CSC-SY

مسا الخير جميعا
اليوم وصلني علإيميل هي الرسالة التحذيرية وبصراحة ما قتنعت فيا كتير و حابب أخد رأيكون
"

في الأول من شهر نوفمبر سنضطر إلى دفع أموال مقابل البقاء كأعضاء
> > >>>ومشاركين في
> > >>>الماسنجر .. هذه ليست مزحة وإن لم تصدقوا اذهبوا إلى موقع الماسنجر
> > >>>
> > >>>(www.msn.com)
> > >>>
> > >>>وتأكدوا .. وإذا أردتم التغلب على هذا الشيء .. عليكم بإرسال هذه
> > >>>الرسالة
> > >>>إلى 18من المضافين إليك وأكثر .. فسوف تلاحظ أن رجل الماسنجر سيتحول
> > >>>إلى
> > >>>اللون الأزرق ..انشر من فضلك للمنفعة
> > >
> > >
> > > بسبب الاندفاع المفاجئ للناس بالاشتراك بخدمات 'الهوتميل'، نعتقد أن اغلب
> >العناوين البريدية بلا مصادر. لذا، خلال شهر واحد فقط، سيتم حذف أي عنوان
> >بريد الكتروني (إيميل) لم يستلم هذه الرسالة التحذيرية. رجاء أرسل هذا البريد
> >الإلكتروني لكي نتأكد من أنك ما زلت تستعمل هذا الحساب. نسعى من خلال ذلك
> >للكشف عن المستخدمين الحقيقيين 'للهوتميل'. لذا إن كنت لا تزال تستخدم حسابك
> >في الهوتميل قم بإرسال هذه الرسالة الى كل مستخدم للهوتميل تعرفه وإلا فسيتم
> >إلغاء حسابك من خدمات الهوتميل.
> > > السّيد جون هينيرد
> > > إدارة 'هوتميل'
> > > تحذيز!
> > > أنظمة خدماتنا تأخذ بالازدحام! لذا عليك إرسال هذه الرسالة إلى عشرين
> >(20) مستخدم على الأقل. بالرغم من أن هذا العدد يبدو كبيراً إلا أننا بحاجة
> >لمعرفة المستخدمين الحقيقيين لخدمات 'الهوتميل'. في حال امتناعك عن إرسال هذه
> >الرسالة التحذيرية لأكثر من عشرة (10) أشخاص سيتم إلغاء حسابك في 'الهوتميل'.
> >ومعذرة على
> > > الإزعاج. الرجاء القيام بذلك وإلا فسيتم إلغاء اشتراكات أغلب أصدقاءك، كما
> >لا يحق لك إرسال الرسالة للشخص الذي قام بإرسالها لك.
> > > مدير خدمات 'هوتميل'"

يا سيدي انا وصلتني هالرسالة وصلتني شي 10 مرات و المصيبة انو احياناً تصلني من طلاب معلوماتية للأسف بس ولا مرة حاولت اقراها
لأنو بالHotmail يا حرام ما فين يعرفو مين المستخدمين الحقيقين إلا اذا بعتنا هي الرسالة هاد اذا فرضنا طبعاً انو في شي اسمو مستخدمين حقيقين و مستخدمين مو حقيقين
بعدين العالم يلي ما عندن غير 8 بالContacts تبعن شو يعملو هدول ولا هدول ولاد البطة السودا
بتعرفو شو يمكن بطلت موضة هي الرسائل تبع اذا بعت هي الرسالة لخمسة بصير معك شي حلو و بتعيش شي مية سنة و اذا ما بعتا لح تموت و تندم لأنك ما بعتا و تتمنى أن لو لم تلدك امك

بس ملعوبة لح روح ابعت نفس الرسالة بس عالYahoo و بئلن انو وش الYahoo سيتحول من أصفر إلى أحمر

لا حول ولا قوة إلا بالله
"العقل زينة"

لك و الله أنا كمان هيك قلت بس تاري في كتير عالم فاضية و رايقة لهيك شغلات????!!!!!!!!
على كل حال مافينا نقلون غير الله يكبرون

يلعن اخت هالايميل صار وصلاني عشرين مرة
لك شو قصة العالم معقول بيصدقوا هيك كلام

بس فكرة منشان تعرف الأجدب من الفهمان ما هيك ؟

حدا وصلو هيك رسالة مني شي .. مع أنو وصلتني من شي أسبوع ورحت قريت موقع hotmail منشان اتأكد وما في هيك شي

أنا ما وصلتني ولا مرة في مجال حدا يبعتلي ياها .

بس الفكرة انو شو بيستفاد يلي بيساوي هيك فكرة !!!

يعني بس ولدنة حلال ؟؟؟

على كل حال,وصلتني مرة هذه الرسالة:

انا لهلق ما فتحت الايميل ولا اهتميت الو

غريبة أنا ما وصلني هيك رسالة معناها :
يا رفقاتي كتير فهمانين لحتى ما بعتولي ياها
يا رفقاتي ما فهمو شو معناتها

كتب kobaitari:

الحمد لله الذي عافانا مما ابتلى به خلقه .... وضلنا على كثير ممن خلق تفضيلا

هلأ رب العالمين فضلناعلى خلقه ولا ضلنا!!
لأنو فرق كبير بين المعنيين

والله انا كمان وصلتني ....
بس على فكرة رهيبة شلون هيك شغلات بتنتشر بهالشكل!!!
في ناس بتبدع بأساليب نشر الإشاعات..

انا اسمي امل وبصراحه مش فاهمه انتوا بتكلموا عن ايه انا لسه جديده في الموقع ده

طلعت الرسالة وصلانتني شي 6 مرات
من ناس بعرفن وناس ما بعرفن
لأ وأحلى شي هدول يللي ما بعرفن موجودين بقائمة الforward للرسائل من يللي بعرفن ....
والرسالة بالعربي كمان
والله فهمانين هالmicrosoft

طيب معلش افرض انو واحد صدق... بس بالأول ما لاحظت انو شهر نوفمبر يعني تشرين التاني و هلأ رح نصير بنص كانون الأول!!!
والله شي بيضحك..

أنا مرة وصلني اني ربحت يمكن مليون دولار أو أقل او اكتر ما بتذكر، ام عملتلون reply مشان اتأكد وقلتلون كيف فيني أخد المصاري، ام ردو علي و الله و بعتولي متل سند لازم عبي و ابعتلون يا و هنن بيوصلولي المصاري لعندي ، بس كان السند صورة و ما عرفت كيف بدي عبي! ام بطلت رد عليون.. بعدين شو بدي بمليون دولار؟ والله بلوة... كم ألف دولار معقول، بس مليون؟ والله كتير! بعدين مال حرام ....

لاء و كلو كوم و يلي بيحكولك قصة و بيقولولك ابعتها لكذا شخص ووقت تعمل ارسال اكبس شي زر و بتلاقي شي طلعلك بيضحك كتير، رح تتفاجأ كتير و انا جربتا و ظبطت و مدري شو....
الله يعافينا..

أنا حاسسا شغلة بتجيب مصاري كتير..

يعني ممكن بهالعدد من الرسائل اللي انبعتوا يكون حدا ربح مدري كم مليون $$

ما بستبعد