكلية وكل ما تعترت أكتر كل ما حبيت هالكلية اكتر ..
هاد رأيي الشخصي كطالبة سنة خامسة ..

فعلاً وضع الكلية مو متل ما كنا متوقعين
يعني يمكن لأنو كنا عم "نحلم" نخلص بكالوريا، وتخيلنا الجامعة بر الأمان والراحة
بس يامحلى البكلوريا
على الأقل تنظيم ودوام متل العالم والخلق
يعني مو بتنلطعلك شي ساعتين تلاتة لحتى آخر شي تدخل حصة عملي مبادىء وتتعلم كيف تخفي مجلد وكيف تنشيء جدول!!!!

متل ما نجح غيرنا بننجح، مانهن أحسن مننا بشي أبداً(( لو كانت المناهج على دورهم خلنج!!))

< font size="6">
عفواً بالنسبة للدكاترة مو قاعدة يعني
مثلاً عندك دكتور المبادىء النظري ،شي عال العال، لو كانت كل الدكاترة مثل نصّه كان الوضع أفضل ب10 مرات!!
بينما آنسة النظري اللي بتتعاون معه، مو بمستواه أبداً
الله محيي أصلك يا د.زهير!

لك احترنا معكون، اذا عطوكون شي سهل ما منخلص و اذا عطوكون شي صعب كمان ما منخلص!!! يعني انا بتذكر وقت كنت سنة أولى كان معي طلاب ما عندون كمبيوتر و بحياتون مو مشتغلين عليه، يعني اذا انته ما شاء الله حولك بتعرف هالأساسيات في غيرك بجوز مو سمعان عنا و مو حلوة يصير سنة تانية و ما بيعرف هالمبادئ..
و بعدين هلأ عم تشكو من نقص المعلومات؟ اي سنة اولى يادوب يعملولكون روداج على مواد الجامعة و طريقة الامتحان و العملي و هالقصص..
بالنسبة لأنسات العملي انا ببصم بالأربعة انون ما بيفهمو شي!! على حد ما شفت و الله أعلم..
بالنسبة للدكاترة كمان لحد ما شفت و عم شوف عندون معلومات حلوة كتير بس بدو يكون عندك رغبة لتسمعون و لتتعلم منون و لازم تكون مقتنع انون هنن لو مو فهمانين اكتر منك ما كانو دكاترة بس الأغلب ما بيعرفو يوصلو الجزء الكافي من المعلومات يلي عندون..
وبالنسبة لانو عم يا محلى البكالوريا، اي اكيد، انا ما درست بالجامعة اد نص دراسة البكالوريا، البكالوريا تسلاية و كان المنهاج محدود اما هون المنهاج يسعى للانهاية...
و أكيد متل ما الكل حكى في منهاج اكاديمي ما بيتغير مع الوقت بس طرق التوضيح المتبعة المفروض انها تتطور....

لاحق على انو تتعلم و الله لاحق.. بكرة بتصير المعلومات مكدسة عندك و بتحتار من وين بدك تبلش.. بس انطرلك شي سنة زمان او سنتين بالكتير....

الله يبشّرك بالخير!!!

على فكرة،شو رأيكن بالنسبة لوظايف العملي البرمجة؟؟
لأن الوظيفة الأولى غبت عنها

والوظيفة الثانية الطلب الأول فيه غلط، فما كملت المهندسة وفوراً حطّتلي B +

يعني شو العاقبة؟

شايفلك ما بدها نطرة سنة

من هلّق  عم نتعلم ماشاء الله

وخصوصاً لما بتكتب مذاكرة كلها صح، وبتنسى تكتب اسمك عالعجلة

وبتاخذ صفر، هيك بدون تفسير ولا تنبيه

وطاروا خمس علامات، بركي منتعلّم!!