CSC-SY

شو رأيكن شباب بأسئلة المبادئ؟؟؟؟؟؟؟؟!!!!!!!......

بعد المعانة يلي عانيناها بدراسة المبائ على مدى يومين متواصلين (حتى دون نوم بالنسبة لي)

و بالأخير بتجينا اسئلة مدري من وين و الله شي غريب

بس بدي قول الله يسامح الدكتور زهير صندوق

لانو ما عطانا غير جزء من البحث الثالث و بالأخير بطالبنا بكل الكتاب

يعني و الله هيك مو عدل ولّا شو رأيكن؟؟؟؟؟؟؟؟؟؟

--------------------------------------------------------

أول شي اسمك معبر تماما عن الوضع
تانيا هاد الكلام صحيح بس شو منعمل ؟؟ موبس كل الكتاب والدفتر وموبس معلومات خارجية لاء معلومات كمن الكتاب القديم متل الفاكس اللي هو محذوف باخر طبعه
لازم دائما نكون منعرف شو بده الدكتور بدون مايحكي اه يالله منعوضها ان شالله بالتحليل

فعلا و الله شي مزعج
أصلا كيف بدنا نلحق كتاب كامل مالنا آخدين منو إلا جزء بسيط مع 7 محاضرات بظرف يوم و نص

مممممم هلأ بصراحة الأسئلة كانت كتي حلوة مع اني ما شفتها

بس بالعادة بتكون حلوة  

نشاء الله هلأ رح آخدلي استراحة يومين ثلاثة بعد هالضغط يلي انضغطناه بالمبادئ و كون التحليل معها وقت كتير

هي الشباب اهلين بالجامعة لانو هي ما بترحم يعني الواحد إذا ما عندو معرفة من قبل وكان عمن عم بيشتغل طول السنة وكمان بالبرمجة يلي لازم تكون عم تشتغل من 4 او 5 سنين لحتى تنجح ومن شان الله حاجة تحكو على انكم مظلومين بس تشوفو البرمجة احكو هالحكي هههه شوفو الظلم على حقيقتو بينما المبادىء خليها لربكم

ما بعرف انا بحس انو قد ما كانت أسئلة البرمجة صعبة بتتم حلوة يعني أنا بالنسبة إلى, بالمبادئ ما بيهمني غير أني عرفت المعلومات اللي لازم أعرفها و العلامات بتجي بعدين
أما بالبرمجة فكل مسألة بتجيني قد ما كانت صعبة و حتى لو ما عرفت حلها بالامتحان رح تخليني فكر بطريقة جديدة...
^^

ازا انته قضيت يومين فانا قضيت اجازة العيد + ايام اللي قبل الانجليزي + اليومين تبعك

بس شو بدنا نعمل بالنسبة إلي بعرف انو ما كان بقدر اعمل اكتر من اللي عملتو ورضيانة بمجهودي وواثقة انو ما رح يضيع صح كان أملنا تترفع فوق ال 85 بس الحمد لله على كل

بالنسبة للأسئلة ما بعتقد انو كانت بالصعوبة اللي الكل عم يحكي عنها يعني هي صعبة صح بس مو لدرجة تحمل المادة

ع العموم دكتور زهير والمهندسة ريما حطو أسئلة بتساعد مشان الواحد يحكي ضميرو يعني في اشياء كتير واضحة

بس المشكلة انو الأسئلة نحطت من طبعة قديمة وهالأشياء كانت مو موجودة بكتب الطلاب وهادا اللي خلا الموضوع يصعب اكتر

ع العموم انسوا اللي راح مارح تقدروا تغيرو في شي واهتموا باللي جاي والله بيعوض

وهيدا فصل تجريب مشان نتعلم انو الجامعة مو لعبة متل ماكنا مفكرين وانو الدراسة أول بأول ضرورية هلأ أكتر من أيام المدرسة

موفقين باللي جاي

هو هي الشغلة الوحيدة اللي بندم عليها

بس ماكنت حاطة ببالي انو ادخل معلوماتية مع انها كانت رغبتي بس كنت بعتقد انو الظروف رح تيجي بالعكس قام اجت معي وانا مو مستعدة

بصراحة .. إذا بدنا نحكي على الأسئلة بشكل واضح كانوا أسئلة المهندسة ريما كتير منطقيين وحلويين وسهليين ..
أما باالنسبة لقسم الدكتور زهير وهو الأكبر طبعاً فكان مختلط بين أسئلة منطقية وأسئلة غير مفهومة وأسئلة غريبة"مو من معلوماتنا" .. الملاحظ أنو تم الاعتماد على الدورات السابقة دون النظر إلى الطبعة الأخيرة من الكتاب وهون كانت المشكلة.... الله بيعوضنا بغير مواد

والله انا نور لو عقلي براسي كنت زبطت حالي بالبرمجة من العاشر متل كتيير ناس وبالأخير لح نواجه جبروت الأسئلة

وعلى فكرة الكل عم بيكذب الكل طالع منيح بس عم بينقو من شان إذا طلعت علامتهون 95 بيقولو ليكو انا ما درست وكنت مضروب وجبت 98 بقى ما ادرس شو بجيب (:
(:

ملاحظة:تؤخذ قاعدة بالحياة أكذب الناس بعد العقارية والكهربجية هنن طلاب المعلوماتية والطب

بس بشكل عام بتضل مادة المبادئ من أجمل المواد بالسنة الأولى
هي إذا ما كانت الأجمل

شو هالحكي
يعني كيف الأسئلة كانت سهلة بس جايي من طبعة قديمة . شو نحنا دفعة ال 2005 او ال 2006
نحنا دفعة ال2007-2008 والكتاب يللي مسؤولين عنو هو يللي تاريخه 2007 2008
وغير هيك نحنا ماإلنا دخل فيه أبدا
وياريت الدكاترة انتبهو لتاريخ الكتاب قبل مايحطو الأسئلة
على كل الأسئلة مابترسب بس مابتجيب معدل

أنا مو قصدي قول انو نحنا رح نحمل المادة بس نحنا كنا متأملين نجيب فيها معدل عالي و بعتقد هالشي ما رح يظبط معنا
مع انو فعلا مادة المبادئ ي من أحلى المواد بس المشكلة انو صار في سوءتفاهم بيننا و بين الدكاترة

طولو بالكون
أحلى مادة هي المبادئ وقلال كتير يلي ما برفعوها من اول مرة
لانو اغلب الاسئلة بتجي معلومات عامة وهي مادة معدل
اما البرمجة هي يلي بدا شغل لانو بالفحص مافي وقت كتير لتفكرو بالحل لازم تخطرلكن الفكرة بسرعة
وخصوصا الدكتور غسان اسئلتو مرتبة وحلوة؟؟؟؟....
موفقين

ويكون قصدك عادي ولا يهمك

ممكن والله هي حسب نظريات ايام المدرسة كان اسمها " الشاطرين اللئما "

بس كمان التعميم مو حلو وقصة 95 ما بعتقد نشوفها كتير يمكن عند اسمك وسيم بنشوفها ان شاء الله بس عند ناس كتيرة لأ

يعني بتوقع العلمات رح تكون بين 75 ل 85 وقلال كتير اللي رح يجيبو فوق هيك

وبعدين ازا انته كان بدك تشتغل من العاشر لكن انا شو قول ع القليل معلوماتك بأسوأ الأحوال أحسن من معلوماتي بأفضلها

والله نور كلنا بالهوا سوا ولا ان شاء الله بتجبي احسن مني لانك عن جد وبدون زعل بتستاهلي كل خير

مرحبا
يعني انا ما بعرف شو بدي قول؟؟خضرنكن عم تقولوا الاسئلة سهلة و هي مادة معدل و الكل علاماته عالية؟؟؟؟
طيب ممكن اسئلكن كتبكن طبعة انو سنة ؟؟؟؟
انا كتابي الطبعة الخامسة و لما شفت الاسئلة الاخيرة فكرتها اسئلة معلومات عامة و سلمت امري لله بس بعدين لما طلعت من الامتحان اكتشفت انو المعلومات موجودة بكتب الطبعات القديمة طبعا ما حاصفلكن مقدار الفرحة اللي حسيت فيها و خصوصا انو معظم اجوبتي غلط...؟؟؟!!!
ممكن افهم شو زنبي درست و اتعبت بعدين تروح علاماتي هيك بلا اي سبب؟؟؟؟؟؟

هلق انا وبما اني ما كنت دارسة غير نوطة ريما لذلك ما حسيت انو في اسئلة من برا الكتاب يعني بس عم اتمنى النجاح يا رب وانشالله عيني ما بتحسدكن يا اصحاب 95ات

شلوووووووووووووووووووووون؟
صرنا انا وياكي بالموقع قرايبين كريم قصدي كارمن هههه

أي طولو بالكن مو لهالدرجة ....
أنا كتابي أخر طبعة بس لما عطت الآنسة البحث الرابع والسادس كنت عم تبع معها بالكتاب واكتشفت أنو عندي نقص وأنها كانت عم تعطي من الطبعة الرابعة قبل التعديل ومنشان هيك صورت البحثين من زميلي الله يكتر خيرو ودرستن وأجا منن متل ما كنت متوقع لأنو هي العادة أنو الأساتذة ما يرحموا الطالب .
الله بعينكم بس المهم ما حدا يحملها .
وبعدين كانت أسئلة الدكتور صعبة ومنها مو من الكتاب مثل الـusp وسؤال عن المعالجات وسؤال ذاكرة السيم في الموبايل .
إنشاء الله ما حدا يحملها وكلو بمعدلات عالية .
والله يوفقكم بالتحليل .

المشكلة خلانا ندرس من الكتاب مع أن 90 % من أسئلته كانت من المحاضرات والمشكلة أنو ما بنحلق نكتب وراه

شو وسيم خل الناس نتفس عن مشاعرها وبعدين تفاءل شوي بالبرمجة شو بدك يانا نحملها 4 سنين !

بعدين شباب صح في أشياء من طبعات قديمة بس كلها تقريبا 3 علامات وأنا بتذكر أنو الدكتور زهير قال بأنو كلامو خارج المنهج عن العلم والهندسة وما بعرف شو ما حيسأل عنو بعد فاجأنا بسألين
عموما الحمد لله على كل حال