كتب mpcabd:
خايف أحكي معكم تقومو تزعلو مني, بس بدون زعل أمانة:
المادة طويلة وجديدة كليا ً عليكم, وخصوصي أنها أول مادة بتهتم بالفيزياء بتاخدوها بشكل أكاديمي, لكن المادة من أجمل المواد وأمتعها, حتى لو كانت المادة صعبة نوعا ً ما, لكن هالمادة بجد كتير حلوة.
طيب المادة بعيدة عن المعلوماتية ومالها علاقة كبيرة فيها, لكن طول عمركم بتدرسو فيزياء, هلأ ما عاد تقدرو تدرسوها للمادة؟
طيب الدكتور صعبها وخلاها مادة ميتة مميتة سامة, وين المشكلة أنتو طلاب جامعة, وطالب الجامعة يأخذ في جامعته 20% من كل مادة, وعليه الباقي, يدبر حالو, يعني عمليا ً قد ما عمل الدكتور ما رح يأثر عليكم لأنو بالنهاية لازم تكون قادر على دراسة المادة لحالك بدون مدرس.
طيب المادة ما قدرت حبها أو أهضمها, المادة حلوة ليلي بدو ومو حلوة كمان ليلي بدو, أنتو طلاب معلوماتية ثلث أرباعكم فايتين عن رغبة, ويلي فايت عن رغبة معناتها بيحب المعلوماتية وبالتالي بيحب الرياضيات والفيزياء لأنهم أساس المعلوماتية, فمعقول فايت معلوماتية ومالك متوقع تشوف فيزياء بالكلية؟
طيب ونظام الأسئلة, هاد يلي معكم حق تحكو عليه, الدورة الأولى السنة الماضية كان نظام الأسئلة غبي, الخطأ يذهب الصواب في مجموعة من 7 جمل, الدورة التانية كانت عادية جدا ً, وبالتالي قدرنا نرفعها.
طيب أنا حملت المادة فصليا ً, ما رح أكذب عليكم لكن المادة انحملت معي بسبب نظام الأسئلة, ومتأكد أنو خمس جمل يلي ما عرفت أجوبتهم بس, الدورة التانية رفعتها الحمد لله بالـ 86.
أنا بجد حسيتكم مكبرينها كتير, يعني مادة مالها متل باقي المواد صح, لكن مو متل المواد يلي بدها شغل كتير كتير, يعني السنة الجاية رح تنصدمو أول شي بالخوارزميات, وبعدين رح تنصدمو بالمشاريع, يعني على هالحالة عالسنة الخامسة ما منلاقي غير كم واحد منكم وصللو؟
طولت عليكم بس بجد عصبت كتير من حكيكم, ومرة تانية بقللكم بدون زعل بس هاد رأيي الشخصي.
ولما بتيجي بتدرس المادة قبل الامتحان ما رح يكون عندك وقت كتير لتفهمها وبالتالي رح تتضطر تبصم وانته بتعرف شكل الكتاب كيف
بصراحة انا بكره الفيزيا من كل قلبي بس منهج السنة من أكتر المناهج اللي استمتعت بدراستها واتمنيت لو اني درستها محاضرة بمحاضرة يمكن الوضع كان رح يكون احسن بس هلأ ما عاد فينا غير نكرفت لحتى نبصم بصم !
أرسل من قبل 
شو بدنا نساوي مشان هالمادة لانو بالفعل انو مادة غير قابلة للفهم و لا حتى للحفظ. الفحص قرب و لسا عنا دراسة فيزيا كومايات و المشكلة الحقيقية انو حتى الأبحاث يلي دستها مالي فهمانها مظبوط و كل ما حاول بلش بدرس جديد بلاقي انو كلو رموز ثلاث ارباعها مو مفهوم 
يعني هالمادة فعلا معتة لأبعد الحدود و مهما الواحد كان مصمم انو يمشي فيها فرح يلاقي صعوبة كتير و رح يفكر انو يوقف عن دراستها شي مليون مرة باليوم و يخليها لبعدين
بتمنى من طلاب السنة التانية يلي مرفعين المادة انو يفيدونا بنصائحهم 
