CSC-SY

مرحبا ..

لقيت إنو ما حدا فتح موضوع عن الخوارزميات 2 .. فحبيت إفتح هالموضوع ..

يا ريت إذا حدا في يفيدنا بمراجع عن المادة يحطا هون .. وأي أفكار حلوة عن المادة كمان ..

وبتمنى من طلاب السنوات ( ما فوق الثانية ) يحكولنا عن الوظيفة ( فكرة عامة مبدئياً ) .. ونتناقش فيها هون بس تنزل ..

أنا رح نزل اليوم ملف جديد بالمكتبة فيه شرح عن جداول التقطيع.

ملاحظة:
الأسبوع الماضية أساتذة العملي عملو quiz
وأنا كنت عم بحضر عند الأستاذ مصطفى وقال أنو على الاغلب في quiz بكرا عن جداول التقطيع..
وبما أنو رح يعمل quiz فبظن انو الانسة سوسن كمان رح تعمل quiz مشان تدرسو وما تتفاجؤوا بكرا..

طيب شو رأيكم أنو تحطولنا السؤال اللي أجاكم بالquiz المرة الماضية عند الأستاذ مصطفى، ونحنا منحط اللي أجانا عند الأنسة سوسن، يعني نتبادل الquizes كل مرة؟
نحنا المرة الماضية السؤال كان عن الأشجار:
اكتب إجرائية (أو تابع) لمعرفة إذا كانت الشجرة خطية.

نحنا كان سؤالنا:
اكتب إجرائية للتحويل من شجرة X (والله نسيت شو أسمها)بس هي يللي فيها اخوة brothers للشجرة الثنائية binary tree
الشجرة X هي شجرة لكل عنصر فيها ابن وحيد وعدد من الأخوة ..

يا عيني عليك هي هي معممة ما كنت أتذكرها.

نحنا كان سؤالنا, اكتب إجرائية تحدد ما إذا كانت الشجرة T الممرة خطية أم لا.

My mobile was stolen, if you gave me your number after 1/4/2008 send it to me again

يا جماعة الملفات داخلة ولا لا؟

السلام عليكم ... بس حدا يحلنا سؤال يلي بنوطة خوارزميات 1 تبع أسئلة الدورات البيانات المنشطرة ... يكتبنا اجرائية تفحص بيان غير موجه اذا بيان منشطر أم لا ، وهي فيها أكتر من طلب ياريت حلوها وياريت كمان تكتبونا اجرائية تختبر اذا كان البيان عبارة عن شجرة ثنائية أم لا ....يارت يلي حضروا عند استاذ مصطفى تكتبونا اجرائية الاستعارة في الباير ، واجرائية الدمج ..ولا تواخذونا بس هي شغلات مهمة ، وبالنسبة للملفات قالت الطلاب يلي عند استاذ مصطفى أنو قال مو داخل ....والسلام عليكم

السلام عليكم
ياريت يلي بيعرف شي معلومات عن اشجار و غابات فيبوناتشي يحكيلنا عليهن

مشكورين سلفاً

طيب بس سؤال
هلق المحاضرات خلصو ولا لسا في؟
لأنو سمعت أنو المهندسة سوسن لسا بدها تعطي محاضرة

أنا سمعت أنو داخل بيان و bayer وبس مظبوط هالحكي ولا لأ

عاجل.....................................
يؤجل امتحان عملي الخوارزميات حتى إشعار آخر...
السبب وجود مسيرة غداً من 9 للـ12
وسأوافيكم بالأخبار فور صدورها من قلب الحدث..(رح حط الإعلان فور صدوره)

برجع بقللك روني انو هي الاخبار من طلاب المهندس مصطفى ....والمهندس قلون أكدو عليهون......

لك يقبشني ربك ...

وحيات شواربك ألك أحلى عزيمة

بس لسا ما عرفنا لامتى يعني بيجوز يأجلوه لبعد الساعة 12

http://www.csc-sy.net/node/7597

بس تصير مشرف بيصير فيك توصللها..

http://www.csc-sy.net/node/7598

الله يصلحك ويهديك يا هاني عجبك هيك من أول ما سمعنا الخبر بطلنا ندرس.

شوفوا هالرابط بركي بتستأنسوا

http://www.csc-sy.net/node/1446

ولا تنسوا تشوفوا هالدورة( يعني لعل ولعسى!)

http://www.csc-sy.net/node/2655

في شغلة بالأشجار اليوم لقيتها:

 The depth of any node is the length of the unique path from the root to this node

يعني عمق العقدة هو بعدها عن جذر الشجرة.

 the length of a node is the longest path from the node to a leaf, all leaves are at heigth 0

 يعني ارتفاع عقدة هو البعد بين العقدة وأبعد ورقة بالشجرة.

 The heigth of a tree is equal to the heigth of the root, and the depth of the tree is equal to the depth of the deepest leaf, and this is always equal to the heigth of the tree

 طيب هون عم يميزوا كتير بين ارتفاع العقدة وعمقها، نحنا كأنو ما ميزنا كل هالقد!! يعني نحنا كنا عم نعتبر أن ارتفاع العقدة هو نفسها بعدها عن الجذر "وليس بعدها عن الأوراق" وهنن معتبرين "بالمرجع" أنو ارتفاع الأوراق بالشجرة هو 0، بينما نحنا اعتبرنا أنو ارتفاع الجذر هو الصفر!!!