CSC-SY

السلام عليكم
يؤسفني انو اول مشاركة الي بمنتدى كلية الهندسة المعلوماتية تكون هيك بس ((مجبرة اختكم لا متهكمة))
ممكن افهم ليش......؟؟؟
ليش هالكيلة مهمشة من المجتمع من وزارة التعليم العالي و من الكادر اللي بيشتغل فيها نفسه.....؟؟؟
من وين جبت هاد الشعور اكيد مو من هلوساتي المعوماتية ..!
اليكم اللقطات التالية و بتعرفوا السبب:
لقطة 1:
طالب خلص بكلوريا قرر يفوت كلية محترمةكلية يحس فيها انو طالب عم يدرس بالقرن الواحد و العشرين
اختار كلية الهندسة المعلوماتية وشاف التالي :
كلية كمبيوتراتها اكل عليها الدهر و شرب من شاشات مزرقة لمنزوعة لمعلقة لكمبيوترات غنية بافضل انواع الفيروسات -اللهم لا حسد-بعدين لما نقدم امتحانات العملي و الكمبيوتر يصير بوضعية dead halt الحق عالطالب يعني بيجي الاستاد شاف كمبيوترك ما طبق صح طبعا الحق عليك-ليش الكميوتر بيلخبط....استغفر الله هدول كمبيوترات كلية هندسة المعلوماتية ولو.....- و طبعا احيانا الفايروس بامتحانات البرمجة العملي كان بيعرض خدماته و يساهم مع الطالب بالكتابة ليتحاسب الطالب بعدين و يتحمل خطية الفايروس..!!
لقطة 2:
محاضراتنا ناخدها بمبنى المدني ...ما عنااااااااااامدرجات لا طبعا عنا 3 مدرجات بهنغار!!
لقطة 3:
الكتاب بينزل بعدة طبعات -متل البمادئ-طبعا مختلفة المحتوى و انت بتختار طبعة و انت و حظك اجا منها الاسئلة نفدت ما اجا منها الاسئلة .....حظ اوفر بالمرة الجاية!!!
لقطة 4:
كلية الطب قدموا حوالي 3 او 4 مواد اتمتة امتحانات ((نظري))و طبعا بلشوا معنا ب 2 كانون الثاني و نزلت نتائج مادتين
و نحنا -ولافخر-كلية الهندسة المعلوماتية مانزللنا نتائج و لا مادة اتمتة -بظن الله اعلم انو الكمبيوتر اللي يصلح منزوع......!-
احيانا سال حالي ياترى انا كنت واقعية لما اخترت ادخل هاد الفرع متناسية اني بالشرق الاوسط؟؟؟
يمكن لما الواحد يفكر يدخل فروعة متطورة لازم يقرن صورة الفرع ببرج ايقل او ساعة بيغ بن او تمثال الحرية ....!
انا بصراحة ما بعرف ليش كتبت الموضوع يمكن لاني حاسة بخيبة امل من كلشي من المجتمع يللي ما بيقدر هالفرع بالذات ومن عدم الاهتمام فينا يعني نحنا كل السنة الاولى اقل من 300 طالب فعليا و لما شوف رفقاتي بكلية الطب -و هم اكتر من 600طالب-منظمين اكتر و في اهتمام اكبر بحس بالذنب تجاه نفسي لانو اخترت شي بحبوا متجاهلة المجتمع كيف بينظر للفروع حاسة حالي خسرت كلشي ..1

احلا شي بالحياة هو التحدي
والتحدي اللي لازم تتبنيه انو تقولي
انا اللي بدي صلح الكلية وتحطيه كهدف
وصدقيني ما في حدا اصر ع هدفو الا حصل عيه مهما طال الزمن

تخيلي حالك هلق بجامعة من جامعات الامارات الحديثة(كنت شوفها ع التلفزيون ويطير عقلي)
بعد فترة الواحد رح يمل الروتين والرفاهية يعني هنن ما عندون شي يحلمو فيه لانو وصلو للقمة
اما نحنا ففي كتير لازم نصلحو

خلي هالسلبيات تعطيكي دافع للامام مو للوراء

والله الحق معك مية بالمية تشرشحنا بهالكليةاهم الشي مقصف المعلوماتية كرسيين وطاولة والله عيب عليهن شو مشان انو نحنا اعلا هندسة لازم نكون النا شوية اعتبار

يعني هادا واقع كليتنا ...
في كتير مصاعب و كتير مشاكل ...
بس مو يعني نهاية العالم ...
و بنفس الوقت في إيجابيات ...
فمهمتنا نساهم في حل مشاكل كليتنا قدر المستطاع ...
و على فكرة ما شرط نشوف نتائج فورية و مرضية بشكل تام ...
بس المهم منكون عملنا اللي علينا ...
و هادا من واجبنا ...

بدك طولي بالك
انا كنت متلك مكتئب من فرعي وانو الطب احسلي ومن هالحكي[بالسنة الاولى]
بس حقلك كلمتين هنن يلي ريحوني كتير:
"المهندس هو يلي بيصنع الحضارة مو الدكتور ,الدكتور بيداوي وبس!! وفي الف دكتور عم بيكش دبان المهم الواحد ينجح بفرعو شو ما كان هالفرع يعني مهندس ناجح احسن بالف مرة من طبيب فاشل"
وبعدين لازم الانسان يكون عندو ارادة وثقة بنفسو
مو اول ما بواجه صعوبة يضعف!! بالعكس
بعدين لسا ماشفتي شي من المعلوماتية!!
الاولى مافيها شي بايخة
ونصيحة اخيرة ما تسمعي كلام الناس وخاصة المقربين منك
وموفقة انشالله

لسا بدك تستنيلك شي شهر شهرين زمان

ليش دائماً منتطلع على النص الفاضي من الكاسة!!!
ليش ما منشوف غير الشغلات اللي ناقصتنا وما منطلع على الميزات اللي عنا!!!
ليش ما بتشوفو المواد اللي عنا ( مقارنة بالطب)، بدكن تقولو كلها تفكير وبتموت من دراستها وأصعب من كل الكليات، ما تشوفو الكتب اللي بيدرسو فيها الطب شو بتحكو.. ولا تبع الصيدلة!!!
هلأ بيجوز أنتو لسا سنة أولى ولسا ما صار بينكم وبين الكلية هالرابط الكبير، بس بكرا ،مو شغلة بعيدة للفصل التاني، رح تحبوها أكتر وأكتر، بكل شي فيها...
وبتصير كل هالقصص اللي عانيتو منها وعم تحكوا عنها ذكريات من الماضي...
وفي النهاية القناعة كنز لا يفنى.

مع أني بكره الطب, إلا أنو ما بيصير نقارن بين الطبيب والمهندس من وجهة نظرنا بس, إذا بدكم مقارنة صحيحة بدكم تخللو الناس يلي عمتستفيد من كلا الطرفين تقلكم أي الأفضل إلهم.
بس بتضل المقارنة بالأخير مجموعة آراء شخصية مالها علاقة بالحقيقة, ولكن من وجهة نظر حضارية محايدة, المهندس ضروري والطبيب ضروري, والتنين مهمين لتكوين حضارة وتطويرها, هاد أولا ً.
ثانيا ً كليتنا بكل نواقصها برأيي أحلى كلية, مو لأنو فيها شي مميز بس لأنو حبها بقلبي بيخليها حلوة, وقد ما كنا عمنعاني فيها من أي مشاكل, ما بحس حالي ندمان ولا شوي لأني فتت عليها بينما صحلي طب وغيرو, أنا برأيي أنو لازم يستمر الواحد بمسيرة تعليمو للنهاية طالما داخل هالتعليم عن محبة.
برأيي: مهندس بيحب هندستو ومبدع فيها, أفضل من طبيب دخل الطب إرضاء ً لرغبات الغير وللأسف فشل.
أنا متأكد أنو السنة الجاية رح تحبو الكلية أكتر, وحتى لو الكتير من رفقاتي بدو يستغرب, إلا أنو السنة الجاية عالخوارزميات (أول مادة حقيقية) رح تحسو أنكم معلوماتية, وأنو ما حدا بيصحلو ياخد هيك أفكار من هيك دكتور (الدكتور عمار خير بك) وبهيك طريقة بأي كلية تانية, وبذكركم بهالحكي السنة الجاية.

في نقطة تانية كمان أثارت استغرابي
ليش نحنا كل ما بدنا نحكي أو نعمل مقارنات منجيب سيرة الطب؟؟؟
يعني صحي كلية الطب مجهزة وفيها كل شي بيحتاجو الطلاب، بس لا تنسو أنو الطبيب ليصير طبيب شو بدو، وكم سنة بدو، أقل شي أقل شي 10 سنين لحتى يقدر يعلق الأرمة تبعو..
بعدين المهندس شغلة والطبيب شغلة، ونحنا دائماً بحكينا على الكلية منقول أنو المهندس أحسن من الطبيب ( ولو كنا بمنتدى للطب وعم ندرس طب فالطبيب أحسن من المهندس وهكذا دواليك).
كل واحد شو ما كانت شغلتو طبيب مهندس صيدلاني أي شي وكان متقن للمهنة تبعو أكيد رح يكون انتاجه مميز، أما مافينا نقول أنو المهندس هو اللي بيشتغل وبيبني الحضارة والباقي لأ، لأنو لا المهندس بالحياة لحالو كافي، ولا الدكتور بالحياة لحالو كافي.

طولي بالك ..

كليتنا حلوة .. كتير حلوة .. لا تنظري للبناء ولا للمقصف ولا حتى للأجهزة .. إطلعي عالمضمون ..الشغل الجماعي فعلا ممتع ... وفي مواد ممتعة .. متل الخوارزميات والبرمجات مثلا
هلأ مو ضوروري نرفع الخوارزميات لنقول عنها حلوة بس هي حلوة
وبعدين طالما فتي عالكلية بملئ إرادتك .. اقتنعي إنو الله هيك كتبلك .. ولا تقارنيها بغير كليات .. لأن كل شي إلو سلبيات وإيجابيات ..
إنتي مثلا ما بتتخيلي طلاب الطب شو بيحسدونا لأننا ما منحفظ متلهم ...
أنا كتير أحيانا بتدايق من الكلية لما بروحولي الأساتذة علامات مدري وين .. بس هيك مواقف مممكن تصير بأي كلية
إن شاء الله بيتحسن الوضع بكليتنا .. أنا بتخيل إنو إصرار طلاب الأولى على تحسين الوضع لح يعطي نتيجة
بس أهم شي لا تكتأبي من الكلية .. لأنو إذا اكتأبتي لح تعطلي قدراتك فيها والمعلوماتية بحاجة لقدرات طلابها بنسبة كتير كبيرة لأنها مو سهلة بصراحة ..
على فكرة : علامات النظري المؤتمتة خالصين تصحيح .. بس ما بنزلوهم هلأ حفاظا على نفسيات الطلاب أثناء الامتحانات
وبتخيل هي نقطة كتير حلوة بكليتنا ...
بالتوفيق إن شاء الله

شو صار بموضوعوكون
وين وصلتوا

******************************************************
******************************************************
في النهاية هذه كليتنا
واذا لم نبنيها نحن فمن سيبنيها
واذا لم نحافظ عليها فمن سيحافظ
واذا لم نطورها فمن سيطورها
******************************************************
******************************************************
انا لا ادافع عن أحد ولكن لازم يكون الكلام دقيق........
صحيح الكلية بعيدة عما يجب ان تكون عليه........
هذا الواقع يجب ان يدفعنا الى تحمل المسؤولية بأنفسنا
بدلا من القائها على الاخرين..............
يعني مثلا بالنسبة للكمبيوترات حسب معلوماتي لا توجد كلية فيها كمبيوترات اكثر من كليتنا
ففي كلية الاقتصاد والعلوم والهندسة المدنية وغيرها وربما الطب(لا اعرف الكثير عن كلية الطب) لا يسمح للطلاب باستخدام الحواسيب(ان وجدت) الا في محاضرات العملي التي تستلزم ذلك...........
وبالنسبة للفيروسات فهذا طبيعي:
لأن الانترنت مفتوح دائما............
والطلاب الاعزاء كلما جلس احدهم على الحاسب كان اول مايفعله هو تعطيل مضاد الفيروسات حتى لا يضايقه وهو يتصفح الانترنت او حتى لا يمنعه من وصل الفلاشة(مصدر الفيروسات الاول)........
وأنا لم أرى طالبا يطفئ الحاسب بعد الانتهاء من العمل عليه
فكيف بدنا الحواسيب تبقى بخير............كيف
وبالنسبة لكتاب المبادئ لم يكن كذلك في السنة الماضية
وبالنسبة لسرعة اعلان علامات الفحص هذا ليس مقياسا للمقارنة بين الكلايات

يا جماعة بكل ما في كليتنا من عيوب نقطية وخطية وحتى شوائب بس بضل كليتنا نصف ناقل أصيل....

لا عنجد يا جماعة طلاب دفعنا هالسنة طلاب كتير راقيين ونادراً ما تلاقوا شي عاه بيناتنا وهاد الشي أكيد مو حل لبطئ تطور كليتنا  بس عامل كتير هام في تخفيف مصائبنا

وأنا برأي يلي بحب المعلوماتية ما بتوقف هيك شغلات متل تأخير العلامات والمقصف والمباني القديمة بوجهه الى حد ما....

وأنا كتير ضد في أنو نقارن حالنا بغير كلية لأنو هاد الشي بكرهنا بفرعنا وبنتيجة هادا الشي منكون نحن أكبر مصيبة ومشكلة بكليتنا بعد ما كنا رافضين لهاد الواقع منصير نحن يلي منخلقه 

يا جماعة فرعنا فرع راقي ومستقبله أرقى وبرأيي أحسن ما نشكي ونبكي خلينا نحاول نلاقي حلول لأي مصيبة ممكن تلاقينا إذا كان باستطاعتناوطبعا يد وحدة و بتصفق وفهمكن

كفاية 

باختصار شديد و دون مقدمات أو تبريرات :
بكرا بعد كم سنة بس اتصيري مهندسة معلوماتية ناجحة انشاء الله , بجهودك وجهود الدكاترة المميزين يلي عنا , بتصفي هالشغلات
كلها وراكي وما إلها أي قيمة أو معنى ...
لا تتمسكي برأيك , فكري لقدام شوي , وخلي عندك شوية صبر و تفائل, و اتحملي أخطاء كليتك لأنو هية مفتاح مستقبلك : بتحسي إنك مبالغة شوي

حلو كتيير هالحكي بس المهم من مين عم بطلع من طالب معلوماتية
يعني هاي وجهة نظر 500 - 600 شخص بالمجتمع مو اكتر
بس ال 19 مليون الباقين اكيد النظرة يلي بنظروا للطبيب
مو متلا ابدأ يلي بنظروا لمهندس
بس طبعا الواحد بقول بقلبو معلش طول بالك
مادام هادا حلمك لازم تتحمل مشانو
وطبعا نظرة العالم الك وقت تقلون انك دخلت معلوماتية
لا نخلو من امريين ( يا 0 يا 1 )
يا اما بيقلولك الله يصلحك حدا بيعمل عملتك بيضيع على حالو
فرصة الطب لك انت ضيعت احسن فرصة من ايدك وبتبلش هالحكم والمواعظ تقولو كانو انا فتت فنون جميلة ولا اثاار ومتاحف

او النظرة التانية بيضربوك بعين كبيرة انو
ييييي يخزي العين فتت معلوماتية وبعد ما يعدو يكبرو براسك
برجعو بقولك بس الطب احسن
وطبعا كل الشي عم يطلعو عليه هو الجانب المادي فقط لا غير
ومتناسين ارادة الشخص وحلمو وكل هالاشياء
طبعا الواحد بيضل بيكبت بقلبو وبيقول بتهون كلو مشان فوت على هالكليةالعظيمة
وبيضل عم يكبت بقلبو ويكبت ويكبت حتى يجي حدا ويفتح معو هالموضوع ساعتا بينبحت وبيبق كل شي عندو
بتمنى انو من الفصل الجاي او من السنة الجاي حسس بهالشعور يلي عم يحكو عنو الشباب انو صير متعلق بالكلية واقدر قول فعلا انا على حق لاني فضلتا عالطب
والحمد لله انو لسا هالقصة مارقة عليكون ابل هالمرة
فلا انا اول ولا اخر واحد عم يحس بهالشعور
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

أنزلوا الناس منازلهم
د. عمار خير بك

بالنسبة إلي انا كتيير مبسوط بالكلة بعيوبها ومشاكلها ولاول مرة عم بشعر بالتحدي حاكم طول عمري كنت ادرس شوي وجيب معدل حلو بينما هلق اختلفت القصة لازم تدرس كتيير لحتى تجيب شوي وهون بيبلش التحدي والمهم انو الواحد يكون فهمان غراض سوق العمل حاكم بصراحة انا كنت اعرف شو ينحكى على طلاب المعلوماتية انو فايتين بالحيط وانو جماعة البحصة احسن منهم وعن جد لاقي هالصنف بس في كمان ناس فهمانين لانو تعبو على حالهم مو بس بالدراسة كمان بالمراجع والمصادر الخارجية يعني الكلية لحال ما بتكفي وحلاوة الكلية انو بتخليك تبحث عن المعلومة المناسبة من الإنترنت لحتى تلاقيها وهي انت عم تتعود على البحث العلمي شوي شوي وانا ما عرت هالمعنى إلا بالتحليل والمبادىء
وانا رأيي مع عبد الله مع انو الكل قديش عيلتو كانت رافضة فكرة دخولو على الكلية بس هو حطهم بالأمر الواقع وهالشي بعتبرو
heretic (هرطقي (

ا وهي القصة مو شغلة مقاصف

another thing Rida u realy are an inspiring machine
but as u can see every one is talking and having dreams while the only thing they are good at is nagging
and not doing anything about it so i would say
stop dreaming do something about it

وشغلة أخيرة بالعربي :
يلي بدو ينق ويسق كتيير ما لح يلاقي شي وانا كتيير نقيت طول الثانوي وداق خلقي من النق وانتو لح تشوفو هالشي بدل ما نق امشي نحرق الكلية لكن إذا بدكم خليكون باأفعال بينما الحكي بيضل ببلاش

i'm running out of letters

كأنو هالموضوع قصة الطلاب مالظلومين لانو معلوماتية كتيير مكررة لازم الشباب يعلمو دليل خلص لكل الأوهام والمشاكل تبع الكلية متل ما عملو دليل سنة اولى

بدي حاول أبدي رأيي بموضوعية .. وأعملك مقارنة بين الطب والمعلوماتية اللي هنن ما في بيناتهون مقارنة لأنهون كليتين بعيدتين عن بعض تماماً ......
أول شي من ناحية الكادر التدريسي .. بالنسبة للسنوات الأولى الحالة عنا أحسن من الطلب بكتير على القليلة نحنا عم ناخد مادة علمية من دكانرة بتفهم أما هنن فكل دراستون حفظ"حتى محاضرات ما بيحضروا" واللي بيدل على هادا الشي انو ماحدا بيرسب او بيحمل مواد بالنسب اللي عنا ..أكيد مو صح أنو نسبة كبيرة تحمل مادة معينة بس كمان مو معقول كل الطلاب ترفع كل المواد ...
الناحية الإدراية .. بالنسبة للعلامات ما بعتبرها سيئة اذا علاماتنا ما نزلت بوقت مبكر أما بالنسبة للاعتراضات وشؤون الطلاب وغيرها من النواحي الإدراية فكل دوائر الدولة من كليات وغيرها متل بعضها
ناحية البناء والمخابر .... نحنا كلية ما صرلنا 9 سنين موجودين بسوريا يعني يعتبر الشي اللي عم يصير هلأ إنجاز بالنسبة لكلية ما صرلها هالفترة الكبيرة لأنو عنا كادر تدريسي محترم أكتر من كتير من الكليات القديمة وبالنسبة للطب اللي تأسست من 1902 ....فحتماً حتكون مجهزة أكتر ... ورغم ذلك إلا أنو كليتنا تعتبر حالياً مجهزة بشكل منيح كتير وان شاء الله نحنا اللي رح نحسنها
ومن كل هالكلام بتمنى أنك تقتنعي بأنو الفرع اللي دخلتيه هو أحسن فرع وأحسن كلية ...

good

كالعادة طالب سنة أولى متشائم

طيب روحي فوتي طب 

مبروك لإسبانيا
لعبوا واستاهلوا الكأس

شو بدنا بهالحكي كلو معلوماتية وبس...

لك انا هادا يلي قصدي عليه يا شباب
انا ما عم اعترض لا على كومبيوترات كليتنا ولا عالمقصف ولا على اي شي من هالاشيائ الشكلية
لانو بكرا انشالله بعد عمر طويل وقت نتخرج من الجامعة ما رح يسألونا انو شو كان نوع المعالج يلي اشتغلت عليه وقت كنت طالب بالكلية ولا رح يسألونا عن المقصف شلون كان وضعو
اكيد ما رح يهتمو بشي الا بمستوى التحصيل العلمي تبعنا
بس انا يلي مدايئني انو نظرة الناس البدائية للمعلوماتية
مقابل انو الهالة يلي بتنرسم حول طالب الطب

يعني متل ا تفضلت اخي

بالله ما بتدايق وقت بتكون طلعت روحك حتى تفوت عالكلية
وادامك خمس سنين مالك عرفان اذا بيضلو 5 ولا بيصيروا 10
بعدين بيجي واحد بيقلك اخرتك محل بالبحصة مصلح كومبيوترات
ومفكك براغي لك اخخخخخخخخخخخخخ امتى بدا تتغير هالنظرة بئا

متل مابيقول المثل
السكافي حافي وباب النجار مخلوع
بس رغم هالشي أنا متفائل

مرحبا يا جماعة بصراحة كل كلا مكن صح بس انا ما كان هيك قصدي
يعني اولا انا ماقارنت بكلية الطب غير لانها مقياس بمجتمعنا صايرة و انا من جهتي مبسوطة بدراستي
بس انا لدفعني لكتابة هيك موضوعانو هي كلية جديدة يعني مفروض تكون خالية من اخطاء الكليات القديمة
انا اكبر شي عم عاني منو انا انا ماباخد حقي يعني صفت شغلة العلامات بهالكلية حظ مو دراسة و اجتهاد
يعني اجا من كتاب المبادئ الطبعة القديمة حوالي 6 او 7 علامات تعرفوا يعني شو 6 او 7
مو لاني مادرست رح يروحولي لانو الدكتور جاب من غير طبعة....؟طيب انا شو ذنبي..؟؟
كتير صايرة قصص يعني مرة كمبيوتر طالب ما بيطبق بيروحلوا علامات كانوا ذنبوا طيب ليش ..!
يعني ليش بكليات بلاد برة بتاخد حقك اللي بتدرسوا بتجيبوا بينما هونانتي و حظك...!
انا بحب الكلية كتير كانت طموحي من 3 سنين بس للاسف صاير رايحلي 10 علامات بامتحانات العملي المختلفة من ورا مزاجيات المصحححين
كانو العلامات هي مي ولا شي بيحذفمها هيك من دون اي تعب ....!لانو هيك اجا على بالهن...؟
كانوا هالعلامات مو تعب حدا ؟
كانوا هالعلامات ما رح ياثروا عالمعدل؟
كانوا هالعلامات ما رح ياثروا على وظيفة مستقبلية ؟
كانوا هالعلامات مو حقك و هنا تكرم منهن و صقة؟
كانك ما تعبت؟
كانوا هالعلامات مارح ياثروا عالنجاح؟
كانك ولا شي.................................!
عرفتوا ليش الشغلة مو شغلة مباني...!
و لا مقاصف و لا عدد كمبيوترات الشغلة صفت اهتمام و ضمير ما حدا بيحب يتقن عمله و بس...!
طمنتيتني اخت هبة طلعوا العلامات يا فرحتي معنا لازم تستنوني مع صفحة نحيب جديدة sooon on csc