CSC-SY

إلى الدكتور محمد الخطيب ...وبعد التحية
أتمنى من الدكتور قراءة هذه المشاركة وإعطاء رأيه بهذا الموقف صارحةً...
في يوم الفحص دخلت إلى القاعة وكلي أمل أن تكون التحليل إحدى حلفائي في الوصول إلى
معدل مرموق في السنة الأولى ولكن..حصل العكس ... ليس الذنب ذنبي ولم تكن الأسئلة بالعقدة المستحيلة ..بل كانت
تدل على فهم الطالب ومقدار تمكنه من الحل مهما كانت صيغة طرح السؤال ولكن المشكلة ..
أنك يا دكتور لم تكن موجوداً في الكلية الأمر الذي دفع المهندسة هدى الحبش لتلبي طلبات الطلاب المتعطشين لإجابة تشفي غليلهم
بفكرة ... والمشكلة بالتحديد كانت في سؤال دراسة تقارب السلاسل ..حيث طلب في السؤال دراستها حسب اختبار المقارنة
حيث أن اختبار المقارنة على نوعين (اختبار بالمتراجحة,اختبار بنهاية النسبة) ... لكن المهندسة هدى أكدت في البداية على استخدام المتراجحة حصراً
وهذا الكلام تم في قاعتي ...لكن لا أعلم ماذا حدث في القاعات الأخرى ... ولكن بالنظر إلى المتسلسلة الثانية في السؤال نجد أنه لا يمكن حلها على اختبار
المقارنة"باستخدام المتراجحة" ولكنها تحتاج إلى اختبار المقارنة"باستخدام نهاية النسبة" ... ولكن الطالب المسكين
لا يعلم أن المهندسة من الممكن أن تكون على خطأ ويحاول بكل جهده ليصل إلى الجواب الصحيح ولكن هذا الأمر كان مستحيلاً..
والمشكلة الحقيقية ..بعد انتهاء وقت الفحص تم سؤال المهندسة هدى على المتسلسلة الثانية وأجابت أنه لا يمكن حلها إلا باستخدام نهاية النسبة!!
فيا دكتور محمد ..هل هذا حق؟؟أنا واحدة من الطلاب الكثر الذين خدعوا بالنصيحة"متراجحة حصراً".....
أتمنى منك النظر في الموضوع
وشكراً لقراءتك الموضوع
وآسفة إن أطلت في الموضوع

صح كلام شاشي

دكتور انته بترضى نظلم بهيك شي ؟

بصراحة دكتور الأسئلة كتيير صعبة يعني كل واحد بيقلنا جبتو 230 وين المشكلة بس مو تعجيز القصة كمان الاسئلة الواحد بينجح فيها بس كان عن جد بدنا معدل وانا اكتر شي زعلت منشانو إني كنت ادرس التحليل كل درس بدرسو وتعبت على المادة من شان ارفعها بمعدل بالأخير اجت الاسئلة نار يعني النجاح على الشحط وانا طول عمري ما بحب هيك

صحي من شان مهندسة العملي عملت يلي عليها وجاوبت يلي بتقدر عليه بس كمان صار لخبطة عن جد

ي المهندسة ما قصرت بس بجوز خربطت أو نسيت تقول إنو يمكن استخدام اختبار مقارنة النسبة.. ونحنا خبصنا بالمتتالية التانية مشان هيك ؟؟
فياريت تشوف الأمر وتحلو بمعرفتك دكتور ..

مافي مشكلة بتحملوها مثل كتير

لا ولي شو نحملها

ما حدا انظلم ابدا
و المهندسة عملت يللي عليا و الله يعطيا العافية

والله من جهتي بحب قول انو حصص التحليل العملي تبع هدى حبش كانت احلى حصة عندي والمهندسة عن جد شغلة هي والدكتور بس لا يصعبولنا الأسئلة من شان نضلنا نحب المادة

مو القصد من الحكي لاسمح الله أنو المهندسة ما بتعرف تشرح أو مو منيحة بالعكس تماما أنا وحدة من الطلاب يلي بحبها كتير وبحب أسلوب شرحها بس هي قالتلنا بالحرف الواحد داخل قاعة الفحص وبأول نص ساعة تقريبا أنو ما بصير تحلو الا على اختبار المقارنة تبع xn<=yn ولما سألوها الطلاب يعني مابصير انحل على نهاية النسبة قالتلون لا أكيد لا ورجعت بآخر دقيقة من الفحص وقالت اذا بدكن استخدموا معيار نهاية النسبة ووقتها كل الطلاب كانت لح تجيهن الجلطة(هاد الحكي صار بقاعتي وأنا بنفس قاعة شاشي يس مابعرف بالنسبة للقاعات الثانية)

أنا بترجاك دكتور ترعينا بالتصحيح لأنو عن جد الأسئلة كانت جدا صعبة وأنا حسيت دورتنا أصعب دورة مع أنو أسئلة الدورات مالها هينة أبدا
يعني راعينا بس كرمال نرفع المادة(مع العلم أنو آملنا كانت كبيرة أنو نجيب فيها معدل لأنو المادة حلوة وسلسة يس صدقا الامتحان عكس هيك تماما)

نحنا ماعم نحكي شي انسة هدى على عينا وراسنا وبالعكس الها كل احترام بس يمكن هي لخبطت او ماانتهبت بس لانو مو بقاعة شاشي كمان بقاعتنا نفس الحكي قالتو وهادا لخبطانا بزيادة واللي عم نطلبو يكون في تقدير لهيك شي

اليكم حل السلاسل:

n!>2^n
1/n!<1/2^n

but 1/2^n is geometric series with q=1/2 ,
then the given
series in convergence.

with respect to the second series:

ln(n)

1/(2n^3-1)<=1/n^3

then : ln(n)/(2n^3-1)

but 1/n^2 is convergence, then the given series is convergence

اين الصعوبة؟؟؟؟؟؟؟؟!!
د.محمد خطيب

هي مو n^2 يعني مو n تربيع, هي 2 أس n, وهي أصغر من n! عند قيم أكبر من 3.
_____
من بعد إذن الدكتور:

My mobile was stolen, if you gave me your number after 1/4/2008 send it to me again

ان شاء الله مابيصير الا كل خير..

غريبة كيف الآنسة هدى حبش هيك تعمل ... والله بعرفها آنسة محترمة وفهمانة .. !

يلا صار خير ...

نصيحة مجرب ازا ما بيعطيكون الدكتور عبد الله العمر العملي صعب تترفع المادة من أول دورة و هي المادة عيارها مرتين

هلق بالأولى انا قارنت بين nعملي وn على الحل وبنما انو
1/n
هلق بنما انو n! >n ونحنا حطينها بالمقام والمقام كلماو عم بيكبر فيكون عم بيصغر يعني بالمشرمحي من شان هيك لح يكون
1/n اكبر من 1/nعاملي
هي سلسة متباعدة (بينما إذا كانت متتالية لح تكون متقاربة )
بس انا ما قارنت بين 2^n
بس الحمد لله التانية صح شو رأيك دكتور

وفي السؤال الأخير تبع المشتق
f(2)=44 هلق يلي مخربط وحاطط مشتق f(2) مو صفر وفي كتيير كتيير ناس هيك عاملين شو بيرحلون
بس مو كل المسألة

انا سمعت انو الدكتور محمد تصليحو حلو متل تصليح العملي فلا تحطوا ببالكن كتير وخلاص انسوا اللي راح المهم اللي جاي

حتى الأنسة هدى

يعني اذا غلطت بتكون ما محترمة أو ما فهمانة ؟؟؟

متل ما قال يامن ... ما في انسان معصوم عن الخطأ ....

وبتبقى من أحسن المهندسين عنا بالكلية 

كتب mpcabd:

هي مو n^2 يعني مو n تربيع, هي 2 أس n, وهي أصغر من n! عند قيم أكبر من 3.
_____
من بعد إذن الدكتور:

السلسلة الأخيرة سلسلة هندسية أساسها 0.5 < 1 فهي متقاربة, وبالتالي السلسلة المعطاة متقاربة.

والسلسلة الأخيرة متقاربة, فالسلسلة المعطاة متقاربة.

له مين قال هيك كمان هيك غلط ( بالنسبة للسؤال الأول ) :

1! = 1
1^2 =2

2! = 2
2^2 = 4

3! = 6
3^2 = 8

كيف بقى بتصير n! > 2^n

انا حليتها على ال n^2 وبعرف انها غلط لنفس السبب اللي هي غلط مشانو

بقى شو ذنبنا نحنا عطوني سلسلة تانية ممكن تنفع المقارنة فيها ؟؟ مارح تلاقوا والحل على نهاية النسبة بس لما ينقللنا لاتحلوها غير ع المقارنة عن طريق متراجحة ونحلها نحنا هيك ونحنا عارفين انو غلط هون مابيكون ذنبنا ابدا

وبالنسبة للتانية ماحدا حا عنها شي

كتب mpcabd:

هي مو n^2 يعني مو n تربيع, هي 2 أس n, وهي أصغر من n! عند قيم أكبر من 3.
_____
من بعد إذن الدكتور:

السلسلة الأخيرة سلسلة هندسية أساسها 0.5 < 1 فهي متقاربة, وبالتالي السلسلة المعطاة متقاربة.

والسلسلة الأخيرة متقاربة, فالسلسلة المعطاة متقاربة.

اقرأي السطر الاول مرة تانية..