CSC-SY

نحن طلاب سنة ثالثة وطبع مثل ما بتعرفوا عنا مشروع لكن نحنا محتارين بين مجموعة مشاريع الويب وبين Graphic فياريت تفيدونا بشي نصيحة
المشكلة انو نحن ما بنعرف لغة انشاء موقع وأما opengl فمعلوماتنا لا تزال محدودة

أولا: بالنسبة لتعلم لغة لإنشاء موقع (مثل php) فهو أمر بسيط جدا على طلاب سنة ثالثة, بس يمكن تحتاجوا لتتعلموا شوية قواعد معطيات, مشان يكون المشروع أكبر شوي!

أما بالنسبة للgraphics فمواضيعه كثيرة ومتنوعة ولازم يتوفر الأساس النظري لأي مشروع وهو اللي رح تتعلموا بمادة البيانيات
أما إذا كان الهدف هو الاستفادة من graphics لإظهار شيء ما متل ما شفتو بالحسابات العلمية simulation فهذا شي اخر..
ولكنها بالتأكيد أصعب من إنشاء موقع ويب, وال opengl هي بالنهاية أداة رح تتعلموا عنها اكتر بعملي مادة البيانيات

نصيحتي انو تشوفوا المشاريع اللي بنزلوها الدكاترة-غالبا بدون مدروسة- وفائدتها أكبر..

شكرً كثير على النصيحة الحقيقة اجت بمحلها

برأيي اذا ما بتحبو الغرافيكس وحابين تفوتو فيها لا تعملو مشروع غرافيكس لأنو المبادئ النظرية رح تاخدوها بمادة البيانيات هلأ بالفصل التاني .... فاذا كان مجرد حب اطلاع بلاه مشروع الغرافيكس

وانا بخالف ايهاب بشغلة انو الموقع بسيط وسهل ...

يعني أكيد هو بيعرف أكتر مني انو اي مشروع أو أي فكرة منقدر نشتغلها بالسنة التالتة ونفس الفكرة منقدر نعملها مشروع تخرج ... يعني اللي عم يشتغل المشروع هو بحدد حجم الفكرة وأبعادها

انا محتار ومابدي اعمل اي شي الو علاقة بالWeb

عم فكر بمشروع Graphics على Networking
بس بقى بدي شوف مين بتظبوط طينتوا على عجينتي

ليش شو اخترت mino ؟؟

مشاريع web application و الـ graphics حلوة بس شو رأيكم بمشروع أتمتة

لأ عبادة انا ما قلت انو موقع ويب بسيط وسهل
بس تعلم php أو غيرها هو البسيط السهل, وانا معك بالفكرة التانية تماما, فحتى المشاريع الصغيرة بتكبر بيلي عم يشتغلوا فيها!