CSC-SY

رفاقي الزملاء في كلية الهندسة المعلوماتية
الى طلاب السنة الاولى
لم يبقى الا القليل لامتحان البرمجة(1)(لانو برأيي هالمادة قليل عليها هالكم يوم الباقيين),وخاصةً في كتير من الطلاب بيشكو من هالمادة,لذلك ارجو ممن لديه تمارين خارجية او
حاب يستفسر عن تمرين(خارجي كان او دورة ماضية)أظهاره في الموضوع فوراً والمشاركة فوراً, وسأقوم انا ورفاقي اللي رح يشاركوني فيه بمناقشته وايجاد المطلوب ان شاء الله ,كم اني سوف اضع بعض التمارين الخارجية الان وسيعرض في اليوم التالي الحل بعد ان تتم مناقشته في يوم تعليقه..
وارجو من ذلك ان تعم الفائدة على الجميع..
1:اكتب برنامج بلغة باسكال يقوم بقراءة سلسلة من المحارف(string)تنتهي بالمحرف(.)ثم يقوم البرنامج بأيجاد المحرف ذي التواتر الاكبر(المحرف الذي يرد في سلسلة المحارف لاكبر عدد من المرات) وأظهاره..
2:تم طرح هالسؤال في احد محاضرات الدكتور غسان كويتر,لكن وعلى حد علمي لم يتم حله(لنتناقش فيه):
_اكتب برنامج بلغة باسكال يقوم بقراءة n عدد وتخزينها ضمن مصفوفة(a) ,والمطلوب:
2-1:كتابة برنامج جزئي يقوم بالتالي:في حال كان عدد الرقام المتتالية والمتماثلة(في المصفوفة a) اكبر او تساوي(2) يتم نقل هذه العناصر من المصفوفة(a) الى المصفوفة(b),
2-2:كتابة برنامج جزئي يقوم بالتالي:نقل العناصر المكررة لاكتر من مرة والغير مكررة في المصفوفةa الى المصفوفة c ,لمرة واحدة فقط,اي كالتالي:
a:1225577776955332
c:125769532

يسلمو salman إلك ولكل اللي رح يساعدوك لانو عنجد نحنا محتاجيم هيك شي خصوصا لانو د. كويتر هو دكتورنا

عن جد شكراً كتير إلك سلمان ولكل يلي رح يساعدونا لأنو البرمجة بدا خبرة وإذا ما استفدنا من خبرتكن من مين بدنا نستفيد؟؟؟
وان شاء الله منكون عند حسن ظنكن ..بس خلينا نرتاح اليوم يعني حل هدول المسائل خلي برأيي مو لبكرة لبعد بكرة..
اليوم لأنو كان يوم حافل جداً جداً..

ان شاء الله موفقين ونحنا جاهزين نساعدكون قد ما منقدر, وان شاء الله الكل بيرفع المادة وبعلامات عالية ان شاء الله...
بالمناسبة عنجد الله يهنيكون على روح المشاركة و المساعدة يلي عندكون و نصيحة حافظو عليها...

انشالله تنزلو تمارين عن العودية بالاخص لانو اهم الشي وبيجي عليها اكتر العلامات

كتب wazzz:

كتب mino87:

بالمناسبة عنجد الله يهنيكون على روح المشاركة و المساعدة يلي عندكون و نصيحة حافظو عليها...

استنى شهر زمان وشوف بنصير متلكم (()

الرسول صلى الله عليه وسلم بيقول " لاخير في كاتم العلم "

ونحنا رح نضل مطبقينها كل السنين ان شاء الله

لحتى الان لم اشاهد اياً من الشباب\الصبايا شارك او نزل متلاً جزء من الحل ,مابدنا كلام,بدنا من كل واحد بيطلع على المسائل محاولة حلها,حتى لو توصل للقليل من حله,(المهم يحاول) ثم يقوم وبينزل الحل ليراه جميع المشاركين,فأتمنى من الجميع مراعاة هالشيئ,لإنه اذا كثرت المشاركات وشاهدنا اكتر من طريقة في الحل سوف تزداد المواهب في حل اياً من التمارين العارضة وان شاء الله مابيعود في خوف من المادة..على فكرة اذا مافي مشاركة او استجابة من المشاركين يفضل اغلاق الموضوع بشكل نهائي لانو همنا الوحيد في هذه المرحلة هو نرفع هالمادة ونكتسب المهارة اللازمة لحل التمارين,والمشاركة منكم زملائي ,حيث يقوم كل شخص [اظهارنا ماسبق من عمله في حل التمرين هو الذي اريده من فتح هالموضوع,فأرجو من زملائي التقيد بهذا الشأن,وانا مارح نزل الحل اذا لم اجد روح المشاركة الحية من قبل زملائي الرفاق,لانو بهيك حالة مارح حدى يستفاد اذا ماحل التمرين وحاول بحله بأيده..
وكمان في الايام القادمة رح اقوم بتنزيل كافة المسائل فيما يخص العودية,اذا استمر الموضوع ان شاء الله...
أخوكم:سلمان....

الله يوفقك ياmino87ممكن تعلمني شلون ومن وين ابدا لحل مسالة قدمكانت معقدة لانو وقت بدي ابدا بحل مسالة بتفوت كل افكاري بعضها وبوصل لطريق مسدود فياريت تعلمني وبتنال فيتي اجر وثوابان شاء الله

اذا نظرنا للمسألة الاولى ككل رح نقول في نفسنا:الله يخرب بيتك سلمان شو هالمسألة,بس أخوتي الزملاء لابد في النهاية من الوصول الى طرف الخيط لحل المسألة اديش ماكانت معقدة,طبعاً بالتفكير ووضع نقاط الوصول لكل مسألة معروضة(والاهم هو تحديد الافكار الجزئية للمسألة),فللنظر للمسألة الاولى:
فكرة الحل هي بسيطة جداً,وهي كالتالي:
لنفرض ان سلسلةالمحارف التي يتم قراءتها هي الاحرف اللاتينية الكبيرة,فأذا استخدمنا مصفوفة احادية البعد الادلة تبعها هي الاحرف اللاتينية الكبيرة(['A'..'Z'])ونمطها من نوع(integer),ستغدو فكرة حل المسألة بسيطة جداً,اي كل عنصر نقرأه نقوم بأضافة(1)لعنصر المقابل للدليل..بتوقع وصلت الفكرة..
تأييداً لفكرة الاخ :Mino87

لا تتعبوا كتير ازا حليتو تمارين و دورات قبل الفحص و لا ماحليتو فالنتيجة واحدة رسوب أكيد لانو السنة الماضية ضلت النتائج شهرين بعد العطلة الانتصافية لحتى نزلت لانو ما عرفوا كيف بدون يزبطو نسبة النجاح.

How r u roody , i think u know the readlty of this subject , we have done twice and nothing so there is no hope don't u agree with me

سلمان نحنا ماحلينا لانو عنجد مبارح كان اجازة مابتعرف شو عمل فينا التحليل

بالنسبة للسؤالين اللي حطيتون هدول الاتنين اندمجو مع بعض واجوني بامتحان العملي بس رح نحلون ان شاء الله اليوم وكل حدا فينا بينزل حلو لانو خلصت اجازتنا

طيل في حدا ممكن يشرحلنا ال string كيف بينكتب syntax لانو شوي بيلخبطني

لو سمحتوا بدنا حل آخر دورة 2006-2007 فصل اول و تاني...........!

يعني قصدي كيف بدنا نعرفو لانو انا بعرف انو مثلا اذا كتبت بال var :
a:srting ; بتكون عرفت متحول من هالنمط بس مثلا في رفقاتي بس يكون هيك سؤال بيعرف ب type :

a:= array [1..100]of charوهيك عرفناه فمين الصح ؟

ومثلا لما متل السؤال اللي عطيتنا اياه

while (a<> '.' ) do

هلأ ازا كتبتها هيك مابيشتغل كتير صح اولا التعليمة مابياخدها read لازم تكتبلو readln وازا كتبت بالسطر الأول مثلا hkdgfhfgjsd بياخدها عادي مع انو المفروض ياخد محرف محرف هادا قصدي فيعني لو بدنا نكتب هيك شي شلون بنعرفو وكيف بنكتب التعليما متل read و write وغيرها

ان شاء الله تكون فهمت قصدي ؟