CSC-SY

مادة اللغات الصورية (الأوتومات) هي من المواد المهمة التي أعتقد أنها تحتاج إلى أن نتعاون في دراستها و هضمها .

و من أجل ذلك اقترح أن يكون الموضوع مخصص لمناقشة المادة و محاضراتها .

فما رأيكم ؟؟؟

أتمنى المشاركة من الجميع ....

المحاضرة الأولى : التاريخ الخميس 14 /2 /2008

لم يذكر في هذه المحاضرة الكثير بسبب العدد القليل من الحضور

على كل ما ذكر هو أن المادة بحاجة إلى جهد و شغل و هي تعتبر برمجة متقدمة

و هي أداة مهمة في النمذجة و مقدمة لمادة المترجمات ( Compiler) والمادة تطبيق مباشر للتطبيقات الرياضية .

بالنسبة المراجع : المادة لم يطرأ عليها ذاك التعديل الذي يذكر من 25 سنة لذلك أي كتاب من ذلك الوقت يتعلق بالمادة ينفع .

ذكر الدكتور عمار اسم كتاب هو : Introduction to Computing Theory

المادة حلوة .. بس بدها شغل ...

و انشالله أنا جاهز للمساعدة ...

ليش بلش الدوام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ايواه!! شي ظريف كتير :'(
على كل حال شكرا على الموضوع و منيح يلي انذرتونا.. بس شو عطا الدكتور و اديش كانت مدة المحاضرة؟ و في شي دكتور تاني عطى محاضرات عالأسبوع كمان؟؟؟

الدوام رسميا بلش

بس كل الدكاترة عم يسلمو عالطلاب ويحكو شو هي المادة ما أكتر !!

بشكل عام هيك 

هي و معنا شباب السنة الرابعة بساعدونا ...
الزميل ام ان ممكن تكتبلنا مفردات المقرر و كيف نتعامل معوو ؟
و لك جزيل الشكر

كل شي اخبار حول مادة الأوتومات رح تنحط هون اول بأول .. باذنه تعالى ... انا رح اتولى هذا الشي ... حيووو

شفتولي طريقة تصليح الدكتور عمار بالأسئلة
قال لما حلت الطالبة السؤال طلع جوابهاغلط ومن دون ما يقرأ شي ليش ؟ لأنو قال كان لازم يطلعلو شي شبرين من اللوح ...

نصيحة من الأول

احضروا كل المحاضرات لأنو المادة كتير حلوة ومهمة كتير

والدكتور عمار بيشرحها بطريقة ممتازة كتير.... 

ومشان الأسئلة والتصحيح .. أولا المادة مؤتمتة

وتانيا أسئلة الامتحان كتير حلوة عنجد

وأخيرا الدكتور عمار حتى لو كانت المادة ما مؤتمتة ما بصحح عالجواب أبداً

ولا تستعجلو شي مشان محتويات المادة

احضروا وادرسو اللي عم تحضروه وكلشي بوقتو حلو

طمنونا يا جماعة كيف الوظيفة معكو؟؟ و كيف الغرافيك؟
بعتقد انها سهلة ؟!
ليلي عم يستخدم سي شارب و حابب يكون يكون عندو الاظهار قوي في مكتبة اسمها (Microsoft Automatic Graph Layout (MSAGL او تسمى بـ GLEE
شوفو هالرابط :
http://research.microsoft.com/research/msagl
أنا ما استعملتها بالوظيفة (رسمت يدويا باستخدام اجرائية رسم الخط المستقيم و القطع الناقص ) لكن يبدو انو يلي بستخدمها بيطلع عندو الاظهار شي عظيم .

وانا رسمت يدويا
بس يبدو انو هي المكتبة قوية وبتسهل الشغل على المبرمج

هلأ أكيد بكرة المقابلة؟؟ يعني يوم الأحد؟؟ لأنو كل العالم عم تقول انو مافي دوام يوم الأحد!!!
يا ريت تخبرونا لنعرف شو بدنا نعمل!

المهندس ثائر خبرنا  " انو المقابلات يوم الأحد ...

 و اذا كان الأحد عطلة .. بتنعمل المقابلات يوم الاثنين "

المادة الأولى بالفحص 2\6 (((الأوتومات )))

كالعادة الموضوع ما انفتح بأيام الدوام.. ف رح نفتحو هلأ للنقاش و يلي عندو اسئلة..طبعا بعد ما نمشي شوي بالدراسة..

 بس طلب صغير من الناس يلي عملو Presentations الخاصة ب Turing Machine يلي بيقدر بس يرفع الPresentation يلي قدمو مشان نطلع اكتر على هذا البحث بما انو الدكتور ما لحق يعطيه..

 و انشالله اذا حبيتو رح نرفع ال Presentation  تبع مجموعتنا

موفقين

اذا بدك فتحنا موضوع نقاش بالفحص
http://www.csc-sy.net/node/7584
وأنا معك بفكرة رفع ال presentation ومستعد ارفع باقي المشاريع ليلي ما بيقدر يرفعهم

واذا عجبتك الفكرة اجمعيلي كم مشروع وأنا برفعهم يوم الأحد OK؟

العما على هالصدفة كمان كانت يوم الأحد ؟؟؟؟؟؟؟
شو قصة الأحدات معنا !!!!
بس يلا منيح مشان ننتبه تاني مرة للتاريخ

هدول روابط فيها تمارين محلولة (انشا الله بتلاقو فيها الفائدة)
http://www.cse.msu.edu/~torng/460/Homework/
http://www.cse.msu.edu/~torng/460/

شو الفرق بين اللغة الغامضة واللغة الغامضة بطبيعتها

أنا بعرف قواعد غامضة وليس لغة غامضة

يعني ممكن يكون عنا قواعد خارج السياق غامضةقد نستطيع فك غموضها و ذلك بتغير شكل القواعد "يعني لعبي شوي بقواعدك" وبنحل الغموض

أما إذا حاولتي تغيري بها القواعد الغامضة وما وصلتي لنتيجة وضل في غموض..معناها اللغة هي الغامضة أصلا -وليس القواعد- ولايمكن فك غموضها

Thanks Anos
I think I'll solve them soon
Go on man

مسالخير جميعا..
بس عندي سؤالين..
اذا كانت اللغة غير منتظمة فهل هي ليست خارج السياق؟؟؟
فيه هي اللغة
(صفر أس 2n)
الاستاذ ثائر قال عنها انها منتظمة بس انا ما طلعت معي منتظمة؟؟!!شو هي بالزبط؟؟

في خطأ طلع معي بالمحاضرة التانية صـ7 بجدول دلتا أول واحد بأول سطر منو مو لازم تكون الحالات يلي تحت الصفر هي q0,q1 و الحالات تحت ال 1 هي q0 بس ؟ لأنو بالجدول التاني تبع دلتا فتحة مظبطة ..

كتب R-rose1:

ما بعرف اذا فيه حدا حيلحق يطلع عليهم بس يا ريت اذا النت عندك اسرع ترفع الpresentation تبعنا اذا لسا عندك ياه.. ..لانو بعد الضغط طلع 3 ميغا..

اذا اللغة غير منتظمة ممكن تكون خارج السياق وممكن لأ

للوهلة الأولى ما بتوقع تكون منتظمة إطلاقاً لأنو بشكل بديهي اللغات المنتظمة لا تملك ذاكرة

0(n).0(n)

فما بيصير لأنو بيصير بدنا نتذكر قديش اجانا صفار أول الشي ونقارن بعدين مع المجموعة التانية ونقرر التساوي

أما اذا اعتبرنا اللغة 2n=m وبالتالي اللغة هي

0(m)

فكمان ما فينا لأنو بيصير بدنا عدد حالات بعدد M وهاد العدد متغير وبالتالي ما فينا نرسملو أوتومات .

هلق ما فينا كمان نستخدم توطئة الضخ لحتى نثبت أنو هي اللغة منتظمة ...

الحل هو محاولة رسم أوتومات

طيب شو الأوتومات يلي بيحقق 2n الحل بسيط كتير وهو أنو بدو عدد زوجي من الأصفار !!! وبالتالي فينا نرسم أوتومات بحالتين فقط بيحقق هالشي وهو بالشكل التالي

حالة بدائية ونهائية معاً وحالة تانية معها وسهمين بيناتهم بيروحو وبيجو ب صفر فقط .

وبالتالي اللغة منتظمة وعذراً للإطالة ويا ريت صديقي أُبي يشفلنا ياها اذا صحيحة ولا لأ

تصبحو على خير

بس اللغة ( 0 أس n مربع ) غير منتظمة (حسب مابذكر)
( 0 0000 000000000 ... ) مافينا نكتبلها تعبير منتظم

بالمناسبة أنا رفعت المادة بدون ما أعرف شو الطريقة النظامية لإثبات انو اللغة منتظمة أو خارج السياق

أول شي شكرا كتير عالتوضيح ..أنا معكم يعني كنت متأكدة انو اللغة متتظمة بمجرد ما وجدنا اوتومات يتعرف عليها ... بس جربت  توطئة الضخ و طلعت معي غير منتظمة ...جربها ...هلأ مزبوط نحن ما بنقدر نستخدم التوطئة لنثبت انو لغة منتظمة بس كمان اللغة المنتظمة لازم تكون قابلة للضخ و بالمقابل كل لغة غير قابلة للضخ هي لغة غير منتظمة و الا شو؟؟؟؟!!!!!

أول الشي كل لغة منتظمة هي لغة قابلة للضخ والعكس غير صحيح أي مو كل لغة قابلة للضخ هي لغة منتظمة ..

بالتالي مازل هي اللغة منتظمة ( لأنو رسمنالها أوتومات) فهي قابلة للضخ أنا جربتها وطلعت قابلة للضخ  برياحة 

شلون ؟ ما بدها أي سلسلة جزئية منها هي صفار وبالتالي ما حيزيد عنا عناصر منوب

اذا لسه مو متأكدة حطي حللك هون  

هيك حليتها:

Z=0(2n).......|Z|=2n >=n.........|U.V|<=n

Z=U.V.W

U=0(n-3).......V=0......W=0(n+2).......i=2....Z=0(n-3)0(2)0(n+2)...Z=0(2n+1

????????????is that right???????