CSC-SY

السلام عليكم
كل عام وأنتم بخير بمناسبة بدء الفصل الثاني وإن شاء الله يكون أحسن من جميع النواحي من الفصل الماضي .
فتحت هالموضوع مشان إذا حدا نزل على الكلية أو عرف عن بدء شي محاضرة يخبرنا هون، ومنصير لما تبلش محاضراتنا نتناقش بالمواد، بيجوز تقولو أني مستعجلة، بس ما بعرف ليش متأملة خير بهالفصل.
موفقين جميعاً.

انشالله يكون أحسن هالفصل .. الله يسمع منك ..

وأنا كمان بدي أعرف عبتاخدو محاضرات ولا لسه ..؟؟

يعني ارجع ولا خليني معطل ؟

صحيح ..وبدي اشكر Ray على حماسا ..

اليوم على الأغلب في محاضرة اتصالات للدكتورة نداء لأنو هي متعودة تعطي محاضرة من أول يوم.

كتب MorhAf:

Hey I think we've got Roy and Jen in here.

hehehe, nice shot bro, but i think we got the real ones here Loooool

مبارحة كنت بالكلية و ما أخدنا و لا محاضرة و قررت ما إنزل ليوم الأربعاء لأنو على حسب ما عرفت إنو العميد بداوم من أول أسبوع

كتب mpcabd:

كتب MorhAf:

Hey I think we've got Roy and Jen in here.

Dear Sir stroke Madam, I am writing to inform you of a fire which has broken out on the premises of..." no, that's too formal" (Deletes).
Dear Sir stroke Madam.
Fire, exclamation mark.
Fire, exclamation mark.
Help me, exclamation mark.
123 Carrendon Road.
Looking forward to hearing from you.
All the best, Maurice Moss.

يا سيدي منظرو بيموت من الضحك وهو عم يحكيهم

شو كان في محاضرات اليوم؟؟

قال كان في بنيان, أنا بالشغل ما كتبتها بس وصيت Obaeda يكتبلي ياها

كان في تحليل كمان؟؟؟

إي كان في محاضرة بنيان للعميد عمل فيها مراجعة للدارات المنطقية ...

ومحاضرة للدكتور عبد الله العمر (يا محمد شو أخدنا فيها) يعني يلي راحت عليه لا بقى يحضر تحليل عددي ...

كتب mpcabd:

قال كان في بنيان, أنا بالشغل ما كتبتها بس وصيت Obaeda يكتبلي ياها

يللا حرك عالشغل يا ابني

وبلا تضييع وقت

ولي . شو هاد ... بنيان وتحليل ؟؟؟
ما بقى غير يقولو انعطى عربي
صحيح والله أخدتوا عربي ؟؟؟؟

على فكرة اليوم أجا الدكتور طريف بكداش.

ما بعرف، أنا ما حضرت.

يعني غير الدكتور طريف ما كان في شي مو ؟!!

أنا مانزلت على الكلية، بس مع ذلك مابظن، اليوم كله محاضرات عملي، بس حدا بيعرف أيمتى بدها تبدأ محاضرات العملي؟؟
هاد الأسبوع ولا الأسبوع اللي بعدو؟؟

أي شو قصة الدكاترة
شايفين الكلية بمنامهن؟؟؟؟ما كان ناقص غير يجي تبع العربي ويعطي محاضرات..

قصدك نظري ..

على حسب ما قال العميد العملي بدو يبلش الأسبوع الجاي وبدو يتغير برنامج العملي
"هيك قال العميد والله أعلم"

صحيح شباب .. حطولنا برنامج الدوام ..

البرنامج موجود عالموقع هون

إي بس ها د البرنامج القديم !!! يا عمي بدنا الجديد !!

كتب hanihh:

أي شو قصة الدكاترة
شايفين الكلية بمنامهن؟؟؟؟ما كان ناقص غير يجي تبع العربي ويعطي محاضرات..

على فكرة جاي على بالي أحضر عربي

وأنا كمان.

اي صحيح ....باعتباري الحمد لله اخيرا صرت سنة تاااااااااااانية فرح صير شارك....

بس سؤال بمحاضرة التحليل العددي وصلتني معلومة بتقول انو التحليل العددي مالو علاقة بنوب بالتحليل 3 ....وانو رح يكون تبصيم قوانين و تطبيق عليهن .....حدا بعرف شي عن هالموضوع؟؟؟؟

أول شي ألف مبروك

 وتاني شي مزبوط من شي دقيقتين وصلتني نفس الإخبارية

 يعني التحليل العددي أسهل بكتير من التحليل3

التحليل العددي مالها علاقة يالتحليل 3 وهي مادة حلوة ومتل ما قلتي بدك تبصم القوانين

والعملي تبعها عادة بيكون في وظيفة( إنك طبقي أحد الطرق يلي بتاخديها بالنظري بشي لغة برمجة)