CSC-SY

اسم الموضوع بيحكي عن حالو..
شو اسم لعبة الكمبيوتر(أو ألعاب) المفضلة عندك؟ و شو طبيعة هالألعاب؟
يعني قتال, استراتيجية...الخ
من ناحيتي أنا ماني من محبي الألعاب كتير,الألعاب المفضلة عندي هي الألعاب الاستراتيجية أو الي بدها تفكير متل Commandos بأجزائها و Desperados
كمان بتستهويني سلسلة Sims و خصوصاً الSims2 (لعبة تتحكم بحياة عائلة كاملة و متطورة بشكل كبير)
و أكيد ما بنسى كانسة الألغام
أنتو شو رأيكم؟

بالنسبة الي فاللعبة المفضلة لدينا هي Fifa والآن بالذات FIFA2005

أما بالمرتبة الثانية فتأتي NFS UnderGround

من زمان عم استنى هيك موضوع

طبعاً بفضل كل أنواع الألعاب -كنت مغرم بالألعاب -

بس أكثر شيء الألعاب الاستراتيجية والرعب مع الالغاز

في المرتبة الأولى لعبة Generals بكل أجزائها
وبالنسة لألعاب الألغاز Resident Evil
كمان لعبة Mafia و Need for speed underground لا يعلى عليهم

الألعاب الجديدة ما بتشتغل عندي للأسف بسبب ضعف جهازي

أنا بفضل الألعاب الإستراتيجية و التي تعتمد على السحر
طبعا اللعبة المفضلة عندي World of Warcraft التي ستطلقها الشركة ب 24 من هالشهر
بس للأسف الشركة بدها مبلغ مخيف شهري لتسمح لحسابك بلعب هذه اللعبة لأنو اللعبة تلعب على الإنترنت فقط
و بتعرفوا سرعة الإنترنت الي بتهوي ودعمها لها الشغلات
لذلك المفضلة لدي هي:
Diablo 2 lord of the Destruction
Never winter nights
The elder scroll 3: Morrowind
Generals
Warcraft 3
Age of wonders 2: the wizzard’s throne

اغلب انواع الالعاب بحبا، يعني يمكن الاستثناء الوحيد هو الرياضة و المحاكاة.

اكتر نوع بفضلو هو First Person Shooters يعني الالعاب الي بكون فيا التصوير من وجهة نظر اللاعب نفسو، متل سلسلة Doom و Quake.

الالعاب الاستراتيجية و الrole playing (العاب Blizzard تحديدا) بحبا كتير كمان.

كيف شفتي The Sims 2؟ وصلت لعنا؟

ماحدا منكم بحب كرة القدم : : :

طلعت نيئة بيناتكم

لا أنا ماعندي مشكلة نهائيا مع مواصفات الجهاز لأن المواصفات ممتازة عندي
Blizzard شركة متفوقة بكل شي و تحديدا بقصة اللعبة يعني أنا منتجاتها المفضلة عندي
و أنا مجربها كلها تقريبا بس هلأ شركة blizzard مشغولة بلعبة world of warcraft
الشركة صرلها سنين عم تشتغل على ها اللعبة
المتوقع أنها تضرب بالأسواق(لقوة الرسومات فيها) بس متل ما قلت من قبل الشركة بدها مبلغ شهري للعب

بالنسبة إلي مابحب ألعاب الرياضة كتير ، بحسها كلها متل بعضها (طبعا رأي شخصي )
أما الالعاب اللي بحبها فكمان First Person Shooter بالذات وغيرها ، وومن الألعاب اللي حرصت إني خلصها :
Medal Of Honor بجميع أجزاءها
Metal Gear Solid 1 ، وعما حاول جرب الجزء التاني
Commandos بجميع أجزاءها
FarCry

بس الألعاب بدها وقت فضى كبير ، وبدها مصروف كبير كمان ، خصوصا إذا كان الواحد مابيخلي لعبة إلا وبيجربها ، لإنو متل ما الجميع بيعرف الألعاب هيي أكتر التطبيقات اللي بتستفيد من التقنيات الجديدة بالهاردوير ، علشان هيك ماخرج الواحد يتابع إلا الشي الحلو

بالنسبة إلي أكثر ألعابي سباقات سيارات :

Driver 1

Need For Speed Under Ground

واللعبة الأهم : Mercedes-Benz World Racing

وكمان MB World Racing 2 ما مطولة لتنزل (شي خمس شهور) ...

أما ألعاب ال 1st Person و ال 3d Person فما كتير بتستهويني ولا حتى الاستراتيجية ...

أيواااااااااا .. هاد موضوع حلووووو

بحب كتير أنواع ألعاب pc أكتر شي FPS و خاصة اللي إلها قصة كويسة متل Max Payne و بالتحديد الجزء التاني The Fall of Max بتجنننننننننننننن ..
و فيه الـSplinter Cell للمعلم Tom Clancey يعني كتير حلوة و أخدت ضجة كبيرة بس للأسف الجاسوسية أخدت كتير منها و ما تركت للآكشن شي .. بس تميزها كان بالـgraphics و interactive ..
و على ذكر توم كلانسي بحب سلسلتو من ألعاب التصويب Rainbow متل Rogue spear - black thorn-
و من ألعاب الـFPS التانية الحلوة فيه
Hitman 1 , 2 silent assassin
IGI 1 , 2 covert strike

و كتير عجبتني لعبة The Thing

هادا غير لعبة Mafia و متلها GTA vice city
أما ألعاب التصويب فاكتر شي حبيت Medal of Honor allied assault و الجزء التاني منها SpearHead
و Desert Storm بالجزئين ..
و غيرها كتير ..

و كمان ما بنسى الـ FIFA من 98 لحد هلأ و الـFIFA 2005 كتير ناجحة و هلأ آخدة كتير من وقتي ..
و كمان سلسلة NFS .. خيو كل شي من تحت إيدين EA حلووو ..underGround حلوة بس عجقة كتير ..

يعني بحب كل شي إلا smis و أمثالها ..بتاخود كتير وقت و ما فيها آكشن ..
متل ما قالت Nadia

...
اكيد fifa ....ولهلئ fifa2004
بس رح حاول جرب fifa 2005

واكيد لعبة
Need For Speed Under Ground

غير هيك ما عندي اهتمام كتير باللعب

من الي قرأتو على الانترنت و حكيك الظاهر انو the sims 2 ظريفة فعلا، انا حبيت الجزء الاول بس ما عرفت اذا الو نهاية، يعني مليت بعد فترة لانو ما شفت كتير تغييرات.

بالمناسبة العاب adventure كانت حلوة كتير، الغاز و هيك شي، متل Monkey Island و The Longest Journey، بس للاسف تقريبا بطلت هالايام.

صحيح
ذكرتوني بـ Medal Of Honor هي اللعبة بالقمة

وعم نستنى Half-life2

أخيرا طلع في ناس بحبوا الرياضة متلي

أهلين شريك كمان أنا الا ماالعبلي كم دق فيها كل يوم

وانا عم انتظر driver3 مع أنها نزلت بس لهلأ ماوصلت لعنا ؟؟؟

وكمان عم انتظر NFS underground2 وكمان لسا ماوصلت .

هلأ الفكرة أنو بالألعاب الرياضية مابتضيع وقت كتير يعني على الآكثر حوالي 10 دقائق بتخلص اللعبة

بشكل عام أما باقي أنواع الألعاب ممكن تاخد أيام وليالي وبينهوس الواحد فيها .

NEED FOR SPEED 4-5-6-Under Ground etc

Max Payne

هو يمكن هدا الموضوع مات بس حبيت قول رأيي
بالنسبة إلي أنا بحب الألعاب الاستراتيجية وألعاب التحدي كتييييييييييييييييير
لعبت commandos (behind enemy lines
commandos beyond the call of duty
commandos 3 destination berlin
س لم أكمل فيها بسبب المشاريع المتراكمة
ال commandos لعبة ممتعة جدا جدا جدا جدا
بالإضافة لها لعبت
tomb raider 2
tomb raider 3
tomb raider 4
tomb raider 6
هي كمان لعبة fantastic
وما بننسى ال
age of empires
Red Alert مع تحديثاتها بما في ذلك
Generals

Resident Evil وبس !!

Yes zaina28 Resident Evil 2+3+4
And You dont Play Parasite eve 2
Its a wonderfull game
i like it more than resident evil
try it it it it it it sssss
very niceeeeeeeeeeeeeeeeee

ياعيني عليك NFS-UG خيالية وبالذات عالجويستك اللي عندي

بيس كاني لاحظت أنو الغلبية بيفضل الألعاب العنيفة شو قصتكم

شو ماعم تلاقوا حدا تفشوا خلقكم فيه غير بعالم الألعاب :

أكيد

هاللعبة صارت عندي مثل الادمان - وقت نزلت -
وبتذكر أنو ختمت الجزء الأول 3 مرات
والجزء الثاني حوالي 3 مرات
والجزء الثالث مرتين

ولحد هلأ عم استنى جزء Code Veronica لحتى ينزل على الكمبيوتر

حالياً وصلت على مرحلة حوالي 12 أو 13 من Half-Life2

بس للأسف عم تعلق عندي في مكان وما قدرت كملها

وكمان أنت ياهمام مابعرفك عنيف لهالدرجة

بالإضافة لما ذكره الزميل TD :

Worms 2

بالنسبة إلي، حاليا عم ألعب Prince of Persia 2 -The Worior Within

ختمت الجزء الأول منها السنة الماضية

كمان أنجزت كل مهمات GTA-Vice City

من اللعب اللي بحبها كمان
SimCity بكل اصداراتها
Sims بس لسا ما جربت Sims2

Empire Earth

Need for Speed الاصدارات القديمة شوي (3 - 4) بعدين ما عدت ألعبها ، بس عم أفكر أنزل underground 2 (متأخر شوي!!!)

أنا عنيف ؟

ما بتذكر أنو بهالألعاب في عنف

الأولى شوية رعب والثانية بس كنت عم شوف الـ AI الرهيب المستعملينه فيها والـ Graphic الفظيع O

ما صحبة مع الالعاب خالص ..فكرة اللعب عالكومبيوتر بحد ذاتها ما بتهمني ..
يمكن اذا اللعبة فكرتها ظريفة غريبة بتقتل الملل والضجر معقول .. اما الالعاب اللي بتاخد وقت وفيها مراحل ابدا ..
بس مع هيك العبت Max Pain (كانت أول ما طالعة قصتها بتشد وتأثيراتها روعة)
و Resident Evil (كمحاولة فاشلة للتعود على مناظر العنف ) غير شكل

حدا سمع شي عن "World Of WarCraft" لشركة "Blizzard"؟؟، و فيما إذا صارت بـ"الأسواق السورية"؟؟

كل هالقتل والضرب والدم الموود بهاللعب ومافي عنف

هو وينك اذا كنت عم تلعب باللعبة من شان الـ Graphics وتشوف الـ AI فمعك حق

بس كمان روح وجرب FIFA أو NFS كمان رح تلاقي AI وGraphics جميل جدا ورائع

بس برايي هاد بيعكس أنو في غضب بداخلنا وبدنا نفشوا بشي شغلة لذلك بنلجأ لهيك ألعاب