|
بسم الله الرحمن الرحيم ما لقيت غير هالعنوان المعبر لاحكي اللي بقلبي ... دفعتي المسكينة المعترة فاتت على هالكلية العام الدراسي 2004-2005 ... (طبعا متل كل الطلاب كنت متخيل اني تحقق حلم حياتي وفتت على كلية السعد) بس ما زال هيدا رأيي ما متل بعض الطلاب :mrgreen: ورح نتخرج ان شاء الله الدفعة السابعة من الكلية (2009) المهم من وقت ما فتت على هالكلية لهلأ ... كل ما صار تغيير جديد أو شي جديد بيطلع براس دفعتنا ... طبعا هي الشغلة كلها بتجي بالصدفة انو هلأ صار وقت يغيرو .. بتقوم بتطلع بدفعتنا ... اليوم تأكدت من هالشي لما كنت عم اقرا برنامج الفصل التاني (لا تخافو الدوام ببلش 10-2 رسميا وبعد هيك بشي 10 ايام أو 15 يوم فعليا) المفروض يكون عنا 5 مواد ومشروع الفصل الجاية وإذ فجأة صارو 6 ومشروع ... قال شو نزلو مادة من السنة الخامسة للسنة الرابعة وهي أول مرة وبلشو من السنة الأولى وانتو جايين أول ناس فكر دكتور البرمجة 2 يجرب ما يعطيون الـ oop كانوا نحنا أول ناس تغير دكتور التحليل 2 عزمنهم نحنا (ولا زال حتى الآن) أول دفعة (والدفعة الوحيدة) اللي بيعطيها دكتور محدد (بدون ذكر أسماء) مادة الدارات المنطقية أول دفعة بيتغير عندها دكتور التحليل 3 والتحليل العددي أول دفعة ما بيجيها رسم عودي بفحص الخوارزميات (هي عالهامش  ) اللي قبلنا كان يعطيون مهارات التواصل دكتور كتير منيح .. بس على سنتنا تغير واجانا واحد تاني والسنة الماضية رجع نفس الدكتور المنيح أول دفعة بتنزللها وظيفة خوارزميات 2 من العيار المركز ما نازلة من قبل (كمان هي عالهامش :mrgreen: ) أول دفعة بيتغير على حظهون دكتور مادة بحوث العمليات أول دفعة بيجرب دكتور البنيان 1 والبنيان 2 يعطيون زيادة عالمنهاج (وطبعا أغلب الأشياء اللي تغيرت لا زالت مستمرة وما كانت موجودة قبلنا) أول دفعة بتصير مادة الشبكات على نصيبها مؤتمتة أول دفعة بتحمل مادة الخوارزميات البحث الذكية بنسبة خرافية (بالعادة بتكون النسب معكوسة) هلأ أكيد في أشياء تانية بس هيدون اللي خطرو على بالي وبتصور انو هي أكتر دفعة اتجرب فيها بهالكلية ... بس حبيت انقل صورة دفعتي المتميزة  ودمتم سالمين
مبروك لإسبانيا
لعبوا واستاهلوا الكأس |
أرسل من قبل 
