CSC-SY

اليوم -الخميس - رحت عالكلية و لقيت علامات العملي تبع السنة الأولى كلها نازلة
و الملاحظ انو التصحيح كان متساهل جدا خاصة التحليل-وحتى الفيزياء- يعني صراحة في كتير علامات منيحة
بس يلي زعجني فعلا انو انا بفحص البرمجة كتبت البرنامج بشكل كامل و ما كان في ولا غلط حتى المصحح قلي البرنامج ممتاز و رح حطلك علامة منيحة
و اليوم بتفاجأ انو انا آخد بفحص البرمجة 1 من 10 يعني و الله شي غريب؟؟؟؟؟؟؟؟؟؟؟؟!!!!!!!!!
بس بعتقد انو في غلط بنقل العلامة- يعني عالأغلب هي عشرة و الصفر طاير بالغلط- و رح راجع الامتحانات بالكلية مشان شوف شو المشكلة
لانو مو معقول يقلي مصحح حطيتلك علامة منحة بعدين يحطلي واحد

وتراجع الامتحانات هي بدها دعاء من امك لحتى يرفعو شكوتك

وعكل حال موفق ومبروكين العلامات

لازم يزبطولي علامتي يعني مو معقول بالمرة كون مقدم منيح قوم آخد واحد
على فكرة البرمجة بالذات حاطين العلامات تبعها بالتفصيل يعني حاطين الفحص لحالو و المذاكرة لحال...........
يعني مثلا أنا علامتي النهائية طلعت عشرين من ثلاثين -هاد إذا اعتبرنا انو اخدت 1واحد بفحص العملي-

انا بدي قلك موفق وان شالله يعطوك حقك
انا هلئ وصلتني علامتي كتير منيحة الحمدلله واجمالا كل العلمات ممتازين الحمدلله

.........

برافووووووووووووووو الحمد الله

بالتوفيق والنجاح
:-)

لا روح راجع لانو أغلاطون فظيعة رفيقتي بالجبر حاطينلا 10 وهي حالة بالامتحان نفس حلي ونفس الوظايف ونفس الحضور وأنا حاطينلي 20 شكلون نسيو ينقلولا العلامات الباقية وحطو بس علامة الامتحان

وع العموم إن شاءالله تكون العلامات خير حاكم رح ما في أمل بدون علامات العملي نرفع الفيزيا

عادي انا نيلت بالفيزيا العملي والبرمجة مو بس انتو رحلي فيهوم منيح متل ما توقت هي المصحححة الغيبة هي يلي كسرتلي علامتي ما لح نق وسق خلص يلي صار صار

علامات البرمجة بالتفصيل !!

ليه الفضايح كانو يخلوها مستورة أحسن بس الحمد لله طلعت العلامتا عنجد منيحة وشكرا لاساتذة العملي كلون ماعدا وحدة بتعرف حالها

مبروك The Lady علاماتك الحلوين وعقبال الكل ووسيم كل اللي فاتو امتحانو برمجةآخر شي انضربو مو انته لحالك ازا ما أجت هي اللي مدري شو اسمو تصلحلون اجاهون سؤال أصعب من الكل وإزا عرفوه إجالون كمبيوتر غبي يتعطل على حظون فاحمد ربك لانو بجد ما بتعرف شو بيطلع معون بهالكلية

يعني تخيل لرفيقتي ناسين يجمعو علامة امتحان العملي تبع البرمجة يعني البنت طلعت جايبة 15 بدل ما تكون جايبة 25 !!

انا متلك اذا بدك بس اخدت 3 من 10 يعني في دعم شوي
بس كمان 20 واكيد انو في غلط
بس التحليل والفيزيا كانو كتير مناح يعني في مساعدة كتير

صباحوووو شباب وصبايا

منيح والله

الكل فرحااااااااااااااان ومبسووووط مو بكل المواد طبعا والله

أساتذة العملي ما قصرو

انا شفت الشب عم يحط الدرجات والله بالصدفة مرأت لهنيك

وكتييييير تفاجات بالعلامات

بالتوفيق لكل يلي اختبروااااااااا

بس لازم نشد حيلنا بالنظري

ما في غيري لسا ما عرفت ولا علامة غير الجبر والمبادئ........!!

أنا كمان ماعرفت علاماتي بس متفاءل وانشالله خير لأنو الأخبار الحمد لله بتبشر بالخير

100 وردة أستاذ رأفت والله أنك أستاذ كتير كتير أكابر .

هلأ لازمنا الكمبيوتر يحن قلبو علينا وهو عم يصحح فيزيا وإلا الله بيعرف شو بيصير

good luck 4 all of u guys

طمنيني عن علامتك البرمجة ان شالله اخدتي حقك لأنك عانتي من الكومبيوتر بتذكر ان شالله موفقه ياعمري

ومشان الفيزيا لا اطمنوا انا قلتلكم يابرسبونا كلنا ياكلنا منترفع سوا وازا (بعيد الشــــــــر) ما ترفعنا عتكون المساعدة الجماعية المرة القادمة افضل لأنو عملنا وش اول للكتاب .

وانا شايفة انو كل الدكاترة عميحاولو يرفعولنا علاماتنا كرمال مايرجعوا يصححوا(متل دكتورة الجبر وقت شفتها بعد الفحص العملي قالتلي انو غط على قلبها وقت شافت هالاعداد انو المشكلة مو بالعملي بالنظري كل الطلاب عليها) بس شكله دكتور الفيزيا مو لابقتله هي شغله التصحيح عن طريق الكومبيوتر مستهون رسوبنا كتير

لك طولووووووووووووا بالكن

ولا تضوووجووووووووووووووووووا

انا كتييييير متفائل بالجبر

والله محروق قلبي ع علامت البرمجة أقل علامة بالعملي 24 جبت بس الحمد لله على كل حال يعني استاذ رأفت بجد ساعدنا بالعلامات التانية فتعوض اللي راح بالامتحان بس بجد الفصل التاني لازم نكمل اللي قالو عنو الشباب والصبايا ونحاول نصلح اللي بنقدر عليه بكمبيوترات الكلية الفظيعة ومني وعلي ماعاد امتحن ولا امتحان على كمبيوترات الكيلة خلص اللابتوب أضمن

وبالنسبة للفيزياء خلاص كلكون انسوها يعني ماعاد فينا نغير شي لانو عرضنا ع الدكتور نعملو برنامج بيصحح بدون مايروح الغلط الصح بس مارضي قال بس لنتخرج بياخد مننا هيك شي ^.*

وللجبر انا عنجد كتير حبيتها لدكتورة الجبر بجد يعني انا لو محلها وعملو فيني الطلاب كل هالعمايل لكنت جبتلون امتحان مايعرفو من وين جاية أسئلتو بس شكلها شفئت على اللي كانو عم يحضروا ومركزين

ليش مين قال انو الغلط بيروح الصح بالفيزياااا

هو متل متل السنة الماضية يعني ازا اخترتي 3 جمل وكان لازم تختاري اتنين بس بينحسب السؤال غلط ولو كان لازم تختاري 3 واخترتي 2 كمان بنحسب السؤال كلو غلط هيك قال الدكتور والشي اللي قالوا عنو انو الغلط مابيروح الصح هو انو ازا كان عندك يعني السؤال رقم واحد صح والسؤال رقم اتنين غلط مابيروح السؤال رقم اتنين السؤال رقم واحد بس بكل سؤال لحالو الحمل الغلط بتلغي الصح

انا خليت أمي تدعيلي بكل صلواتها

خليها تدعيلكن ولا ما بدكن ؟؟؟؟؟؟؟؟؟؟؟؟؟؟

شباب انا بتوقع اني اخد 55 بالفيزياء إنشا الله

انتو بتتوقعوني اخد هيك درجة

و الله شي غريب
بس فهموني مين هاد يلي عمينقل العلامات