CSC-SY

فكرة هذا الموضوع هو مناقشة بعض الأمور الغريبة التي حدثت معك في مجال الكمبيوتر ومحاولة ايجاد تفسير علمي لها مشان تتوضع الفكرة رح ابدأ بالموضوع بصراحة أنا مستغرب من موضوع في مجال الانترنت : سرعة الانترنت لدينا في الأحوال الممتازة 52 كيلو بت في الثانية وبالتالي سرعة التحميل في أقصى احتمال لها 52/8=6.5 كيلو بايت في الثانية لماذا يبدأ التحميل أحياناً لدينا بـ 70 KB/s ثم يتناقص تدريجياً حتى يثبت على 4 KB/s أو 3 KB/s تبدأ أحياناً سرعة التحميل ب 60 كيلو ثم تتناقص الى 35 ثم 20 ثم 8 ثم ...... ما السبب؟ وهل هناك وسيلة للحفاظ على السرعة كما تبدأ ؟ حاولت أنو لاقي تفاسير بس كله ما كان صحيح 1- اعتقدت أن السرعة الأولية وهمية لكن هذا الفرض انتقد عندما حملت ملف حجمه 60 كيلو بثانية واحدة وكان صالحاً ومو مضروب 2- اعتقدت أن قسم كبير من الملف ينزل بداية عند عملية " getting file info" أيضاً هذا الفرض انتقد عندما لاحظت أن هذه العملية لا تستغرق أحياناً أكثر من 3 ثوان في بعض الأحيان وصلت لدي سرعة التحميل الى 20 كليو بايت في الثانية لفترة قصيرة أيضاً لم أجد له تفسيراً ؟ فشو رأيكم؟

سبب انو السرعة بتكون كبيرة اول التنزيل هو انو المتصفح IE ببلش ينزل و انت عم تختار وين تعمل حفظ للملف (ممكن تطول العملية عدة ثواني) و بعد ما تطلع نافذة التحميل، المتصفح بيفترض انو وقتا بلش التحميل و كل الي تم تحميلو صار بنفس اللحظة، لهيك بيعطي سرعة عالية.

اما سرعة ال20Kps فصارت معي من قبل، التفسير الي طلع معي انو الmodem و الserver المتصل فيه ممكن عند حالات معينة يتجاهلو السرعة الي اتفقو عليا او الاتصال، بس ماعندي فكرة ليش.

ممكن تكون القضية هي عملية الضغط التي يقوم بها المودم؟

ممكن بس إذا لاحظت أنو عم ينزل 100 كيلو من الملف بحوالي 3 ثوان وعملية النتزيل تستغرق حوالي 25 ثانية وما بعتقد أنو عملية اختيار وين احفظ للملف بتطول لهالحد
كمان نفس الشيء يحصل معي عن طريق برامج مثل DAP
على كل فعلاً حكيك منطقي ورح اتأكد من هالموضوع

كيف يعني ؟ إذا كان فعلاً مثل ما عم تقول فنحنا فينا نستغل هالشي ونخلي سرعة التحميل دائماً كبيرة ....

إذا عم تنزل ملفات doc مثلاَ فضغطها فعال
أما عند تنزيل ملفات zip فضغطها غير فعال

شو الملف اللي حملتو بثانية وحدة؟

أنا بتوقع يكون ملف نصي، وقد يكون استفاد بشكل كبير من ضغك المودم وخصوصاً إذا كان التحميل ببداية فتح الاتصال...

كان ملف مضغوط zip

السلام عليكم
ياجماعه ممكن تفهموني عمل البرنامج DAP بالتفصيل , لاني بصراحه مطلوب مني بمشروع تخرجي الان ان أصمم وأبرمج برنامج DAP بالكامل.
والمشكله اللي واجهتها عند البحث هو عدم وجود مصادر تشرح أو توضح الية عمل البرنامج!!!!!!!!
واذا استجد اي شيء أرجو مراسلتي على الايميل (rand_8787@yahoo.com) وذلك لان استمرارية عضويتي هنا 4 ايام فقط
ولكم جزيل الشكر

عملنالك موضوع جديد فيه هادا الطلب. الرجاء عدم إرسال مشاركات إلى موضوع قديم جدّا (2004) و ما إلو علاقة بطلبك.