CSC-SY

إلى جميع زملائي وزميلاتي
السلام عليكم ورحمة الله وبركاته

أولا: أرجو أن امتحاناتكم كانت بخير وأن تكون علاماتكم كذلك..
ثانيا: تعلمون جميعا واقع كليتنا, وكم هي بحاجة إلى جهود ودعم حتى ترتقي إلى مستوى متقدم (أو بالأحرى مقبول)!!
أريد أن أؤكد أولا -بدون مجاملة- أن في كليتنا من الكوادر البشرية (طلاب وأساتذة) ما يؤهلها للوصول إلى أعلى المستويات -بفضل الله-
وهذا بعد تجربة 4 سنوات -وهي الخامسة- وفي كل عام ينضم إلينا المزيد من الطلاب المتحمسين ممن لديهم إمكانيات ومواهب ممتازة
إذن فما الداعي لأن نبقى في الصفوف المتأخرة !!
الأسباب والعوائق كثيرة -أعلم ذلك- لكنني أؤمن أن بإمكاننا صنع الكثير لهذه الكلية -التي منحتنا الكثير-
وأؤكد لكم أن الأمر بسيط لكنه يحتاج إلى إيمان عميق وهمة عالية , وهو ما ألمسه دوما في طلاب الكلية
لذلك ولنكون عمليين وواقعيين فمع بداية الفصل الثاني -وقبل أن يبدأ ضغط مشاريع العملي والامتحانات-
أدعوكم جميعاً:
لطرح أية فكرة جديدة تجدونها مفيدة للكلية
أو فكرة أي مشروع أو نشاط -مهما كان-
أو طرح أية مشكلة نعاني منها في الكلية
أو أي اقتراح أو أي استفسار..
وأنا وجميع زملائي في الهيئة الإدارية مستعدين لمناقشة أفكاركم وتحقيق ما أمكن منها -في حدود صلاحياتنا-
وإيصالها إلى أعلى المستويات, ولن نأل جهداً في ذلك -بإذن الله-
وحتى نكون أكثر وضوحا وجدية, فنحن في الهيئة الإدارية نجهز مجموعة من النشاطات التي قد تسهم في تحسين الوضع منها:
1- معرض لمشاريع الطلاب, وسندعو إليه الطاقم التدريسي كاملا وجهات خارجية
2- معرض للكتاب (تخصصي) وندعو مجموعة من دور النشر الرائدة في مجال المعلوماتية
3- مشروع لمشاركة الطلاب في إدارة مخابر الكلية
4- ولأبطال الكلية الرياضين دوري كرة قدم - دوري كرة سلة!!
هذا في القريب العاجل -ان شاء الله-
وبعد فترة:جلسة تحديد الاختصاصات
ورحلة علمية وأخرى ترفيهية..
وسأوافيكم بالتفاصيل فور جهوزها..
ولكنني أعتقد أن لديكم الكثير الكثير (من الأفكار والاقترحات والمشاكل) وأنا بانتظار سماعها ومناقشتها..
ملاحظة: أود أن أؤكد لكم أخيرا أن العميد ورؤساء الأقسام والطاقم الإداري والامتحانات كلهم متعاونون جدا معنا ويرغبون في المساعدة إلى أبعد الحدود
ولكنهم يعتبرون دوما أن التقصير والإهمال هو من الطلاب وكثيرا ما يعقدون مقارنة مع الطلاب في الكليات الأجنبية, لذا فلنرهم همة عالية ونشاطات متميزة!
أخيرا أنا بانتظار أي مقترح -مهما كان - تقدمونه من خلال هذا المنتدى -المتميز- أو على بريدي الالكتروني أو مباشرة في الكلية ضمن الهيئة أو خارجها..
.........
والسلام

أنا معك قلباً وقالباً ...

ومتحمس لفكرة التغيير بالكلية ..

عسى أن تكون بداية موفقة ...نصل بها إلى المستوى المطلوب ..

في النشاطات السابقة التي ذكرتها ..وعلى كافة الأصعدة ..

افكارك كتير حلوة
وان شاء الله ما منخيب ظنّك
موفقين جميعا

أولا أنا بعرف تماما انك يا عبد الله من أكتر الطلاب حرص على الكلية وحماس الها -بدون مجاملة-
وبعرف التعقيدات والروتين والبيرقراطية وعانيت وعم عاني منها كتير
بس
كل شي الو حل, وانا حابب نوه للنقاط التالية:
1- الكلية ما بتعطي لأي طالب أي شي بدو ياه إلا عن طريق الهيئة الإدارية -هيك النظام- مشان هيك لحالك رح تواجه كتير صعوبات
أما باتنسيق مع الهيئة فالأمور أسهل -نوعا ما- فيا ريت أي شي بدكون ياه, تمرروا عن طريق الهيئة الإدارية وساعتها منحصل اللي بدنا ياه..
2- لازم نطول بالنا ولنجاح أي فكرة أو نشاط بيحتاج
* ان يكون واضح ومفصل ومدروس
* المتابعة المستمرة وهي دوري ودور الهيئة الإدارية

لهيك الموضوع بدو صبر وانو نمشي بالخط الصحيح!

بالنسبة لموضوع العلامات وموقع الانترنت تبع الكلية الأمور بتحسن
وتم تشكيل لجنة طلاببة لإدارة الموقع (وبتصور لازم يكون عندك خبر, أخي عبد الله من عمار صرصر)
بس الموضوع بدو شوية متابعة وتنسيق

نحنا حكينا بهالموضوع بشكل خاص أكتر ...كنا بدنا نشتغل على موضوع المخابر بس ...للأسف المشروع ما شاف النور حتى ...يعني البيروقراطية كانت النا بالمرصار ....وفي نقطة تانية أنو الطلاب ما كان عندون الاستعداد الكافي للعمل بشكل جدي ...
بتمنى نقدر نطور هالكلية ..ونقدر نعمل فرق ..
وأنا معكون بأي شي ممكن تعملوه ....
وهادا الموضوع اللي انفتح قبل الفحص ...
http://www.csc-sy.net/node/6477

الله يعطيك العافية عمي EhabLM ...
و الله أنت من خيرة الطلاب اللي تعرفت عليهم و من خيرة أعضاء الهيئة (كمان بدون مجاملة)...
و أنا بشهد بمساعي أعضاء الهيئة في مصلحة الطلاب ...
مبادرتك كتير حلوة ...
أهم شي نبقى مستمرين و مصرين و ما نيأس بالرغم من كل الصعوبات ... منعمل اللي علينا و الباقي على الله ...
و برأيي المتواضع لازم تظل هالفكرة مستمرة لحتى يصير بعض منا من أعضاء الهيئة التدريسية أو إدارة الكلية ... و يكون التأثير فعال أكتر بوقتها ...

مشان الاقتراحات اللي حطيتها كتير حلوة ...
حالياً ما عندي غير إضافة وحيدة و لآخر بند ...و حاكيتكم فيها من فترة ...
و هي دوري Ping Pong ...
و بتوقع يشاركني بهالفكرة :
Z-Logic
The Tornado
عطونا رأيكم ...
و أي مساعدة أنا جاهز ...

والله ياأخي هذا الحكي في قلبي وعقلي وأظن انه في قلب وعقل كل طالب في هذه الكلية.............وان شاء الله خير
*********************************************************
*********************************************************
انا في رايي اكبر مشكلة اعاني منها في الكلية هي "التكبر"
تكبر أكثر الاداريين علينا نحن الطلاب متل هدول الاشخاص يلي بيقعدوا في قاعات الحواسيب وانا شخصيا لا اعلم مامستوياتهم العلمية او الاجتماعية يلي بتخليهم يتكبروا علينا وكل واحد يحاكينا من براة منخيروا كأنا قاعدين في ملك ابوه (او ابوها)
وحتى الاداريين في الامتحانات................لك حتى البواب(تبع البطاقات)شايف حالو علينا بالله على شو ونحنا جماعة لانحب المشاكل والا كانت الامور خرجت عن السيطرة من زمان (طبعا بسبب تكبرهم الأحمق)

الكلية بالفعل بحاجة لجهود جبارة على كل المستويات لترتقي لمستوى مقبول. ومن الجيد معرقة أنه مازال هناك من يرغب في تحسينها ولم ييأس بعد في هذا الجو المحبط .

الهيئة الإدارية بالفعل أصبحت مختلفة بعد تغيير الكادر ، ولم تعد فقط مكاناً لملتقى الأحبة والأرجيلة !

سأضيف إحدى المشاكل المزعجة في الكلية ، وهي قسم المكتبة العظيم. للأسف فإن لدينا كتباً عظيمة جداً في المكتبة لكن أسلوب التعامل سيء جداً ، وفوق كل هذا ، عملية الاستعارة التي لا تتم إلا بترك الهوية الشخصية ! ( وفي حال استعارة تقرير عليك ترك البطاقة الجامعية ، وفوت عالجامعة ازا بيخلوك الحرس تفوت !! )

لماذا لا يكفي الاسم فقط للاستعارة وإظهار إثبات أن الطالب من كلية المعلوماتية ؟؟ (يعني وين رح يروح الطالب من الكلية)

كما أنه بطريقتهم هذه ، يمكن لأي كان أن يستعير كتاباً من خارج الكلية بهويته .

في المرة الأخيرة بعد أن أمضيت نصف ساعة في اختيار الكتاب ،ذهبت للمسؤولة عن الاستعارة وبعد أن طلبت هويتي اكتشفت أني لا أحملها معي . وعبثاً أمضيت النصف ساعة التالية أقنعها بترك بطاقتي الجامعية أو رهن أي شيء!!

أجابتني بكل برود : "صعب والله .. بعدين أنا مسافرة ، ومارح تعرف يلي بدها تجي تقعد مكاني "

شكراً لجهودكم واهتمامكم .

أنا مع الفكرة 100%

وفي كيتر ناس عنا بالكلية بتسجل بهيك دوري

وتنظيمو أسهل بكتير من دوري كرة قدم أو سلة

لأنو ممكن ينتهي الدوري بيوم واحد فقط على اعتبار انو المباراة ما بتطول أكتر من نص ساعة  أو 45 دقيقة اذا كان فيها منافسة كتير

وانا السنة الماضية قدمت لأحد أعضاء الهئية وصف كامل للدوري وكيف ممكن يصير وأديش بكلف والمبلغ شبه معدوم تقريبا

لو حطينا رسم اشتراك 50 ليرة على الشخص الواحد بنغطي نفقات الدوري

وانا مستعد قدم هالكلام بالتفصيل مرة تانية للهيئة الإدارية بس يكون في تجاوب  

فعلا !! الـ ping pong فكرة ممتازة وأنا مع هالفكرة

والله يا شباب أنا معكن بكل شي من هلأ..وبإذن الله كل شباب السنة الأولى معكم رغم خبرتنا القليلة بالكلية بس كمان نحنا عم نعاني متلكن..
وإذا الشغلة فيا دوري كرة قدم بتسمحولنا نشارك جماعة السنة الأولى ؟؟

شكرا للجميع على الاقتراحات والأفكار وطرح المشاكل, وهذا مو غريب أبدا على طلاب الهندسة المعلوماتية:
خليني رد على بعض المواضيع المهمة اللي انطرحت:
1- الزميل foaad علق على موضوع العلامات والإعلانات:
أنا معكن بهالفكرة تماما واللي عم نعملوا بالهيئة هو التالي:
طلبت من مجلس الكلية انو تكون إدارة موقع الكلية بايد الطلاب ووافقوا وطلبوا مني تشكيل لجنة طلابية من 5 طلاب من السنوات كافة لذلك,
ومع انو تأخرنا شوي بسبب الضغط الفظيع بالفصل الأول لكن مع بداية العطلة شكلت اللجنة واجتمعنا مع العميد وحطينا الخطوط الرئيسية لعمل هاللجنة وصلاحياتها ومهامها
وكل أمور العلامات ولوحة الإعلانات والمواد والمحاضرات وغيرها رح تصير متاحة عالموقع قريبا -بإذن الله-
2- موضوع المكتبة:
فعلا هي مشكلة كبيرة وحكينا فيها اكتر من مرة, بس الرد عطول انو هذا القانون, وبصراحة الموضوع بلغ حد لايسكت عنو خاصة بعد موضوع إبراز البطاقة على الباب
لهيك أعدكم -إن شاء الله- أن أرفع الطلب إلى رئاسة الجامعة وقيادة الاتحاد وأتابعه باستمرار.
3- موضوع دوام الموظفين بالمخابر والقاعات:
طلبت من مجلس الكلية آخر الفصل الماضي -باستشارة من أحد الزملاء- انو نعلق لائحة على باب كل مخبر وقاعة توضح أوقات الدوام الفعلية وحقوق الطالب والموظف وواجباتهما
ويوقع عليها العميد ورئيسة الدائرة, وتمت الموافقة عالموضوع ورح يطبق مع بداية الفصل الثاني -إن شاء الله-
4- موضوع مواعيد النشاطات :
ستتم جميع النشاطات -بإذن الله- بعد 20-2 لأنو بصراحة عندي مقابلة مشروع ومشغول كتير هالفترة
بس مشان دوري بينغ بونغ ياريت يا عبادة تمرقلي الوصف الكامل اللي جهزتو مشان نبلش في دغري!
5- موضوع إدارة المخابر:
اقترحنا بالهيئة تشكيل لجان طلابية بالتعاون مع موظفي المخابر لإدارة المخابر وصيانتها (برمجيا) والدكتورة نداء سليمان -رئيسة قسم الشبكات-
أكبر داعم للموضوع وكتير مهتمة فيه, وانشاء الله بس نجهز الخطة كاملة بعرضها عالجميع.

وشكرا الكن مرة تانية وبتمنى ما توقفوا عن الشكاوي والمقترحات والأفكار..

بكل تأكيد -الدوري لكل طلاب الكلية!

اي حاضر سيادة الرئيس

واذا الشغل هيك رح يمشي ... خلص نحن معكم وإلى الأمام إن شاء الله

كل الحكي اللي قالوه الشباب ماخلالنا شي نحكي

بس فكرة معرض الكتاب كتير فكرة حلوة ومعاها بالتاكيد

وفي كمان أفكار بس مو لهلأ للسنة الجاية ومن هلأ لوقتها بنحكي فيها بس هلأ تخلصوا الأشياء اللي حاطينها هون الشباب

وأهم شي المختبرات

موفقين

من زمان كنت عم فكر بفكرة بس يمكن صعبة عنا
التنسيق المشترك مع باقي الكليات واقامة فرع بس لتطوير افكار بتحتاج لفروع من كليات تانية

فعلى سبيل المثال ( لا الحصر) فكرة بناء لعبة.
عن طريق التنسيق مع كلية الفنون الجميلة لبناء فريق لرسم شخصيات وممكن من عنا التصميم الثلالثي الابعاد والبرمجة و طبعا ما بينحصر الامر على هي الكليتين

يمكن الفكرة بعيدة شوي عن المنال بس حبيت اطرحها..

بالنسبة للجامعة عنا منتأمل لاقامة مشاريع جماعية ( رياضية مثلا) متل باقي الجامعات ...

الموضوع حلو وانشاء الله منطلع بنتيجة..

ان شاء الله ما بنقصر انا من جهتي بأد هالقصة بس اهم شي العلامات ولوحة ال‘لانات الإلكترونية تكون جاهزة (()

بس ع فكرة لوحة الإعلانات والعلامات تنفذت جزئياً على موقع ite-sy.net

بس علامات وإعلانات السنة الأولى

هي احسن شغلة ممكن تعملوا لانو بجد بتفيد الكل وياريت تصير معكن عن قريب