ساعدونا لنجد مكاناً ووقتاً نعمل فيه في كليتنا!!
|
عضو فعال
تاريخ التسجيل: 2007-01-30
مشاركات: 1283
الجامعة: دمشق
الكلية: الهندسة المعلوماتية
المرحلة: السنة الثالثة
|
السلام عليكم
أهلاً بك في كلية الهندسة المعلوماتية، كلية المشاريع والوظائف، وكلية العمل الجماعي، والذي يعني أنك أنت والمجموعة اللي بتشتغل فيها محتاجين تعدو سوا لأكبر قدر ممكن من الوقت، بس هل هالشي متوفر عنا بالكلية؟؟؟
للأسف الجواب لأ..وذلك للسبب الآتي:
دوامنا نحنا بالسنة التانية وسطياً ما بينتهي قبل الساعة 2:00 pm مع العلم أنه غالباً ما يبدأ من الصباح الباكر يعني من ال8:00 am أو 9:00am ..طيب منعد بعد الدوام شو المشكلة؟
إذا فرضنا أنو هالمجموعة هي رح تغادر المدرج اللي كانت عم تحضر فيه آخر محاضرة بالنهار متوجهة إلى المكتبة رح توصل على المكتبة على 2:05 ، بيعدو هالمجموعة المحظوظة من ال2:15 (طبعاً ال10 دقايق هدول لحتى يلاقو أرنة يعدو فيها) ما بيعدوا من هون إلا وبيجوا المشرفين تبع المبنى الإداري وبيقولو بدنا نسكر... طيب أوكي المكتبة موجودة بالمبنى الإداري ولازم تسكر معو، بيحملو حالهن وبيروحو لوين؟؟ على القاعات...
طبعاً مالي رح طول كتير بالمشوار بالكريدور بين القــــاعات على هي القاعة فيها محاضرة، وهي القاعة full...
بالأخير بيلاقو قاعة وبيعدو بيركزو من أول وجديد الأعدة مشان يشتغلو، وإذ بتكون صارت الساعة 6:00 pm ولحتى نكون عادلين هالحكي مو 6:00 pm وإنما 5:45 pm ما بتلاقي إلا وأنت قاعد بأمان الله بيجي المشرف تبع مبنى القاعات بيطفي الأضواء والأنوار وبيقلك "بدنا نسكر" صارت 6 الساعة يلا ضبوا وامشوا!!!!
طبعاً هنن بيقولولك هالشي قبل بربع ساعة لأنو بياخدو بعين الاعتبار الوقت اللازم لتضب غراضك بدون ما تنسى شي وبهدوء تام، وتنزل بكل أريحية على الدرج...
وبالتالي فالوقت اللي أعدو هالمجموعة سوا أديش؟؟؟
ليس إلا 3 ساعات أو 4 ساعات... طيب وين بدنا نكمل شغلنا؟؟؟ وأيمتى؟؟
في طلاب ما فيها تروح دائماً لعند رفقاتها اللي بتشتغل معهن بالمشروع، طيب أيمتى بدهن يجتمعو؟؟؟ وكيف بدهن يكملو شغلهن سوا؟؟؟
الكليات التانية اللي ما بيحتاج فيها الطلاب ليشتغلو سوا المكتبات عندهن بتسكر بعدنا، طيب ليش نحنا مو متلهن، هي وباقي الكليات لا بتحتاج لا لشغل جماعي ولا هم يحزنون!!
أرجو من السيد العميد أن ينظر في أمرنا ويساعدنا متل ما ساعدنا بكتير شغلات من قبل، نحنا ما كنا نعاني من هالمشكلة لما كنا سنة أولى، بس هلأ مشروع ورا التاني ووظايف و100 شغلة وما ممكن تتلحق بـ 3 أو 4 ساعات، وبظن أنو هي مو بس مشكلة عنا بسنتنا، كل السنين هيك..
نحنا ما بدنا تضل الكلية فاتحة 24\24 ساعة، بس على الأقل تضل للـ 7 المسا.
ملاحظة:
أرجو أن تكون التعليقات متناسبة مع جدية الموضوع.
|
| |
دخول أو تسجيل لإرسال التعليقات | قراءة: 512 |
|
مشرفة
تاريخ التسجيل: 2007-03-18
مشاركات: 546
الجامعة: دمشق
الكلية: الهندسة المعلوماتية
المرحلة: السنة الثانية
|
والله كلامك يا Ray كتير صحيح .. يعني مو بس انتو سنة تانية حتى نحنا بالسنة الأولى عنا نفس المعاناة يعني إذا كان بدي أسأل شي حدا عن شي شغلة بدي اعد اعمل جولة كاملة على كل الاماكن اللي ذكرتيها للاقي مكان مناسب ... حتى ولو لقيت مثلاً مكان بالمكتبة دايماً المكتبة غير قابلة انو يكون فيها نقاش دراسي ... على طول عجقة وأصوات عالية .... وإذا اقتصرت على الأصوات كتير منيح بس أحياناً بتوصل الشغلة للدق والرقص .... والله مو معقول
وحديثاً القاعات رغم الهدوء النسبي اللي بتمميز فيه عم يوصلها شوي من أجواء المكتبة....منتمنى يتحسن هالوضع .. بأنو نراعي موضوع الهدوء بالمكتبة ...
DanCe LikE no one iS watCHing, Love aS iT will neVer hurt.
|
| |
دخول أو تسجيل لإرسال التعليقات |
تاريخ التسجيل: 2007-09-07
مشاركات: 403
الجامعة: دمشق
الكلية: الهندسة المعلوماتية
المرحلة: السنة الثالثة
|
وعليكم السلام ورحمة الله وبركاته ..
موضوع في الصميم والله ..
فعلا وضعنا كتير صعب عانينا منه بالفصل الأول وهلأ كمان لح تتكرر هالمشكلة ...
يعني خصوصي إنو قربت تنزل وظيفة الخوارزميات ...
والله مو شي حلو إنو عم نتقلع من القاعات ..
يمكن حدا يجي يقول : اشتغلوا ببيوت بعضكم ..
طيب إذا كنا كلنا بيوتنا بعيدة .. شو منعمل .. ؟
منروح عالكلية بعدين مدري لوين بعدين منرجع آخر الليل مثلا !!!!
مو حل هاد ..
الحل إنو كليتنا المحترمة تحتضننا وقت أطول ..
يعني لازم 8 .. وإذا صعبة 8 رغم إنو باقي الكليات بتفتح لهيك وقت .. 7 منيح .. بس ارحمونا من التجول بين الكليات والبحث عن مكان راقي للعمل والبحث أيضا عن مأخذ كهربا لوضع فيش اللاب توب ...
ويا ريت كمان لما يجوا يقلعونا .. يحترمونا شوي .. مو ناكل بهدلة إذا قلنالهم استنوا شوي لنكمل هالفكرة بس ..
شكرا نور على فتح هالموضوع ..
نرجو أخذ هذه المشكلة بعين الاعتبار ...
اللهم آتنا في الدنيا حسنة وفي الآخرة حسنة وقنا عذاب النار
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-04-13
مشاركات: 736
الجامعة: دمشق
الكلية: الهندسة المعلوماتية
|
اسمعت لو ناديت حيا ولكن لا حياة لمن تنادي
|
| |
دخول أو تسجيل لإرسال التعليقات |
تاريخ التسجيل: 2006-09-01
مشاركات: 363
الجامعة: دمشق
الكلية: الهندسة المعلوماتية
المرحلة: السنة الثانية
|
إيه والله شبعنا بهدلة ..........
بركي انشاالله بروحو مجموعة من الطلاب لعند العميد وبيطلبوا تمديد وقت فتح القاعات !!!!!!!!!!!!
لو كان للعِلمِ من غَيرِِ التّقى شرفٌ لكان أشرف خلق الله إبليسُ
|
| |
دخول أو تسجيل لإرسال التعليقات |
تاريخ التسجيل: 2007-12-11
مشاركات: 85
الجامعة: دمشق
الكلية: الهندسة المعلوماتية
المرحلة: السنة الثانية
|
كتب Rasha.88:
إيه والله شبعنا بهدلة ..........
بركي انشاالله بروحو مجموعة من الطلاب لعند العميد وبيطلبوا تمديد وقت فتح القاعات !!!!!!!!!!!!
لأنو أهم من القاعات أحيانا بتكون ..
لأنو ما في حدا بقلك انو هلأ في محاضرة هون..
|
| |
دخول أو تسجيل لإرسال التعليقات |
تاريخ التسجيل: 2007-01-23
مشاركات: 85
الجامعة: دمشق
الكلية: الهندسة المعلوماتية
المرحلة: السنة الثانية
الاختصاص: غير ذلك
|
اسموانفتح متل هيك موضوع انا بدي احكي عن منظر كتير منشوفو و مالو حضاري بالمره منظر الطلاب وهنن حاملين كراسي من قاعه لقاعه او من مدرج لمدرج(كأنو قاعدين بشي مطعم او بالسوء)...
يعني ياريت يزودو عدد الكراسي بالقاعات...
وشكرا ...
كلنا كالقمر له جانب مظلم...
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1283
الجامعة: دمشق
الكلية: الهندسة المعلوماتية
المرحلة: السنة الثالثة
|
طيب خلينا نشتغل عنجد، فينا نحط كل هالمشاكل هي اللي ليست صعبة التحقيق ولا مستحيلة المنال، يا منطلع منقدمها للعميد، يا بدنا نقدمها للهيئة الإدارية وهي بتلاقي حل أو منرفع هالشي للعميد عن طريقها، بس لازم نشتغل بسرعة لأنو متل ما قالت هبة كم يوم وبتكون وظيفة الخوارزميات نزلت.
|
| |
دخول أو تسجيل لإرسال التعليقات |
تاريخ التسجيل: 2007-02-13
مشاركات: 263
الجامعة: دمشق
الكلية: الهندسة المعلوماتية
المرحلة: السنة الثالثة
|
أه صح نور أنا معك بكل كلمة قلتيها .....
يعني عنجد طلاب كلــــــــــــــية الهندسة المــــــعلوماتية ما عندن أرنة يدرسوا فيها  ......
يعني يل صار من فترة قريبة ما بينتسى بنوب  !!!!
Never Break three things In You're Life: Trust, PROMISE& HEART Because When They Break They Don't make noise but pain a lot.
|
| |
دخول أو تسجيل لإرسال التعليقات |
|
مشرف
تاريخ التسجيل: 2006-10-12
مشاركات: 1548
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: هندسة برمجيات
|
اذا بدك رأيي بعتقد أنو 3 ساعات كافية لأي اجتماع ..
الكل حيكون معارض بس اسمعو شوي وجهة نظري
أي مشروع عم يشتغل فيه أي شخص لازم يتقسم ل Tasks هاد بعد ما يفهم كل الأشخاص المشاركين المشروع بشكل تام صح؟
كل شخص عندو Task بيشتغلها لحالو وبيجي تاني يوم بيورجي رفقاتو شو اشتغل وبعدين بيكمل شغل على هالأساس ..
أما شغلة أنو كل العالم تقعد سوا وتشتغل .. فالشغل حيكون بطيئ كتير كتير وبدو وقت بلاوي سوا .
وأي اجتماع بين شركاء المشروع الواحد ما بدو أكتر من 3 ساعات كحد أقصى
إلا اذا ما حدا بيعرف يشتغل لحالو
أو ما بيقدر يشتغل لحالو
بس بتجي كمان للصراحة لازم تضل الكلية فاتحة لل 8 وهالشي يمكن حيصير باعتبار نحنا عنا محاضرة من ال 6 لل 8
Windows Sucks, Ubuntu Rocks
|
| |
دخول أو تسجيل لإرسال التعليقات |
|
مشرف
تاريخ التسجيل: 2006-02-19
مشاركات: 2471
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب NightWolf: اذا بدك رأيي بعتقد أنو 3 ساعات كافية لأي اجتماع ..
الكل حيكون معارض بس اسمعو شوي وجهة نظري
أي مشروع عم يشتغل فيه أي شخص لازم يتقسم ل Tasks هاد بعد ما يفهم كل الأشخاص المشاركين المشروع بشكل تام صح؟
كل شخص عندو Task بيشتغلها لحالو وبيجي تاني يوم بيورجي رفقاتو شو اشتغل وبعدين بيكمل شغل على هالأساس ..
أما شغلة أنو كل العالم تقعد سوا وتشتغل .. فالشغل حيكون بطيئ كتير كتير وبدو وقت بلاوي سوا .
وأي اجتماع بين شركاء المشروع الواحد ما بدو أكتر من 3 ساعات كحد أقصى
إلا اذا ما حدا بيعرف يشتغل لحالو
أو ما بيقدر يشتغل لحالو
بس بتجي كمان للصراحة لازم تضل الكلية فاتحة لل 8 وهالشي يمكن حيصير باعتبار نحنا عنا محاضرة من ال 6 لل 8
{كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ}
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-06-07
مشاركات: 974
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: ذكاء صنعي
|
أول شي المشكلة هي مشلكتين : الأولى عدم وجود المكان بسبب انو بناء كليتنا فايت بالحيط والمشكلة التانية هي انو في كتير من الأحيان كمان بسكرو قبل الـ 6 .... (يا أخي العميد قللنا للـ 6) برد عليك بكل احتقار (وانا شو دخلني روح اشتكي للعميد، أنا ما عاد عندي محاضرات هلأ) وكأنو المبنى ملك الو ولما تخلص المحاضرات بيقدر يسكر بأي وقت لأنو مرة سمعت أحدهم (اللي بيسكرو) عم يقول انو بدي سكر عالـ 4 لأنو 5 لازم كون بالبيت ... قال شو عندو عزيمة غدا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! بكل الأحوال هالشي ما منقدر نحلو نحنا لأنو حكينا للعميد كتيييييييييييييييييييييييييير ... صرلنا سنتين عم نحكي مع العميد بنفس الموضوع ونفس القصة .. ما تغير شي أما بالنسبة لاجتماعات المشروع ... صح المشروع لازم يتقسم لمهمات، بس في مشكلة صغيرة رح احكي عن تجربتي الخاصة مع شركائي الـ 2 هالفصل بمشاريع المواد والعملي يعني نحنا الحمد لله مقسمين الشغل منيح وكل واحد عم يشتغل لحالو وبالتالي ما منحتاج كتير وقت طويل بس أحيانا بكون في نقاشات طوييييييييييييلة كتير حول كتير امور متل بنية مشروع برمجي معين (هي ممكن تاخد شي 3 أو 4 أيام نقاش بس) شو منعمل وقتها .. !!! أو النقاشات بأمور متل مشروع السنة ... يعني هي منقعد شي أسبوعين أو 3 عم تنتاقش بطريقة الحل وبنية المشروع وبعدين منقسم الشغل ... كمان شو نعمل هون!!!!!!!!!!!! بكل الأحوال الله يسرها معنا ونتخرج تعودنا عالمشاكل بهالكلية .. بس بتبقى حلوة 
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1283
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب NightWolf:
بس بتجي كمان للصراحة لازم تضل الكلية فاتحة لل 8 وهالشي يمكن حيصير باعتبار نحنا عنا محاضرة من ال 6 لل 8
كتب The Tornado:
بس أحيانا بكون في نقاشات طوييييييييييييلة كتير حول كتير امور
وعلى فكرة هي ال3 ساعات أو 4 ساعات محسوبين على أساس أنو بيخلص الدوام على الساعة 2:00 يعني وسطياً، ومن ناحية تانية أنو الطالب هو والمجموعة تبعو طلعو بعد المحاضرة دغري ركيد على القاعات، يعني ما تنفسو بعد المحاضرة "وضع مثالي".. أما بالأوضاع العادية بدكن تقيمو 2\1 ساعة تقريباً.
بعدين وين الغلط أنو تسكر الكلية بعد ساعة، وإذا سكرت على ال7:00 شو بيصير؟؟!!
|
| |
دخول أو تسجيل لإرسال التعليقات |
|
مشرف
تاريخ التسجيل: 2006-02-19
مشاركات: 2471
الجامعة: دمشق
الكلية: الهندسة المعلوماتية
المرحلة: السنة الثالثة
|
ما في غلط, بس دبريلي موظف يرضى يقعد للساعة 7 بالكلية!
{كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ}
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1283
الجامعة: دمشق
الكلية: الهندسة المعلوماتية
المرحلة: السنة الثالثة
|
متل ما بيغير كليات في موظف بيعد للـ 7 فيهن هون كمان يعدوا للـ7، بس المصيبة أنو صايرة الشغلة على كيف الموظف مشان هيك عم قول نوصل هالقصة للدكتور العميد..
وأحياناً منعمل عاقلين، ومنروح لعند شي واحد ومنسأل أيمتى بدك تسكر، وقتها إذا كان بدو يسكر على ال6:00 بيعملها على 5:30!
بعدين قلت لحالي منجرب حظنا هالمرة.. بركي بتظبط وبيأخرو تسكير الكلية.
|
| |
دخول أو تسجيل لإرسال التعليقات |
تاريخ التسجيل: 2006-07-13
مشاركات: 471
الجامعة: دمشق
الكلية: الهندسة المعلوماتية
المرحلة: السنة الثالثة
|
قريت كل التعليقات ..
وما عندي شي جديد ضيفو ..
بس بضم صوتي لصوتك Ray بقوة ..
When There Is a Will .... There Is a Way
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-03-24
مشاركات: 2270
الجامعة: دمشق
الكلية: الهندسة المعلوماتية
المرحلة: السنة الثانية
|
بس إذا بدكم العدل
حرام تضل الكلية فاتحة لبعد الساعة ستة
أنا دائما بضل بالكلية لأوقات متأخرة (بتألع تأليع من الكلية )
أي وقتها ما بلاقي حدا بالقاعات
دوبون بكل قاعة في تلاتة
يا بتلاقي واحد متسطح !!!!!!
وهادا الشي عم يدايق الموظفين أنو يضللو فاتحين من شان كم طالب
(طبعا بعد التأليعة بروح عالجنينة بكمل شغل )
|
| |
دخول أو تسجيل لإرسال التعليقات |
تاريخ التسجيل: 2008-01-02
مشاركات: 605
الجامعة: دمشق
الكلية: الهندسة المعلوماتية
المرحلة: السنة الثالثة
|
موضوع محير
من جهة لازمنا المزيد من الوقت في الكلية
ومن جهة أخرى مالازم نكون أنانيين مابنفكر غير بحالنا..........كمان في ناس بدهن يرجعوا على بيوتهم يرتاحوا
وفي شيء مهم..................
أنا بأكد على ماذكره بعض الأخوة والأخوات أن الموظفين فيهم شيء من قلة الاحترام لنا(أنا أسف) بس مالقيت كلمة تانية أوصف فيها تصرفاتهم معنا, يعني أكيد في طريقة مؤدبة لحتى يطلبوا من الطلاب اخلاء القاعة......غير الطرق الصبيانية(طفي الضو و خلص سكرنا كأنو محل خضرة) الله يهديهم
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1283
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب en.karam1989:
وهادا الشي عم يدايق الموظفين أنو يضللو فاتحين من شان كم طالب
بس الشغلة كمان اللي دفعتني لهيك موضوع أنو الدنيا جاية على صيف، والساعة 6:00 بالصيف لسا ما بتكون الشمس غربت، لأنو الساعة بتتغير على نيسان.
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-03-24
مشاركات: 2270
الجامعة: دمشق
الكلية: الهندسة المعلوماتية
المرحلة: السنة الثانية
|
اليوم أنا طلعت من الكلية الساعة 5 ونص
ما كان في ولا طالب بالقاعات
أبدا ولا طالب
بس أنا معك أنو وقت وظيفة الخوارزميات كنا مضطرين للقاعات وكان بدنا وقت كتير
فالشغلة بتتعلق بموسم الشغل
وهلأ جاييتنا وظيفة الخوارزميات 2 عالطريق
|
| |
دخول أو تسجيل لإرسال التعليقات |
|
أرسل من قبل 
