CSC-SY

السلام عليك أخ رضا

اليوم وصلني قبول من جامعة درزدن, للبدء بالدكتوراة مباشرة. يتضمن القبول دراسة الدكتوراة دون الحاجة للحصول على شهادة الماجستير أو حتى شهادة الـDSH بالنسبة للغة. و بالتالي ستوفر علي بعض الوقت(حوالي سنتين), و سيكون الاستعداد لرسالة الدكتوراة من خلال العمل في مشروع(مابعرف شو للأمم الأوربية) قد أتقاضى من خلاله على راتب جزئي أو كلي أو لا شيئ.
و يبقى لدي سؤال عن وضع المدن الألمانية الشرقية سلفا. هل هناك بعض الفروقات, يعني أما زالت الشهادات من جامعات ألمانية الغربية سابقا أفضل من مثيلاتها الشرقية.
و سؤال أخير: إذا حطيت حالك محلي بتسافر لدرزدن و لا بتنطر شوي؟
مع العلم إني متخرج بشهادة بكلوريوس في الهندسة المعلوماتية قسم هندسة البرمجيات و نظم المعلومات من جامعة البعث. و معي شهادة ZD.

شكراً سلفاً.
==========================
وصلتني هذه الرسالة

وكالعادة مشان تعم الفائدة رح جاوب بالمنتدى

اول شي بالنسبة للجامعات الشرقية والغربية
اللي بيلعب دور هو الجامعة نفسها بغض النظر هي بالشرقية ولا بالغربية
المشكلة بالمدن الشرقية هو بشكل اساسي الشغل يعني الشغل هنيك بيكون اقل والناس نفسيتهون مو تمام
هالشي ما بينطبق ع كل المدن الشرقية ودرزدن من هي المدن
كل اللي راحو ع درزدن قالو انها كتير حلوة وحديثة جدا ومن احسن المدن الشرقية

بالنهاية انا لو محلك بسافر طبعاً
المهم تحدد هدفك وبعدها بتسافر بدون ادنى تردد

شلون مو تمام؟
بس مثال إذا بتريد

هالمثال ما بينطبق ع درزدن
مرة رحنا ع مدينة jena
وقت بتفوت بتحس انو الاجانب كتير قلال
ووقتها كان معنا شب اسود ف اول ما وصلنا ع محطة القطار قابلنا نازي وبلش يقول اسود اسود وهيك شي
بدرزدن الوضع غير
لانو المدينة كبيرة وحديثة على عكس jena فهي مدينة صغيرة كتير
واهلها مو متعودين غلى رؤية الاجانب

انا بالنسبة الي لو قالولي روح ل jena لفترة مؤقتة لحقق هدفي كنت رحت

هالكلام بينطبق عدرزدن كمان و لا بس لأنو مدينة jena بلدة صغيرة و مو متعودين عالغرباء
و فيني إذا بلشت دكتوراة بأحد الجامعات إترك المشروع و إنتقل عغير جامعة؟ قانونيا وشي التاني حلوة إتركون للجماعة حتى لو كان عذري إنو المشروع ما ناسبني و في شي بناسبني أكتر منو

اي ممكن الواحد يبدل مو مشكلة

عفوا رضا انا سمعت انو طلابنا ما عم يتحملوا العيش بالمدن الجنوبية متل شتوتغارت و بافاريا
يعني بعد سنة سنتين بتكون وصلت معو الواحد لراس مناخيره فشوا مدى صحة هالحكي

بدك الصراحة عمي ابو جان
المانيا كلها وصلت لراس منخيري
مو بس انا كل الشباب ولكن للضرورة احكام
وكلو بيهون بسبيل تحقيق الحلم الكبير نهضة امتنا العربية والاسلامية
وهالنهضة ما بتجي الا ازا كابرنا ع حالنا وشدينا حالنا شوي لنتعلم شي يفيد بلدنا

مزبوط ابو جان

شكرا رضا

بس انا سمعت انو العيشة بمقاطعة متل بفاريا كتير صعبة بسبب الغلاء وعدم تقبل الناس للأجانب حتى بالمدن الكبيرة متل ميونخ ..

شو مدى صحة هالكلام ؟ 

مزبوط
انا هيك سمعت كمان