CSC-SY

مرحبااااااااااااا بكل يلي بالمنتدى

شفتو اليوم الجبر كان مو صعب

بس بتضل في مشكله

لك كيف بدنا نغش

وبتعرفو الغش بدمنا

كل واحد يعطينيا شي طريقة جديدة للغش

بسمع من رفقاتي بكلية الاقتصاد والحقوق الغش على ابو جنب إلا نحنا والله حرااااااااااام

سعنس فرضا واحد باقيلو درجة ليرفع الماده

وما عرف كيف بدو يجيبا والمراقب لااااااااااااازق قدامو كيف بدو يجيبا

فشدولي الهمه ولاقولي طرق

والله يا حبيب هون مالك خبز ...
بدك تعتمد على حالك ... اسألني انا

-------------------------

و الله فكرة حلوة و بما انو نحنا عمندرس هندسة معوماتية فلازم نستغل التقنيات الحديثة في الغش
يعني لازم نبتكر وسائل غش حديثة مشان نفيد الأجيال القادمة

بالنسبة قلي عميل متلي وانقول بكل وقاحة يعني لما بيكون المراقب إدامك احكي مع يلي قدامك او يلي قبلك وباقي المراقبين ما لح يخطر على بالهم انو انت معقول تكون غبي لدرجة انو تنقل والمراقب ادامك بس هي قمة الكفونة واذا قلك ليش عم تحكي مع جارك قلو معقول غش وانت قدامي

شلوني معك
وهي القصة يمكن تجيب معدل وتصير ماجيستير وكلو Based On cheating

ما بعتقد أنكم معلش تحكو هيك شي بالموقع, مو لأنو مخالف للقواعد, بس لأنو هالشي منافي للآداب والأخلاق يلي المفروض نتحلى فيها, بدال ما تحكو عن الغش كل واحد يحط طريقة دراسة نافعة وبيعتقد أنها بتعطي نتائج صحيحة.

لا تعليق !!

إي شو هالذكا هاد ؟؟؟
الله يحميكم

والله يا wazzz
احلا من الحلاوة

شو n.sham طولي بالك علينا ليش لا تعليق ما عجبك الموضوع

بعدين متل ما قال DigitalPerson لازم نستغل قدراتنا بوسائل الغش الحديثة متل ما عم نستغلها بطرق الدراسة
يعني من هون ومن هون
وخلينا نفيد جيلنا ابل الاجيال القادمة رح نضحي بحالنا ونجرب الطرق الجديدة

بعدين ياkobaitari مين قلك ما مناكل خبز صبر ورء وشوف إذا الشباب ما بيخترعوا غش بحالو

بعدين يا wazzz مو ليجي مراقب يخليك تتواقح عليه

من غش فليس منا 

اي بصراحة ماعجبني يعني على الرغم من أنو الكل بيشوف الغش كمساعدة أنا بشوفو غش وهي كلمة مساعدة تلبيس من الشيطان متل ما بنقول ع الكذب مجاملة و كذب أبيض

الغش غش واللي قالتوا كانتي صح " من غشنا فليس منا " قاعدة واضحة حطها الرسول صلى الله عليه وسلم مو بس للغش التجاري لكل نوع من الغش لانو انته بهالحالة عم تاخد شي مو من حقك وعم تسرق تعب غيرك وعم تتساوى مع حدا بالظروف الطبيعية مستحيل تتساوى معاه الامتحان هو قياس للقدرات ونحنا هلأ بمرحلة عم ندرس فيها لمهنة هلأ بتغش وبعدين بس تصير تشتغل كمان رح تلاقي حدا يغششك ويقلك شو تعمل ؟؟

انا بعرف انو " من يتق الله يجعل له مخرجا " إذا إجالك شي ماعرفت تحلو توكل ع الله وكون واثق انو رح يساعدك اكتر من اللي رح يغششك يعني بجد حرام حرام حرام اللي عم نشوفوه من ورا الغش وخصوصا بعلامات العملي يعني واحد بيكون معتمد على حالو وتعبان وسهران وطلعت عيونو وبيجيب 25 والتاني بيكون غاشش ومو فاتح كتاب وبيجي بكل رياحة بياخد 28 ؟؟!!!

قلي انته لو كنت مكان اللي طلعت عيونو وهو عم يدرس وتجي تلاقي هيك بكل بساطة حدا بعمرو ما فتح كتاب جاب نفس علامتك ما بتنقهر ؟؟

فيك تقول اني لئيمة متل ما الكل بيقولو عن اللي مابيرضو يغشو ولا يغششو بس ماتتهاون بشي مهما كان صغير لانو انته ممكن تشوف شغلة وتعتبرها بسيطة ومو كل هالقد مهمة بس بكرا يوما نتحاسب كلنا بتشوف كيف بتكون عند ربك عظيمة .

الغش = السرقة

اخي انا بنصحك تغش الشيطان يلي عم يوحيلك بهلافكار السيئة وتدرس
والا...................العمر ألك
لأنو:
لاتوجد جريمة كاملة & والغش جريمة==> رح تنكشف عاجلا ام اجلا
وفي الاخير تنفصل من الكلية...........وتنتهي حياتك العلمية(لا سمح الله)
بعدين دير بالك أنت في خطر لمخالفتك قانون المنتدى

لك شو مشان هلأ احترتوا عن شو بدكون تحكوا ما لقيتوا غير هالموضوع تحكوا فيه ..... والله غريبة ... طلاب معلوماتية بيحكوا هيك .....

والله أنا محتار سكرلكم الموضوع تقولو ما عمبيخلونا نتناقش, بس الغش حرام, بأي تفسير كان, وتفسير N.Sham بيكفي وبيوفي, حابين تكملو غش كملو على مسؤوليتكم الخاصة, "من سن سنة سيئة فعليه وزره ووزر من عمل بها إلى يوم القيامة" ما بعتقد في حدا منكم قد هالحديث أو لذلك يلي بدو يغش أفضللو أنو ما يعلم غيرو, خليه ياخد وزر واحد أحسن من مية.
الموضوع مغلق.