|
1. مشاكل تقنية(مخابر , كمبيوترات, مشرفي قاعات..... الخ)
*أول مشكلة هي الفيروسات على كمبيوترات الكلية لانو عنجد شي مو طبيعي والطلاب عم تنظلم خصوصا أوقات الامتحانات بسببها والانترنت اللي بيعلك من كتر بطئو آخر شي بتسكريه وبتطلعي بدون ما تستفادي شي وكمان الواير لس اللي بأغلب الأوقات مو شغال.
* وموقع الكلية اللي لسه ما اتفعل متل ما نحنا بدنا اياه .
*ومشرفين القاعات والكل بيعرف مشاكلون ابتداء من المسنجر والأحاديث التفاهة وانو ماعدنا نعرف شو شغلتون بس أكيد مو شرب القهوة والشاي هادا غير البوز شبرين بوشك وانتي فايتة وانتي طالعة مدري على شو .
* ومكتبة الكلية أولا الطلاب ماعم يستغلوها صح وتانياً مو كل شي بدك ياه بيلتقى فيها هادا غير انها كتير صغيرة وبعدين ككلية محترمة المفروض المكتبة تضلها مفتوحة طالما في دوام وطلاب مو من الساعة 3 و أواقات أبكر بيجو بقلعونا متل المدري شو !!
واللي بيقهر كل شوي بتفوت وحدة وبتعطينا محاضرة عن النظافة طيب نحنا معاها وغلط الطلاب تفوت أكل ع المكتبة بس مافي داعي تقطعينا كل 5 دقايق لتعيدي نفس المحاضرة .
هادا غير الطلاب اللي مابيجيها تنطرب وتسمع أغاني غير وهي بقلب المكتبة !!
2. مشاكل إدارية(تأخر بالأمور المتعلقة بالإعلانات عن محاضرات جلسات عملي أو مقابلات أو وظائف....الخ).
* شؤون الطلاب اللي مابيعرفوا شي والله العظيم اشتهيت مرة اسألون عن شغلة ويقولي منعرف كل شي بيقولوك والله مابعرف والله لو كنا عم نسألون عن شي من غير اختصاصون كنا قلنا بس يعني شؤون الطلاب لازم يكون تعاملون أحس من هيك ومعلوماتون أكتر بشوي مو بس يعرفوا يشغلو أغاني يعني بس تخيلي يكون حدا جاي ع كلية المفروض انها من أحسن كليات البلد ويفوت يشوف الموظفين شي عم يسمع أغاني وشي عم يشرب شاي وقهوة كانو مافي شغل.
* تسكير القاعات والمكتبة تخيلي بنص محاضرة الجبر يمكن الاستاذ ما كان صرلو تلات ارباع الساعة مبلش ومدري مين اجا فتح الباب علينا ( من موظفين الكلية ) وقلو يللا استاذ بدنا نسكر !!!!
طيعا غير النطرة الصبح لما يكون عندك محاضرة لحتى يتكرموا ويفتحوا القاعات والمبنى تبع الحواسيب .
وبعدين تنظيفات الكلية ما بتصير والطلاب بقلبها حتى أيام المدرسة كانو ينظفو قبل الدوام أو بعدو بس مو بنصو !!
* الإعلانات اللي ما بتنزل غير بعد مية سنة يعني مو معقول يكون دوامك بيخلص الساعة 11 والساعة 12 ونص ينزل إعلان أنو عندك محاضرة تعويض الساعة 1 .
3. اقتراحات وحلول للمشاكل اللي بيتم عرضها
هلأ انا ما بعرف كتير بالقصص التقنية بس بعتقد انو الحلول اللي قلوها الشباب مو كتير صعبة وبعدين ياربت لو بيتفعل موقع الكلية متل ما لازم يكون يعني انا بدي احكيلك عن النظام بجامعتي اللي كنت فيها قبل بعتقد لو منطبق الشياء اللي كانو عاملينا كتير بيكون أحسن
أول شي لوحة الإعلانات اللي على موقع الكلية لو بتتفعل بيكون كتير أحسن يعني بكليتي القديمة كانت لوحة الإعلانات يفوت عليها الدكتور مباشرة يونزل إعلان انو رح يكون في تأخير أو محاضرة تعويض أو مذاكرة أو وظيفة جديدة كلو كان ينحط بلوحة الإعلانات وكمان كان ينحط فيها سلايدات المحاضرات واسماء مراجع الدكاترة بينصحونا فيها وتمارين إضافية كانت وسيلة كتير مهمة غير انو كان لكل طالب على موقع الكلية ايميل بتوصل عليه كل الإعلانات اللي بتنحط على لوحة الإعلانات غير انو بتوصل عليها من قسم " شوؤن الطلاب " أخبار عن نشاطات الكية الجاية , معايدات لما يكون في شي مناسبة " متل عنا بفرد شكل " , ورفع لمعننوياتنا لما يكون عنا امتحان .
هيدا موقع كليتي القديمة :
http://www.aud.edu
للي بيحب يطلع
وهيدا black board طبعا ما رح تقدر تفوتو عليه بس في شوية شرح عنو و عن AUD MyMail
http://www.aud.edu/myaud/index.asp
وهي مثال عن رسائل الدكاترة :
Subject: BIOL201-B-FALL-07: Finals
Please be aware that I would like you to also revise the triplet codon concept in translation for your finals. If I ask you to decode a triplet codon you will be provided with a table. this means you do not have to memorise the triplet codon.
Thanks and good luck with the revision.
Dr M Moukayed
تاني شي يكون لكل طالب حساب خاص فيه بيشتغل على كل كمبيوترات الكلية بعتقد هيك بتتنظم الأمور أكتر .
تالت شي متل ماقالو الشباب تحديد عدد ساعات استخدام الانترنت لكل طالب
وبعدين الكمبيوتر يكون عليه بس البرامج الأساسية اللي فعلاً منحتاجها كلنا .
وآخر شي بليييييييييييييز يغيرو مشرفين المختبرات لانون صارو بلافايدة ويعملو شي تصرف مع موظفين الكلية بس ليحترمونا شوي ع الأقل مافي داعي يعاملونا على اننا .....
ولو في مجال يصير عنا مكتبة أكبر وما تتسكر الساعة 3 الظهر هي والقاعات بيكون كتير أحسن .
وكمان لو يكون عنا نظام السينيور والجونيور ستيودنت بعتقد رح يساعد الطلاب كتير وخصوصا طلاب السنة الأولى ويمنع عنون كتير مشاكل .
|
أرسل من قبل 
.
