كتب soul-way: ثانيا: عندي اقتراح للخريجين وبالذات للمشرفين على الحفل يمكن المهندس رأفت زرقا أولهم...
شو رايكم نتفق مع مصور فيديو شطور يقوم بتصوير الحفل من أوله لآخره بكل تفاصيلوه مع صور جماعية للخريجين (و نحنا عم نستلم شهادة محو أمية الحاسب!!!!!!) ويوزع لكل خريج مسجل نسخة عن التصوير على سيدي مثلا وطبعا مقابل مبلغ يشترك فيه الكل؟؟؟؟وهيك احسن من انو كل واحد فينا يصور لحالو وبتضل ذكرى حلوة للكل
طبعا التصوير بدنا يكون راكز مونتاج ومكياج يعني بدي اطلع كتير حلوة مع حركات وكلام وشغلات وعملات وطبعا بدي اطلع أحلى وحدة بين المتخرجين!!!!!!! باعتباري صاحبة هالفكرة
بما انو الحفل بقيانلو اسبوع خلونا نجمع الاقتراحات هون بهل اليومين وبدنا راي المهندس رافت بس يقرأ التعليق...... أول شي ألف مبروك لكل الخريجين وأنا منهم, وإن شاء الله عقبال الباقي وبمعدلات عالية.
شكراً مهندسة نانسي عالموضوع, بالنسبة للتصوير أنا اتفقت مسبقاً مع الشركة الراعية إنو يجيبوا مصورين بدل الواحد, واحد بيصور الحفلة كاملة فيديو, والتاني فوتو, وبتنسخ ديفيديات لكل الخريجين وبتتوزع بعد الحفلة. لذلك الموضوع محلول أما إذا الواحد حابب يجيب مصور اله لحاله لأنو أكيد المصورين يلي عنا مارح يركزوا عليه هو بس فبإمكانه يجيب مصور خاص له.
رح تكون فقرات الحفل كالتالي مبدئياً:
1) إجتماع الطلاب أمام كلية الهندسة المدنية في تمام الساعة 4 من أجل تنظيم دخول الطلاب, وحجز المقاعد.
2) بدء الحفل الساعة 5:30 بالنشيد العربي السوري
طبعاً رح يكون في فرقة عزف هي رح تهتم بأمور الموسيقا والنشيد وما إلى ذلك.
3) بعد النشيد رح يكون في معزوفة صغيرة للفرقة الموسيقية.
4) الخطابات الرسمية (لابد منها) لرئيس الجامعة - عميد الكلية - كلمة الحزب - كلمة الإتحاد - كلمة الجهة الداعمة - كلمة الخريجين.
5) يتوجه الخريج الأول من كل قسم لتوزيع الدروع التذكارية على الأساتذة والإداريين.
6) تكريم الخريجين الثلاثة الأوائل من كل قسم.
7) توزيع الشهادات والهدايا التذكارية لجميع الخريجين.
 الإحتفال بقالب الكاتو وتقطيعه.
9) دعوة جميع الخريجين إلى الصور الجماعية.
10) الإجتفال وهون ببلش زت الطواقي والتهييص وغيره.
11) الضيافة حيث رح يكون في مائدة ضيافة مفتوحة
12) لحظات تذكارية للخريجين مع الأساتذة والأهل.
13) حفلة صغيرة بسيطة دبكة ورقص في ساحة كلية الهندسة المدنية.
ملاحظة: رح يكون في لكل خريج باتش عليها رقم مميز ويتم توزيع الشهادات وفق هذا الرقم لذلك نتمنى من كل الخريجين أنو يلتزمو بدورهن وأهم شي هو الإلتزام بالوقت الساعة 4 وإلا بتنتزع الحفلة وما بدنا حدا من الخريجين يطلع زعلان من حفلة تخرجه الكل بدنا ننبسط هي من أجمل فرحات العمر.
طبعاً لكل واحد من الخريجين بطاقتين بيستلمهم من الهيئة الإدارية, ولباس التخرج من أمين المستودع ببداية الأسبوع القادم, والطواقي هلق وصينا عليها وعالباً بتتوزع بالحفلة أو قبل بيومين
إذا حدا عنده أي فكرة أو إقتراح يا ريت يطرحها لحتى نتناقش فيها بس ياريت بأسرع وقت لأنو هلق عم نحضر وما عاد في وقت كافي.
نتمنى حفلة رائعة ولحظات جميلة لا تنسى للجميع
يا زمان الوصـل بالأندلــــس عادت الكأس للبطل الشرس أبدع الإسبان في كل شيءٍ فانجلى عنهم الحـظ التعـس
|
أرسل من قبل 
؟).
