المراقبون والطلاب....والعداء الأبـــدي
|
عضو فعال
تاريخ التسجيل: 2007-01-30
مشاركات: 1266
الجامعة: دمشق
الكلية: الهندسة المعلوماتية
المرحلة: السنة الثانية
|
السلام عليكم ورحمة الله وبركاته...
المكتوب مبين من عنوانه، لهلأ ما كنت أعرف سر هالعلاقة العدائية بينا (الطلاب) وبين المراقبين بوقت الفحوص والمذاكرات... اليوم بوقت المذاكرة تبعنا صار كم شغلة جسدت المشاعر السامية بيننا وبينهم:
أول ما أجيت على الهنغار فتت أعدت بالمقعد، وبلشت المراقبة عياط وخناق، وعلى إذا بتحكي كلمة منحطلك صفر وإذا بتتحرك حركة ما منعمل شي غير أنو بتطلع لبرا دغري directly بدون سابق إنذار، وإذا بتتنفس ما بعرف شو بساوي فيك.... حسيت حالي متل ولاد الابتدائي! مع العلم أن كل واحد فينا دخل على الكلية بعد ما نال شهادة السرتفيكة (السادس) ومن بعدها البروفيه (التاسع) ومن ثم البكالوريا... يعني أعمارنا تتجاوز الـ 5 سنوات وضوحاً...
وبعدين تابعت قائلة: اطفوا موبايلاتكم، واللي بلاقي موابيلو معو شاعل ... الله يرحمو..
طبعاً بحب ذكر أنك فايت على المادة بمزاج رايـــــــــــق، وأعصابك هاديـــــــــــة، ومرتـــــــــــاح نفسياً وكل شي من أحسنو، بعد ما يوزعو الوراق ويبلش الفحص، وبينما أنت قاعد عم تحل بأمان الله، ما بتلاقي إلا وصوت! ياساتر شو صار...
ولا شي عادي... بس موبايل أحد المراقبين رن!!!!! على راسي...
لحظات قليلة..... وأنت عم تحاول تركز وتجمع أفكارك بشتى الأساليب، وإذ بجوال المراقب التاني عم يرن.... مافي شي miscall هي...
واللي بيحرق القلب أنو إذا هنن بيعرفو أنو جوالاتهن لا بتكن ولا بتفتر، ليش ما بيعملوها silent !!!؟؟؟ ليش بس الطالب بدو يطفي جواله، طيب والمراقبين؟؟؟
أنا ماعم أحكي هالحكي لأني ضد أننا نطفي الموبايلات بوقت الفحص، بالعكس، بس كمان أنا من حقي أني قدم الفحص بهدوء، وما يكون شي 20 جوال كل واحد عم يرن شكل!
أرجو (كالعادة) أن يؤخذ الموضوع بجدية..
|
| |
دخول أو تسجيل لإرسال التعليقات | قراءة: 916 |
تاريخ التسجيل: 2008-01-04
مشاركات: 143
الجامعة: دمشق
الكلية: الهندسة المعلوماتية
المرحلة: السنة الأولى
|
no comment 
Take this sense of wonder Make it go away
Please tell me I am not alone and lost here
That there is something that's made me feel this way
Take this sense of sadness Make it go away
Please
|
| |
دخول أو تسجيل لإرسال التعليقات |
تاريخ التسجيل: 2007-05-24
مشاركات: 299
الجامعة: دمشق
الكلية: الهندسة المعلوماتية
المرحلة: السنة الثانية
|
أحلى شي المراقب يلي كان علينا قال بس خلص الوقت , يلي لسا معو القلم مالح أخد الورقة منو
و لما بلش يستلم الأخ , وقفت أنا و بلشت ضبضب الغراض , و صدفت أنو لما وصل ليستلم ورقتي كنت ماسك القلم بدي ضبو بجيبتي , قام قال أنو مالح يستلم الورقة مني لأني لسعتني ماسك القلم وحرد و لو ما لحقناه و عطيتو الورقة كانت ضلت معي ,  , شو رأيك بئى ....
عندما تولد يا ابن ادم يؤذن في أذنك من غير صلاة و عندما تموت يصلى عليك من غير أذان و كأن حياتك في الدنيا ليست سوى الوقت الذي تقضيه بين الأذان و الصلاة فلا تقضيها بما لا ينفع !!
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-06-07
مشاركات: 839
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: ذكاء صنعي
|
الله يعينكون ... الحمد لله خلصنا من المذاكرات وفحوصة العملي 
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1266
الجامعة: دمشق
الكلية: الهندسة المعلوماتية
المرحلة: السنة الثانية
|
كتب Karam-H:
شو رأيك بئى ....
 ... بس الظاهر كنت قاعد بالأخير وراحت عليك (خسارة) المؤثرات الصوتية اللي كانت عنا قدام!
|
| |
دخول أو تسجيل لإرسال التعليقات |
تاريخ التسجيل: 2007-09-07
مشاركات: 375
الجامعة: دمشق
الكلية: الهندسة المعلوماتية
المرحلة: السنة الثالثة
|
إي كل شي حكيتو صح ..
والأحلى إنو االمراقب اللي كان علينا يا ريت بس موبايله عم يرن ..
لما كان عم ياخد اسمي ورقمي ..
رن موبايله ..
رفع ورد ..
وبلش يحكي سيرة
وأنا عم تابع السيرة لأنو واقف فوق راسي ومافيني إتجاهل الصوت .... 
بعدين سكر ..
ولما صار عند رفيقتي اللي بعد مقعدي مباشرة .
رن موبايله مرة تانية ..
وفتح سيرة جديدة...
بس حتى ما نظلمه ما كتير طول هالمرة ..
تذكر إنو قاعد عم يراقب ...
أو مدري من الزور اللي اشتغل حواليه 
يعني خلقة المدة كلها ساعة .. ومو ناقصنا ضياعة وقت بقصصه وسيره
وللعلم : هاد نفسه الهنغار اللي كانت فيه المؤثرات الصوتية .. والبهادل
اللهم آتنا في الدنيا حسنة وفي الآخرة حسنة وقنا عذاب النار
|
| |
دخول أو تسجيل لإرسال التعليقات |
|
مشرف
تاريخ التسجيل: 2004-03-05
مشاركات: 1302
الجامعة: دمشق
الكلية: الهندسة المعلوماتية
المرحلة: السنة الثالثة
|
بس مشان نكون واضحين وما يجو العالم ويقولو أنو نحنا مو شاطرين غير بالنق..
بدنا من الهيئة الإدارية باجتماع الهيئة التدريسية الجاية أنو يحكو معاناتنا ويقلولن أنو يحكو مع هالمراقبين الظراف ...
القلوب أربعة: فقلب أجرد فيه سراج يزهر،فذلك قلب المؤمن،وقلب أغلف فذلك قلب الكافر،وقلب منكوس فذلك قلب المنافق،وقلب تمده مادتان : مادة إيمان ،ومادة نفاق وهو لما غلب عليه منهما.
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-04-13
مشاركات: 679
الجامعة: دمشق
الكلية: الهندسة المعلوماتية
المرحلة: السنة الثانية
|
كل هالشي صار بالقاعة يلي كنت قاعد فيها !!
ما سمعت شي ..... ايمتى صار كل هالشي
بس الشغلة يلي لاحظتها انو المرة الوحيدة يلي بكون بفحص وما بيكون معي ساعة ومافي ولا مراقب بيبيض كل شوي وبيحكي اديش ضل من الوقت
يعني ما سمعت غير ضل 5 دقايق
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1266
الجامعة: دمشق
الكلية: الهندسة المعلوماتية
المرحلة: السنة الثانية
|
كتب hiba.th:
رن موبايله ..
رفع ورد ..
وبلش يحكي سيرة
كتب Mhd Shaker:
ما سمعت شي ..... ايمتى صار كل هالشي
كتب hanihh:
بدنا من الهيئة الإدارية باجتماع الهيئة التدريسية الجاية أنو يحكو معاناتنا ويقلولن أنو يحكو مع هالمراقبين الظراف
1.كل واحد يتكرم علينا ويطفي موبايلو داخل قاعة الامتحان.
2.أنو نحنا مالنا صف حضانة لحتى يحاكونا بهالطريقة هي.
|
| |
دخول أو تسجيل لإرسال التعليقات |
تاريخ التسجيل: 2006-05-22
مشاركات: 605
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
والله أحيانا المراقبون مابيرحموا
بفحص التحليل العددي كنت جايبة الأطلس تبعي يلي هو مترجم ومعو حاسبة علمية لأنو هي المادة بدا حسابات كتير وانا عم أحسب سحب راح المراقب الله يوجهلو الخير !سحبو من بين إيديه
|
| |
دخول أو تسجيل لإرسال التعليقات |
تاريخ التسجيل: 2007-01-24
مشاركات: 90
الجامعة: دمشق
الكلية: الهندسة المعلوماتية
المرحلة: السنة الثانية
|
كتب Mhd Shaker:
كل هالشي صار بالقاعة يلي كنت قاعد فيها !!
ما سمعت شي ..... ايمتى صار كل هالشي
بس الشغلة يلي لاحظتها انو المرة الوحيدة يلي بكون بفحص وما بيكون معي ساعة ومافي ولا مراقب بيبيض كل شوي وبيحكي اديش ضل من الوقت
يعني ما سمعت غير ضل 5 دقايق |
| |
دخول أو تسجيل لإرسال التعليقات |
تاريخ التسجيل: 2006-07-13
مشاركات: 397
الجامعة: دمشق
الكلية: الهندسة المعلوماتية
المرحلة: السنة الثانية
|
بس صوت الآنسة كان كتير حلو .. لا تقولوا !!
لقد أسمعت لو ناديت حياً ....... ولكن لا حياة لمن تنادي ولو ناراً نفخت بها أضـــاءت ....... ولكن أنت تنفخ في رماد
|
| |
دخول أو تسجيل لإرسال التعليقات |
تاريخ التسجيل: 2008-01-03
مشاركات: 56
الجامعة: دمشق
الكلية: الهندسة المعلوماتية
المرحلة: السنة الثالثة
|
كتب آلاء أنور:
بس صوت الآنسة كان كتير حلو .. لا تقولوا !! << و ذا النون اذ ذهب مغاضباً فظن أن لن نقدر عليه فنادى في الظلمات أن لا إله إلا أنت سبحانك إني كنت من الظالمين فاستجبنا له و نجيناه من الغم و كذلك ننجي المؤمنين
|
| |
دخول أو تسجيل لإرسال التعليقات |
تاريخ التسجيل: 2008-01-02
مشاركات: 515
الجامعة: دمشق
الكلية: الهندسة المعلوماتية
المرحلة: السنة الثالثة
|
قال تعالى :
( الله نور السموات والأرض مثل نوره كمشكاة فيها مصباح المصباح في زجاجة الزجاجة كأنها كوكب دري يوقد من شجرة مباركة زيتونة لا شرقية ولا غربية يكاد زيتها يضئ ولو لم تمسسه نار نور على نور يهدي الله لنوره من يشاء)
|
| |
دخول أو تسجيل لإرسال التعليقات |
تاريخ التسجيل: 2008-05-16
مشاركات: 2
الجامعة: غير ذلك
الكلية: هندسة النظم المعلوماتية
المرحلة: متخرج
الاختصاص: هندسة شبكات
|
لازم تكونوا عارفين انه هاد التحدي بزاتو ..
يعني تناضلوا عشان تجيبوا أحسن علامات تحت الضغط النفسي ..
لا يستطيع المرء أن يكون متأكدا من أنه هنالك شيء يعيش من أجله, إلا إذا كان مستعدا للموت في سبيله.
"تشي جيفارا"
|
| |
دخول أو تسجيل لإرسال التعليقات |
تاريخ التسجيل: 2008-01-21
مشاركات: 351
الجامعة: دمشق
الكلية: الهندسة المعلوماتية
المرحلة: السنة الثانية
الاختصاص: هندسة برمجيات
|
عادةً التحدي بيكون وظيفة طويلة أو أسئلة إستنتاجية بالفحص
بس مو مراقبين ظراف
قال سقراط لأحد تلاميذه: تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض .. وإذا كانت شريرة.. صرت فيلسوفا
|
| |
دخول أو تسجيل لإرسال التعليقات |
تاريخ التسجيل: 2006-09-28
مشاركات: 287
الجامعة: دمشق
الكلية: الهندسة المعلوماتية
المرحلة: السنة الثانية
|
الحق عليكون انتو عاطينون وش..
..dont limp at the disabled boulevard
|
| |
دخول أو تسجيل لإرسال التعليقات |
تاريخ التسجيل: 2008-01-17
مشاركات: 153
الجامعة: دمشق
الكلية: الهندسة المعلوماتية
المرحلة: السنة الثانية
|
له معك حق
لا دار للمرء بعد الموت يسكنها إلا التي كان قبل الموت بانيها
|
| |
دخول أو تسجيل لإرسال التعليقات |
تاريخ التسجيل: 2006-12-28
مشاركات: 240
الجامعة: دمشق
الكلية: الهندسة المعلوماتية
المرحلة: السنة الثانية
|
أكتر شي بحبو إيقاع كعب المراقبة
طئ طئ طق طططئ
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1266
الجامعة: دمشق
الكلية: الهندسة المعلوماتية
المرحلة: السنة الثانية
|
كتب jasmine: أكتر شي بحبو إيقاع كعب المراقبة
طئ طئ طق طططئ
هاد بدو موضوع منتدى لحالو
|
| |
دخول أو تسجيل لإرسال التعليقات |
|
مشرف
تاريخ التسجيل: 2004-03-05
مشاركات: 1302
الجامعة: دمشق
الكلية: الهندسة المعلوماتية
المرحلة: السنة الثالثة
|
والله الوضع اليوم ما كان يطاق وأكلت هزة بدن عالريء بدون أي داعي ولا أي مقدمة..
أحد المراقبين..
كان عم يعاملنا متل الحشرات (بالإذن منكم بهالكلمة)بس لما كنا عم نجهز حالنا للمذاكرة بيجي عند رفيقي يللي ورايي وبيقلو بلهجة لطيفة (متل لهجة يللي بالجيش)
- شو ليش حاطط شنتايتك هون لحشها عالأرض أحسن ما ألحشلك ياها أنا.
- عم طلع البطاقة الجامعية
- يللا بسرعة لشوف..(وكأنو عم يستنى لحتى يلحشها)
- ولا منك لئلو فوتو لجوا.
وبيرجع عند رفيقي..
- شو ما خلصت اختراعاتك.
- ووقتها بتجي داليا وبتقلنا روحو عالمدرج التاني والحمد لله يللي خلصنا منو..
إلى متى رح يضل الوضع هيك؟؟؟؟
القلوب أربعة: فقلب أجرد فيه سراج يزهر،فذلك قلب المؤمن،وقلب أغلف فذلك قلب الكافر،وقلب منكوس فذلك قلب المنافق،وقلب تمده مادتان : مادة إيمان ،ومادة نفاق وهو لما غلب عليه منهما.
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2006-10-12
مشاركات: 1268
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: غير ذلك
|
الغريب أنو أنا ما صادفني لسه هيك نمر
وبصراحة لو هيك الوضع فلازم تصير كبيرة لأنو اذا ما كبرت ما صغرت
وعفوا اذا كنت عم شجع على التمرد بس اذا عن جد الوضع هيك فعندك حلين :
يا ضربه
يا انتحر
Yesterday is History, Tomorrow is a Mystery, Today is a Gift That's why they call it Present.
|
| |
دخول أو تسجيل لإرسال التعليقات |
|
مدير
تاريخ التسجيل: 2005-07-15
مشاركات: 2854
الجامعة: دمشق
الكلية: الهندسة المعلوماتية
المرحلة: السنة الخامسة
الاختصاص: هندسة برمجيات
|
كتب NightWolf: الغريب أنو أنا ما صادفني لسه هيك نمر
وبصراحة لو هيك الوضع فلازم تصير كبيرة لأنو اذا ما كبرت ما صغرت
وعفوا اذا كنت عم شجع على التمرد بس اذا عن جد الوضع هيك فعندك حلين :
يا ضربه
يا انتحر
يعني لما بتفهمه بشكل مذوق ولطيف انو هالشي غلط على الأغلب رح يفهم.
وإذا ما فهم وقتها في طرق تانية كتيرة (محترمة) لحتى توصل لحقك.
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2006-10-12
مشاركات: 1268
الجامعة: دمشق
الكلية: الهندسة المعلوماتية
المرحلة: السنة الرابعة
الاختصاص: غير ذلك
|
كتب foaad: كتب NightWolf: الغريب أنو أنا ما صادفني لسه هيك نمر
وبصراحة لو هيك الوضع فلازم تصير كبيرة لأنو اذا ما كبرت ما صغرت
وعفوا اذا كنت عم شجع على التمرد بس اذا عن جد الوضع هيك فعندك حلين :
يا ضربه
يا انتحر
بالعكس الشغلة بالذوق.
يعني لما بتفهمه بشكل مذوق ولطيف انو هالشي غلط على الأغلب رح يفهم.
وإذا ما فهم وقتها في طرق تانية كتيرة (محترمة) لحتى توصل لحقك.
( محترمة ) قلتلي
Yesterday is History, Tomorrow is a Mystery, Today is a Gift That's why they call it Present.
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-01-30
مشاركات: 1266
الجامعة: دمشق
الكلية: الهندسة المعلوماتية
المرحلة: السنة الثانية
|
مع أنو الموضوع قديم...بس شكلو ما بيخلص!
لهلأ ماعم لاقي مبرر للمعاملة اللي بيتعاملو فيها معنا!
اليوم بالبنيان، غلطت "الله يهديني على هالشغلة" وقلت أنو يندهو للدكتور!!!!
يالطــــــــــــــيف...
قال المراقب: الدكتور مارح يجي.
قلت أنا: طيب بس ياريت لو حدا بيندهلو، بدنا نسألو سؤال !
قال المراقب: الدكتور مارح يجي، وما في سؤال، إذا في شي غلط نحنا منصلحو!
طيب شو المشكلة يعني إذا حدا تبرع من المراقبين، وعذب حالو، وصرف طاقة وحريرات لينده لدكتور المادة!
شو العبرة منها لهلأ ما بعرف!
والله ما بيخسروا شي إذا عاملونا بلطافة، بيكسبو فينا حسنة!
|
| |
دخول أو تسجيل لإرسال التعليقات |
تاريخ التسجيل: 2007-02-14
مشاركات: 246
الجامعة: دمشق
الكلية: الهندسة المعلوماتية
المرحلة: السنة الثانية
|
عم تقولي انو ما ندهلك للدكتور ....لكن انا شو بدي احكي لما انسحبت بطاقتي( انا عطيتو اياها بعد ما طلبها) ......وبعد منازلات ومناوشات ومناورات عديدة مشان 6 أو 7 ثواني.......بس شو بدنا نحكي خمس سنين ورح نتحملون(اذا ما رسبنا شي سنة).......
together we stand divided we fall
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-03-24
مشاركات: 2018
الجامعة: دمشق
الكلية: الهندسة المعلوماتية
المرحلة: السنة الثانية
|
المراقبة صارت مسخرة بفحص البنيان
وأحلى الشي لما صار يجعر هداك أبو صلعة
والأحلى منو تبع الصيانة
|
| |
دخول أو تسجيل لإرسال التعليقات |
|
مشرف
تاريخ التسجيل: 2004-03-05
مشاركات: 1302
الجامعة: دمشق
الكلية: الهندسة المعلوماتية
المرحلة: السنة الثالثة
|
اليوم حسيت حالي بالجيش لما كانو عم يسحبو الوراق وبيقلنا ..
كل واحد بأرنتو ولا منك لئلو...
ما حدا يقوم..
وحسيت شي ضابط بالجيش عم يحكي..
ومو ناقص غير يقلنا: منبطحاً..
القلوب أربعة: فقلب أجرد فيه سراج يزهر،فذلك قلب المؤمن،وقلب أغلف فذلك قلب الكافر،وقلب منكوس فذلك قلب المنافق،وقلب تمده مادتان : مادة إيمان ،ومادة نفاق وهو لما غلب عليه منهما.
|
| |
دخول أو تسجيل لإرسال التعليقات |
تاريخ التسجيل: 2007-05-24
مشاركات: 299
الجامعة: دمشق
الكلية: الهندسة المعلوماتية
المرحلة: السنة الثانية
|
فعلا بفحص البنيان كتير زودوها المراقبين
يعني الوقت محدد و المادة مأتمتة و خلص وقتها على راسي و عيني
بس لازم يكون في لباقة بالتعامل مع الطلاب , وهالشي ما كان ألو أدنى وجود , بتمنتى من الجهات المعنية النظر في الموضوع في أقرب وقت
عندما تولد يا ابن ادم يؤذن في أذنك من غير صلاة و عندما تموت يصلى عليك من غير أذان و كأن حياتك في الدنيا ليست سوى الوقت الذي تقضيه بين الأذان و الصلاة فلا تقضيها بما لا ينفع !!
|
| |
دخول أو تسجيل لإرسال التعليقات |
تاريخ التسجيل: 2007-02-14
مشاركات: 246
الجامعة: دمشق
الكلية: الهندسة المعلوماتية
المرحلة: السنة الثانية
|
جهات معنية !!!!... 
together we stand divided we fall
|
| |
دخول أو تسجيل لإرسال التعليقات |
|
عضو فعال
تاريخ التسجيل: 2007-03-24
مشاركات: 2018
الجامعة: دمشق
الكلية: الهندسة المعلوماتية
المرحلة: السنة الثانية
|
هم أمامنا الخصم والحكم
|
| |
دخول أو تسجيل لإرسال التعليقات |
|
أرسل من قبل 
