CSC-SY

مرحبا

بعرف انو كتير بكير نحكي عن الإجازة ( اللي الله يطعمها لكل مشتهي ) بس انو مضطرين

هلأ نحنا آخر مادة منقدمها 27 يناير وحسب ماقالولي بالإدارة انو الإجازة بتخلص يوم 7 فبراير اللي هو يوم خميس يعني فعلياً هي بتخلص يوم 9 فبراير ومنداوم 10 يعني كلها عبعضها مو محرزة شغلة 12 يوم فاللي بدو يسافر مابيلحق يروح ويرجع

فالسؤال انو الإسبوع الأول بدوام الفصل التاني دوام دوام يعني محاضرات رسمي وكل شي ولا متل اول اسابيع بالفصل الأول

يعني بيصير ما نحضر أول اسبوع ولا بيكون في عملي وهيك قصص ؟؟

خبرونا

سلام

والله بالعادة منعطل شهر ... يعني أقلها 3 أسابيع ..

نحنا السنة الماضية كان عنا مقابلة حسابات علمية بعد الفحص بأسبوع ..

بتذكر انو داومنا بعد المقايلة بـ 10 ايام

يعني عطلنا حوالي 20 يوم ... 

هاد يلي بيحضر هيك بيصير فيه .....

طيب كيف منعرف إزا رح يكون عن شي بعد الإجازة فورا لانو مضطرة احجز اليوم بكرا على أبعد تقدير وإلا ما عاد لاقي حجز فكيف ؟

عادة الطلاب ما بتحضر أول أسبوع من الفصل الثاني "ولا حتى الدكاترة" .. مشان هيك المحاضرات النظرية ممكن تبدا بنص شباط حوالي 17 الشهر ...

بالنسبة للعملي فكمان ما بيبدا لبعد اسبوع او اسبوعين من بداية النظري .... يعني معك وقت من 27/1 إلى 15/2 فينك تقولي انها اجازة حقيقية ..

يسلمو ^.^

سافري سافري

تروحي وترجعي بالسلامة

آخر شغلة تفكري فيها

ايمتا بتبلش المحاضرات تبع الفصل التاني 

انا قضيت اجازتي في مكتبة الكلية كل يوم بطعمه وبلا طعمه
واخر شي تفكري بعلامان انو من الأول اسبوع بكون نزل شي 3 مواد

أول أسبوع ينزل 3 مواد
أشو وين أعدين
غير بـ 3 أسابيع ما برضى .. بدنا نتهنى بالعطلة شوي

اها ع العموم مو مستعجلين كتير على هالابداعات بنعرفها بعدين

موضوعك تمام اللي كنت عماسأل عنه قبل ماينتهي الدوام انا كمان بدي سافر بس قالولي مو محرزة اسبوع وببلش فورا مو متل الفصل الاول بس ازا متل ماعميقولو الشباب غيرت رأيي يمكن سافر بس ان شالله تكون لحقتي الحجز

اي يا ريت يا جماعة اعرف الاجازة ايمتى بالضبط كتيييييييييير مهمة

مشان الدوام هو بيتأخر متل ما حكينا

بس العلامات بتنزل كتير منها اول اسبوع بعد الفحص

لأنو في منها بتكون خالصة تصحيح ضمن وقت الامتحان

وخاصة المواد المؤتمتة 

صحيح لشو العجله (ماهي العجلة من الشيطان) وبلا مانعكر اجازتنا خلينا نفكر بالسفر وبس

وبالتوفيق N.sham

انا بشوف انو اذا كانت اجازة طويلة   ممكن الواحد يعمل شي مفيد ويسافر

أيه أنا رح ضل هون مارح أتزحزح لتطلع العلامات أحلى شيييي
عليي الحلال ماني مستني دقيقة أنا حجزت عالرياض ولحقت حالي

وإنشالله برجع هاااا قولوا إنشالله بدي شوف أهلي صرلي شي قرن ماشفتهون

وماني مستعجل لا عالمحاضرات ولا عالعلامات دخيييلكون

حضرنا محاضرات بالفصل الأولى وانضربنا بكم مادة

يلا على خييير بآخر مادة

بايووووووووووو ,,,,,,,,,,,,,,,

انا بهالاجازة ناوي سافر شهر و شو ما صار يصير.........

طيب شباب بس سؤال تاني اسبوع بيكون فيه عملي ولا لا ؟؟

شو أخدتو محاضرات اليوم ..؟؟

الله يطمنك

لانو بدي اجل سفري بس كان بدي أتاكد من العملي

يسلمو

وانا متل الجدبه كل يوم بفتح المنتدى وما خطرلي اطلع عالموضوع.
داق خلقي وضعت وانا اسال عالاجازه لحد ما حجزت وقربت الحجز اليوم.
جايه عالشام السبت حضرتي.
خير انشالله!!!!

بس لسه معك وقت ازا بدك تأجليه لانو التأجيل مسموح لقبل 24 ساعة من الرحلة بعتقد بس بدك تدفعي 5 دنانير بما انك بالكويت

إسألي