CSC-SY

السلام عليكم
هي وصلنا على آخر مادة بالامتحان، البرمجة3...
فتحت هالموضوع مشان إذا حدا عندو أسئلة على المادة بيحطها فيه،ونتناقش بأسئلة الدورات وخاصة أنها صارت مؤتمتة...
موفقين جميعاً..

نصيحة مجرب يا طلاب التانية لامتحان البرمجة3

ركزوا منيح على أسئلة الدورات تبع الخرج ...

وحطو السلايدات واقعدوا جربوا كل حالة عالكومبيوتر وغيرو فيها وشوفو النتائج

كل ما جربتو أكتر .. كل ما أخدتو علامات أكتر

وركزوا عالبرمجة الغرضية ...

موفقين .... ورح حاول ساعدكون بالاجابة عالأسئلة أد ما بقدر ان شاء الله  

شكراً..
طيب لازم ندرس من السلايدات وبس، ولا الأحسن نشوف شي مرجع مع السلايدات؟؟؟
وكتاب الجامعة بيفيدنا؟؟

والله انا ما شايف كتاب الجامعة اللي عم تحكو عنو ..

بس بكل الأحوال مرجع المادة واللي جايب الدكتور السلايديات منو هو C++ how to program

لـ Deitel ...

بكل الأحوال انا قريت فصل واحد من المرجع بس ... والباقي بيعتمد على طريقة التفكير الصح وكتير التجريب والخبرة .. وهي لازم تركزو عليها منيح

يعني ما القصة دراسة سلايدات .. القصة التركيز عكل سلايد شو فيه وتجريب الحالات المختلفة اللي ممكن تكون موجودة بالفقرة المشروحة 

هي السلايدات ... حجمون 3.8 ميغا .. 12 ملف

طيب
خلينا نبلش حكي بموضوع ال ++C
http://www.parashift.com/c++-faq-lite/index.html
هي موقع فيو ملاحظات و نكشات لغة ++C
على شكل أسئلة و أجوبة بنصح الكل يقراه بعد ما يخلص المادة
لأنو هيك أسلوب الدكتور (نكشات يعني)

واذا حدا عندو سؤال عن المادة ياريت يحطو بها الموضوع..

بالمناسبة هي مشاركتي الأولى باركولي..

متل ما قال The Tornado ...
نصيحة امسكوا أسئلة الدورات و طبقوها عالكومبيوتر ...
و إذا في وقت حلوها عالورق بعدين قارنوا النتيجة مع الكومبيوتر ...
طبعاً بعد انتهاء النظري ...
و نصيحة تخصصوا يوم عالأقل لحل أسئلة الدورات ...
بتستفيدوا بتثبيت الأفكار بشكل جيد ، و بتتعرفوا على نمط أسئلة الفحص ...
و برأيي ما بتقل أهمية عن دراسة النظري ...

طيب شو رأيكون أنو كل واحد بيستلم شي دورة وبطبقها على الكوبيوتر وبحط الأجوبة الصح هون ....

وهيك بصير عنا حل أسئلة الدورات وبعد ما الواحد يحلهون بإيدو على الورق بيجع بيتأكد من جوابوا من دون ما يضيعلوا شي ساعة وهو عميكتب البرنامج على الكوبيوتر ...

لأنو إذا كل واحد لحجربهون لحالوا ما لحلحق يطبق كل الدورات ....

شو رأيكون ....

يعني نفس فكرة التوزيع والتبرع تبع هاني

يا جماعة درسو السلايدات بيكفي... وأكدو أنو تحلو أسئلة دورات و قد ما لحقتو تطبقو عالكومبيوتر بيكون أحسن...
و اذا لزمكون شي ما منقصر ان شاء الله... وموفقين جميعا...

و أخيراً هي السلايدات ......

بتمنى أن يكونو تحملوا منيح لأن كتير كبار متل ما بتعرفوا ....

C++ Slides for Programming 3 Subject.rar

موفقين .....

مشان ال c:
معناها أنا ححل دورة السنة الماضية الفصل التاني إن شاء الله ...
هلأ في شغلة : يا ريت اللي بيطلع معه ملاحظات باللغة يعني أي شي لاحظو أثناء تنفيذ البرامج يحطها كمان هون

سؤال :

إذا كان عنا ال class
class c{
int x;
public:
c()
operator int() }
c c1;

شو يعني هالتعليمة int a=(int)c1 ؟؟؟؟
نفذتها آم عطاني ال compiler رسالة خطأ !! والمفروض إنها تكون صح !!
أسفة إذا كتابة الصف ملخبطة .. بس ما ركزت معي عالموقع ...

ممكن لما تكتبو كود تستخدمو محرر HTML واستخدمو من قائمة Format تختاروا preformatted

مشان يطلع الكود راكز...

وكمان تكتبو من اليسار لليمين..

بس شو الغلط يلي عم يطلعو الـ(compiler)؟؟؟

First:
You must look out for the simple mistakes you have done up there!
Second:
The operator you have defined is called a cast operater, it is used to cast your entire object into some other type! (in this case to an int), you may as well cast to any other primitive (float, char...)all in the same way... just define the correct operator, but you don't need to cast down in the main function you just type:
int a=cl;
Third:
And by the way, to do the exact opposite of that,i.e. make an object out of an integer value just define a constructor with one int parameter: i.e.:
c(int m){x=m};

شكرا ubaisandouk
شكرا mino87
هلأ الغلط اللي عم يعطيني ياه :
cann't convert from c to int
هلأ بس ال operator اللي موجودة يعني بتاخد نمط class وبتعطينا int ??
لأن بالتعليمة اللي حاططها mino ما عرفت على شو بتدل ال int اللي بعد كلمة ال operator ؟؟
يعني هلا بتدل على إنو ال cast لازم يكون إجباري ل int

شباب إذا في مجال حدا يشرحلنا معناة auto , register , static , extern في الصفحة 51,52,53,54 في السلايد الرابع لأنو ما خرطو مشطي.

كتب Obaeda:

شباب إذا في مجال حدا يشرحلنا معناة auto , register , static , extern في الصفحة 51,52,53,54 في السلايد الرابع لأنو ما خرطو مشطي.

ما شاء الله mino كفو

رح اشرحلك الـ extern لأنو بشغلي بالـ ++C ما مر معي غيرها هي والـ static

الـ extern معناها انو المتحول المطلوب معرف بملف تاني غير الملف الحالي

يعني مثلا لو كنت معرف متحول بملف اسمو int i

وحبيت تستعملو بملف تاني بتكتب بس

extern int i

بالملف التاني وهيك بروح الـ compiler بدور على هالمتحول بالملفات اللي عامللها include انت بداخل الملف التاني

ان شاء الله تكون وضحت الفكرة !!

ومشان السلايدات لا تفكرو كتير بالتغييرات

بكون كم مثال ضافون أو حذوفون الدكتور ما أكتر

كتب Obaeda:

شباب إذا في مجال حدا يشرحلنا معناة auto , register , static , extern في الصفحة 51,52,53,54 في السلايد الرابع لأنو ما خرطو مشطي.

بالنسبة للregister and auto فهنن للتصريح عن متحولات اتوماتيكية يعني وقت بتحطن- قبل تعريف المتحولات- بيقى التعامل مع المتحولات فعال ضمن الكتلة
يلي عرفت بقلبها المتحولات وتدمر هي المتحولات بعد تجاوز الكتلة وبالتالي منقدر نصنف المتحولات المحلية انها من هاد النمط..
والفرق بين هل الكلمتين انو register بيطلب من compiler وضع قيم المتحول ضمن احد سجلات الحاسب بدلا من انو يحطها في الذاكرة(مشان سرعة التنفيذ)
وعلى كلا بالمختصر الcompiler بميز المتحولا ت المحلية دون الحاجة ان تكتبهن قبل التصريح عن المتحول
إن شاء الله تكون الفكرة وضحت ...
بس في ملاحظة صغيرة بالنسبة للمتحولا ت :
انو وقت بدنا لتابع يردلنا عنوان لمتحول لازم بقلب التابع نعرف المتحول المطلوب على انو من نمط static حصريا لانو اذا ما عرفنا من هاد النمط فالتابع لح يرجع
المتحول من نمط اتوماتيكي والمتحول الاتوماتيكي ما بيحتفظ بقيمته خارج التابع وبالتالي ما لح نعرف شو هي القيمة يلي حيرجعها التابع .....
في شغلة باول سلايد عم تحكي علىoutput-cerr

#include
#include
int main ()
{
ofstream
out("\");
if (!out)

{
cerr<
exit(1);
حدا بيعرف شو فكرتو لانو ما فهمت منو شي

أول شي مشان الـ cerr .. هي متل الـ cout ما بتختلف عنها شي بس لتدل انو هي الرسالة هي رسالة خطأ ...

ومشان فكرة static لما بدنا يردلنا التابع عنوان شي متحول ... فما بتصور انو هالكلام صح

شو يعني متحول static معرف بداخل تابع .. هالشي بيعني ان المتحول بيحتفظ بقيمته من استدعاء إلى آخر للتابع وما بيرجع للقيمة 0 مثلا اذا كان int ..

وبالنسبة للطريقة اللي ذكرتيها مشان اعادة عنوان المتحول فهي بتعتمد على فكرة انو المتحول الـ static بيبقى بالذاكرة ... وما بموت مشان هيك بقدر استعملو من عنوانو ايمتا ما بدي ... بس هالشي غلط (ليس برمجي ولكن خطأ بالمفهوم)

أصلا لما بعرف متحول داخلي بتابع فما في أي معنى أبدا لإني رجع عنوانو ..

اما برجع متحول Int كامل بيحوي قيمة المتحول أو بعرفو برا التابع وبمررو by reference للتابع وبترجع فيه القيمة اللي بدي ياها نتيجة عمليات داخل التابع

اما اني عرف متحول static داخل تابع ورجع عنوانو فما الها اي فائدة عملية ابدا

بس الكود صح

بس يا ريت تكتبو الكود عاليسار مشان يطلع منسق منيح ونقدر نقراه

الشي اللي فهمتو من أنواع الvarialbes هو التالي:
الstatic :
إذا عرفنا متحول داخل تابع على أنه static ، واستدعينا هالتابع لأكتر من مرة، مثلاً استدعيناه داخل حلقة for ، بكل مرة عم ياخد المتحول القيمة الجديدة اللي حصل عليها من التغيرات اللي صارت عليه بالتابع...
أما ال auto فهو متل الlocal variable يعني إذا كان عنا متحول دخل لتابع، وكان هالتابع ما بيرجع شي، فإذا طبعنا قيمة هالمتحول هاد بعد استدعاء التابع مارح تتغير قيمته..
وكل أنواع المتحولات هي لما بينتهي تنفيذ البرنامج بتخسر قيمها.
بس كأنو لاحظت أنو الstatic هو الوحيد اللي بيحافظ على التغيرات اللي بتصير عليه.
والملاحظة التانية أنو أي نوع من المتحولات إذا دخل لتابع ما كقيمة ( يعني تمرير كقيمة وليس كعنوان) مارح تتغير قيمته.
صح؟؟

Ray كلامك كلو صح

وبأكد على انو static بيحتفظ بقيمتو من استدعاء لآخر مثلا لو كنت عم زيدو بمقدار (1) بكل استدعاء للتابع

i++

وعم اطبع القيمة رح يطلع أول مرة 1 وتاني مرة 2 ... يعني دائما بيحتفظ بآخر قيمة بالمتحول

ومشان التمرير بالقيمة كلامك صح كمان ... لأنو بتنعمل نسخة من المتحول وبتنبعت للتابع وما بعود الها علاقة بالنسخة الأصلية الموجودة بمكان استدعاء التابع