CSC-SY

بما أني مندوب السنة الثانية عند إدارة الكلية, وأنو أنا صلة الوصل بين الطلاب والإدارة, مبارح وصلني شكوى على مدرسة اللغة الإنكليزية يلي عمبتدرس عنا.

الشكوى تتضمن النقاط التالية:

1- المدرسة لا تقرأ النصوص وإنما تولي المهمة للطلاب.

2- المدرسة لا تقوم بتصحيح الأخطاء اللفظية للطلاب.

3- المدرسة لا تترجم الكلمات الجديدة غالبا ً.

4- المدرسة لا تفهّم الطلاب بشكل واضح.

5- المدرسة دائما ً تهين الطلاب بشكل غير لائق.

بس أنا ما بحضر إنكليزي وما بعرف أسلوب المدرسة, لذلك بدي من يلي بيحضروا أنو يقولولي مدى صحة هالكلام منشان وصلو للإدارة, وإذا حدا عندو أي إضافات يقولها.

شكرا ً.

شو عم تعمل لكان, عم تعد الطلاب مثلاً

والله أنا هيك وصلتني الشكوى من أكتر من طرف, وبما أني ما بحضر فسألت عن رأي يلي عميحضرو, بس يعني اليوم وصلني مصدر تاني لنفس الحكي فقلتلو للعميد.
على كل ٍ إذا في ملاحظات من طلاب السنة الأولى أو غير هدول الملاحظات يا ريت تخبروني.

عم تدرس إنكليزي

وأنا بقول هيك كمان
بس أهم الشي إنو وقت بدا تغيب ياريت تحط إعلان.

صحيح انه الانسة لا تقرأ النصوص لا تترجم الكلمات (ضمن المحاضرات التي حضرتها )

أنا على حسب ما كنت احضر بالسنة الماضية فالمدرسة ما كانت تقصر بشي , و حضرت محاضرتين الفصل الماضي و كانت بنفس طريقة الاعطاء أما هالفصل لسا ما حضرت ما بعرف وما بعتقد انو أسلوبها اتغير ...
و بالنسبة للترجمة , بظن أنو مو شغلتا اترجملنا الكلمات , مع العلم أنو لما كنا نسألها على شي كلمة كانت اترجملنا بالانكليزي (يعني تشرح الكلمة بالانكليزي بس بكلمات بسيطة ومفهومة)و بعتقد هاد كافي , يعني مالها مجبورة اترجم بالعربي بجلسة انكليزي , وهاد بدل على قوة اعطاء مو على عيب أو ضعف , وإلا ليش اسما محاضرة انكليزي؟؟!
وبالنسبة لقراءة النصوص صح أنو ما بتقرء , و ما بظن أنو في مشكلة بهالشي , يعني كانت اتخلي كل طالب يقرء لحالو , و تشوف مدى الاستيعاب لتحطنا بجو الفحص , وبعد ما كل واحد يقرء كانت اتناقش وتحل الأسئلة على أكمل وجه ,
بس الشغلة الوحيدة يلي لازم تتاخد بعين الاعتبار أنو لازم اتحط اعلان اذا ما كانت ناوية تعطي المحاضرة , أما باقي النقط التي تم ذكرها فهي غير صحيحة أبدا من وجهة نظري ......

وأنا كمان ماعاد حضرت انكليزي
لكن على حسب معلوماتي من السنة الماضية لم تكن الدكتورة تهين الطلاب بشكل مباشر أو ملحوظ وبظن انو اذا صار هالشي مع اي طالب (او طالبة) ماكان سكت وكانت صارت مشكلة لأنو ماحدا قليل......
وأما الترجمة فرأيي الدكتورة مو مجبورة ابدا ترجم ولا كلمة للعربي
وهي بتعطي مرادفات للكلمة الجديدة باللغة الانكليزية
وبالنسبة للشرح ممكن يكون الحكي صحيح لحد بعيد
وأما القراءة وتصحيح الألفاظ اللغوية................بعرف أنو هالشغلات بتصير بالمرحلة الابتدائية والاعدادية والثانوية
انا اسف بس بظن في بعض الظلم للدكتورة

بالنسبة الي انا ما حضرتلها و لا مرة و لا بعرف حتى شكلها بس اسئلتا بالفحص كانت حلوة يعني تقريبا كلو من داخل المنهاج

أنا بحضر انكليزي، بس ما عانيت من أي مشكلة مع هالأنسة، طبعاً الأنسة مو جاية لتشرح الكلمات بالعربي ولا لتقرا نصوص، أي نحنا بالبكالوريا كانت الأنسة تضحك علينا إذا قلنالها اقري شي نص! أو ترجمي شي كلمة للعربي..
بس الشهادة لله إذا بعد ما قرأنا النص وحلينا الأسئلة حدا مافهم شي شغلة من النص بتعيدها، أو مافهم شي كلمة كمان بتشرحها بالانكليزي وإذا ما مشي الحال بتقول معناها بالعربي، وحتى إذا حدا مافهم شي grammer كمان بتشرحها..

هلأ انا حضرتلا محاضره وحده وكانت ممتازه...
مشان قرايت النص اصلا ما عاد حدا قرا نص لطلابه (يعني مو مدرسه الحكايه)...
و مشان معاني الكلمات بالعكس ازا سألتا بتجاوبك بالإنجليزي وازا لقتك ما فمت بتقول معناها بالعربي...
اما باقي الشغلات ما بعرف عنهم شي....

i have no comment on our english teachers but pleaseee inform her to tell us if she is ganna come or not "just because hr lectures r @8 am "and i like mornings if they started later""

ملاحظة: بدي أسأل mpcabd في مجال نعرف كيف صرت مندوب السنة التانية عند ادارة الكلية و شكرا.

شايف الكل عم يثني عالدكتورة
عبود :: مين اللي اشتكالك .. بس قلي مين ؟؟

على علمي هي نفسها اللي عم تعطينا

وهي أكتر من ممتازة برأيي 

هي المادة نزلت إدارية؟؟

لسا ما وصل الكتاب من وزارة التعليم العالي, بس الإدارة بالكلية بعتت أنو لازم تكون إدارية.

يا شباب والله هيك عم تظلموا الانسة
هو صحي مابترجم شي بس هي بتقلنا انو نحضر النصوص الكبيرة قبل ما نجي
وبالنسبة للاهانة هالحكي مو صحيح انا شفتا كتير محترمة وبتمزح مع الطلاب
اما بالنسبة لتصحيحا لأخطاء الطلاب فغالبا الاجابات هي يا رقم السطر يا وصل
بس صراحة الحضور بهالمادة ما بفيد