CSC-SY

مرحبا شباب وصبايا بس كان بدي آخد رأيكون بموضوع بجد مهم ألاوهو

كمبيوترات كليتنا

لانو بجد قاهرتني ومسببتلي عقدة نفسية وآخر شي بنقص علامتين ع الفاضي بامتحان بس لانو الكمبيوتر مو مخلي فايروس بالدنيا مو مستضيفو عندو

الابتوب تبعي اجتو نص جلطة بسب فايروسات الكلية وكمبيوتري رفيقتي انتقل إلى رحمة الله

يعني المفروض نحنا كلية معلومااااااااااااااااااااااااااااااااااااتية وتكون كمبيوتراتنا متل الناس

بس طلعو عنا بيبطقوا مثل ( باب النجار مخلع ) !!!!!

يعني رجاءً اللي بيعرف يروح يزبطها يعملها حل

اليوم امتحان البرمجة كتبت البرنامج 4 مرات لانو كل ما اكتبوا الكمبيوتر يمحي اللي كتبتو ويرجع يكتب لحالو وآخر شي لا كفاني الوقت ولا آخدت وقت زيادة غير دقيقتين زيادة عن بقية الطلاب قال يعني رحمة فينا ونقصت علامتين وانا بستاهل آخدها تامة بس لانو الكمبيوتر خرب

وبامتحان المبادئ كمان في طلاب هيك صار معاهون ونقصت علاماتنا بسبب هيك شغلة والله حراام وظلم كمان

فيعني اللي بيعرف شو ممكن نسوي لنزبط هالقصة يقلنا

سلام

عوجة ........ ما في منون أمل ......

فعلا أمر مخجل ...

وهذا الشي بيرجع لسبب أنه ما في عند أكثر الطلاب حس بالمسؤولية

لأنهم بيتخذوا كمبيوترات الكلية فئران تجارب على الفيروسات و البرامج

وما إلا هنالك ..

وبعتقد أنه المهندسين الموجودين بالكلية مش راح يقدروا يعملوا

صيانة لهالعدد الكبير من الكمبيوترات بفترة قصيرة ...

ويالله على كل حال بعدنا عايشين ...

وعلى فكرة أنا قبل ما أقعد على أي جهاز عم جربه مظبوط

واليوم حليت البرمجة منيح بس مع هيك ما بعتقد أني أخدت على علامة

كاملة ( بعتقد أنه ما تحققت العدالة يا جماعة in my case )

وكل عام وإنتو بخير

هلأ لا تتحججو بالكمبيوترات, العطل مو منهم راجعي البرنامج تبعك منيح.

والله الأجهزة الكلية جيدة(ماعدا القاعة 9) ولكن الطلاب شاطرين في وضع الفيروسات

الشغلة مو بس مشان فحص البرمجة!!!
يا جماعة مو معقول كل يوم بدي حط فلاشتي بالكلية وارجع على البيت بدي اعد اعمل مية scan لحتى ينفد الجهاز من شي فايروس ...
صرت مجربة اكتر من antivirus لحتى كل الفيروسات طارت من الجهاز
واللله عيب تكون هيك أجهزتنا يعني مهندسين العملي قاصرين ينضفوا اجهزة الكلية من كل هالفيروسات ...... غريبة تكون كلية المعلوماتية هيك.........والأجهزة العطلانة والأجهزة اللي الويندز تبعها قافل والشاشة اللي نصها ما بيطلع والماوس اللي ما بتتحرك يعني بالعربي الأجهزة أثرية وغيرها من الأعطال اللي أول مرة بشوفها بحياتي لازم يكون في جدية بهالموضوع ....

لك صرلي أربع سنين بهالكلية .. وكل سنة منسمع نفس الكلام

يعني أجهزتنا في منها أمل ... خاصة انو الانرنت 24 ساعة شغال

وحتى طلاب المعلوماتية بيعملو فيروسات

ييعني برمجة فيروس ما قصة صعبة كتير 

و عزيزتي N.sham..ألله بيعوضك عن هالعلامتين..الله ما بيضوعلك تعبك..

بس على فكرة في بالأجهزة شغلة حلوة
أنو تفحص فعالية الأنتي فايروس اللي على جهازك بعد ما تحط الفلاشة بالكلية

نعم !!!!!!!

أولا : انا مو النوع اللي بيتحجج ولا اللي بيرمي غلطو على شي تاني فعلا اليوم انا انظلمت بسبب الكمبيوترات الغبية اللي بكلية المعلوماتية العظيمة

بقلك شو صار وبتركلك الحكم

فتنا ع القاعة الكمبيوترات مافيها تيربو باسكال أو بالأحرى فيها بس ماعم يرضى يفتح

عبين مازبطو كانت اعصابي خربت كتبت البرنامج وكل شي صح وجاية استدعي الإجرائية واكتب End. وبكون خلصت الكمبيوتر صار يكتب ويمحي ويفتح قوائم وانا مو عاملتلو شي ولا حتى لمستو وآخر شي علق وانمحى برنامجي ناديت المهندس نطرني شي 5 دقايق بعدين نقلني ع كمبيوتر كانو الطلاب تاركينو لانو ما عم يشتغل
المهم نفس الشي كتبت عليه البرنامج شي تلات مرات كمان وهو يمحي ويكتب وانا ارجع انعل وزبطو واكتب من جديد وحتى المهندس ماعرف يقلي شو الغلط بس صار يضحك ع القوائم اللي عم تفتح لحالها والحروف اللي مدري شو عم يصير فيها وآخر مرة كتبت البرنامج قبل ماخلصو اجا طفالي الشاشة مع كل الطاب كانو انا كنت متلون ع اكتب وقلي خلص قلتلو بدي وقت زيادة عطاني دقيقتين بالعدد ورجع ناقشني فيه فورا وهو عم يناقشني الكمبيوتر كان عم يطبع ويمحي وماكان عم يرضى يعمل كومابيل ببساطة تيسس وتنح واتعطل وانا قلتلو للمهندس البرنامج شفوي بس طبعا الأشياء اللي عم قولها شفوي مو كلها لحقت اكتبها بآخر مرة كتبت البرنامج

وجاي تقلي الحق علي وبرنامجي غلط ع فكرة مسألتي أصعب مسألة وأنا الوحيدة اللي بالقاعة حليتها صح ع حد ماقال المهندس تبع العملي بس لانو الكمبيوتر الغبي علق وماعم كومبايل ومهندس ما قدر يشوف الشاشة السودا وانا مالحقت اكتب كل التعليمات بسبب زكاء كمبيوترات كليتنا العتيدة راحولي علامتي ظلما وبهتاناً

وعفكرة لو فكرت تقول انو الكمبيوترين عم يعلمو هيك بسبب غلط مني فسأل الطلاب اللي صار معاهون نفس القصة بكميوترات بيوتون وهني عم يكتبو حتى ع الوورد بسبب فيروس على الفلاش من كمبيوترات الكلية
بقى لا تقلي عم تتحججي من فضلك مو انا اللي بعلق أخطائي ع شماعة العالم

كتب shashi:

والشاشة اللي نصها ما بيطلع والماوس اللي ما بتتحرك....

هي جربتا تبع الشاشة صدقيني عالم تاني بس حرام مو لكل الاجهزة بس هي الماوس اللي ما بتتحرك الحمدلله تعودنا عليها هي ما تتحرك نص مصيبة بس المشكلة انو عم تتحرك لحالا صايرة

ايه والله الماوس تبع الكلية بدو ماوس ليصير ماوس

مو طبيعي شو بطيء بس اليوم بجد انا احتبرتها ما شوف غير حرووف عم تنطبع ع الشاشة وحروف تنمحى وسهم يطلع وينزل والله لو كنت بالبيت كنت قلت الكمبيوتر فيو جني عم يحركوا

عنجد الله يحمل معانا

لا أكيد مو العلة دائما من الطلاب لأنو الطلاب اللي مجمع مجموع يدخله كلية المعلوماتية مارح يتحجج بتقصير أمور تانية ،بس أكيد العلة مو منه ،لأنو انا اليوم بربع ساعة كنت مخلصة البرنامج وعاملة 847594564 اختبار عليه بس واحد معي بالقاعه كان خالص قبل مايخلص الوقت بشوي ووقت قالو سكرو الشاشات ورجعها فتحها الشاشه للأسف(نطت)((((قفزت)))وطلع برنامج مخالف مع العلم أنه حافظه بس كل الكود تغير . فالعطل والحق برأيك على مين هون ؟؟؟

.يعني اشتهيت شي مرة اقعد عالانترنت ويفتح "google" بأقل من شي 10 دقايق....!!

و عزيزتي N.sham..ألله بيعوضك عن هالعلامتين..الله ما بيضوعلك تعبك..
معك حق عزيزتي جولنار الله يعينا عاى هالنت اللي بالجامعة وأنا كل مابيجي لعندي حدا عالجامعة بيقول واو 24 ساعة النت شغال ،واو عندكم وايرليس بس اخ لو يعرفو شو الحقيقة المرة .انا أحيانا بستغني طلع أي موضوع واستغل الوقت اللي قاعده فيه بالكلية قد مو النت بتعقد سرعته.

وانت صديقتي N.sham ان شالله الله بعوضك بالنظري وكل ماظبط معهم اليوم بس الكومبيوترات التحفة .

هو صرنا نجيب اللابتوب معنا مشان ما نوقع بمشاكل الها أول ومالها آخر مع أجهزة كليتنا ....

ومشان N.Sham معها حق تتضايق وتعصب ... يعني الفصل يلي صار معها كتير بايخ ... على القليلة المفروض يتم فحص الأجهزة قبل الامتحان من قبل ما يسمى بـ "مشرفي المخابر" يلي ما عم يسألوا الا على بطاقات الجامعة ......

طبعا كان قصدي ما في أمل بس (ما) سقطت سهوا ... واذا مشان العلامات يعني معكون حق تدايقو بس هيدا الموجود

شو بدنا نعمل 

شبكم عمبمزح لشوف شو ردة الفعل بس, الله وكيلكم بعرف أنو الأجهزة بتهوي صايرة, بس شو بدنا نساوي (دا قدرك ونصيبك, ونصيبك حيصيبك).
بس ظريفة ردة الفعل, 24 رد بأقل من 12 ساعة .

3oooooja w yama 7nshooooooooooooof

كتب mpcabd:

شبكم عمبمزح لشوف شو ردة الفعل بس, الله وكيلكم بعرف أنو الأجهزة بتهوي صايرة, بس شو بدنا نساوي (دا قدرك ونصيبك, ونصيبك حيصيبك).
بس ظريفة ردة الفعل, 24 رد بأقل من 12 ساعة .

بس ردة الفعل لإنو كليتنا انظلمنا بسببب هالكمبيوترات الغبية
يللا ان شاء الله الله بيعوضها بمكان تاني

N.Sham

أول الشي إنشاء الله المرة الجاية بتعوضي اللي راح عليكي ..

بعدين هي مو أول مرة بينحط فيها للطالب العلامة اللي ما بيستاهلها ( قصدي على وظائف البرمجة و .. )

بعدين اشكري ربك أنه الأستاذ شفلك الوظيفة ..

يعني نحن أنا وكم رفيق شافتلنا مهندسة (مو محجبة) بتضلها مكشرة

وبتخوف !!

وأول ما تشوف البرنامج بتقلك (بينفذ ولا لا ؟؟ ) ومباشرة بتحط العلامة بلا ما تناقشك بأي شي

شي عجيب صح ؟؟

الظاهر أنه بلشنا نندمج بجو جديد ...
ومثل ما بيقولوا أول خمس سنين بالكلية صعبين ( شوي )

سيدي متل ما قلت أول خمس سنين صعبين شوي قول انا كنت حاطة ببالي أول سنة بكى وفعلا مافي يوم عم ارجع من كليتنا العظيمة بدون ما ابكي صرت ابكي أول ما فيق الصبح لاني رح انزل ع الكلية

بس يللا الله بيعوض صبرنا خير

ههههههه

لك صرت سنة رابعة وكل سنة منحاول نعمل شي بالكلية او نظبط شي شغلة انا ورفقاتي

بس عنجد ما في أمل ... يعني على مستوى دورة مجانية لطلاب الكلية ونحنا رح نعطيها ما عرفو يخلونا نعملها متل العالم .. والسنة الماضية ما سمحو كمان

وكل ما منحكي مع العميد بقول خلص أوكي مع انو حباب كتير بس ما عم يسوي شي

ورئيسة الدائرة بتحل المشكلة لما منقللها بس بعدين تاني يوم بترجع بتصير

عدلكون شو عنا مشاكل بالكلية غير الأجهزة:

1. الانترنت بطيئة كتير بالمخابر

2. الwireless ما شغالة أغلب الوقت

3. القاعات بتسكر قبل الـ 6 دائما بحجة انو ما عاد في محاضرات

4. ما في محل أبدا نقعد نشتغل فيه (قاعة المطالعة صغيرة كتير والقاعة 4 سكروها و1 و 2و 3 بكون فيون محاضرات أو مقابلات)

5. دائما أول شهرين منبقى عم نكش دبان وآخر شهر ما منام الليل من المشاريع وامتحانات العملي

6. منجي الصبح منتفاجأ انو في اعلان امتحان عملي مثلا أو مقابلة للظهر (الحق علينا ما انتظرنا قبل بيوم للساعة 9 المسا لنقرا الاعلان)

7.  الأجهزة مليانة فيروسات

8. نص الأجهزة ما شغالة (انا عندي لاب توب بس مرة حبيت استعمل أحد أجهزة الكلية ورحت عالقاعة 11 المفروض انها جديدة .. نص الأجهزة ما اشتغلت معي والنص التاني نصون ما فيون شبكة واللي بقيو قاعدين عليون كل 4 طلاب سوا حاجزين الدور مشان الانترنت)

9. رح اتركون انتو تكفو