CSC-SY

اخوتي الاعزاء اعضاء المنتدى الكريم : السلام عليكم ورحمة الله

هي اول مشاركة لإلي عندكم الله يقدرني افيد بقدر ما حاسة حالي رح استفيد جدا .. ان شاء الله .

اخوتي .: تعبت كتير كتير من البحث والتفكير بمشكلتي .. ولقيت اني انزلها هون عندكم واخد رأيكم فيها :

باختصار : عندي عقد عمل بعد فترة بسيطة لاتتجاوزالخمسة اشهر في الامارات . تعتمد على التصميم الثلاثي الابعاد والكورل درو والفوتوشوب + الاوتوكاد .

محتارة بشكل .. ياترى بقدر اتعامل مع برامج التصميم هي بكفاءة وفعالية من دون دورة خاصة في مركز او معهد ؟ ولا الموضوع كبير كتير علي .؟؟ انا بحس حالي عندي الموهبة والافكار والرغبة في التعلم .. قصدت المراكز الخاصة بالتدريب .. الصراحة ما ارتحت لأسلوبن بعرض البرامج يعني حسيت انو الهدف الوحيد هو الربح فقط ! ..

مابقي علي غير الاطلاع على الدورات الخاصة بالجمعية السورية للمعلوماتية . هي ماسألت عنها وقلت أسألكن .

بنفس الوقت : من بعد اذن الجميع : نصحني احد الزميلات اني بقدر استفيد من الانترنت والسيديات التعليمية بشكل افضل بالف مرة من الدورات الخاصة وهدر الوقت شرط الالتزام والمثابرة .

لحد الآن مالي مقتنعة .؟؟ ياترى بقدر اوصل لمرحلة الالمام الكامل او القدرة على استخدام برامج الاوتوكاد - فوتوشوب- كورل - ثري دي ماكس - )دفعة واحدة يعني خلال فترة زمنية حوالي الخمسة اشهر وبتفرغ كامل كامل . يعني باليوم اعطي المشروع للدورة حوالي الـ خمس ساعات او ستة ساعات ؟

ولا اروح اسجل دورة خاصة بشي مركز ؟؟ في هالحالة ؟ ارجو النصح بأي المراكز والمعاهد تثقون او جربتم على الخاص لو سمحتوا تخبروني اذا هالشي بيتعارض وسياسة الموقع ..

انا بجد محتارة .. ياريت تجاوبوني على تساؤلاتي لانو ع النت مليان برامج ودروس تعليمية لكل ماذكرت .أو اني اشتري كتب تعليمية او سيديات .؟ بس بدي رأيكم ياترى بيمشي حالي وبستغني عن الدورات ولا في أمور مارح احصل عليها أون لاين ولازم لازم دورة خاصة ادفع فيها على كل برنامج رسوم خاصة . ؟ .. بالاخير : اذا حدا سجل دورة بالجمعية السورية للمعلوماتية وبيعرف المستوى الموجود يخبرني برسالة خاصة .

شكرا كتير كتير على قراءة رسالتي وانا متأكدة انو في اخوة كتيرين رح يساعدوني فورا بالرأي والتوجيه والنصح .

السلام عليكم ورحمة الله

اختكم .

وعليكم السلام ورحمة الله

اول الشي بما انو عندك الرغبة بالتعلم فانشاء الله مابيصعب عليكي شي
بس.. هي البرامج هلي عرضتيها تعتبر برامج اختصاصية وهندسية ولحتى تاتقنيها لازمك فترة منيحة.
وعلى حسب مستوى المشروع لازم تكون مستوى خبرتك ..
هلق اذا بيتشوفي حدا ممكن يحمل معك عبأ من المشروع فهاد الشي احسنلك لانو صعب كتير تشتغلي على هي البرامج لوحدك ( عشر بطيخات بأيد وحدة!)

إضافة لكلام يامن
أنو هي البرامج ما بيكفي الدورات والسيديات والكتب والـ ....
أهم شي التطبيق والمتابعة

ماضل اي حكي بعد حكي الاخوان الله يجزيهون الخير
والحقيقة اختي انك تملكين اهم اداة وهي العزيمة والأصرار........وأرجو ان تملكي الصبر ايضا لان هذه البرامج تحتاجه جدا
هلق أنا رأيي(وحسب تجربتي) خلال خمس اشهر تستطيعين قطع مسافة كبييييرة جدا......لكن كيف؟
لازم تكون البرامج التي ذكرتيها بمثابة الماء والهواء والغذاء اليومي لكي
وأنا اجد الدورة التعليمية مهمة الى جانب التعلم الذاتي(كتب وسيديات) لكي الان لانه ليس لديكي وقت كافي للبحث.......وان شاء الله تجدين المعهد المناسب والموثوق
وانا انصحك بالاطلاع على هذا الموقع فيه معلومات عن كل برامج التصميم,يمكنك طرح اي مشكلة تواجهك او اي استفسار:
http://maxforums.net/index.php

السلام عليكم ورحمة الله

جزاكم الله كل الخير يارب على المساعدة والنصيحة القيمة بحق .. فعلا اخوتي كلامكم أفادني كثيرا..

طيب انا فكرت اني اختصر او بالاحرى ارتب افكاري حتى توصل فكرتي واضحة . اذا بدأت ( مجرد افكار ) : بالاوتوكاد مثلا وأعطيته الشهر الكامل بتركيز عليه فقط لاغير .. (( مع الفوتوشوب مثلا لاني شبه منتهيه منه وبمجهود فردي)).. ثم هكذا .,.,اتابع ..؟ رايكم .؟ ..

((ملاحظة : عملي المطلوب المذكور يعتمد أساسيا على الاوتوكاد بشكل اساسي انا أثير الموضوع في احد الجلسات وحضرتي من قام بوضع باقي البرامج كهدف على حسبتي اني (( بقدر )) وبحس وقت الي بطلع على البرامج المذكورة اني اقدر اتعامل معها بنسبة لاتقل عن 30 % بدون اي خلفية مسبقة او معلومة .ولكن ليس بدرجة الاحتراف بس انا اريد اكون جاهزة قدر الامكان وبأعلى ما استطيع الوصول إليه واخاف من قصة الدورات لانها تضيع وقتي على روحة ورجعة وقبل وبعد .. مثلا محاضرات الاوتوكاد عددها وسطيا بالدورات 24 محاضرة ( ساعتين ) . هل استطيع ان اصل بمفردي الى مضمونها من خلال تنصيب البرنامج ووجود الانترنت والدروس المختلفة + الكتب .؟ ..

بعرف اني عبكتر حكي .. بس الصراحة محبطة بقدر ما املك من عزم .! !..

ولكم الامر والرأي . !؟؟.. بانتظاركم وجزاكم الله الف خير .

برأيي كتاب جيد أفضل من دورة وسط.
بس المشكلة انو اذا كان الكتاب سيئ فبضر أكتر مما بفيد.
مشان هيك لازم ماتبلشي تتعلمي من أيا كتاب أو موقع بتلاقيه عالانترنت الأفضل انك تختاري كتاب معروف ومستواه جيد.

ماعندي فكرة عن كتب لتعليم البرامج المذكورة بس أكيد في كتب جيدة, يمكن حدا من الأعضاء يكون عنده فكرة عن هالموضوع.

والله محتارة ولا أزال وحيرتكم معي .. ماذا افعل .. اترك كل هالمراجع الضخمة جدا (( هيك عبشوفها بشكركن كتير على الروابط الرائعة بجد ..وكمان انا دورت ع النت ولقيت ماشاء الله موجود دروس بكثافة وفي ناس كتير بتحب نشرالخير وان تعم الفائدة بدون مقابل ))

ومع المذكور اعلاه : اداوم على الدورة الخاصة ايا تكن ؟..

ولا برأيكم اني اسجل مثلا اوتوكاد بالمرحلة الاولى كدورة .. ووتابع لوحدي مع النت . لان احد الزملاء نصحني انو مارح تعطيني الدورة الا الخيط الابتدائي للانطلاق .. مهما كانت ممتازة والباقي مجهود شخصي . وتطبيق على الحاسب وفهم ودراسة لاتقل عن ستة ساعات يوميا بشكل مركز بتعطي نتيجة اذا كان الشخص حابب العمل ورايده وباني عليه امل كبير في مشروع مصممة ناجحة مستقبلا ؟؟ ؟؟.. ((عندي تصميم ورغبة قد الجبال اني اتعلم هالبرامج لانها هوايتي المفضلة )) .

انا بشكركن كتير كتير على الردود والاهتمام والله يبارك فيكم ويوفقكم .

بقي شغلة بسيطة : حاليا انا طالبة بالحاسوب ونظم المعلومات . - حلب - الاقتصاد - التعليم المفتوح. يعني كتير بسمع انو الاوتوكاد او برامج التصميم هي حكر على المهندسين فقط فقط يعني اما خريج وان باقي الطلبة او اي شخص مهتم او متمكن بالمجال مارح يقدر يستفيد بدون شهادة هندسية ؟؟.. رأيكم بهالحكي .. وياترى الشركات بشكل عام ( خارح البلد ) مافي حدا بيشتغل اوتوكاد الا وبكون معه هندسة يعني كلن مهندسين حصرا مافي مساعدين او مصممين خلي نقول؟. ؟؟... نفس الشي بالتصميم . انا بحب التصميم وبرامجه بشكل كبير.. بس بتعرفوا لعبة المفاضلة وال( مسخرة الي اسما ثانوية عامة) .والي منعتني اني ادخل الهندسة لوقت ما ابصم كتب العلوم والثقافة والعربي بصم وماإلى ذلك .. المهم ..شكرا كتير كتير على الردود . وبانتظاركم . ومعلش تحملوني شوي لاني لحوحة بشكل ..

ياأختي.....................من قال ان التصميم حكر على المهندسين
التصميم حق لكل من يجد في نفسه قدرة على الابداع
وانا اجد في كلامك هذه القدرة
ربما يكون للاوتوكاد حالة خاصة قليلا لانه جزء من منهاج الهندسة المدنية لكن يمكنك ان تعملي عليه وعلى اي برنامج اخر ومعيار النجاح في النتيجة النهائية فقط لا غير
يعني شغلك هو شهادتك
وكنت اتمنى لو ان لي اطلاع على الاوتوكاد حتى اساعدك لكن للأسف...؟؟
وفي فكرة اخرى
عنا بالشام في معاهد بتعمل دورات خاصة يعني جلسات(طالب واحد)
وهذه الدورة تكون مكثفة و ذات مضمون أكبر بكثير من الدورات العادية وطبعا السعر اكبر(الدفع كل جلسة لحالها) مابعرف اذا في هيك شي بحلب بس فيكي تسألي

الأخ Black Rose :

بشكرك كتير على ردك المنعش بحق والي زاد اصراري على المتابعة ان شاء الله متل ماقلت كتير معاهد بصراحة سألنا عليها من الخارج بتعطيك Impression وكانك بدك تدرس دكتوراه وتصير مبدع خلال هالعشرين ثلاثين محاضرة ..

فعلا متل ماذكرت حضرتك بخصوص الاوتوكاد .. شكرا على ابداء الرغبة بالمساعدة وانا متأكدة انكم اهل الشام الكرام مابتقصروا ابدأ .. ( (ياريت في حال بتعرف حدا من زملاءك بخصوص اسماء الكتب او مواقع معينة ع النت او ملفات مهمة تبعتلي اياهن واكيد مارح تقصر بدون مااطلب منكم هاد الشي مابشك فيه ابدا .) . .

بالمناسبة في كتاب ( على ذمة الراوي) : دار شعاع او بالاحرى ترجمة دار شعاع مابعرف نسيت اسمه قالولي انو بيعطي من الصفر حتى الاحتراف في اوتوكاد متعوب عليه و(( سميك جدا تفصيلي ) قيمته 600 او اكتر شوية حدا بيعرف الاسم الكامل له ياريت يخبرني برسالة خاصة او هون .لو سمحتم لبين مااسأل واتحرى ..

كلامكم رفعلي معنوياتي بـ Enhancement لابأس به من العزم .. شكرا كتير. ..وان شاء الله بتسمعوا عني اخبار طيبة .. بدأت الأفكار تتبلور بطريقها الصحيح ان شاء الله .