CSC-SY

مساء الخير لو سمحتوا أنا بدي اكتب برنامج يفتح ملف ويقرا النص العربي الموجود فيه ويعطي بالخرج معدل تكرار ظهور كل حرف من أحرف الأبجدية العربي في هذا النص ((مثلا أ 100 مرة وب 80 ...)) أنا كتبت البرنامج بس اعتمدت على فكرة انه كل حرف اله رمز آسكي وطلع الأخطاء عندي 0 بس عالتشغيل نتج معي خطأ بالنظام و يمكن السبب انه أصلا مافي رموز آسكي للغة العربية!!! وهلق ماعم بعرف كيف المفروض فكر ........ مكن حد يساعدني بالفكرة

اضغط على الصورة للتكبير

اللغة العربية وكل اللغات فيك تستعمل معهم ترميز UTF-8

أنا بتوقع انو الملف يلي عمتقرا منو مو utf-8 file

عفواً كأني ما فهمت ...
يعني هلق شو لآزم عدل عالبرنامج حتى يعطيني النتائج ويعد عدد تكرار الحروف؟؟

الكود السابق موكتير صحيح (حتى بحالة الأحرف اللاتينية).
بس اذا بدك الكود السابق نفسه يشتغل على ملف (بترميز ASCII أو ANSI) يحوي أحرف غير لاتينية:
لازم تستبدلي كل 28 بـ 255
وكل ch-'|' بـ ch
وكل '|'+i بـ i
بهالحالة رح يطبع تواتر كل المحارف بمافي ذلك الأحرف والأرقام والرموز...